Yesu laɓ dǝɓ mai mo kur ɓo
(Mk 2:1-12Lu 5:17-26)1 Yesu yee dah syee tǝ mabii pii soo ge yaŋ ah ne ko. 2 Ɓaŋra dǝɓ mai mo kur ɓo ge wol ah ne ko, dǝɓ ah swǝ ɓo tǝ faswulli. Ne cok Yesu mo kwo iŋ zan ah naiko, faa nyi dǝɓ mai mo kur ɓo: Na ɓe, mo swaa zahzyilli, faɓe' ɓo rwah ge lal daŋ ɓe. 3 Za cuu ɓǝ lai manyeeki ah foora pǝ zahzyil ɓǝǝra, faa: Dǝɓ mai tǝ tǝǝ Masǝŋ. 4 Yesu tǝ ɓǝ mai mo tǝ foora pǝ zahzyil ɓǝǝ ɓe, so faa: We foo ɓǝɓe' mai pǝ zahzyil ɓii nai mor fẽene? 5 A fẽe pǝgaɓ kal ki ne? Mai me faa faɓe' ɓo rwah ge lal ɓe ye ne? Wala mai me faa mo ur mo syee ye ne? 6 Amma me 'yah ka we tǝ njaŋ: We Dǝfuu no ne swah tǝ sǝr ka rwah faɓe' dǝɓ ga lalle. So faa nyi dǝɓ mai mo kur ɓo: Mo ur ɓaŋ faswul ɓo mo ge yaŋ ɓo.
7 Dǝɓ ah urri, kal fah yaŋ ahe. 8 Amma za mo kwora ɓǝ ah naiko, gal re ra pǝlli, so yiira Masǝŋ mai mo nyi swah ma morãi ɓo nyi zana.
Yesu ɗii Mateus
(Mk 2:13-17Lu 5:27-32)9 Yesu ur gin gŋ tǝ pǝ̃ǝni, kwo dǝɓ ma ɗii ne Mateus kaa ɓo yaŋ sǝǝ fanne. Yesu faa nyi ko: Mo ge syee mor ɓe. Mateus ur ge syee mor ahe.
10 So Yesu kaa ɓo yaŋ ah tǝ ren farelle, za sǝǝ fan pǝlli tǝkine za faɓe' daŋ ge kaara zah taabǝl ne ki tǝkine za syee mor ah tǝ renra farel ta. 11 Farisien mo kwora naiko, faara nyi za syee mor ahe: Mor fẽe pa cuu fan ɓii a ren fan tǝkine za sǝǝ fan ne za faɓe' ne? 12 Yesu laa ɓǝ faa ɓǝǝra, so faa: Za ma ne suu tǝ hǝraŋ ye ka 'yahra syiŋr a, sai za ma ne syemme. 13 We gyo, we ge fee mor ɓǝ Ɗerewol mai mo faa: Me 'yah joŋ syiŋ ya, me 'yah kwan syakke. Mor me ge ɓo ka tǝ ɗii za matǝ njaŋ ya, amma me ge ka ɗii za faɓe' ka mo toora bii.
Fii tǝ ɓǝ syẽe fanne
(Mk 2:18-22Lu 5:33-39)14 Za syee mor Yohana ma joŋ baptisma gera wo Yesu fiira ko: Mor fẽe aru ne Farisien daŋ ru syẽe fanne, za syee mor ɓo ka syẽera ya ne? 15 Yesu zyii faa nyi ra: We lǝŋ za mai mo ɗiira ra ge ɓo pǝ cok ɓaŋ win fuu a gak swaara ɓǝ ka wor win no gŋ ne ra ne? Amma zah'nan ma ɓaŋ wor win gin kǝsyil ɓǝǝ no ginni, a ga syẽera fanne.
16 Dǝɓ ka ɓaŋ zyim fuu ka dahɓ mbǝro matãa ne ya. Mor zyim mafuu a kǝǝ matãa ŋgǝ̃ǝ ga pel pǝ'manne. 17 So dǝɓ ka rǝk bii lee kpuu vin mafuu pǝ dah bii matãa ya. Mor mo rǝk gŋ ɓe, dah bii ah a ŋgǝ̃ǝre, bii lee kpuu vin ah zuu ga lalle, so dah ah a ɓeɓɓe. Amma a rǝkra bii lee kpuu vin mafuu ah ga pǝ dah bii mafuu ah ra. Mo gwa daŋ nai ɓe, a yeara jam.
Mǝlaŋ Yairus ne mawin mai mo ge juu mbǝro Yesu
(Mk 5:21-43Lu 8:40-56)18 Ne cok Yesu mo tǝ faa ɓǝ mai nyi ra ba, dǝɓlii kǝsyil Yahuduen maki ah ge dai, so kea ge sǝŋ pel Yesu faa nyi ko: Mǝlaŋ ɓe wǝ ɓo zǝzǝ̃ǝko, amma mo ge, ka mo kan jol ɓo tǝl ah mo syem ko. 19 Yesu ur syee ge mor dǝɓ ah ne za syee mor ahe.
20 Mawin ki no ŋwǝǝ saŋ tǝ ɗuu mor ah joŋ syii ɓo ne jemma tǝtǝl gwa ɓe. So syee nǝfah kǝfal Yesu ge wol ah juu tǝɓal mbǝro ahe. 21 Mor faa: Koo me lwaa juu mbǝro ah to laŋ, me ga laɓɓe. 22 Yesu pak nahnǝn so kwo ko faa: Mǝlaŋ ɓe, mo gbǝ zahzyilli, iŋ ɓo laɓ mo ɓe. Ne cok ah sǝ mawin ah laɓ ɓe.
23 Ne cok Yesu mo ge dai yaŋ dǝɓlii kŋ, so mo kwo za ma ulra kokõorĩi tǝkine za pãa mo tǝ ŋwaara ɓǝ, 24 so faa: We pǝ̃ǝ ge lalle, mor mǝlaŋ ah wǝ ya, nǝnǝm ɓo. So syakra ko syakke. 25 Amma ne cok za daŋ mo pǝ̃ǝra ge lalle, Yesu dan kal ge ɓǝr yaŋ ge gbǝ jol mǝlaŋ ahe, mǝlaŋ ah so ur sǝŋ. 26 Ɓǝ ah myah pǝ sǝr ah daŋ.
Yesu gbǝr nahnǝn nyi rǝ̃ǝ gwa
27 Ne cok Yesu mo ur gin cok ahe, tǝ syee ganne, rǝ̃ǝ gwa syeera ge mor ah ne ɓyaŋ ɓǝ: We David, mo kwo syak tǝ ɓuuru. 28 Ne cok Yesu mo ge dai yaŋ, rǝ̃ǝ gera wol ahe, so fii ra: We nyiŋ me gak joŋ fan mai wo ɓii ne? Zyiira zah ah faa: Oho ru nyiŋ ɓo Dǝɓlii. 29 So Yesu juu nahnǝn ɓǝǝ faa: Ɓǝ ah ga joŋ wo ɓii tǝgbana mai we nyiŋ ɓo. 30 Nahnǝn ɓǝǝ gbǝrri, Yesu lai ra ne swah faa: Ka we faa ɓǝ ah nyi dǝɓ vaŋno ka. 31 Amma mo urra kalle, so ge myahra ɓǝ Yesu pǝ sǝr ah daŋ.
Yesu laɓ dǝɓ mai mo ka gak faa ɓǝ ya
32 Ne cok mo tǝ gara o, za ɓaŋra dǝɓ mai mo ka gak faa ɓǝ ya ge wo Yesu ne ko, mor coksyiŋ kaa ɓo tǝl ahe. 33 Ne cok Yesu mo nĩi coksyiŋ ah ge lal, dǝɓ ah mo kal tǝ faa ɓǝ, za kaara tǝ ɓǝ ah gǝriŋ faara: Na kwo fan ma morãi kǝsyil za Israel taa ya. 34 Amma Farisien faara: A nĩi coksyiŋ ne swah goŋ coksyiŋrĩ.
Yesu yee syak tǝ zana
35 Yesu kyãh yaŋ maluu ne manyee daŋ, a cuu fan nyi ra pǝ yaŋ kee ɓǝ Masǝŋ ɓǝǝra, tǝkine cuu Ɓǝ'nyah Goŋ Masǝŋ nyi ra, laɓ za ma ne syem camcam tǝkine za mai mo ne suu tǝ jok daŋ. 36 Ne cok ah mo kwo za naiko, yee syak tǝ ɓǝǝ pǝlli, mor gaɓra ɓo, myahra ɓo tǝgbana pǝsǝ̃ǝ mai mo ka ne pakǝpii ya. 37 So faa nyi za syee mor ahe: Yeɓ zah gwahl a pǝlli, amma za ma joŋ yeɓ ah ka pǝlli ya. 38 We pǝǝ Pa yeɓ ahe, ka mo peeko za yeɓ ge ka joŋ fagwahlle.
Yesu laɓ dǝɓ mai mo kur ɓo
(Mk 2:1-12Lu 5:17-26)1 Yesu yee dah syee tǝ mabii pii soo ge yaŋ ah ne ko. 2 Ɓaŋra dǝɓ mai mo kur ɓo ge wol ah ne ko, dǝɓ ah swǝ ɓo tǝ faswulli. Ne cok Yesu mo kwo iŋ zan ah naiko, faa nyi dǝɓ mai mo kur ɓo: Na ɓe, mo swaa zahzyilli, faɓe' ɓo rwah ge lal daŋ ɓe. 3 Za cuu ɓǝ lai manyeeki ah foora pǝ zahzyil ɓǝǝra, faa: Dǝɓ mai tǝ tǝǝ Masǝŋ. 4 Yesu tǝ ɓǝ mai mo tǝ foora pǝ zahzyil ɓǝǝ ɓe, so faa: We foo ɓǝɓe' mai pǝ zahzyil ɓii nai mor fẽene? 5 A fẽe pǝgaɓ kal ki ne? Mai me faa faɓe' ɓo rwah ge lal ɓe ye ne? Wala mai me faa mo ur mo syee ye ne? 6 Amma me 'yah ka we tǝ njaŋ: We Dǝfuu no ne swah tǝ sǝr ka rwah faɓe' dǝɓ ga lalle. So faa nyi dǝɓ mai mo kur ɓo: Mo ur ɓaŋ faswul ɓo mo ge yaŋ ɓo.
7 Dǝɓ ah urri, kal fah yaŋ ahe. 8 Amma za mo kwora ɓǝ ah naiko, gal re ra pǝlli, so yiira Masǝŋ mai mo nyi swah ma morãi ɓo nyi zana.
Yesu ɗii Mateus
(Mk 2:13-17Lu 5:27-32)9 Yesu ur gin gŋ tǝ pǝ̃ǝni, kwo dǝɓ ma ɗii ne Mateus kaa ɓo yaŋ sǝǝ fanne. Yesu faa nyi ko: Mo ge syee mor ɓe. Mateus ur ge syee mor ahe.
10 So Yesu kaa ɓo yaŋ ah tǝ ren farelle, za sǝǝ fan pǝlli tǝkine za faɓe' daŋ ge kaara zah taabǝl ne ki tǝkine za syee mor ah tǝ renra farel ta. 11 Farisien mo kwora naiko, faara nyi za syee mor ahe: Mor fẽe pa cuu fan ɓii a ren fan tǝkine za sǝǝ fan ne za faɓe' ne? 12 Yesu laa ɓǝ faa ɓǝǝra, so faa: Za ma ne suu tǝ hǝraŋ ye ka 'yahra syiŋr a, sai za ma ne syemme. 13 We gyo, we ge fee mor ɓǝ Ɗerewol mai mo faa: Me 'yah joŋ syiŋ ya, me 'yah kwan syakke. Mor me ge ɓo ka tǝ ɗii za matǝ njaŋ ya, amma me ge ka ɗii za faɓe' ka mo toora bii.
Fii tǝ ɓǝ syẽe fanne
(Mk 2:18-22Lu 5:33-39)14 Za syee mor Yohana ma joŋ baptisma gera wo Yesu fiira ko: Mor fẽe aru ne Farisien daŋ ru syẽe fanne, za syee mor ɓo ka syẽera ya ne? 15 Yesu zyii faa nyi ra: We lǝŋ za mai mo ɗiira ra ge ɓo pǝ cok ɓaŋ win fuu a gak swaara ɓǝ ka wor win no gŋ ne ra ne? Amma zah'nan ma ɓaŋ wor win gin kǝsyil ɓǝǝ no ginni, a ga syẽera fanne.
16 Dǝɓ ka ɓaŋ zyim fuu ka dahɓ mbǝro matãa ne ya. Mor zyim mafuu a kǝǝ matãa ŋgǝ̃ǝ ga pel pǝ'manne. 17 So dǝɓ ka rǝk bii lee kpuu vin mafuu pǝ dah bii matãa ya. Mor mo rǝk gŋ ɓe, dah bii ah a ŋgǝ̃ǝre, bii lee kpuu vin ah zuu ga lalle, so dah ah a ɓeɓɓe. Amma a rǝkra bii lee kpuu vin mafuu ah ga pǝ dah bii mafuu ah ra. Mo gwa daŋ nai ɓe, a yeara jam.
Mǝlaŋ Yairus ne mawin mai mo ge juu mbǝro Yesu
(Mk 5:21-43Lu 8:40-56)18 Ne cok Yesu mo tǝ faa ɓǝ mai nyi ra ba, dǝɓlii kǝsyil Yahuduen maki ah ge dai, so kea ge sǝŋ pel Yesu faa nyi ko: Mǝlaŋ ɓe wǝ ɓo zǝzǝ̃ǝko, amma mo ge, ka mo kan jol ɓo tǝl ah mo syem ko. 19 Yesu ur syee ge mor dǝɓ ah ne za syee mor ahe.
20 Mawin ki no ŋwǝǝ saŋ tǝ ɗuu mor ah joŋ syii ɓo ne jemma tǝtǝl gwa ɓe. So syee nǝfah kǝfal Yesu ge wol ah juu tǝɓal mbǝro ahe. 21 Mor faa: Koo me lwaa juu mbǝro ah to laŋ, me ga laɓɓe. 22 Yesu pak nahnǝn so kwo ko faa: Mǝlaŋ ɓe, mo gbǝ zahzyilli, iŋ ɓo laɓ mo ɓe. Ne cok ah sǝ mawin ah laɓ ɓe.
23 Ne cok Yesu mo ge dai yaŋ dǝɓlii kŋ, so mo kwo za ma ulra kokõorĩi tǝkine za pãa mo tǝ ŋwaara ɓǝ, 24 so faa: We pǝ̃ǝ ge lalle, mor mǝlaŋ ah wǝ ya, nǝnǝm ɓo. So syakra ko syakke. 25 Amma ne cok za daŋ mo pǝ̃ǝra ge lalle, Yesu dan kal ge ɓǝr yaŋ ge gbǝ jol mǝlaŋ ahe, mǝlaŋ ah so ur sǝŋ. 26 Ɓǝ ah myah pǝ sǝr ah daŋ.
Yesu gbǝr nahnǝn nyi rǝ̃ǝ gwa
27 Ne cok Yesu mo ur gin cok ahe, tǝ syee ganne, rǝ̃ǝ gwa syeera ge mor ah ne ɓyaŋ ɓǝ: We David, mo kwo syak tǝ ɓuuru. 28 Ne cok Yesu mo ge dai yaŋ, rǝ̃ǝ gera wol ahe, so fii ra: We nyiŋ me gak joŋ fan mai wo ɓii ne? Zyiira zah ah faa: Oho ru nyiŋ ɓo Dǝɓlii. 29 So Yesu juu nahnǝn ɓǝǝ faa: Ɓǝ ah ga joŋ wo ɓii tǝgbana mai we nyiŋ ɓo. 30 Nahnǝn ɓǝǝ gbǝrri, Yesu lai ra ne swah faa: Ka we faa ɓǝ ah nyi dǝɓ vaŋno ka. 31 Amma mo urra kalle, so ge myahra ɓǝ Yesu pǝ sǝr ah daŋ.
Yesu laɓ dǝɓ mai mo ka gak faa ɓǝ ya
32 Ne cok mo tǝ gara o, za ɓaŋra dǝɓ mai mo ka gak faa ɓǝ ya ge wo Yesu ne ko, mor coksyiŋ kaa ɓo tǝl ahe. 33 Ne cok Yesu mo nĩi coksyiŋ ah ge lal, dǝɓ ah mo kal tǝ faa ɓǝ, za kaara tǝ ɓǝ ah gǝriŋ faara: Na kwo fan ma morãi kǝsyil za Israel taa ya. 34 Amma Farisien faara: A nĩi coksyiŋ ne swah goŋ coksyiŋrĩ.
Yesu yee syak tǝ zana
35 Yesu kyãh yaŋ maluu ne manyee daŋ, a cuu fan nyi ra pǝ yaŋ kee ɓǝ Masǝŋ ɓǝǝra, tǝkine cuu Ɓǝ'nyah Goŋ Masǝŋ nyi ra, laɓ za ma ne syem camcam tǝkine za mai mo ne suu tǝ jok daŋ. 36 Ne cok ah mo kwo za naiko, yee syak tǝ ɓǝǝ pǝlli, mor gaɓra ɓo, myahra ɓo tǝgbana pǝsǝ̃ǝ mai mo ka ne pakǝpii ya. 37 So faa nyi za syee mor ahe: Yeɓ zah gwahl a pǝlli, amma za ma joŋ yeɓ ah ka pǝlli ya. 38 We pǝǝ Pa yeɓ ahe, ka mo peeko za yeɓ ge ka joŋ fagwahlle.
