Zapee jemma tǝ gwa
(Mk 3:13-19Lu 6:12-16)1 Yesu ɗii za syee mor ah matǝ jemma tǝ gwa, nyi swah nyi ra ka nĩi coksyiŋrĩ, ne laɓ syem camcam tǝkine za ma ne suu tǝ jok daŋ. 2 Tǝɗii zapee matǝ jemma tǝ gwa a naiko: ma kǝpel ahe, Simon ma ɗii ne Petar ta, ne naa mah ah Andreas, Yakub we Zebedeus ne naa mah ah Yohana, 3 Filip, Bartolomeus, Tomas, Mateus dǝɓ ma sǝǝ fanne, Yakuɓ we Alfeus, ne Tadeus, 4 Simon Wesǝrri, ne Yudas ma Iskariot mai mo joŋ tǝkor Yesu.
Yesu pee za matǝ jemma tǝ gwa
(Mk 6:7-13Lu 9:1-6)5 Yesu pee za matǝ jemma tǝ gwa, faa nyi ra: We ge pǝ sǝr mai za mai mo ye ka Yahuduen mo gŋ ka, we ge yaŋ ma pǝ sǝr Samaria ra ka. 6 Sai we ge wo pǝsǝ̃ǝ Israel mai mo mok ɓo. 7 We tǝ ga tǝ fahlii ɓe, we cuu ɓǝ we faa: Goŋ Masǝŋ ge gwari ɓe. 8 We laɓ za ma ne syemme, we syem za ma wulli, we laɓ za ma ne tǝkpiŋrĩ, we nĩi coksyiŋrĩ. We ɗǝǝ ɓo tǝkolle, we nyi tǝkol ta. 9 We ɓaŋ vãm kaŋnyeeri ka, we ɓaŋ vãm solai ka, we woo solai rǝk pǝ dah jiibǝ ɓii ka ta. 10 We ɓaŋ dah mor fahlii gwǝǝ ka ta, we woo mbǝro gwa gwa ka, we woo sǝɓal ka, we woo kǝndaŋ laŋ ka ta. Mor dǝɓ yeɓ no ne fahlii ka lwaa farel ahe.
11 Ne cok we ge dai yaŋ malii wala yaŋ malaŋne, we kyeɓ dǝɓ mai mo ne 'yah ka nyiŋ we gŋ ka we kaa yaŋ ah ŋhaa we zol gin gŋ ne sõo. 12 Ne cok we dan ge yaŋ maki ah ɓe, we faa: Jam mo yea ne we. 13 Za ɓǝr yaŋ ah mo nyiŋra we ɓe, ka we soɓ jam haozah wol ɓii yea tǝ ɓǝǝra. Amma mo nyiŋra we ya ɓe, ka we ɓaŋ jam haozah wol ɓii gin tǝ ɓǝǝra. 14 Koo mo yaŋ dǝɓ yo, wala mo yaŋ malii yo mo zyii nyiŋra we gŋ ya, mo laara ɓǝ faa ɓii ya ɓe, we zol gin gŋ, ka we kǝ̃ǝ ɓǝm ɓal ɓiiri. 15 Me tǝ faa nyi we goŋga, yaŋ mai ga lwaa kiita pǝgaɓ com kiita kal yaŋ Sodoma ne Gomorra.
Bone mai mo tǝ ginni
(Mk 13:9-13Lu 21:12-17)16 We laa ɓe ne? Me tǝ pee we tǝgbana pǝsǝ̃ǝ mai mo kǝsyil goobamme. We yea ne yella tǝgbana soo, we yea bai ɓǝɓe' na matǝvaare. 17 Amma we joŋ yella ne zana, mor a gara pel kiita ne we, a ga loɓra we yaŋ kee ɓǝ Masǝŋ ɓǝǝ ne bǝrǝǝ. 18 A gara pel zaluu ne we tǝkine za goŋ mor tǝɗii ɓe, mor ka we joŋ syedowal ɓii pel ɓǝǝ tǝkine pel za mai mo ye ka Yahuduen a daŋ. 19 Ne cok mo gera cok kiita ne we ɓe, we swaa ɓǝ ru ga zyii ɓǝ ɗǝne wala ru ga faa ɗǝne ka, Masǝŋ ga nyi ɓǝ mai we ga faa gŋ nyi we ne cok ah ba. 20 Mor awe ye ka tǝ ga faa ya, amma Tǝ'yak Pa ɓii mo pǝzyil ɓii ye ga faa.
21 Za ga soɓra naa ma ɓǝǝ nyi za ka mo ikra ra pǝ wulli, pah wee ga joŋra ne wee ɓǝǝ laŋ nai ta, so wee ga jinra tǝ za ɓǝǝ a ga ikra ra pǝ wulli. 22 Za daŋ a ga syiŋra we mor tǝɗii ɓe. Amma dǝɓ mo rõm gŋ ŋhaa mo vǝr ne sõo ɓe, a ga ǝ̃ǝ. 23 Ne cok mo tǝ cuura bone nyi we yaŋ moo ɓe, ka we ɗuu ge yaŋ maki ahe. Me tǝ faa nyi we goŋga, we ka kyãh zyaŋ yaŋ Israel daŋ bai We Dǝfuu mo ge ya.
24 Wel fee fan ka kal pa cuu fan ah ne lii ya, dǝɓ yeɓ ka kal pah yeɓ ah ne lii ya ta. 25 Kii nǝn mai pa fee fan mo yea tǝgbana pa cuu fan ahe, dǝɓ yeɓ laŋ mo yea tǝgbana pah yeɓ ahe. Mo ɗiira nanaa pah yaŋ ne Beelzebul ɗao, a ga ɗiira za yaŋ ah ɗǝne?
Dǝɓ mai mo nǝn ɗuu gal ahe
(Lu 12:2-7)26 We ɗuu gal dǝfuu ka. Fan mai mo muŋ ɓo mo ka joo gin lal a kǝka, fan ma tǝsyeɓ mai za mo ka ga tǝ ya kǝka. 27 Ɓǝ mai me tǝ faa nyi we pǝ cokfuu, we ge faa ɓǝ ah pǝ cokfãi, ɓǝ mai me faa nyi we ne zah gwǝǝre, we ge uu zahdǝǝ sǝŋ faa ɓǝ ahe. 28 We ɗuu gal za ma inra dǝɓ pǝ wul ka, amma ka gak ira mazwãhsuu ya. Pǝram we ɗuu Masǝŋ mai moo gak muŋ suu tǝkine mazwãhsuu gwa daŋ pǝ cok wii. 29 Dǝɓ ka ɓaŋ haɓ vaŋno lee tǝsyii ne gwa ya ne? Koo ka lee ga sǝŋ kǝsyil ɓǝǝ vaŋno bai Pa ɓii mo no sǝŋ mo tǝ ka ya. 30 Koo rĩi tǝtǝl ɓii laŋ, kee ɓo kee vaŋno vaŋno daŋ. 31 Mor maiko, we ɗuu gal ka, we kal tǝsyii mo pǝpãa ne yǝk ɓe.
Cuu Yesu tǝkine fofoo tǝl ahe
(Lu 12:8-9)32 Koo zune mo cuu pel za azye ye ma ɓe, ame laŋ me ga cuu ko pel Pa ɓe mo no sǝŋ ako ye ma ɓe ta. 33 Amma dǝɓ mai mo faa pel za zye tǝ me ya, ame laŋ me ga faa pel Pa ɓe mo no sǝŋ me tǝ ko ya ta.
Me ge ɓo ka ne jam ya, amma zǝǝ yo
(Lu 12:51-53Lu 14:26-27)34 We lǝŋ sõone me ge ɓo wo sǝr ne jam ka, me ge ɓo ka ne jam ya, amma zǝǝ yo. 35 Me ge ɓo ka ur ɓǝ kǝsyil wel ne pamme, kǝsyil mǝlaŋ ne mah ahe, kǝsyil mawin wel ne magor ahe. 36 Za yaŋ ga syiŋra ki.
37 Dǝɓ mo tǝ 'yah pam wala mam kal me ɓe, ka kii nǝn pǝ koŋ ka syee mor ɓe ya. Dǝɓ mo tǝ 'yah wel ah wala mǝlaŋ ah kal me ɓe, ka kii nǝn pǝkoŋ syee mor ɓe ya ta. 38 Dǝɓ mo ɓaŋ kpuu ɓaa suu ah ka syee mor ɓe ne ya ɓe, ka kii nǝn pǝkoŋ ka syee mor ɓe ya. 39 Dǝɓ mo 'yah ka ǝ̃ǝ suu ah ɓe, a ga muŋ, amma dǝɓ mo nyiko suu ah mor ɓe ɓe, a ga lwaa cee ma ga lii.
Reba
(Mk 9:41)40 Dǝɓ mo nyiŋ we ɓe, ka nyiŋ me ɓe ta. Dǝɓ mo nyiŋ me, ka nyiŋ Dǝɓ mai mo pee me laŋ ɓo ta. 41 Dǝɓ mo nyiŋ profeto mor profeto Masǝŋ yo, a ga lwaa soo profeto ah ta. Dǝɓ mo nyiŋ dǝɓ matǝ njaŋ mor dǝɓ matǝ njaŋ pel Masǝŋ yo, a ga lwaa soo dǝɓ matǝ njaŋ ta. 42 Me tǝ faa nyi we goŋga, koo zune mo nyi bii wok ŋhǝǝ vaŋno nyi welaŋ vaŋno kǝsyil za syee mor ɓe mor ako ye dǝɓ syee mor ɓe, a ga lwaa reba ahe.
Zapee jemma tǝ gwa
(Mk 3:13-19Lu 6:12-16)1 Yesu ɗii za syee mor ah matǝ jemma tǝ gwa, nyi swah nyi ra ka nĩi coksyiŋrĩ, ne laɓ syem camcam tǝkine za ma ne suu tǝ jok daŋ. 2 Tǝɗii zapee matǝ jemma tǝ gwa a naiko: ma kǝpel ahe, Simon ma ɗii ne Petar ta, ne naa mah ah Andreas, Yakub we Zebedeus ne naa mah ah Yohana, 3 Filip, Bartolomeus, Tomas, Mateus dǝɓ ma sǝǝ fanne, Yakuɓ we Alfeus, ne Tadeus, 4 Simon Wesǝrri, ne Yudas ma Iskariot mai mo joŋ tǝkor Yesu.
Yesu pee za matǝ jemma tǝ gwa
(Mk 6:7-13Lu 9:1-6)5 Yesu pee za matǝ jemma tǝ gwa, faa nyi ra: We ge pǝ sǝr mai za mai mo ye ka Yahuduen mo gŋ ka, we ge yaŋ ma pǝ sǝr Samaria ra ka. 6 Sai we ge wo pǝsǝ̃ǝ Israel mai mo mok ɓo. 7 We tǝ ga tǝ fahlii ɓe, we cuu ɓǝ we faa: Goŋ Masǝŋ ge gwari ɓe. 8 We laɓ za ma ne syemme, we syem za ma wulli, we laɓ za ma ne tǝkpiŋrĩ, we nĩi coksyiŋrĩ. We ɗǝǝ ɓo tǝkolle, we nyi tǝkol ta. 9 We ɓaŋ vãm kaŋnyeeri ka, we ɓaŋ vãm solai ka, we woo solai rǝk pǝ dah jiibǝ ɓii ka ta. 10 We ɓaŋ dah mor fahlii gwǝǝ ka ta, we woo mbǝro gwa gwa ka, we woo sǝɓal ka, we woo kǝndaŋ laŋ ka ta. Mor dǝɓ yeɓ no ne fahlii ka lwaa farel ahe.
11 Ne cok we ge dai yaŋ malii wala yaŋ malaŋne, we kyeɓ dǝɓ mai mo ne 'yah ka nyiŋ we gŋ ka we kaa yaŋ ah ŋhaa we zol gin gŋ ne sõo. 12 Ne cok we dan ge yaŋ maki ah ɓe, we faa: Jam mo yea ne we. 13 Za ɓǝr yaŋ ah mo nyiŋra we ɓe, ka we soɓ jam haozah wol ɓii yea tǝ ɓǝǝra. Amma mo nyiŋra we ya ɓe, ka we ɓaŋ jam haozah wol ɓii gin tǝ ɓǝǝra. 14 Koo mo yaŋ dǝɓ yo, wala mo yaŋ malii yo mo zyii nyiŋra we gŋ ya, mo laara ɓǝ faa ɓii ya ɓe, we zol gin gŋ, ka we kǝ̃ǝ ɓǝm ɓal ɓiiri. 15 Me tǝ faa nyi we goŋga, yaŋ mai ga lwaa kiita pǝgaɓ com kiita kal yaŋ Sodoma ne Gomorra.
Bone mai mo tǝ ginni
(Mk 13:9-13Lu 21:12-17)16 We laa ɓe ne? Me tǝ pee we tǝgbana pǝsǝ̃ǝ mai mo kǝsyil goobamme. We yea ne yella tǝgbana soo, we yea bai ɓǝɓe' na matǝvaare. 17 Amma we joŋ yella ne zana, mor a gara pel kiita ne we, a ga loɓra we yaŋ kee ɓǝ Masǝŋ ɓǝǝ ne bǝrǝǝ. 18 A gara pel zaluu ne we tǝkine za goŋ mor tǝɗii ɓe, mor ka we joŋ syedowal ɓii pel ɓǝǝ tǝkine pel za mai mo ye ka Yahuduen a daŋ. 19 Ne cok mo gera cok kiita ne we ɓe, we swaa ɓǝ ru ga zyii ɓǝ ɗǝne wala ru ga faa ɗǝne ka, Masǝŋ ga nyi ɓǝ mai we ga faa gŋ nyi we ne cok ah ba. 20 Mor awe ye ka tǝ ga faa ya, amma Tǝ'yak Pa ɓii mo pǝzyil ɓii ye ga faa.
21 Za ga soɓra naa ma ɓǝǝ nyi za ka mo ikra ra pǝ wulli, pah wee ga joŋra ne wee ɓǝǝ laŋ nai ta, so wee ga jinra tǝ za ɓǝǝ a ga ikra ra pǝ wulli. 22 Za daŋ a ga syiŋra we mor tǝɗii ɓe. Amma dǝɓ mo rõm gŋ ŋhaa mo vǝr ne sõo ɓe, a ga ǝ̃ǝ. 23 Ne cok mo tǝ cuura bone nyi we yaŋ moo ɓe, ka we ɗuu ge yaŋ maki ahe. Me tǝ faa nyi we goŋga, we ka kyãh zyaŋ yaŋ Israel daŋ bai We Dǝfuu mo ge ya.
24 Wel fee fan ka kal pa cuu fan ah ne lii ya, dǝɓ yeɓ ka kal pah yeɓ ah ne lii ya ta. 25 Kii nǝn mai pa fee fan mo yea tǝgbana pa cuu fan ahe, dǝɓ yeɓ laŋ mo yea tǝgbana pah yeɓ ahe. Mo ɗiira nanaa pah yaŋ ne Beelzebul ɗao, a ga ɗiira za yaŋ ah ɗǝne?
Dǝɓ mai mo nǝn ɗuu gal ahe
(Lu 12:2-7)26 We ɗuu gal dǝfuu ka. Fan mai mo muŋ ɓo mo ka joo gin lal a kǝka, fan ma tǝsyeɓ mai za mo ka ga tǝ ya kǝka. 27 Ɓǝ mai me tǝ faa nyi we pǝ cokfuu, we ge faa ɓǝ ah pǝ cokfãi, ɓǝ mai me faa nyi we ne zah gwǝǝre, we ge uu zahdǝǝ sǝŋ faa ɓǝ ahe. 28 We ɗuu gal za ma inra dǝɓ pǝ wul ka, amma ka gak ira mazwãhsuu ya. Pǝram we ɗuu Masǝŋ mai moo gak muŋ suu tǝkine mazwãhsuu gwa daŋ pǝ cok wii. 29 Dǝɓ ka ɓaŋ haɓ vaŋno lee tǝsyii ne gwa ya ne? Koo ka lee ga sǝŋ kǝsyil ɓǝǝ vaŋno bai Pa ɓii mo no sǝŋ mo tǝ ka ya. 30 Koo rĩi tǝtǝl ɓii laŋ, kee ɓo kee vaŋno vaŋno daŋ. 31 Mor maiko, we ɗuu gal ka, we kal tǝsyii mo pǝpãa ne yǝk ɓe.
Cuu Yesu tǝkine fofoo tǝl ahe
(Lu 12:8-9)32 Koo zune mo cuu pel za azye ye ma ɓe, ame laŋ me ga cuu ko pel Pa ɓe mo no sǝŋ ako ye ma ɓe ta. 33 Amma dǝɓ mai mo faa pel za zye tǝ me ya, ame laŋ me ga faa pel Pa ɓe mo no sǝŋ me tǝ ko ya ta.
Me ge ɓo ka ne jam ya, amma zǝǝ yo
(Lu 12:51-53Lu 14:26-27)34 We lǝŋ sõone me ge ɓo wo sǝr ne jam ka, me ge ɓo ka ne jam ya, amma zǝǝ yo. 35 Me ge ɓo ka ur ɓǝ kǝsyil wel ne pamme, kǝsyil mǝlaŋ ne mah ahe, kǝsyil mawin wel ne magor ahe. 36 Za yaŋ ga syiŋra ki.
37 Dǝɓ mo tǝ 'yah pam wala mam kal me ɓe, ka kii nǝn pǝ koŋ ka syee mor ɓe ya. Dǝɓ mo tǝ 'yah wel ah wala mǝlaŋ ah kal me ɓe, ka kii nǝn pǝkoŋ syee mor ɓe ya ta. 38 Dǝɓ mo ɓaŋ kpuu ɓaa suu ah ka syee mor ɓe ne ya ɓe, ka kii nǝn pǝkoŋ ka syee mor ɓe ya. 39 Dǝɓ mo 'yah ka ǝ̃ǝ suu ah ɓe, a ga muŋ, amma dǝɓ mo nyiko suu ah mor ɓe ɓe, a ga lwaa cee ma ga lii.
Reba
(Mk 9:41)40 Dǝɓ mo nyiŋ we ɓe, ka nyiŋ me ɓe ta. Dǝɓ mo nyiŋ me, ka nyiŋ Dǝɓ mai mo pee me laŋ ɓo ta. 41 Dǝɓ mo nyiŋ profeto mor profeto Masǝŋ yo, a ga lwaa soo profeto ah ta. Dǝɓ mo nyiŋ dǝɓ matǝ njaŋ mor dǝɓ matǝ njaŋ pel Masǝŋ yo, a ga lwaa soo dǝɓ matǝ njaŋ ta. 42 Me tǝ faa nyi we goŋga, koo zune mo nyi bii wok ŋhǝǝ vaŋno nyi welaŋ vaŋno kǝsyil za syee mor ɓe mor ako ye dǝɓ syee mor ɓe, a ga lwaa reba ahe.
