David joŋ ɓǝ sãh wo Mefiboset
1 Comki David fii za faa: Dǝɓ ki no coŋ ɓo yaŋ Saul ne cee faɗa ka me joŋ ɓǝ sãh wol ah tǝ ɓǝ Yunatan ne?
2 Dǝɓ yeɓ Saul no a ɗii ne Siba. Ɗiira ko ge wo David ne ko. So goŋ fii ko: Amo ye Siba ko ne? Zyii faa: Ame ko yo goŋe. 3 So goŋ fii ko: Dǝɓ ki coŋ ɓo ka yaŋ Saul ka me joŋ ɓǝ sãh wol ah tǝgbana mǝ Masǝŋ ya ne? Siba zyii zah goŋ faa: Coŋ we Yunatan ɓo no vaŋno, lem yo. 4 Goŋ so fii ko: A kẽne? Siba zyii zah goŋ faa: A no yaŋ Makir we Ammiel ma Lodebar. 5 Goŋ David pepee ka mo ge zaŋra ko yaŋ Makir we Ammiel ma Lodebar ge ne ko.
6 Ne cok Mefiboset we Yunatan we Saul mo ge dai wo David, lee ge sǝŋ pel ah ɗǝŋ tǝtǝl ge sǝŋ. David ɗii ko: Mefiboset . Zyii faa: Ame byak ɓo nyẽeno. 7 David faa nyi ko: Mo ɗuu gal ka, mor me tǝ ga joŋ ɓǝ sãh wo ɓo tǝ ɓǝ pa ɓo Yunatan, me ga jin 'wah pa ɓo lii Saul daŋ nyi mo, so mo ga re fan ne me cok vaŋno cẽecẽe. 8 Mefiboset so ɗǝŋ ge sǝŋ faa: A fẽe ko ye me dǝɓ yeɓ ɓo ka mo so kan syee wul goo ma na mee ko ne?
9 So goŋ ɗii Siba dǝɓ yeɓ Saul faa nyi ko: Fan mai mo mǝ Saul tǝkine mǝ za yaŋ ah daŋ me nyi nyi we dǝɓlii ɓo ɓe. 10 Mo pǝpǝǝ zah pǝǝ ah ne wee ɓo tǝkine za yeɓ ɓo ra, ka mo ge ne fakpãhpǝǝ mor ka za yaŋ we dǝɓlii ɓo mo lwaara farelle. Amma Mefiboset a ga re farel ne me cok vaŋno cẽecẽe. (Siba ne wee jemma tǝ dappe ne za yeɓ jemma gwa.)
11 Siba zyii zah goŋ faa: Dǝɓ yeɓ ɓo ga joŋ fan mai daŋ dǝɓlii ɓe goŋ mo faa ɓo nyi. So Mefiboset a ren fan ne David cok vaŋno tǝgbana wee goŋ manyeeki ah ta. 12 Mefiboset no ne we wor vaŋno, a ɗii ne Misa. Za mai mo haira ɓo piicel Siba daŋ, ara ye za yeɓ Mefiboset. 13 Mefiboset kaa yaŋ Jerusalem, a ren farel cok vaŋno ne goŋ cẽecẽe. Amma ɓal ah ra gwa daŋ lem ɓo lemme.
David joŋ ɓǝ sãh wo Mefiboset
1 Comki David fii za faa: Dǝɓ ki no coŋ ɓo yaŋ Saul ne cee faɗa ka me joŋ ɓǝ sãh wol ah tǝ ɓǝ Yunatan ne?
2 Dǝɓ yeɓ Saul no a ɗii ne Siba. Ɗiira ko ge wo David ne ko. So goŋ fii ko: Amo ye Siba ko ne? Zyii faa: Ame ko yo goŋe. 3 So goŋ fii ko: Dǝɓ ki coŋ ɓo ka yaŋ Saul ka me joŋ ɓǝ sãh wol ah tǝgbana mǝ Masǝŋ ya ne? Siba zyii zah goŋ faa: Coŋ we Yunatan ɓo no vaŋno, lem yo. 4 Goŋ so fii ko: A kẽne? Siba zyii zah goŋ faa: A no yaŋ Makir we Ammiel ma Lodebar. 5 Goŋ David pepee ka mo ge zaŋra ko yaŋ Makir we Ammiel ma Lodebar ge ne ko.
6 Ne cok Mefiboset we Yunatan we Saul mo ge dai wo David, lee ge sǝŋ pel ah ɗǝŋ tǝtǝl ge sǝŋ. David ɗii ko: Mefiboset . Zyii faa: Ame byak ɓo nyẽeno. 7 David faa nyi ko: Mo ɗuu gal ka, mor me tǝ ga joŋ ɓǝ sãh wo ɓo tǝ ɓǝ pa ɓo Yunatan, me ga jin 'wah pa ɓo lii Saul daŋ nyi mo, so mo ga re fan ne me cok vaŋno cẽecẽe. 8 Mefiboset so ɗǝŋ ge sǝŋ faa: A fẽe ko ye me dǝɓ yeɓ ɓo ka mo so kan syee wul goo ma na mee ko ne?
9 So goŋ ɗii Siba dǝɓ yeɓ Saul faa nyi ko: Fan mai mo mǝ Saul tǝkine mǝ za yaŋ ah daŋ me nyi nyi we dǝɓlii ɓo ɓe. 10 Mo pǝpǝǝ zah pǝǝ ah ne wee ɓo tǝkine za yeɓ ɓo ra, ka mo ge ne fakpãhpǝǝ mor ka za yaŋ we dǝɓlii ɓo mo lwaara farelle. Amma Mefiboset a ga re farel ne me cok vaŋno cẽecẽe. (Siba ne wee jemma tǝ dappe ne za yeɓ jemma gwa.)
11 Siba zyii zah goŋ faa: Dǝɓ yeɓ ɓo ga joŋ fan mai daŋ dǝɓlii ɓe goŋ mo faa ɓo nyi. So Mefiboset a ren fan ne David cok vaŋno tǝgbana wee goŋ manyeeki ah ta. 12 Mefiboset no ne we wor vaŋno, a ɗii ne Misa. Za mai mo haira ɓo piicel Siba daŋ, ara ye za yeɓ Mefiboset. 13 Mefiboset kaa yaŋ Jerusalem, a ren farel cok vaŋno ne goŋ cẽecẽe. Amma ɓal ah ra gwa daŋ lem ɓo lemme.
