Moab
1 Dǝɓlii faa: Za Moab joŋra faɓe' ɓo ɓǝrki ɓǝrki. Me ga ŋgoŋ kiita tǝ ɓǝǝ 'manna 'manna, mor joŋra ɓǝ maɓe' ah ɓoora wii tǝ woiŋ goŋ Edom ŋhaa sye mǝn sãhe. 2 Mor ah me ga pee wii ge tǝ sǝr Moab, a ga sye yaŋ ma ne fan sal ma Keriot daŋ. Za Moab a ga wukra kǝsyil ɓǝ ŋwaa ma zah salle, ne sooje mo tǝ ŋwaara ɓǝ tǝkine cii kokõorĩi sal mo tǝ ulli. 3 Me ga i goŋ Moab ne zaluu sǝr ah daŋ ga lalle.
Yuda
4 Dǝɓlii faa: Za Yuda joŋra faɓe' ɓo ɓǝrki ɓǝrki. Me ga ŋgoŋ kiita tǝ ɓǝǝ 'manna 'manna, mor syẽara ɓǝ cuu ɓe, zyiira ka gban ɓǝ lai ɓe ra ya. Ɓǝ masǝŋ ki ra mai pa ɓǝǝ lii mo syeera mor ahe so jin zyak ra ɓe ta. 5 Mor ah me ga pee wii ge tǝ sǝr Yuda, a ga sye yaŋ ma ne fan sal ma yaŋ Jerusalem daŋ.
Kiita Masǝŋ tǝ za Israel
6 Dǝɓlii faa: Za Israel joŋra faɓe' ɓo ɓǝrki ɓǝrki. Me ga ŋgoŋ kiita tǝ ɓǝǝ 'manna 'manna, mor a woora za matǝ goŋga ah mai ara mo ka ne fan ki ka soo val ɓǝǝ ne ya lea fan ne ko, a woora za syak mai ara mo ka ne fan ki ka lee sǝɓal nǝn maa dǝɓ vaŋno ne ya lea fan ne ko. 7 A dahra za matǝtǝ̃ǝ ne mabaidǝɓ ra ne ɓalle, a waara za syak tǝ fahlii ga lalle, pah wel ne wel ah daŋ a swanra ne mabyak tǝ vaŋno, a ɓeɓra tǝɗii ɓe matǝdaŋdaŋ ne ko. 8 A ga swahra pǝ cok juupel ɓǝǝ ne mbǝro mai za syak ma bai lwaa fan mo rǝk ɓo jol ɓǝǝ tǝ ɓǝ valle. Ne cok dǝɓ ma joŋ faɓe' mo soo tǝ suu ah ne lak ɓe, a woora lak ah lea yim ne a zwahra ɓǝr yaŋ masǝŋ ɓǝǝra.
9 Amma we foo ɓǝ mai me nĩi Amorien mai ara mo pǝwah na kpuu bahre, mo pǝswah na gǝǝre, pel ɓii ya. 10 Ame pǝ̃ǝ ne we gin sǝr Egiɓ, me syee ne we kǝsyicok syii jemma nai, me nyi sǝr Amorien nyi we ka mo ciŋ ma ɓiiri. 11 Ame syen za ki kǝsyil wee ɓii ka mo ciŋra profetoen ɓe, za ki kǝsyil za ɓii ka mo ciŋra Nasirien. Goŋga ye ka ne za Israel? Ame Dǝɓlii me faa naiko. 12 Amma awe kǝǝ Nasirien zwahra yimmi, we faa nyi profetoen ɓe mo faara ɓǝ ɓe nyi za ka. 13 Zǝzǝ̃ǝko me ga dah we tǝ sǝr ne ɓalle, we ga 'mee gŋ na muŋta mai mo ɓaŋ faswaa ɓe moo 'meere. 14 Za maɗul lii ah ka ga ɗuura ǝ̃ǝ ya, za maswah lii ah laŋ swah ɓǝǝ ka ga yea ya. Sooje laŋ ka gak ǝ̃ǝra suu ɓǝǝ gin zah wul a. 15 Koo za ma ne saŋ laŋ ka gak uura pǝ cok ɓǝǝr a, za maɗul lii ah ka gak ɗuura ga cok ki ya, za ma pǝr daŋ ka gak ɗuura ne pǝr ɓǝǝ ka ǝ̃ǝ gin zah wul a. 16 Ne zah'nan ah koo sooje maswah ah ra laŋ a ga soɓra fan sal ɓǝǝ myah ga lal a kalra ɗulli. Ame Dǝɓlii me ye faa ɓo.
Moab
1 Dǝɓlii faa: Za Moab joŋra faɓe' ɓo ɓǝrki ɓǝrki. Me ga ŋgoŋ kiita tǝ ɓǝǝ 'manna 'manna, mor joŋra ɓǝ maɓe' ah ɓoora wii tǝ woiŋ goŋ Edom ŋhaa sye mǝn sãhe. 2 Mor ah me ga pee wii ge tǝ sǝr Moab, a ga sye yaŋ ma ne fan sal ma Keriot daŋ. Za Moab a ga wukra kǝsyil ɓǝ ŋwaa ma zah salle, ne sooje mo tǝ ŋwaara ɓǝ tǝkine cii kokõorĩi sal mo tǝ ulli. 3 Me ga i goŋ Moab ne zaluu sǝr ah daŋ ga lalle.
Yuda
4 Dǝɓlii faa: Za Yuda joŋra faɓe' ɓo ɓǝrki ɓǝrki. Me ga ŋgoŋ kiita tǝ ɓǝǝ 'manna 'manna, mor syẽara ɓǝ cuu ɓe, zyiira ka gban ɓǝ lai ɓe ra ya. Ɓǝ masǝŋ ki ra mai pa ɓǝǝ lii mo syeera mor ahe so jin zyak ra ɓe ta. 5 Mor ah me ga pee wii ge tǝ sǝr Yuda, a ga sye yaŋ ma ne fan sal ma yaŋ Jerusalem daŋ.
Kiita Masǝŋ tǝ za Israel
6 Dǝɓlii faa: Za Israel joŋra faɓe' ɓo ɓǝrki ɓǝrki. Me ga ŋgoŋ kiita tǝ ɓǝǝ 'manna 'manna, mor a woora za matǝ goŋga ah mai ara mo ka ne fan ki ka soo val ɓǝǝ ne ya lea fan ne ko, a woora za syak mai ara mo ka ne fan ki ka lee sǝɓal nǝn maa dǝɓ vaŋno ne ya lea fan ne ko. 7 A dahra za matǝtǝ̃ǝ ne mabaidǝɓ ra ne ɓalle, a waara za syak tǝ fahlii ga lalle, pah wel ne wel ah daŋ a swanra ne mabyak tǝ vaŋno, a ɓeɓra tǝɗii ɓe matǝdaŋdaŋ ne ko. 8 A ga swahra pǝ cok juupel ɓǝǝ ne mbǝro mai za syak ma bai lwaa fan mo rǝk ɓo jol ɓǝǝ tǝ ɓǝ valle. Ne cok dǝɓ ma joŋ faɓe' mo soo tǝ suu ah ne lak ɓe, a woora lak ah lea yim ne a zwahra ɓǝr yaŋ masǝŋ ɓǝǝra.
9 Amma we foo ɓǝ mai me nĩi Amorien mai ara mo pǝwah na kpuu bahre, mo pǝswah na gǝǝre, pel ɓii ya. 10 Ame pǝ̃ǝ ne we gin sǝr Egiɓ, me syee ne we kǝsyicok syii jemma nai, me nyi sǝr Amorien nyi we ka mo ciŋ ma ɓiiri. 11 Ame syen za ki kǝsyil wee ɓii ka mo ciŋra profetoen ɓe, za ki kǝsyil za ɓii ka mo ciŋra Nasirien. Goŋga ye ka ne za Israel? Ame Dǝɓlii me faa naiko. 12 Amma awe kǝǝ Nasirien zwahra yimmi, we faa nyi profetoen ɓe mo faara ɓǝ ɓe nyi za ka. 13 Zǝzǝ̃ǝko me ga dah we tǝ sǝr ne ɓalle, we ga 'mee gŋ na muŋta mai mo ɓaŋ faswaa ɓe moo 'meere. 14 Za maɗul lii ah ka ga ɗuura ǝ̃ǝ ya, za maswah lii ah laŋ swah ɓǝǝ ka ga yea ya. Sooje laŋ ka gak ǝ̃ǝra suu ɓǝǝ gin zah wul a. 15 Koo za ma ne saŋ laŋ ka gak uura pǝ cok ɓǝǝr a, za maɗul lii ah ka gak ɗuura ga cok ki ya, za ma pǝr daŋ ka gak ɗuura ne pǝr ɓǝǝ ka ǝ̃ǝ gin zah wul a. 16 Ne zah'nan ah koo sooje maswah ah ra laŋ a ga soɓra fan sal ɓǝǝ myah ga lal a kalra ɗulli. Ame Dǝɓlii me ye faa ɓo.
