Sunduku gbanzah pǝ sǝr Filistien
1 Filistien nyiŋra sunduku Masǝŋ, ɓaŋra daga Eben-Ezer kal ge yaŋ Asdod ne ko. 2 Filistien ɓaŋra sunduku Masǝŋ ge yaŋ masǝŋ ɓǝǝ ma ɗii ne Daagon ne ko. Ge kanra kah Daagon. 3 Tǝ'nan ah Asdodien jurra ge zah yaŋ Daagon ne zah'nan pim ge lwaara Daagon lee ge ɓo sǝŋ pel sunduku Dǝɓlii ne ɓǝr kuɓ. So ɓaŋra Daagon syii ge sǝŋ pǝ cok tãa ah mo yea gŋ. 4 So ne zah'nan tǝ'nan ah mo jurra pim gyo, ge lwaara Daagon lee ge ɓo sǝŋ pel sunduku Dǝɓlii ne ɓǝr kuɓ kpǝ. Tǝtǝl Daagon ne jol ah ra gwa daŋ ŋgom myah ɓo zahfahe, sai soɓ suu ah ɓo to. 5 Mor ah za joŋzahsyiŋ Daagon tǝkine za mai mo danra yaŋ Daagon Asdod daŋ ka dǝǝra ɓal tǝ zahpah ah yao ŋhaa tǝ'nahko.
6 Dǝɓlii ŋgoŋ kiita tǝ Asdodien pǝ'manne, pee fabaa ge bar ra, cuu bone nyi ra pǝlli ne yaŋ ma kah ah ra daŋ. 7 Ne cok za Asdod mo kwora fan ah mo joŋ naiko, so faara: Sunduku Masǝŋ Israel mo yea yaŋ man kao, mor Masǝŋ ɓǝǝ tǝ ŋgoŋ kiita tǝ man pǝ'man ne masǝŋ man Daagon daŋ. 8 Peera pee ɗii za goŋ Filistien daŋ taira ge yaŋ ɓǝǝra, so faara nyi ra: Na ga joŋ fẽe ne sunduku Masǝŋ Israel ne? So za goŋ zyiira zah ɓǝǝ faara: We ɓaŋ ge yaŋ Gat ne ko. So ɓaŋra sunduku Masǝŋ Israel kal ge Gat ne ko.
9 Amma fahfal mo ɓaŋra ge gŋ ne ko, Dǝɓlii ŋgoŋ kiita tǝ za yaŋ ahe, gaɓ malii ge lwaa ra. Pee fabaa ge bar wee nyee ne zaluu daŋ pǝlli. 10 So peera sunduku gbanzah kal ge Ekron. Ne cok sunduku gbanzah mo dan ge yaŋ Ekron, Ekronien ŋwaara gor faara: Ɓaŋra sunduku Masǝŋ Israel ge ɓo yaŋ man ne ko ka ik na tǝkine za man daŋ. 11 So peera pee tai za goŋ Filistien daŋ faara: Na pee sunduku Dǝɓlii Israel jin ge pǝ cok ahe, ka aru ne za ɓuu daŋ ru wuk ka. Mor gal wul re za yaŋ ah ɓo daŋ, Dǝɓlii ŋgoŋ kiita tǝ yaŋ ah pǝ'manne. 12 Za mai mo wukra ya daŋ, fabaa bar ra ma ne. Gor za yaŋ ah mo ŋwaara ŋhaa cii ge dai sǝŋ.
Sunduku gbanzah pǝ sǝr Filistien
1 Filistien nyiŋra sunduku Masǝŋ, ɓaŋra daga Eben-Ezer kal ge yaŋ Asdod ne ko. 2 Filistien ɓaŋra sunduku Masǝŋ ge yaŋ masǝŋ ɓǝǝ ma ɗii ne Daagon ne ko. Ge kanra kah Daagon. 3 Tǝ'nan ah Asdodien jurra ge zah yaŋ Daagon ne zah'nan pim ge lwaara Daagon lee ge ɓo sǝŋ pel sunduku Dǝɓlii ne ɓǝr kuɓ. So ɓaŋra Daagon syii ge sǝŋ pǝ cok tãa ah mo yea gŋ. 4 So ne zah'nan tǝ'nan ah mo jurra pim gyo, ge lwaara Daagon lee ge ɓo sǝŋ pel sunduku Dǝɓlii ne ɓǝr kuɓ kpǝ. Tǝtǝl Daagon ne jol ah ra gwa daŋ ŋgom myah ɓo zahfahe, sai soɓ suu ah ɓo to. 5 Mor ah za joŋzahsyiŋ Daagon tǝkine za mai mo danra yaŋ Daagon Asdod daŋ ka dǝǝra ɓal tǝ zahpah ah yao ŋhaa tǝ'nahko.
6 Dǝɓlii ŋgoŋ kiita tǝ Asdodien pǝ'manne, pee fabaa ge bar ra, cuu bone nyi ra pǝlli ne yaŋ ma kah ah ra daŋ. 7 Ne cok za Asdod mo kwora fan ah mo joŋ naiko, so faara: Sunduku Masǝŋ Israel mo yea yaŋ man kao, mor Masǝŋ ɓǝǝ tǝ ŋgoŋ kiita tǝ man pǝ'man ne masǝŋ man Daagon daŋ. 8 Peera pee ɗii za goŋ Filistien daŋ taira ge yaŋ ɓǝǝra, so faara nyi ra: Na ga joŋ fẽe ne sunduku Masǝŋ Israel ne? So za goŋ zyiira zah ɓǝǝ faara: We ɓaŋ ge yaŋ Gat ne ko. So ɓaŋra sunduku Masǝŋ Israel kal ge Gat ne ko.
9 Amma fahfal mo ɓaŋra ge gŋ ne ko, Dǝɓlii ŋgoŋ kiita tǝ za yaŋ ahe, gaɓ malii ge lwaa ra. Pee fabaa ge bar wee nyee ne zaluu daŋ pǝlli. 10 So peera sunduku gbanzah kal ge Ekron. Ne cok sunduku gbanzah mo dan ge yaŋ Ekron, Ekronien ŋwaara gor faara: Ɓaŋra sunduku Masǝŋ Israel ge ɓo yaŋ man ne ko ka ik na tǝkine za man daŋ. 11 So peera pee tai za goŋ Filistien daŋ faara: Na pee sunduku Dǝɓlii Israel jin ge pǝ cok ahe, ka aru ne za ɓuu daŋ ru wuk ka. Mor gal wul re za yaŋ ah ɓo daŋ, Dǝɓlii ŋgoŋ kiita tǝ yaŋ ah pǝ'manne. 12 Za mai mo wukra ya daŋ, fabaa bar ra ma ne. Gor za yaŋ ah mo ŋwaara ŋhaa cii ge dai sǝŋ.
