Womra sǝr Kanaan ne cahcah
1 Za Israel lwaara sǝr Kanaan ka ren naiko: pa joŋzahsyiŋ Eleasar ne Joswa we Nun tǝkine zaluu yaŋ ma kǝsyil ban Israel daŋ, womra nyi ra. 2 Lwaara zah sǝr ma ɓǝǝ daŋ ne cahcah tǝgbana mai Dǝɓlii mo faa nyi Mosus ka wom nyi zahban matǝ doraŋ ne raita. 3 Mor Mosus nyi sǝr nyi zahban gwa ne raita kah el Yordan nǝzakǝŋhaa ɓe. Amma nyi sǝr nyi Lewitien kǝsyil ɓǝǝr a. 4 Wee Yuseɓ ciŋra ban gwa: Manasse ne Efraim. Mor ah nyira sǝr nyi Lewitien kpee ɗǝ yao, sai yaŋ mai moo kaara gŋ tǝkine cok pii fan ah mor faɓal ɓǝǝ tǝkine joŋ ɓǝǝ to. 5 Tǝgbana mai Dǝɓlii mo faa nyi Mosus, so za Israel joŋra laŋ na moo ta, womra sǝr ahe.
Kaleɓ lwaa Hebron
6 Comki wee Yuda gera wo Joswa Gilgal. Dǝɓ vaŋno kǝsyil ɓǝǝ a ɗii ne Kaleɓ, we Jefunne Kenisiyo yo, faa nyi ko: Mo tǝ ɓǝ mai Dǝɓlii mo faa nyi Mosus dǝɓ yeɓ Masǝŋ tǝ ɓǝ ɓe tǝkine ɓǝ ɓo Kades-Barnea ɓe. 7 Ne cok Mosus dǝɓ yeɓ Dǝɓlii mo pee me ge Kades-Barnea ka foo sǝr ka me joŋ syii ɓo jemma nai, me ge kee ɓǝ ah nyi ko tǝgbana mai mo no pǝ zahzyil ɓe. 8 Wee pa ɓe mai mo gera ne me ge nǝǝra zahzyil nyi zana, amma ame, me syee mor Dǝɓlii Masǝŋ ɓe njaŋ. 9 Ne zah'nan ah Mosus haa zah faa: Sǝr mai ɓal ɓo moo ga dǝǝ daŋ a ga ciŋ ma ɓo ne wee ɓo ga lii, mor mo syee mor Dǝɓlii Masǝŋ ɓe njaŋ. 10 Mo ẽe zǝzǝ̃ǝ Dǝɓlii soɓ me ne cee syii jemma nai tǝtǝl dappe tǝgbana mo faako daga ne cok mai Dǝɓlii mo faa ɓǝ ah nyi Mosus ne cok ka za Israel tǝ kyãhra kǝsyicok ba. Zǝzǝ̃ǝko me joŋ syii ɓo jemma nama tǝtǝl dappe, 11 so me pǝswah 'wa tǝgbana ma ne cok zah'nan mai Mosus mo pee me. Tǝgbana me yea pǝswah ɓaaɓe, tǝ'nah laŋ me gak kyãh ne ɓalle, swah no wo ɓe ka ruu sal 'wa. 12 Mo nyi waa mai Dǝɓlii mo faa ɓǝ ah ne cok ah nyi me o, mor ne cok ah mo laa Anakien no gŋ ne yaŋ maluu maswah ah ra daŋ. Dǝɓlii mo gbah jol ɓe ɓe, me ga nĩi ra tǝgbana mai Dǝɓlii mo faa.
13 Joswa ẽe Kaleɓ we Jefunne, so nyi Hebron nyi ko ka kaa gŋ. 14 Hebron ciŋ sǝr mǝ Kaleɓ we Jefunne Kenisiyo ŋhaa tǝ'nahko, mor Kaleɓ syee mor Dǝɓlii Masǝŋ Israel njaŋ. 15 Amma daga ɓaaɓe Hebron yea tǝ ɗii ne Kirjat-Arba. Mor Arba ako ye dǝɓ malii ah kǝsyil Anakien.
So sǝr 'yak bai ruu salle.
Womra sǝr Kanaan ne cahcah
1 Za Israel lwaara sǝr Kanaan ka ren naiko: pa joŋzahsyiŋ Eleasar ne Joswa we Nun tǝkine zaluu yaŋ ma kǝsyil ban Israel daŋ, womra nyi ra. 2 Lwaara zah sǝr ma ɓǝǝ daŋ ne cahcah tǝgbana mai Dǝɓlii mo faa nyi Mosus ka wom nyi zahban matǝ doraŋ ne raita. 3 Mor Mosus nyi sǝr nyi zahban gwa ne raita kah el Yordan nǝzakǝŋhaa ɓe. Amma nyi sǝr nyi Lewitien kǝsyil ɓǝǝr a. 4 Wee Yuseɓ ciŋra ban gwa: Manasse ne Efraim. Mor ah nyira sǝr nyi Lewitien kpee ɗǝ yao, sai yaŋ mai moo kaara gŋ tǝkine cok pii fan ah mor faɓal ɓǝǝ tǝkine joŋ ɓǝǝ to. 5 Tǝgbana mai Dǝɓlii mo faa nyi Mosus, so za Israel joŋra laŋ na moo ta, womra sǝr ahe.
Kaleɓ lwaa Hebron
6 Comki wee Yuda gera wo Joswa Gilgal. Dǝɓ vaŋno kǝsyil ɓǝǝ a ɗii ne Kaleɓ, we Jefunne Kenisiyo yo, faa nyi ko: Mo tǝ ɓǝ mai Dǝɓlii mo faa nyi Mosus dǝɓ yeɓ Masǝŋ tǝ ɓǝ ɓe tǝkine ɓǝ ɓo Kades-Barnea ɓe. 7 Ne cok Mosus dǝɓ yeɓ Dǝɓlii mo pee me ge Kades-Barnea ka foo sǝr ka me joŋ syii ɓo jemma nai, me ge kee ɓǝ ah nyi ko tǝgbana mai mo no pǝ zahzyil ɓe. 8 Wee pa ɓe mai mo gera ne me ge nǝǝra zahzyil nyi zana, amma ame, me syee mor Dǝɓlii Masǝŋ ɓe njaŋ. 9 Ne zah'nan ah Mosus haa zah faa: Sǝr mai ɓal ɓo moo ga dǝǝ daŋ a ga ciŋ ma ɓo ne wee ɓo ga lii, mor mo syee mor Dǝɓlii Masǝŋ ɓe njaŋ. 10 Mo ẽe zǝzǝ̃ǝ Dǝɓlii soɓ me ne cee syii jemma nai tǝtǝl dappe tǝgbana mo faako daga ne cok mai Dǝɓlii mo faa ɓǝ ah nyi Mosus ne cok ka za Israel tǝ kyãhra kǝsyicok ba. Zǝzǝ̃ǝko me joŋ syii ɓo jemma nama tǝtǝl dappe, 11 so me pǝswah 'wa tǝgbana ma ne cok zah'nan mai Mosus mo pee me. Tǝgbana me yea pǝswah ɓaaɓe, tǝ'nah laŋ me gak kyãh ne ɓalle, swah no wo ɓe ka ruu sal 'wa. 12 Mo nyi waa mai Dǝɓlii mo faa ɓǝ ah ne cok ah nyi me o, mor ne cok ah mo laa Anakien no gŋ ne yaŋ maluu maswah ah ra daŋ. Dǝɓlii mo gbah jol ɓe ɓe, me ga nĩi ra tǝgbana mai Dǝɓlii mo faa.
13 Joswa ẽe Kaleɓ we Jefunne, so nyi Hebron nyi ko ka kaa gŋ. 14 Hebron ciŋ sǝr mǝ Kaleɓ we Jefunne Kenisiyo ŋhaa tǝ'nahko, mor Kaleɓ syee mor Dǝɓlii Masǝŋ Israel njaŋ. 15 Amma daga ɓaaɓe Hebron yea tǝ ɗii ne Kirjat-Arba. Mor Arba ako ye dǝɓ malii ah kǝsyil Anakien.
So sǝr 'yak bai ruu salle.
