Za Israel laara bone sǝr Egiɓ
1 Ɗii wee Yakuɓ mai mo gera sǝr Egiɓ ne pa ɓǝǝ Yakuɓ a naiko, koo zune daŋ ne za yaŋ ahe: 2 Ruben, Simon, Lewi, Yuda, 3 Isakar, Zebulon, Benyaamin, 4 Dan, Naftali, Gad, ne Asǝr. 5 Za mai mo bemra mor Yakuɓ daŋ dǝfuu jemma rǝŋ . Ne cok ah ka Yuseɓ no sǝr Egiɓ. 6 Comki Yuseɓ ge wuu, wee pah ah daŋ wukra tǝkine zahŋhǝǝtǝ̃ǝ ɓǝǝ daŋ. 7 Za Israel bemra pǝlli, ɓoora ge pelle, joŋra pǝpãare, joŋra pǝswah pǝlli ŋhaa baara sǝr Egiɓ kǝrkǝrri.
8 Goŋ mafuu ah kaa sǝr Egiɓ, goŋ ah tǝ Yuseɓ ya. 9 Faa nyi zan ahe: We ẽe ɗǝ, za Israel kalra na ne pãa ne swah ɓe. 10 Na joŋ yella kal ɓǝǝra ka mo ɓoora ge pel kao. Mo ka nai ya ɓe, sal mo ur ɓe, a taira zah ne za syiŋ man a ruura sal ne na, a so eera soɓ sǝr mana. 11 So rǝkra kapita tǝ ɓǝǝra ka mo jokra ra ne yeɓ gaɓɓe. Farao nǝǝ yaŋ maluu gwa: Pitom ne Ramse, ka mo vuura yaŋ rǝk fan nyi gŋ. 12 Amma koo mo cuura syak nyi ra pǝlli laŋ, a bemra tǝkine ɓoo ga pel kpǝkpǝ. So gal re za sǝr Egiɓ pǝlli tǝ ɓǝ za Israel. 13 So Egiɓien joŋra za Israel ne doole ka mo joŋra yeɓ magaɓɓe. 14 Ɓeɓra zahzyil ɓǝǝ ne yeɓ gaɓ ma dǝǝ vuu ne nǝǝ darŋgel tǝkine yeɓ 'wah camcam ta, rǝkra yeɓ gaɓ ɓǝǝ daŋ tǝtǝl ɓǝǝ ne swahe.
15 Goŋ sǝr Egiɓ faa ɓǝ nyi ŋwǝǝ gwa mai moo byaŋra ne ŋwǝǝ Yahuduen, vaŋno ah a ɗii ne Zyifra, maki ah ɗii ne Puah, 16 faa nyi ra: Ne cok we tǝ kaa byaŋ ne ŋwǝǝ Yahuduen, we kwo ra tǝ kea byaŋ ɓe, we ẽe ra pǝsãhe, mo we wor ye ɓe, we i ko pǝ wulli, amma mǝlaŋ win ye ɓe, we soɓ ko. 17 Amma ŋwǝǝ byaŋ ah a ɗuura Masǝŋ, ka joŋra ɓǝ mai goŋ mo faa nyi ra ya, a soɓra wee wǝǝ ne cee. 18 Goŋ sǝr Egiɓ ɗii ŋwǝǝ byaŋ, so faa nyi ra: Mor fẽe we joŋ ɓǝ mai, we soɓ wee wǝǝ ne cee ne? 19 Ŋwǝǝ byaŋ zyiira faa nyi Farao: Ŋwǝǝ Yahuduen ka na ŋwǝǝ Egiɓien ya, mor ara pǝgorom, ne cok mabyaŋ moo gin wo ɓǝǝ daŋ, a lwaa ka bemra ma ɓe. 20 Masǝŋ ẽe ŋwǝǝ byaŋ ah ra, so za Israel ɓoora ge pelle, joŋra pǝswah pǝlli. 21 Mor ŋwǝǝ byaŋ a ɗuura gal Masǝŋ, mor ah Masǝŋ joŋ ra bem wee ma kasyak ɓǝǝra. 22 So Farao lai ɓǝ nyi zan ah daŋ faa: Wee Yahuduen ma bem pǝwǝǝ daŋ we ɓaa ra ge pǝ bii Nil, amma we soɓ wee maŋwǝǝ to to.
Za Israel laara bone sǝr Egiɓ
1 Ɗii wee Yakuɓ mai mo gera sǝr Egiɓ ne pa ɓǝǝ Yakuɓ a naiko, koo zune daŋ ne za yaŋ ahe: 2 Ruben, Simon, Lewi, Yuda, 3 Isakar, Zebulon, Benyaamin, 4 Dan, Naftali, Gad, ne Asǝr. 5 Za mai mo bemra mor Yakuɓ daŋ dǝfuu jemma rǝŋ . Ne cok ah ka Yuseɓ no sǝr Egiɓ. 6 Comki Yuseɓ ge wuu, wee pah ah daŋ wukra tǝkine zahŋhǝǝtǝ̃ǝ ɓǝǝ daŋ. 7 Za Israel bemra pǝlli, ɓoora ge pelle, joŋra pǝpãare, joŋra pǝswah pǝlli ŋhaa baara sǝr Egiɓ kǝrkǝrri.
8 Goŋ mafuu ah kaa sǝr Egiɓ, goŋ ah tǝ Yuseɓ ya. 9 Faa nyi zan ahe: We ẽe ɗǝ, za Israel kalra na ne pãa ne swah ɓe. 10 Na joŋ yella kal ɓǝǝra ka mo ɓoora ge pel kao. Mo ka nai ya ɓe, sal mo ur ɓe, a taira zah ne za syiŋ man a ruura sal ne na, a so eera soɓ sǝr mana. 11 So rǝkra kapita tǝ ɓǝǝra ka mo jokra ra ne yeɓ gaɓɓe. Farao nǝǝ yaŋ maluu gwa: Pitom ne Ramse, ka mo vuura yaŋ rǝk fan nyi gŋ. 12 Amma koo mo cuura syak nyi ra pǝlli laŋ, a bemra tǝkine ɓoo ga pel kpǝkpǝ. So gal re za sǝr Egiɓ pǝlli tǝ ɓǝ za Israel. 13 So Egiɓien joŋra za Israel ne doole ka mo joŋra yeɓ magaɓɓe. 14 Ɓeɓra zahzyil ɓǝǝ ne yeɓ gaɓ ma dǝǝ vuu ne nǝǝ darŋgel tǝkine yeɓ 'wah camcam ta, rǝkra yeɓ gaɓ ɓǝǝ daŋ tǝtǝl ɓǝǝ ne swahe.
15 Goŋ sǝr Egiɓ faa ɓǝ nyi ŋwǝǝ gwa mai moo byaŋra ne ŋwǝǝ Yahuduen, vaŋno ah a ɗii ne Zyifra, maki ah ɗii ne Puah, 16 faa nyi ra: Ne cok we tǝ kaa byaŋ ne ŋwǝǝ Yahuduen, we kwo ra tǝ kea byaŋ ɓe, we ẽe ra pǝsãhe, mo we wor ye ɓe, we i ko pǝ wulli, amma mǝlaŋ win ye ɓe, we soɓ ko. 17 Amma ŋwǝǝ byaŋ ah a ɗuura Masǝŋ, ka joŋra ɓǝ mai goŋ mo faa nyi ra ya, a soɓra wee wǝǝ ne cee. 18 Goŋ sǝr Egiɓ ɗii ŋwǝǝ byaŋ, so faa nyi ra: Mor fẽe we joŋ ɓǝ mai, we soɓ wee wǝǝ ne cee ne? 19 Ŋwǝǝ byaŋ zyiira faa nyi Farao: Ŋwǝǝ Yahuduen ka na ŋwǝǝ Egiɓien ya, mor ara pǝgorom, ne cok mabyaŋ moo gin wo ɓǝǝ daŋ, a lwaa ka bemra ma ɓe. 20 Masǝŋ ẽe ŋwǝǝ byaŋ ah ra, so za Israel ɓoora ge pelle, joŋra pǝswah pǝlli. 21 Mor ŋwǝǝ byaŋ a ɗuura gal Masǝŋ, mor ah Masǝŋ joŋ ra bem wee ma kasyak ɓǝǝra. 22 So Farao lai ɓǝ nyi zan ah daŋ faa: Wee Yahuduen ma bem pǝwǝǝ daŋ we ɓaa ra ge pǝ bii Nil, amma we soɓ wee maŋwǝǝ to to.
