We juupel mor ɓuuru
1 Faɗa, wee pamme, we juupel mor ɓuuru, ka ɓǝ faa Dǝɓlii mo myah ge pel gwari, ka mo joŋ pǝyǝkki, tǝgbana mai mo joŋ ɓo kǝsyil ɓiiri. 2 So we juupel mor ka Masǝŋ mo wǝǝ ru jol za maɓe' ne za marol ahe, mor za daŋ ye ka tǝ zyii nyiŋra ɓǝ faa Dǝɓlii ya.
3 Amma Dǝɓlii Dǝɓ tǝ goŋga yo, ako ye ga swaa we, a ga byak we wo Dǝɓ Ɓe'. 4 Dǝɓlii joŋ ru nyiŋ ɓǝ ɓii ɓo pǝ zahzyilli, joŋ ru tǝ, awe tǝ joŋ fan mai ru faa ɓo nyi we, we so ga joŋ ga pel ta.
5 Dǝɓlii mo joŋ zahzyil ɓii ka we 'yah Masǝŋ, ka we yea ne rõm mai Kristu ye moo nyini.
Fahlii joŋ yeɓɓe
6 Wee pamme, ru fii we pǝ tǝɗii Dǝɓlii Yesu Kristu: wee pa man mai mo pǝ vǝǝkoi mo ka zyii syeera mor ɓǝ mai ru cuu ɓo nyi ra ya daŋ, we woŋ ki ne ra. 7 Awe ne suu ɓii we tǝ ɓo belbelle, we ga joŋ ɗii ka we ɓaŋ tǝbǝlam ɓuu ne? Mor ne cok ru yea wo ɓii ru ka pǝ vǝǝkoi ya. 8 Ru ka ren fan jol dǝɓ tǝkol a, ru joŋ yeɓ ne tǝyim zahpel ɓuuru, ru tǝ gaɓ ah ɓe, ru joŋ yeɓ ne com ne suŋ daŋ mor ka ru gaɓ koo dǝɓ vaŋno kǝsyil ɓii ka. 9 Aru joŋ nai mor ru ka ne fahlii ka nyiŋ fan gbah jol ɓuu gin wo ɓii ya ye ka, amma ru joŋ mor ka cuu ka we ɓaŋ tǝbǝlam ɓuuru. 10 Mor koo ne cok ru yea wo ɓii laŋ, ru faa nyi we: “Dǝɓ makẽne mo 'yah joŋ yeɓ ya ɓe, ka mo reko farel ka ta.”
11 Ru faa nyi we nai mor ru laa za ki kǝsyil ɓii ara pǝ vǝǝkoi, ka joŋra yeɓ ya, sai a zwǝ̃ǝra ɓǝ za ki. 12 Aru tǝ faa nyi za ma morãiko, ru tǝ lai ra pǝ tǝɗii Dǝɓlii Yesu Kristu, ka mo joŋra yeɓ mo wolra suu ɓǝǝ ne ko.
13 Amma awe, wee pamme, we laa gaɓ ne joŋ fan masãh ah ka. 14 Dǝɓ mo ka tǝ zyii syee mor ɓǝ mai ru pee ɓo wo ɓii pǝ leetǝr mai ya ɓe, ka we joŋ yella ne dǝɓ ahe. We tai ki ne ki ka, mor ka swãa mo re ko. 15 We syiŋ ko ka, amma we lai ko tǝgbana we pamme.
Haozah wol ma fahfal tǝ lii
16 Dǝɓlii mai moo nyi jam, ako ye mo joŋ we jam ne suu ah cẽecẽe ne fahlii camcam daŋ. Dǝɓlii mo yea ne we daŋ.
17 Ame Paulus, me ye ŋwǝǝ ɓǝ mai ne jol ɓe: me haozah wo ɓiiri. Tǝgbana mee ŋwǝǝ tǝɗii suu ɓe pǝ leetǝr ɓe daŋ, me ŋwǝǝ ɓo nyee nai ta.
18 Dǝɓlii man Yesu Kristu mo joŋ gboŋgboŋ wo ɓii daŋ.
We juupel mor ɓuuru
1 Faɗa, wee pamme, we juupel mor ɓuuru, ka ɓǝ faa Dǝɓlii mo myah ge pel gwari, ka mo joŋ pǝyǝkki, tǝgbana mai mo joŋ ɓo kǝsyil ɓiiri. 2 So we juupel mor ka Masǝŋ mo wǝǝ ru jol za maɓe' ne za marol ahe, mor za daŋ ye ka tǝ zyii nyiŋra ɓǝ faa Dǝɓlii ya.
3 Amma Dǝɓlii Dǝɓ tǝ goŋga yo, ako ye ga swaa we, a ga byak we wo Dǝɓ Ɓe'. 4 Dǝɓlii joŋ ru nyiŋ ɓǝ ɓii ɓo pǝ zahzyilli, joŋ ru tǝ, awe tǝ joŋ fan mai ru faa ɓo nyi we, we so ga joŋ ga pel ta.
5 Dǝɓlii mo joŋ zahzyil ɓii ka we 'yah Masǝŋ, ka we yea ne rõm mai Kristu ye moo nyini.
Fahlii joŋ yeɓɓe
6 Wee pamme, ru fii we pǝ tǝɗii Dǝɓlii Yesu Kristu: wee pa man mai mo pǝ vǝǝkoi mo ka zyii syeera mor ɓǝ mai ru cuu ɓo nyi ra ya daŋ, we woŋ ki ne ra. 7 Awe ne suu ɓii we tǝ ɓo belbelle, we ga joŋ ɗii ka we ɓaŋ tǝbǝlam ɓuu ne? Mor ne cok ru yea wo ɓii ru ka pǝ vǝǝkoi ya. 8 Ru ka ren fan jol dǝɓ tǝkol a, ru joŋ yeɓ ne tǝyim zahpel ɓuuru, ru tǝ gaɓ ah ɓe, ru joŋ yeɓ ne com ne suŋ daŋ mor ka ru gaɓ koo dǝɓ vaŋno kǝsyil ɓii ka. 9 Aru joŋ nai mor ru ka ne fahlii ka nyiŋ fan gbah jol ɓuu gin wo ɓii ya ye ka, amma ru joŋ mor ka cuu ka we ɓaŋ tǝbǝlam ɓuuru. 10 Mor koo ne cok ru yea wo ɓii laŋ, ru faa nyi we: “Dǝɓ makẽne mo 'yah joŋ yeɓ ya ɓe, ka mo reko farel ka ta.”
11 Ru faa nyi we nai mor ru laa za ki kǝsyil ɓii ara pǝ vǝǝkoi, ka joŋra yeɓ ya, sai a zwǝ̃ǝra ɓǝ za ki. 12 Aru tǝ faa nyi za ma morãiko, ru tǝ lai ra pǝ tǝɗii Dǝɓlii Yesu Kristu, ka mo joŋra yeɓ mo wolra suu ɓǝǝ ne ko.
13 Amma awe, wee pamme, we laa gaɓ ne joŋ fan masãh ah ka. 14 Dǝɓ mo ka tǝ zyii syee mor ɓǝ mai ru pee ɓo wo ɓii pǝ leetǝr mai ya ɓe, ka we joŋ yella ne dǝɓ ahe. We tai ki ne ki ka, mor ka swãa mo re ko. 15 We syiŋ ko ka, amma we lai ko tǝgbana we pamme.
Haozah wol ma fahfal tǝ lii
16 Dǝɓlii mai moo nyi jam, ako ye mo joŋ we jam ne suu ah cẽecẽe ne fahlii camcam daŋ. Dǝɓlii mo yea ne we daŋ.
17 Ame Paulus, me ye ŋwǝǝ ɓǝ mai ne jol ɓe: me haozah wo ɓiiri. Tǝgbana mee ŋwǝǝ tǝɗii suu ɓe pǝ leetǝr ɓe daŋ, me ŋwǝǝ ɓo nyee nai ta.
18 Dǝɓlii man Yesu Kristu mo joŋ gboŋgboŋ wo ɓii daŋ.
