1 We ŋgoŋ ŋgǝǝri, wala pǝsãhm mai suu ah mo ka pǝsãh ya ka joŋ syiŋ wo Dǝɓlii Masǝŋ ɓii ne ka, mor Dǝɓlii syiŋ ɓǝ ah ɓo.
2 Maki we ga laa ɓǝ daga yaŋ maluu kǝsyil yaŋ mai Dǝɓlii Masǝŋ ɓii mo tǝ ga nyi nyi we, dǝworre wala madǝwinni joŋ faɓe' ɓo wo Dǝɓlii, zǝǝ tǝ ɓǝ gbanzah ah ɓo, 3 juupel wo masǝŋ ki ra, tǝkine joŋ mor ɓǝǝra, wala comme, wala fĩi, wala ŋwǝǝmǝŋgai, mai ɓǝ ah mo ka tǝgbana Dǝɓlii mo faa ɓo ya. 4 We laa ɓǝ ma morãi ɓe, we kyeɓ mor ɓǝ ah pǝsãhe. We lwaa fan maɓe' ma morãi joŋ ɓo kǝsyil za Israel 'manna ɓe, 5 ka we ɓaŋ dǝɓ ah tǝgǝǝ yaŋ pǝ̃ǝ ge lal ne ko, ka we ɓaa ko gŋ ne tǝsal pǝ wulli. 6 Dǝɓ mai kiita wul mo gbǝ ko ɓo, ɓǝ ah mo yea ne zah za syedowal gwa koo sai ɗǝ. Amma we i dǝɓ ah pǝ wul ne ɓǝ syedowal zah dǝɓ tǝ vaŋno ka. 7 Za syedowal ye mo woora tǝsal ɓaa dǝɓ ah ne kǝpelle, so ka tǝcoŋ za pãa mo ɓaara dǝɓ ah ne tǝsal ta. Ne fahlii mai we ga nĩi ɓǝɓe' ma morãi kǝsyil ɓii ga lalle.
8 Maki ɓǝ magaɓ ah tǝgbana ɓǝ in wulli, bal ma bǝǝ tǝ ɓǝ fanne, wala mo kanra syim ɓo wo dǝɓɓi, ɓǝ ah mo kal tǝtǝl za lakaali yaŋ ah ne ŋgoŋ ɓe, ka we ge pǝ cok mai Dǝɓlii mo nǝǝ ɓo ka za mo juupel wol ah gŋ ne ɓǝ ahe. 9 Ka we kee mor ɓǝ ah pel Lewitien ma joŋra zahsyiŋrĩ, ne lakaali mai mo tǝ joŋ yeɓ ne cok ahe, ka ara ye mo ŋgoŋ ɓǝ ahe. 10 Mo ŋgoŋra ɓǝ ɓe, ka we joŋ ɓǝ ah ryakryak na mai mo faara ɓo nyi we. 11 We nyiŋ ɓǝ faa ɓǝǝra, we syee mor ɓǝ mai mo cuura ɓo nyi we, we zǝǝ tǝ ɓǝ ah ra ka. 12 Dǝɓ mai mo yii suu ah mo zyii ka laa zah lakaali wala pa joŋzahsyiŋ mai mo tǝ joŋ yeɓ ya ɓe, ka mo ira ko pǝ wulli. Ne fahlii mai we ga nĩi ɓǝɓe' ma morãi kǝsyil za Israel ga lalle. 13 So zune daŋ mo laa ɓǝ ah ɓe, a ga ɗuu galle, koo zune ka ga joŋ faɓe' ma morãi yao.
Ɓǝ lai tǝ ɓǝ goŋe
14 Ne cok we ge dan pǝ sǝr mai Dǝɓlii Masǝŋ ɓii mo tǝ ga nyi nyi we, we re sǝr ah we kaa gŋ ɓe, maki we ga faa, we 'yah goŋ ka yea ne tǝgbana za mai mo kaara ɓo kah ɓii ara mo ne ta. 15 We joŋ yella, sai ka we ɓaŋ dǝɓ mai Dǝɓlii Masǝŋ ɓii ye mo nǝǝ ɓo kan goŋ ne ko. Dǝɓ ah mo yea kǝsyil za ɓiiri, we ɓaŋ ban ki kan goŋ ɓii ne ka. 16 Goŋ mo yea ne pǝr ma ruu sal pǝpãa ka. Mo peeko za ge lea pǝr sǝr Egiɓ ka ta, mor Dǝɓlii faa, zan ah ka fǝ̃ǝ jinra ga ŋhaa yao syaŋsyaŋ. 17 Goŋ mo yeako ne ŋwǝǝ pǝpãa ka, mor ɓǝ ah a ga joŋ zahzyil ah soɓ Dǝɓlii. Mo taiko vãm solai ne vãm kaŋnyeeri ka yea ne pǝlli ka ta. 18 Ne cok mo kaako goŋ ɓe, sai mo faako ka mo ŋwǝǝra ɓǝ ma pǝ ɗerewol ɓǝ lai, ne ɓǝ cuu ah mai mo jol Lewitien ma joŋra zahsyiŋ nyi ko. 19 Ka mo kanko ɗerewol ah kahe, ka pǝ zah'nan cee ah daŋ mo yeako ne kee ɓǝ ahe, mor ka mo feeko ɗuu gal Dǝɓlii, ka mo syeeko mor ɓǝ mai daŋ mo faako ɓo pǝ ɗerewol ɓǝ lai ah ne goŋga. 20 Ɓǝ ah a ga gbah jol ahe, ka zahzyil ah mo foo sõone zye kal za Israel manyeeki ah ɓe ka, so ka mo zǝǝko tǝ ɓǝ lai Dǝɓlii koo ne fahlii fẽene ka. Nai ɓe, ako ne morsǝ̃ǝ ah daŋ a ga kaara goŋ kǝsyil za Israel ga lii ga lii ɗǝ.
1 We ŋgoŋ ŋgǝǝri, wala pǝsãhm mai suu ah mo ka pǝsãh ya ka joŋ syiŋ wo Dǝɓlii Masǝŋ ɓii ne ka, mor Dǝɓlii syiŋ ɓǝ ah ɓo.
2 Maki we ga laa ɓǝ daga yaŋ maluu kǝsyil yaŋ mai Dǝɓlii Masǝŋ ɓii mo tǝ ga nyi nyi we, dǝworre wala madǝwinni joŋ faɓe' ɓo wo Dǝɓlii, zǝǝ tǝ ɓǝ gbanzah ah ɓo, 3 juupel wo masǝŋ ki ra, tǝkine joŋ mor ɓǝǝra, wala comme, wala fĩi, wala ŋwǝǝmǝŋgai, mai ɓǝ ah mo ka tǝgbana Dǝɓlii mo faa ɓo ya. 4 We laa ɓǝ ma morãi ɓe, we kyeɓ mor ɓǝ ah pǝsãhe. We lwaa fan maɓe' ma morãi joŋ ɓo kǝsyil za Israel 'manna ɓe, 5 ka we ɓaŋ dǝɓ ah tǝgǝǝ yaŋ pǝ̃ǝ ge lal ne ko, ka we ɓaa ko gŋ ne tǝsal pǝ wulli. 6 Dǝɓ mai kiita wul mo gbǝ ko ɓo, ɓǝ ah mo yea ne zah za syedowal gwa koo sai ɗǝ. Amma we i dǝɓ ah pǝ wul ne ɓǝ syedowal zah dǝɓ tǝ vaŋno ka. 7 Za syedowal ye mo woora tǝsal ɓaa dǝɓ ah ne kǝpelle, so ka tǝcoŋ za pãa mo ɓaara dǝɓ ah ne tǝsal ta. Ne fahlii mai we ga nĩi ɓǝɓe' ma morãi kǝsyil ɓii ga lalle.
8 Maki ɓǝ magaɓ ah tǝgbana ɓǝ in wulli, bal ma bǝǝ tǝ ɓǝ fanne, wala mo kanra syim ɓo wo dǝɓɓi, ɓǝ ah mo kal tǝtǝl za lakaali yaŋ ah ne ŋgoŋ ɓe, ka we ge pǝ cok mai Dǝɓlii mo nǝǝ ɓo ka za mo juupel wol ah gŋ ne ɓǝ ahe. 9 Ka we kee mor ɓǝ ah pel Lewitien ma joŋra zahsyiŋrĩ, ne lakaali mai mo tǝ joŋ yeɓ ne cok ahe, ka ara ye mo ŋgoŋ ɓǝ ahe. 10 Mo ŋgoŋra ɓǝ ɓe, ka we joŋ ɓǝ ah ryakryak na mai mo faara ɓo nyi we. 11 We nyiŋ ɓǝ faa ɓǝǝra, we syee mor ɓǝ mai mo cuura ɓo nyi we, we zǝǝ tǝ ɓǝ ah ra ka. 12 Dǝɓ mai mo yii suu ah mo zyii ka laa zah lakaali wala pa joŋzahsyiŋ mai mo tǝ joŋ yeɓ ya ɓe, ka mo ira ko pǝ wulli. Ne fahlii mai we ga nĩi ɓǝɓe' ma morãi kǝsyil za Israel ga lalle. 13 So zune daŋ mo laa ɓǝ ah ɓe, a ga ɗuu galle, koo zune ka ga joŋ faɓe' ma morãi yao.
Ɓǝ lai tǝ ɓǝ goŋe
14 Ne cok we ge dan pǝ sǝr mai Dǝɓlii Masǝŋ ɓii mo tǝ ga nyi nyi we, we re sǝr ah we kaa gŋ ɓe, maki we ga faa, we 'yah goŋ ka yea ne tǝgbana za mai mo kaara ɓo kah ɓii ara mo ne ta. 15 We joŋ yella, sai ka we ɓaŋ dǝɓ mai Dǝɓlii Masǝŋ ɓii ye mo nǝǝ ɓo kan goŋ ne ko. Dǝɓ ah mo yea kǝsyil za ɓiiri, we ɓaŋ ban ki kan goŋ ɓii ne ka. 16 Goŋ mo yea ne pǝr ma ruu sal pǝpãa ka. Mo peeko za ge lea pǝr sǝr Egiɓ ka ta, mor Dǝɓlii faa, zan ah ka fǝ̃ǝ jinra ga ŋhaa yao syaŋsyaŋ. 17 Goŋ mo yeako ne ŋwǝǝ pǝpãa ka, mor ɓǝ ah a ga joŋ zahzyil ah soɓ Dǝɓlii. Mo taiko vãm solai ne vãm kaŋnyeeri ka yea ne pǝlli ka ta. 18 Ne cok mo kaako goŋ ɓe, sai mo faako ka mo ŋwǝǝra ɓǝ ma pǝ ɗerewol ɓǝ lai, ne ɓǝ cuu ah mai mo jol Lewitien ma joŋra zahsyiŋ nyi ko. 19 Ka mo kanko ɗerewol ah kahe, ka pǝ zah'nan cee ah daŋ mo yeako ne kee ɓǝ ahe, mor ka mo feeko ɗuu gal Dǝɓlii, ka mo syeeko mor ɓǝ mai daŋ mo faako ɓo pǝ ɗerewol ɓǝ lai ah ne goŋga. 20 Ɓǝ ah a ga gbah jol ahe, ka zahzyil ah mo foo sõone zye kal za Israel manyeeki ah ɓe ka, so ka mo zǝǝko tǝ ɓǝ lai Dǝɓlii koo ne fahlii fẽene ka. Nai ɓe, ako ne morsǝ̃ǝ ah daŋ a ga kaara goŋ kǝsyil za Israel ga lii ga lii ɗǝ.
