Masǝŋ nyi swah joŋ dǝǝbǝǝri nyi Mosus
1 Mosus zyii faa: Mo ẽe ɗǝ, ka ga nyiŋra me ya, ka ga laara ɓǝ faa ɓe ya ta, amma a ga faara: Masǝŋ cuu suu ah wo ɓo ɗǝ ya. 2 So Masǝŋ faa nyi ko: A fẽe ye ma jol ɓo ŋhoo ne? Zyii faa: Kǝndaŋn o. 3 Masǝŋ faa: Mo ɓoo ge sǝŋ. Ɓoo ge sǝŋ o, so ciŋ soo. Mosus ɗuu gal ahe. 4 Masǝŋ faa nyi Mosus: Mo nyen jol ɓo, mo gbǝ sǝ̃ǝ ahe. Nyen jol ahe, so gbǝ. Soo fer ciŋ kǝndaŋ mor jol ahe. 5 So Dǝɓlii faa: Mo joŋ nai ne nahnǝn ɓǝǝra, ka mo tǝra, Dǝɓlii, Masǝŋ pa ɓǝǝra, Masǝŋ Abraham, Isak tǝkine Yakuɓ cuu suu ah wo ɓo ɓe.
6 Dǝɓlii faa nyi ko faɗa: Mo kan jol ɓo ge zahbii ɓo. Kan jol ah ge zahbii. So mo ɓaŋ ge lal o, jol ah ne tǝkpiŋ pǝfãi kaŋkaŋ na lok mbǝro. 7 Masǝŋ faa: Mo jin kan jol ɓo ge zahbii ɓo. Joŋ naiko. So jin ɓaŋ gin zahbii ahe, jol ah ge tǝgbana suu ah matãa. 8 Masǝŋ faa: Mo zyii nyiŋra mo ya ɓe, mo so ɓaŋra syiŋ dǝǝbǝǝri patǝ vaŋno ah ya ɓe, maki a ga ɓaŋra syiŋ ah patǝ gwa ahe. 9 Mo ɓaŋra syiŋ dǝǝbǝǝri matǝ gwa rai ya ɓe, mo so laara ɓǝ ɓo ya ta ɓe, ka mo bee bii zǝǝ Nil, ka mo sǝǝ ge tǝ sǝrri. So bii mai mo ga bee pǝ zǝǝ Nil ko, a ga ciŋ syim tǝ sǝrri.
10 So Mosus faa nyi Dǝɓlii: Kai Dǝɓlii ɓe, me ka dǝɓ ma faa ɓǝ tǝ gwari gwari daga pǝtãa koo ne cok mai mo tǝ faa ɓǝ ne me laŋ ya, mor zah ɓe ne tǝrĩi ɓe pǝyǝkki. 11 Amma Dǝɓlii faa nyi ko: Azu ye joŋ zah dǝfuu ne? Azu ye joŋ dǝɓ bai faa ɓǝ, wala lǝrri, koo pa kwan cokki ne rǝ̃ǝ ne? Ame Masǝŋ ye ka ne? 12 Mo gyo, me ga yea ne zah ɓo, me ga cuu ɓǝ makẽne mo ga faa nyi mo. 13 Amma Mosus faa: Me pǝǝ mo Dǝɓlii ɓe, mo pee dǝɓ maki ahe. 14 Dǝɓlii ɓaŋ kpãh ne Mosus, so faa nyi ko: Naa ma ɓo Aron Lewitiyo no ya ne? Me tǝ ɓe, a gak faa ɓǝ pǝsãhe, ako no tǝ gin pel ɓo ka zyaŋ ne mo. So ne cok mo kwo mo ɓe, a ga laa pǝ'nyah pǝ zahzyil ahe. 15 Mo faa ɓǝ ne ki, mo soɓ ɓǝ faa zah ɓo wol ahe. Ame ga yea ne zah ɓo, ne zah ah ta. Me ga cuu fan makẽne wee ga joŋ nyi we. 16 So amo, mo ga yea pǝ cok Masǝŋ wol ahe, mor mo ga cuu ɓǝ mai moo ga faako nyi ko. 17 Mo ɓaŋ kǝndaŋ nyẽe jol ɓo, ka mo joŋ dǝǝbǝǝri ne ko.
Mosus pii soo ge sǝr Egiɓ
18 So Mosus jin ge wo bǝǝ ah Jetro, faa nyi ko: Oseni mo soɓ me jin ge wo wee pa ɓe sǝr Egiɓ ka me ge ẽe ra, ɗah ara no jam ne? Jetro faa nyi ko: Mo ge jam.
19 Dǝɓlii faa nyi Mosus sǝr Midian: Mo pii soo ge sǝr Egiɓ, mor za ma kyeɓra wul ɓo daŋ wukra ɓe. 20 Mosus ɓaŋ mawin ah tǝkine wee ahe, rǝk ra tǝ korro, so jin ge sǝr Egiɓ. Mosus ɓaŋ kǝndaŋ Masǝŋ jol ahe.
21 Dǝɓlii faa nyi Mosus: Mo pii soo ge sǝr Egiɓ ɓe, mo joŋ dǝǝbǝǝri makẽne daŋ me soɓ jol ɓo pel Farao. Amma me ga yer zahzyil ahe, ka mo soɓ za ɓe kal ka. 22 Mo ge faa nyi Farao: Dǝɓlii faa sye: Israel ye welii 'minni. 23 Azye tǝ faa nyi mo, mo soɓ we 'min kalle, ka mo joŋko mor 'minni. Amma mo zyii soɓ ko kal a ɓe, sai me ga i welii ɓo pǝ wulli.
24 Ka Mosus no pǝ yaŋ swul gwǝǝ tǝ fahlii ga sǝr Egiɓ, Dǝɓlii ge wol ahe, a 'yah ka in ko pǝ wulli. 25 Zippora ɓaŋ syimbee ŋgoŋ gãhnyah wel ah ne ko, so ɓoo ge mor ɓal Mosus faa: 'Manna amo ye wor syim wo ɓe. 26 Faa naiko, mor ɓǝ daakanne. So Dǝɓlii i Mosus pǝ wul ao, soɓ ko ɓoo.
27 Dǝɓlii faa nyi Aron: Mo ge zyaŋ tǝ Mosus fah kǝsyicokki. Aron kal o, ge zyaŋ ne Mosus tǝ Waa Masǝŋ , so zwǝ ko ne zahe. 28 Mosus kee ɓǝ mai Dǝɓlii mo pee ko ne ko nyi Aron tǝkine dǝǝbǝǝri mai mo faa ɓǝ ah nyi ko ka mo joŋ daŋ. 29 Mosus kal ne Aron, so ge taira zaluu Israel daŋ. 30 Aron kee ɓǝ mai Dǝɓlii mo faa nyi Mosus daŋ, so joŋ dǝǝbǝǝri daŋ ne nahnǝn zana. 31 Za nyiŋra ɓǝ ahe, mor ne cok mo laara Dǝɓlii ge wo za Israel, kwo bone ɓǝǝra, so ɗǝmra tǝtǝl keara ge sǝŋ.
Masǝŋ nyi swah joŋ dǝǝbǝǝri nyi Mosus
1 Mosus zyii faa: Mo ẽe ɗǝ, ka ga nyiŋra me ya, ka ga laara ɓǝ faa ɓe ya ta, amma a ga faara: Masǝŋ cuu suu ah wo ɓo ɗǝ ya. 2 So Masǝŋ faa nyi ko: A fẽe ye ma jol ɓo ŋhoo ne? Zyii faa: Kǝndaŋn o. 3 Masǝŋ faa: Mo ɓoo ge sǝŋ. Ɓoo ge sǝŋ o, so ciŋ soo. Mosus ɗuu gal ahe. 4 Masǝŋ faa nyi Mosus: Mo nyen jol ɓo, mo gbǝ sǝ̃ǝ ahe. Nyen jol ahe, so gbǝ. Soo fer ciŋ kǝndaŋ mor jol ahe. 5 So Dǝɓlii faa: Mo joŋ nai ne nahnǝn ɓǝǝra, ka mo tǝra, Dǝɓlii, Masǝŋ pa ɓǝǝra, Masǝŋ Abraham, Isak tǝkine Yakuɓ cuu suu ah wo ɓo ɓe.
6 Dǝɓlii faa nyi ko faɗa: Mo kan jol ɓo ge zahbii ɓo. Kan jol ah ge zahbii. So mo ɓaŋ ge lal o, jol ah ne tǝkpiŋ pǝfãi kaŋkaŋ na lok mbǝro. 7 Masǝŋ faa: Mo jin kan jol ɓo ge zahbii ɓo. Joŋ naiko. So jin ɓaŋ gin zahbii ahe, jol ah ge tǝgbana suu ah matãa. 8 Masǝŋ faa: Mo zyii nyiŋra mo ya ɓe, mo so ɓaŋra syiŋ dǝǝbǝǝri patǝ vaŋno ah ya ɓe, maki a ga ɓaŋra syiŋ ah patǝ gwa ahe. 9 Mo ɓaŋra syiŋ dǝǝbǝǝri matǝ gwa rai ya ɓe, mo so laara ɓǝ ɓo ya ta ɓe, ka mo bee bii zǝǝ Nil, ka mo sǝǝ ge tǝ sǝrri. So bii mai mo ga bee pǝ zǝǝ Nil ko, a ga ciŋ syim tǝ sǝrri.
10 So Mosus faa nyi Dǝɓlii: Kai Dǝɓlii ɓe, me ka dǝɓ ma faa ɓǝ tǝ gwari gwari daga pǝtãa koo ne cok mai mo tǝ faa ɓǝ ne me laŋ ya, mor zah ɓe ne tǝrĩi ɓe pǝyǝkki. 11 Amma Dǝɓlii faa nyi ko: Azu ye joŋ zah dǝfuu ne? Azu ye joŋ dǝɓ bai faa ɓǝ, wala lǝrri, koo pa kwan cokki ne rǝ̃ǝ ne? Ame Masǝŋ ye ka ne? 12 Mo gyo, me ga yea ne zah ɓo, me ga cuu ɓǝ makẽne mo ga faa nyi mo. 13 Amma Mosus faa: Me pǝǝ mo Dǝɓlii ɓe, mo pee dǝɓ maki ahe. 14 Dǝɓlii ɓaŋ kpãh ne Mosus, so faa nyi ko: Naa ma ɓo Aron Lewitiyo no ya ne? Me tǝ ɓe, a gak faa ɓǝ pǝsãhe, ako no tǝ gin pel ɓo ka zyaŋ ne mo. So ne cok mo kwo mo ɓe, a ga laa pǝ'nyah pǝ zahzyil ahe. 15 Mo faa ɓǝ ne ki, mo soɓ ɓǝ faa zah ɓo wol ahe. Ame ga yea ne zah ɓo, ne zah ah ta. Me ga cuu fan makẽne wee ga joŋ nyi we. 16 So amo, mo ga yea pǝ cok Masǝŋ wol ahe, mor mo ga cuu ɓǝ mai moo ga faako nyi ko. 17 Mo ɓaŋ kǝndaŋ nyẽe jol ɓo, ka mo joŋ dǝǝbǝǝri ne ko.
Mosus pii soo ge sǝr Egiɓ
18 So Mosus jin ge wo bǝǝ ah Jetro, faa nyi ko: Oseni mo soɓ me jin ge wo wee pa ɓe sǝr Egiɓ ka me ge ẽe ra, ɗah ara no jam ne? Jetro faa nyi ko: Mo ge jam.
19 Dǝɓlii faa nyi Mosus sǝr Midian: Mo pii soo ge sǝr Egiɓ, mor za ma kyeɓra wul ɓo daŋ wukra ɓe. 20 Mosus ɓaŋ mawin ah tǝkine wee ahe, rǝk ra tǝ korro, so jin ge sǝr Egiɓ. Mosus ɓaŋ kǝndaŋ Masǝŋ jol ahe.
21 Dǝɓlii faa nyi Mosus: Mo pii soo ge sǝr Egiɓ ɓe, mo joŋ dǝǝbǝǝri makẽne daŋ me soɓ jol ɓo pel Farao. Amma me ga yer zahzyil ahe, ka mo soɓ za ɓe kal ka. 22 Mo ge faa nyi Farao: Dǝɓlii faa sye: Israel ye welii 'minni. 23 Azye tǝ faa nyi mo, mo soɓ we 'min kalle, ka mo joŋko mor 'minni. Amma mo zyii soɓ ko kal a ɓe, sai me ga i welii ɓo pǝ wulli.
24 Ka Mosus no pǝ yaŋ swul gwǝǝ tǝ fahlii ga sǝr Egiɓ, Dǝɓlii ge wol ahe, a 'yah ka in ko pǝ wulli. 25 Zippora ɓaŋ syimbee ŋgoŋ gãhnyah wel ah ne ko, so ɓoo ge mor ɓal Mosus faa: 'Manna amo ye wor syim wo ɓe. 26 Faa naiko, mor ɓǝ daakanne. So Dǝɓlii i Mosus pǝ wul ao, soɓ ko ɓoo.
27 Dǝɓlii faa nyi Aron: Mo ge zyaŋ tǝ Mosus fah kǝsyicokki. Aron kal o, ge zyaŋ ne Mosus tǝ Waa Masǝŋ , so zwǝ ko ne zahe. 28 Mosus kee ɓǝ mai Dǝɓlii mo pee ko ne ko nyi Aron tǝkine dǝǝbǝǝri mai mo faa ɓǝ ah nyi ko ka mo joŋ daŋ. 29 Mosus kal ne Aron, so ge taira zaluu Israel daŋ. 30 Aron kee ɓǝ mai Dǝɓlii mo faa nyi Mosus daŋ, so joŋ dǝǝbǝǝri daŋ ne nahnǝn zana. 31 Za nyiŋra ɓǝ ahe, mor ne cok mo laara Dǝɓlii ge wo za Israel, kwo bone ɓǝǝra, so ɗǝmra tǝtǝl keara ge sǝŋ.
