Faɓe' Akan
1 Amma za Israel zǝǝra tǝ ɓǝ mai Dǝɓlii mo faa nyi ra. Dǝɓ ki no a ɗii ne Akan, zyii laa ɓǝ faa Dǝɓlii ya, lal kiŋ fan mai mo soɓra ɓo ne tǝkẽawãk ka vǝrri. Mor ahe, Dǝɓlii ɓaŋ kpãh tǝ za Israel pǝlli. (Akan, ako ye we Karmi, we Zaɓdi, morsǝ̃ǝ Zera, dǝɓ ban Yuda yo.)
2 Joswa pee za daga Jeriko ge yaŋ Ai mai mo kah Bet-Haven gwari nǝfah morcomzah'nan Betel. Faa nyi ra: We gyo, we foo sǝr ahe. Zan ah kalra ge foora Ai. 3 Ne cok mo pii soora ge wo Joswa, faara nyi ko: Za mo gera daŋ ka, sai za tǝgbana ujenere gwa koo sai mo ge ruura sal ne Ai o, mo gaɓ za daŋ ge gŋ kpee kao, mor zan ah ka pǝpãar a. 4 Za tǝgbana ujenere sai kalra ge gŋ, amma za Ai nĩi ra. 5 Za Ai nĩira za Israel daga zahfah yaŋ ɓǝǝ ŋhaa ge dai Sebarim, ikra za kǝsyil ɓǝǝ tǝgbana jemma sai tǝtǝl yea pǝ cok tǝforoŋ ne cok mo tǝ nĩira ra ganne. Zahzyil nǝǝ za ŋhaa wuura na bii wãkkǝkǝ.
6 Joswa ne zaluu Israel daŋ ŋgǝ̃ǝra mbǝro wo suu ɓǝǝra, swaara ɓǝ pǝlli, leara ge sǝŋ ɗǝmra zahpel ge tǝ sǝr pel sunduku Dǝɓlii ŋhaa lilli. Rǝkra sǝr ge tǝtǝlli. 7 Joswa faa: Kaiya, Masǝŋ Dǝɓlii, mor fẽe mo yee ne za mai daga el Yordan nǝzakǝŋhaa ka mo ge soɓ ra ge jol Amorien ka ik ru ne? Pǝram kǝnah ru kaa ɓo Yordan nǝzakǝŋhaa. 8 Mo laa ɗao Dǝɓlii, ɗah za Israel mo ɗuura ɓo pel za syiŋ ɓǝǝ nyẽe me so faa ɗǝne? 9 Kanaanien tǝkine za sǝr mai daŋ mo laara ɓe, a ga ryaŋra ru, a vǝrra tǝɗii ɓuu gin wo sǝrri, so mo ga joŋ fẽe mor tǝɗii ɓo mayǝk ne?
10 Dǝɓlii faa nyi Joswa: Mo ur sǝŋ, mo ɗǝŋ zahpel ɓo ge ɓo sǝŋ nai mor fẽene? 11 Za Israel joŋra faɓe' ɓe, mor zǝǝra tǝ ɓǝ gbanzah mai me faa nyi ra ɓe, woora fan mai mo nǝǝ soɓ ɓo ne tǝkẽawãk ka ɓeɓɓe, kiŋra lal mok ɓo kǝsyil faswaa ɓǝǝra. 12 Mor ah za Israel ka gak uura pel za syiŋ ɓǝǝ ya, a ga ɗuura pel za syiŋ ɓǝǝ ɗuu, mor tǝkẽawãk ge tǝ ɓǝǝ ɓe. We nǝǝ fan nyin ɓii ge lal a ɓe, me ka yea ne we ya. 13 Mo urri, mo joŋ za ka mo yeara pǝsãh pel ɓe. Mo faa nyi ra mo nǝǝra suu ɓǝǝra, mor Dǝɓlii Masǝŋ Israel faa sye: Faɓe' no kǝsyil ɓiiri za Israel. We ka gak uu pel za syiŋ ɓii ya, sai ka we nǝǝ fan ah kǝsyil ɓii ge lal ɓe. 14 Tǝ'nan ne zah'nan we ga uu ne ban ɓii camcam, ban mai Dǝɓlii mo nǝǝ ɓe, ka mo so tǝɓra ge ne za ɓǝǝra, za mai Dǝɓlii mo nǝǝ ɓe, ka mo tǝɓra ge ne za yaŋ ɓǝǝra, yaŋ mai Dǝɓlii moo ga nǝǝ, ka dǝɓ vaŋno vaŋno mo tǝɓ ge. 15 So dǝɓ mai mo ga nǝǝra ko ne fan nyin ah daŋ, ka mo syakra ko ne wii tǝkine fan yaŋ ah daŋ, mor zǝǝko tǝ ɓǝ faa Dǝɓlii, joŋ fan ma ren swãa ah ɓo kǝsyil za Israel.
16 Joswa pǝ̃ǝ ne zah'nan pim tai za Israel daŋ ge uura ne ban ɓǝǝra, syiŋ gbǝ ban Yuda. 17 So tǝɓra za Yuda ge, syiŋ gbǝ ra, tǝɓra za morsǝ̃ǝ Zera ge ne za ɓǝǝra, syiŋ gbǝ Zaɓdi. 18 So tǝɓra Zaɓdi ge ne zan ahe, syiŋ gbǝ Akan we Karmi we Zaɓdi we Zera daga ban Yuda. 19 Joswa so faa nyi Akan: We ɓe, mo yii Dǝɓlii Masǝŋ Israel, mo kee ɓǝɓe' ɓo nyi ko, mo muŋ ɓǝ ah ka. 20 Akan zyii zah Joswa faa: Goŋga yo, me joŋ faɓe' wo Dǝɓlii Masǝŋ Israel ɓe, fan mai me joŋ a naiko: pǝ fan ma lwaa zah sal me kwo kilbǝǝri za Babilon masãh ahe, ne vãm solai kilo gwa, ne tǝgǝr vãm kaŋnyeeri yǝk ah nǝn raita kilo. 21 Me cwaa fan ah ra, me woo kilbǝǝri ah njǝk ge ɓo sǝŋ ɓǝr jul mbǝro ɓe, vãm solai ah laŋ a mor ah sǝŋ.
22 Joswa pee za ɗuura ge pǝ jul mbǝro ahe, ge lwaara njǝk kilbǝǝri ah ge ɓo sǝŋ ɓǝr julli, vãm solai mor ah sǝŋ. 23 Woora fan ah ɓǝr jul ah ge wo Joswa ne zaluu Israel daŋ, ge rǝkra fan ah ra pel Dǝɓlii. 24 Joswa ne za Israel daŋ woora Akan ne vãm solai ne kilbǝǝri ne tǝgǝr vãm kaŋnyeeri ne wee ah mawǝǝ ne maŋwǝǝ ne dǝǝ ah ne korro, gwii ah ra ne jul ah tǝkine fan ah daŋ gera pǝ cok tǝforoŋ Bone ne ko. 25 Joswa faa nyi Akan: Mo ge ne bone mai tǝ ɓuu mor fẽene? Tǝ'nah Dǝɓlii ga rǝk bone tǝ ɓo ta. Za Israel daŋ ɓaara ko ne tǝsalle, so syakra ra ne wii. 26 Weara tǝsal tǝl ah pǝ'manne, a no gŋ ŋhaa tǝ'nahko. Dǝɓlii soɓ ɓaŋ kpãh ah mo ɓaŋ ɓo pǝ'manne, mor ah a ɗiira cok ah ne cok tǝforoŋ Bone ŋhaa tǝ'nahko.
Faɓe' Akan
1 Amma za Israel zǝǝra tǝ ɓǝ mai Dǝɓlii mo faa nyi ra. Dǝɓ ki no a ɗii ne Akan, zyii laa ɓǝ faa Dǝɓlii ya, lal kiŋ fan mai mo soɓra ɓo ne tǝkẽawãk ka vǝrri. Mor ahe, Dǝɓlii ɓaŋ kpãh tǝ za Israel pǝlli. (Akan, ako ye we Karmi, we Zaɓdi, morsǝ̃ǝ Zera, dǝɓ ban Yuda yo.)
2 Joswa pee za daga Jeriko ge yaŋ Ai mai mo kah Bet-Haven gwari nǝfah morcomzah'nan Betel. Faa nyi ra: We gyo, we foo sǝr ahe. Zan ah kalra ge foora Ai. 3 Ne cok mo pii soora ge wo Joswa, faara nyi ko: Za mo gera daŋ ka, sai za tǝgbana ujenere gwa koo sai mo ge ruura sal ne Ai o, mo gaɓ za daŋ ge gŋ kpee kao, mor zan ah ka pǝpãar a. 4 Za tǝgbana ujenere sai kalra ge gŋ, amma za Ai nĩi ra. 5 Za Ai nĩira za Israel daga zahfah yaŋ ɓǝǝ ŋhaa ge dai Sebarim, ikra za kǝsyil ɓǝǝ tǝgbana jemma sai tǝtǝl yea pǝ cok tǝforoŋ ne cok mo tǝ nĩira ra ganne. Zahzyil nǝǝ za ŋhaa wuura na bii wãkkǝkǝ.
6 Joswa ne zaluu Israel daŋ ŋgǝ̃ǝra mbǝro wo suu ɓǝǝra, swaara ɓǝ pǝlli, leara ge sǝŋ ɗǝmra zahpel ge tǝ sǝr pel sunduku Dǝɓlii ŋhaa lilli. Rǝkra sǝr ge tǝtǝlli. 7 Joswa faa: Kaiya, Masǝŋ Dǝɓlii, mor fẽe mo yee ne za mai daga el Yordan nǝzakǝŋhaa ka mo ge soɓ ra ge jol Amorien ka ik ru ne? Pǝram kǝnah ru kaa ɓo Yordan nǝzakǝŋhaa. 8 Mo laa ɗao Dǝɓlii, ɗah za Israel mo ɗuura ɓo pel za syiŋ ɓǝǝ nyẽe me so faa ɗǝne? 9 Kanaanien tǝkine za sǝr mai daŋ mo laara ɓe, a ga ryaŋra ru, a vǝrra tǝɗii ɓuu gin wo sǝrri, so mo ga joŋ fẽe mor tǝɗii ɓo mayǝk ne?
10 Dǝɓlii faa nyi Joswa: Mo ur sǝŋ, mo ɗǝŋ zahpel ɓo ge ɓo sǝŋ nai mor fẽene? 11 Za Israel joŋra faɓe' ɓe, mor zǝǝra tǝ ɓǝ gbanzah mai me faa nyi ra ɓe, woora fan mai mo nǝǝ soɓ ɓo ne tǝkẽawãk ka ɓeɓɓe, kiŋra lal mok ɓo kǝsyil faswaa ɓǝǝra. 12 Mor ah za Israel ka gak uura pel za syiŋ ɓǝǝ ya, a ga ɗuura pel za syiŋ ɓǝǝ ɗuu, mor tǝkẽawãk ge tǝ ɓǝǝ ɓe. We nǝǝ fan nyin ɓii ge lal a ɓe, me ka yea ne we ya. 13 Mo urri, mo joŋ za ka mo yeara pǝsãh pel ɓe. Mo faa nyi ra mo nǝǝra suu ɓǝǝra, mor Dǝɓlii Masǝŋ Israel faa sye: Faɓe' no kǝsyil ɓiiri za Israel. We ka gak uu pel za syiŋ ɓii ya, sai ka we nǝǝ fan ah kǝsyil ɓii ge lal ɓe. 14 Tǝ'nan ne zah'nan we ga uu ne ban ɓii camcam, ban mai Dǝɓlii mo nǝǝ ɓe, ka mo so tǝɓra ge ne za ɓǝǝra, za mai Dǝɓlii mo nǝǝ ɓe, ka mo tǝɓra ge ne za yaŋ ɓǝǝra, yaŋ mai Dǝɓlii moo ga nǝǝ, ka dǝɓ vaŋno vaŋno mo tǝɓ ge. 15 So dǝɓ mai mo ga nǝǝra ko ne fan nyin ah daŋ, ka mo syakra ko ne wii tǝkine fan yaŋ ah daŋ, mor zǝǝko tǝ ɓǝ faa Dǝɓlii, joŋ fan ma ren swãa ah ɓo kǝsyil za Israel.
16 Joswa pǝ̃ǝ ne zah'nan pim tai za Israel daŋ ge uura ne ban ɓǝǝra, syiŋ gbǝ ban Yuda. 17 So tǝɓra za Yuda ge, syiŋ gbǝ ra, tǝɓra za morsǝ̃ǝ Zera ge ne za ɓǝǝra, syiŋ gbǝ Zaɓdi. 18 So tǝɓra Zaɓdi ge ne zan ahe, syiŋ gbǝ Akan we Karmi we Zaɓdi we Zera daga ban Yuda. 19 Joswa so faa nyi Akan: We ɓe, mo yii Dǝɓlii Masǝŋ Israel, mo kee ɓǝɓe' ɓo nyi ko, mo muŋ ɓǝ ah ka. 20 Akan zyii zah Joswa faa: Goŋga yo, me joŋ faɓe' wo Dǝɓlii Masǝŋ Israel ɓe, fan mai me joŋ a naiko: pǝ fan ma lwaa zah sal me kwo kilbǝǝri za Babilon masãh ahe, ne vãm solai kilo gwa, ne tǝgǝr vãm kaŋnyeeri yǝk ah nǝn raita kilo. 21 Me cwaa fan ah ra, me woo kilbǝǝri ah njǝk ge ɓo sǝŋ ɓǝr jul mbǝro ɓe, vãm solai ah laŋ a mor ah sǝŋ.
22 Joswa pee za ɗuura ge pǝ jul mbǝro ahe, ge lwaara njǝk kilbǝǝri ah ge ɓo sǝŋ ɓǝr julli, vãm solai mor ah sǝŋ. 23 Woora fan ah ɓǝr jul ah ge wo Joswa ne zaluu Israel daŋ, ge rǝkra fan ah ra pel Dǝɓlii. 24 Joswa ne za Israel daŋ woora Akan ne vãm solai ne kilbǝǝri ne tǝgǝr vãm kaŋnyeeri ne wee ah mawǝǝ ne maŋwǝǝ ne dǝǝ ah ne korro, gwii ah ra ne jul ah tǝkine fan ah daŋ gera pǝ cok tǝforoŋ Bone ne ko. 25 Joswa faa nyi Akan: Mo ge ne bone mai tǝ ɓuu mor fẽene? Tǝ'nah Dǝɓlii ga rǝk bone tǝ ɓo ta. Za Israel daŋ ɓaara ko ne tǝsalle, so syakra ra ne wii. 26 Weara tǝsal tǝl ah pǝ'manne, a no gŋ ŋhaa tǝ'nahko. Dǝɓlii soɓ ɓaŋ kpãh ah mo ɓaŋ ɓo pǝ'manne, mor ah a ɗiira cok ah ne cok tǝforoŋ Bone ŋhaa tǝ'nahko.
