1 Me 'yah we tǝ ɓǝ yeɓ mai me gaɓ ne ko mor ɓiiri, ne za yaŋ Laodikea tǝkine za mai mo tǝra me taa ya daŋ. 2 Me joŋ nai mor ka swaa zahzyil ɓǝǝra, ka mo taira wo ki ne 'yahe, mor ka mo ciŋra za ma uu tǝ goŋga mai ɓǝ foo masãh ye moo cuu nyi dǝɓ ka laa mor ah pǝsãhe. Nai ɓe, a ga tǝra ɓǝ tǝsyeɓ Masǝŋ mai ako ye mo Kristu ne suu ahe. 3 Ako ye Dǝɓ ma cuu yella ne fatan Masǝŋ mai mo muŋ ɓo syeɓ daŋ gin lalle.
4 Me tǝ faa nyi we, we soɓ koo zune mo zyak we ne ɓǝ faa makol ka, koo mo kyeɓra fahlii ah ne ɓǝ sãh fẽene daŋ. 5 Mor koo me ka wo ɓii ne suu ɓe ya laŋ, me no ne we pǝ ɓǝ foo ɓe, me laa pǝ'nyah ne kwan iŋ ɓii we uu ɓo ne pǝswah tǝ fahlii Kristu.
We uu pǝswah tǝ fahlii Kristu
6 Na we nyiŋ Yesu Kristu ɓo tǝgbana Dǝɓlii, sai we yea ne ki. 7 We dǝ sǝ̃ǝ pǝzyil ahe, we giŋ pǝzyil ah ge pelle, we yea pǝswah pǝ iŋ ɓii zah'nan daŋ tǝgbana mai we feere, we joŋ osoko nyi Masǝŋ cẽecẽe.
8 We joŋ yella ka dǝɓ mo zyak we ne ɓǝ fatan sǝr tǝkine fan cuu makol ah ka, mor za ki uura ɓo tǝ ɓǝ zah fan mai dǝfuu moo joŋra, ɓǝ mai dunia moo cuura, soɓra ɓǝ Kristu nǝkahe. 9 Mor kpak mai Masǝŋ mo ne daŋ a no pǝ suu Kristu. 10 Awe lwaa fan daŋ ɓo ne ki tǝɗe', ako ye ne swah tǝ za goŋe, tǝkine tǝ'yak maswah ah ra daŋ.
11 Awe ciŋ za daakan ɓo mor ahe, daakan mai dǝfuu moo daara ne jol ye ka, amma daakan mai mo gee wo Kristu ge yo, mai moo wǝǝ dǝɓ gin jol swah suu ma joŋ faɓe' maiko. 12 Mor ne cok we nyiŋ baptisma, we cii ge ɓo mor sǝr ne Kristu, we so ur ɓo gin pǝ wul ne ki ta, mor we nyiŋ swah Masǝŋ mai mo ur ko gin pǝ wul ɓe. 13 Ɓaaɓe we yea wuk ɓo pǝ tǝ'yak ɓii mor faɓe' ɓiiri, mor we ye yea gãhnyah, we ye yea za bai iŋni. Amma zǝzǝ̃ǝko Masǝŋ syem we ne Kristu ɓe, Masǝŋ rwah faɓe' man daŋ ge lal ɓe. 14 Rwah ɓǝ val ma tǝ man mai ɓǝ lai mo fii na ɓo ka soo daŋ ge lalle, vǝr ɓǝ ah daŋ ne ɓaa ga tǝ kpuuceere. 15 Ne wul Kristu tǝ kpuuceere, Masǝŋ wǝǝ swah gin jol za goŋ tǝkine tǝ'yak maswah ah ra daŋ, cuu nyi za caŋryaŋ, woo ra fahfal ah tǝgbana byak ma gbah zah salle.
16 We soɓ za ŋgoŋ kiita tǝ ɓǝ farel mai wee renne, wala fan mai wee zwahe, koo ne ɓǝ gban zah'nan fĩi ne ɓǝ fĩi mafuu moo ciŋni, tǝkine ɓǝ com 'yak ka. 17 Fan mai daŋ a tǝgbana foto fan sãh mai mo tǝ ginni, amma suu fan ah matǝ goŋga, ako ye Kristu. 18 We soɓ za ɓeɓ reba gaɓ ɓii ne ɓǝ juupel wo angeloi tǝkine ɓǝ wonsuu ma ne vǝrvǝr ka, mor zan ah uura ɓo tǝ ɓǝ lom ɓǝǝ moo loora, za ma morãi daŋ tǝ yiira suu ne fahlii ɓǝ foo dǝfuu ɓǝǝ ma bai goŋga, 19 ka gbanra ɓǝ Kristu mai ako ye mo tǝtǝl a. Mor gboŋgboŋ Kristu, suu ne lii ah daŋ a lwaa farelle, zahrõm ah taira ɓo wo ki pǝsãhe tǝkine zahsǝ̃ǝ ah ra daŋ, so a giŋ ga pel tǝgbana Masǝŋ mo 'yahe.
We wuk ɓo ne Kristu
20 We wuk ɓo ne Kristu, we ǝ̃ǝ gin jol tǝ'yak sǝr mai ɓe, we so tǝ syee tǝgbana we ye mǝ sǝr mai kpǝ mor fẽene? Awe so syee mor ɓǝ lai mai moo cuura nyi we: 21 We ɓaŋ mai ka, we laa ma nyẽe ge zah ka, we juu mai ne jol ka, mor fẽene? 22 Fan marai mo tǝ joŋra yeɓ ne nai daŋ a ga vǝrri, mor ɓǝ ah ɓǝ lai dǝfuu ne ɓǝ cuu dǝfuu yo. 23 Fan mai daŋ a na fahlii ma lwaa fatan ne pǝzyil swah juupel wo angeloi, ne wonsuu ma ne vǝrvǝr, tǝkine cuu bone nyi suu, amma fan ah ra koo vaŋno laŋ, ka pǝswah ka gak cak fan cwaa suu dǝfuu ya.
1 Me 'yah we tǝ ɓǝ yeɓ mai me gaɓ ne ko mor ɓiiri, ne za yaŋ Laodikea tǝkine za mai mo tǝra me taa ya daŋ. 2 Me joŋ nai mor ka swaa zahzyil ɓǝǝra, ka mo taira wo ki ne 'yahe, mor ka mo ciŋra za ma uu tǝ goŋga mai ɓǝ foo masãh ye moo cuu nyi dǝɓ ka laa mor ah pǝsãhe. Nai ɓe, a ga tǝra ɓǝ tǝsyeɓ Masǝŋ mai ako ye mo Kristu ne suu ahe. 3 Ako ye Dǝɓ ma cuu yella ne fatan Masǝŋ mai mo muŋ ɓo syeɓ daŋ gin lalle.
4 Me tǝ faa nyi we, we soɓ koo zune mo zyak we ne ɓǝ faa makol ka, koo mo kyeɓra fahlii ah ne ɓǝ sãh fẽene daŋ. 5 Mor koo me ka wo ɓii ne suu ɓe ya laŋ, me no ne we pǝ ɓǝ foo ɓe, me laa pǝ'nyah ne kwan iŋ ɓii we uu ɓo ne pǝswah tǝ fahlii Kristu.
We uu pǝswah tǝ fahlii Kristu
6 Na we nyiŋ Yesu Kristu ɓo tǝgbana Dǝɓlii, sai we yea ne ki. 7 We dǝ sǝ̃ǝ pǝzyil ahe, we giŋ pǝzyil ah ge pelle, we yea pǝswah pǝ iŋ ɓii zah'nan daŋ tǝgbana mai we feere, we joŋ osoko nyi Masǝŋ cẽecẽe.
8 We joŋ yella ka dǝɓ mo zyak we ne ɓǝ fatan sǝr tǝkine fan cuu makol ah ka, mor za ki uura ɓo tǝ ɓǝ zah fan mai dǝfuu moo joŋra, ɓǝ mai dunia moo cuura, soɓra ɓǝ Kristu nǝkahe. 9 Mor kpak mai Masǝŋ mo ne daŋ a no pǝ suu Kristu. 10 Awe lwaa fan daŋ ɓo ne ki tǝɗe', ako ye ne swah tǝ za goŋe, tǝkine tǝ'yak maswah ah ra daŋ.
11 Awe ciŋ za daakan ɓo mor ahe, daakan mai dǝfuu moo daara ne jol ye ka, amma daakan mai mo gee wo Kristu ge yo, mai moo wǝǝ dǝɓ gin jol swah suu ma joŋ faɓe' maiko. 12 Mor ne cok we nyiŋ baptisma, we cii ge ɓo mor sǝr ne Kristu, we so ur ɓo gin pǝ wul ne ki ta, mor we nyiŋ swah Masǝŋ mai mo ur ko gin pǝ wul ɓe. 13 Ɓaaɓe we yea wuk ɓo pǝ tǝ'yak ɓii mor faɓe' ɓiiri, mor we ye yea gãhnyah, we ye yea za bai iŋni. Amma zǝzǝ̃ǝko Masǝŋ syem we ne Kristu ɓe, Masǝŋ rwah faɓe' man daŋ ge lal ɓe. 14 Rwah ɓǝ val ma tǝ man mai ɓǝ lai mo fii na ɓo ka soo daŋ ge lalle, vǝr ɓǝ ah daŋ ne ɓaa ga tǝ kpuuceere. 15 Ne wul Kristu tǝ kpuuceere, Masǝŋ wǝǝ swah gin jol za goŋ tǝkine tǝ'yak maswah ah ra daŋ, cuu nyi za caŋryaŋ, woo ra fahfal ah tǝgbana byak ma gbah zah salle.
16 We soɓ za ŋgoŋ kiita tǝ ɓǝ farel mai wee renne, wala fan mai wee zwahe, koo ne ɓǝ gban zah'nan fĩi ne ɓǝ fĩi mafuu moo ciŋni, tǝkine ɓǝ com 'yak ka. 17 Fan mai daŋ a tǝgbana foto fan sãh mai mo tǝ ginni, amma suu fan ah matǝ goŋga, ako ye Kristu. 18 We soɓ za ɓeɓ reba gaɓ ɓii ne ɓǝ juupel wo angeloi tǝkine ɓǝ wonsuu ma ne vǝrvǝr ka, mor zan ah uura ɓo tǝ ɓǝ lom ɓǝǝ moo loora, za ma morãi daŋ tǝ yiira suu ne fahlii ɓǝ foo dǝfuu ɓǝǝ ma bai goŋga, 19 ka gbanra ɓǝ Kristu mai ako ye mo tǝtǝl a. Mor gboŋgboŋ Kristu, suu ne lii ah daŋ a lwaa farelle, zahrõm ah taira ɓo wo ki pǝsãhe tǝkine zahsǝ̃ǝ ah ra daŋ, so a giŋ ga pel tǝgbana Masǝŋ mo 'yahe.
We wuk ɓo ne Kristu
20 We wuk ɓo ne Kristu, we ǝ̃ǝ gin jol tǝ'yak sǝr mai ɓe, we so tǝ syee tǝgbana we ye mǝ sǝr mai kpǝ mor fẽene? Awe so syee mor ɓǝ lai mai moo cuura nyi we: 21 We ɓaŋ mai ka, we laa ma nyẽe ge zah ka, we juu mai ne jol ka, mor fẽene? 22 Fan marai mo tǝ joŋra yeɓ ne nai daŋ a ga vǝrri, mor ɓǝ ah ɓǝ lai dǝfuu ne ɓǝ cuu dǝfuu yo. 23 Fan mai daŋ a na fahlii ma lwaa fatan ne pǝzyil swah juupel wo angeloi, ne wonsuu ma ne vǝrvǝr, tǝkine cuu bone nyi suu, amma fan ah ra koo vaŋno laŋ, ka pǝswah ka gak cak fan cwaa suu dǝfuu ya.
