Za joŋ mo joŋra yella
1 Zǝzǝ̃ǝ me tǝ faa nyi we za joŋne! We laa ɓǝ faa ɓe, we yeyee we dahgorre, mor bone camcam mai mo tǝ yah gin tǝ ɓiiri! 2 Joŋ ɓii guɓ ɓe, mbǝro ɓii tǝsyin cee ɓe. 3 Vãm kaŋnyeeri ɓii ne vãm solai ɓii laŋ gbǝ tǝ gbõo ɓe, gbõo ah ga joŋ syedowal tǝ ɓiiri, a ga cwah suu nyi we tǝgbana wii, mor we tai joŋ ɓii ɓo pǝ zah'nan ma fahfal tǝ lii. 4 Lak ma soo za ma joŋ yeɓ 'wah ɓii mai we re ɓo tǝ ɓyaŋ ɓǝ! Yee mai za yeɓ mo tǝ yee laŋ cii ge dai sok Masǝŋ, Dǝɓlii mayǝk ɓe! 5 Awe, we tǝ laa pǝ'nyah ne fan ma 'nyah suu ɓii ma wo sǝr mai ne zah'nan cee ɓiiri, awe ŋwaa suu ɓii ɓo mor zah'nan ŋgom ɓiiri. 6 We ŋgoŋ kiita tǝ za ma bai ɓǝɓe' we ik ra pǝ wulli, soɓra suu ɓǝǝ nyi we, cakra we ya.
Kyaŋ fan tǝkine juupelle
7 Wee pa ɓe, we rõm kyaŋ gin Dǝɓlii. We ẽe pah 'wah a rõm kyaŋ fakpãhpǝǝ 'wah ah ɗǝne? A byak bam zah bam tǝkine bam gwahl daŋ. 8 Awe laŋ we rõm byak nai ta, we pee zahzyil mbaŋ, mor gin Dǝɓlii a gwari.
9 Wee pa ɓe, we faa ɓǝɓe' tǝ ki ka, mor ka kiita mo gbǝ we ka ta. Mor pa kiita uu ɓo zahfah o! 10 Wee pa ɓe, we foo ɓǝ profetoen mai mo faara ɓǝ pǝ tǝɗii Dǝɓlii, ka we rõm bone tǝgbana ra. 11 Ana faa ɓǝ sãh tǝ za ma rõmra bone. Awe laa ɓǝ Joɓ mo rõm ɓe, so we tǝ mai Dǝɓlii mo joŋ wol ah fahfal ah ɓe. Mor Dǝɓlii a gboŋgboŋ, a kwan syak pǝlli ta.
12 Amma ɓǝ malii ahe, wee pa ɓe: we tǝ faa ɓǝ ɓe, we haa zah ne ka. We haa zah ne coksǝŋ wala sǝrri, koo ne fan maki ah ka ta. Ɓǝ faa ɓii mo Oho ɓe, we faa Oho. Ɓǝ faa ɓii mo A'a ɓe, we faa A'a, mor ka kiita Masǝŋ mo ge tǝ ɓii ka.
13 Dǝɓ ki kǝsyil ɓii mo pǝ bone ɓe, mo juuko pelle. Dǝɓ ki mo tǝ laa pǝ'nyah ɓe, mo ɗǝǝko lǝŋ Masǝŋ. 14 Dǝɓ mo ne syem kǝsyil ɓii ɓe, mo ɗiiko zaluu eklesia ge wol ah ka mo juura pel mor ah tǝkine sõm nǝm tǝl ah pǝ tǝɗii Dǝɓlii. 15 Juupel ma ne iŋ a ga laɓ dǝɓ ma ne syemme, Dǝɓlii ga ur ko sǝŋ. Mo joŋko faɓe' ɓo laŋ, a ga rwah ga lalle. 16 We kee faɓe' ɓii nyi ki, we juupel mor ki ka we laɓɓe. Juupel dǝɓ matǝ njaŋ a joŋ yeɓ pǝswah no cam. 17 Elias dǝfuu ye tǝgbana na ta, juupel ne zahzyil daŋ ka bam mo tǝ ka. So syii sai ne fĩi yea, bam tǝ ge sǝŋ ya. 18 So jin juupel faɗa, bam kal tǝ tan gin sǝŋ, sǝr so joŋ fakpãhpǝǝ pǝsãhe.
19 Wee pa ɓe, dǝɓ ki mo zyak gin tǝ fahlii goŋga kǝsyil ɓii ɓe, so dǝɓ ki mo zaŋ ko pii soo ge ne ɓe, 20 ka we tǝ: Koo zune mo zaŋ dǝɓ faɓe' gin tǝ fahlii ɓe' ah pii soo ge ne ko, ka ǝ̃ǝ mazwãhsuu dǝɓ ah gin zah wul ɓe, ka ɓǝɓe' ah camcam rwah ge lal ɓe ta.
Za joŋ mo joŋra yella
1 Zǝzǝ̃ǝ me tǝ faa nyi we za joŋne! We laa ɓǝ faa ɓe, we yeyee we dahgorre, mor bone camcam mai mo tǝ yah gin tǝ ɓiiri! 2 Joŋ ɓii guɓ ɓe, mbǝro ɓii tǝsyin cee ɓe. 3 Vãm kaŋnyeeri ɓii ne vãm solai ɓii laŋ gbǝ tǝ gbõo ɓe, gbõo ah ga joŋ syedowal tǝ ɓiiri, a ga cwah suu nyi we tǝgbana wii, mor we tai joŋ ɓii ɓo pǝ zah'nan ma fahfal tǝ lii. 4 Lak ma soo za ma joŋ yeɓ 'wah ɓii mai we re ɓo tǝ ɓyaŋ ɓǝ! Yee mai za yeɓ mo tǝ yee laŋ cii ge dai sok Masǝŋ, Dǝɓlii mayǝk ɓe! 5 Awe, we tǝ laa pǝ'nyah ne fan ma 'nyah suu ɓii ma wo sǝr mai ne zah'nan cee ɓiiri, awe ŋwaa suu ɓii ɓo mor zah'nan ŋgom ɓiiri. 6 We ŋgoŋ kiita tǝ za ma bai ɓǝɓe' we ik ra pǝ wulli, soɓra suu ɓǝǝ nyi we, cakra we ya.
Kyaŋ fan tǝkine juupelle
7 Wee pa ɓe, we rõm kyaŋ gin Dǝɓlii. We ẽe pah 'wah a rõm kyaŋ fakpãhpǝǝ 'wah ah ɗǝne? A byak bam zah bam tǝkine bam gwahl daŋ. 8 Awe laŋ we rõm byak nai ta, we pee zahzyil mbaŋ, mor gin Dǝɓlii a gwari.
9 Wee pa ɓe, we faa ɓǝɓe' tǝ ki ka, mor ka kiita mo gbǝ we ka ta. Mor pa kiita uu ɓo zahfah o! 10 Wee pa ɓe, we foo ɓǝ profetoen mai mo faara ɓǝ pǝ tǝɗii Dǝɓlii, ka we rõm bone tǝgbana ra. 11 Ana faa ɓǝ sãh tǝ za ma rõmra bone. Awe laa ɓǝ Joɓ mo rõm ɓe, so we tǝ mai Dǝɓlii mo joŋ wol ah fahfal ah ɓe. Mor Dǝɓlii a gboŋgboŋ, a kwan syak pǝlli ta.
12 Amma ɓǝ malii ahe, wee pa ɓe: we tǝ faa ɓǝ ɓe, we haa zah ne ka. We haa zah ne coksǝŋ wala sǝrri, koo ne fan maki ah ka ta. Ɓǝ faa ɓii mo Oho ɓe, we faa Oho. Ɓǝ faa ɓii mo A'a ɓe, we faa A'a, mor ka kiita Masǝŋ mo ge tǝ ɓii ka.
13 Dǝɓ ki kǝsyil ɓii mo pǝ bone ɓe, mo juuko pelle. Dǝɓ ki mo tǝ laa pǝ'nyah ɓe, mo ɗǝǝko lǝŋ Masǝŋ. 14 Dǝɓ mo ne syem kǝsyil ɓii ɓe, mo ɗiiko zaluu eklesia ge wol ah ka mo juura pel mor ah tǝkine sõm nǝm tǝl ah pǝ tǝɗii Dǝɓlii. 15 Juupel ma ne iŋ a ga laɓ dǝɓ ma ne syemme, Dǝɓlii ga ur ko sǝŋ. Mo joŋko faɓe' ɓo laŋ, a ga rwah ga lalle. 16 We kee faɓe' ɓii nyi ki, we juupel mor ki ka we laɓɓe. Juupel dǝɓ matǝ njaŋ a joŋ yeɓ pǝswah no cam. 17 Elias dǝfuu ye tǝgbana na ta, juupel ne zahzyil daŋ ka bam mo tǝ ka. So syii sai ne fĩi yea, bam tǝ ge sǝŋ ya. 18 So jin juupel faɗa, bam kal tǝ tan gin sǝŋ, sǝr so joŋ fakpãhpǝǝ pǝsãhe.
19 Wee pa ɓe, dǝɓ ki mo zyak gin tǝ fahlii goŋga kǝsyil ɓii ɓe, so dǝɓ ki mo zaŋ ko pii soo ge ne ɓe, 20 ka we tǝ: Koo zune mo zaŋ dǝɓ faɓe' gin tǝ fahlii ɓe' ah pii soo ge ne ko, ka ǝ̃ǝ mazwãhsuu dǝɓ ah gin zah wul ɓe, ka ɓǝɓe' ah camcam rwah ge lal ɓe ta.
