Dǝɓlii faa ɓǝ tǝ za Israel
1 We laa ɓǝ faa Dǝɓlii mo faa ɓo tǝ za Israel.
Dǝɓlii, mo ur mo faa ɓǝ ɓo mo ne ko, ka waa tǝkine gee daŋ mo laara ɓǝ mai mo tǝ ga faako. 2 Awe waa tǝkine mor sǝr mai mo kpii ɓo pǝswahe, we laa ɓǝ mai Dǝɓlii mo ne ko, mor Dǝɓlii no ne ɓǝ tǝtǝl zan ahe, tǝ ga ce za Israel ne ɓǝ.
3 Dǝɓlii faa: Za ɓe, me joŋ ɓǝɓe' fẽe ɓo wo ɓii ne? Me kan faswaa mayǝk ah ɓo tǝtǝl ɓii no ne? We zyii zah ɓe. 4 Ame pǝ̃ǝ gin sǝr Egiɓ ne we, me wǝǝ we pǝ byakke, me pee Mosus ne Aron tǝkine Miriam ka mo syeera ne we. 5 Za ɓe, we foo ɓǝ mai Balak goŋ Moab mo zyeɓ kǝnah ɓo ka joŋ wo ɓiiri, ne ɓǝ mai Bileam we Beor mo zyii zah ahe. We so foo ɓǝ fan mai mo joŋ Sittim ne ma Gilgal daŋ. We foo ɓǝ fan marai daŋ ɓe, we ga tǝ, me joŋ fan ah ra ɓo mor ka ǝ̃ǝ we.
Fan mai Dǝɓlii mo tǝ 'yahe
6 Ne cok me tǝ ga juupel wo Dǝɓlii Masǝŋ ma coksǝŋ ɓe, me ɓaŋ fẽe ga nyi ne ne? Me woo wee dǝǝ masãh ah ra ga ŋgom cwah joŋ syiŋ wol ah ne ne? 7 Me woo pǝsǝ̃ǝ ujenere ge nyi Dǝɓlii ne ɓe, wala me woo nǝm tǝbaakãm tǝgul maluu pǝpãa ge nyi ne ɓe, a ga 'nyah suu ah no ne? Me ga nyi welii ɓe nyi ka soo tǝ faɓe' ɓe ra ne ne? 8 Ka nai ya. Amma Dǝɓlii cuu fan masãh ah ɓo nyi na. Fan mai mo tǝ 'yahko a naiko: Na joŋ fan masãh ahe, na yea ne 'yahe, na wonsuu, na laa zah Masǝŋ mana.
9 Dǝɓ mo tǝ ɗuu Dǝɓlii ɓe, ka a ne tǝtǝlli. Dǝɓlii ɗii yaŋ malii ah faa: Awe za mai we tai ɓo pǝ yaŋ malii, we laa. 10 Ame ka yaŋ ɓǝ joŋ mai za maɓea ah mo taira ɓo yaŋ ɓǝǝ ne fahlii tǝ vǝrvǝr ya. A liira fan ne fahlii tǝ vǝrvǝr, me syiŋ ɓǝ lii fan ma morãi ɓo syiŋ. 11 Me gak rõm za mai moo liira fan ne in fan ne vǝrvǝr ko suu ɗǝne? 12 Za joŋ ma pǝ yaŋ malii a renra za syak ne vǝrvǝr so za pãa daŋ a gwahra berre. 13 Amma zǝzǝ̃ǝko me ga soɓ bone ge tǝ ɓiiri, me ga muŋ we mor faɓe' ɓiiri. 14 We ga re farelle, amma we ka ga kǝ̃ǝ ya, we ga yea ne koŋne. Ne cok we woo fan rǝk pǝ cok masãh ah ɓe, za ga woora jol ɓiiri. Koo we so lwaa kan ɓo laŋ, me ga soɓ za sal woo. 15 We ga ruu nah sor ga sǝŋ, amma we ka ga ce tǝbyaŋ ah ya, we ga zuu nǝm tǝbaakãmme, amma we ka lwaa joŋ yeɓ ne ya, we ga ŋhǝǝ bii lee kpuu vin, amma we ka lwaa zwǝ ya. 16 Mor we tǝ syee mor ɓǝɓe' mai goŋ Omri ne wel ah goŋ Akaɓ mo joŋra. Awe tǝ syee mor ɓǝ faa ɓǝǝra. Mor ah me ga ɓeɓ yaŋ nyẽeko, zune daŋ a ga syẽa we, za kẽne daŋ a ga tǝǝra we tǝǝre.
Dǝɓlii faa ɓǝ tǝ za Israel
1 We laa ɓǝ faa Dǝɓlii mo faa ɓo tǝ za Israel.
Dǝɓlii, mo ur mo faa ɓǝ ɓo mo ne ko, ka waa tǝkine gee daŋ mo laara ɓǝ mai mo tǝ ga faako. 2 Awe waa tǝkine mor sǝr mai mo kpii ɓo pǝswahe, we laa ɓǝ mai Dǝɓlii mo ne ko, mor Dǝɓlii no ne ɓǝ tǝtǝl zan ahe, tǝ ga ce za Israel ne ɓǝ.
3 Dǝɓlii faa: Za ɓe, me joŋ ɓǝɓe' fẽe ɓo wo ɓii ne? Me kan faswaa mayǝk ah ɓo tǝtǝl ɓii no ne? We zyii zah ɓe. 4 Ame pǝ̃ǝ gin sǝr Egiɓ ne we, me wǝǝ we pǝ byakke, me pee Mosus ne Aron tǝkine Miriam ka mo syeera ne we. 5 Za ɓe, we foo ɓǝ mai Balak goŋ Moab mo zyeɓ kǝnah ɓo ka joŋ wo ɓiiri, ne ɓǝ mai Bileam we Beor mo zyii zah ahe. We so foo ɓǝ fan mai mo joŋ Sittim ne ma Gilgal daŋ. We foo ɓǝ fan marai daŋ ɓe, we ga tǝ, me joŋ fan ah ra ɓo mor ka ǝ̃ǝ we.
Fan mai Dǝɓlii mo tǝ 'yahe
6 Ne cok me tǝ ga juupel wo Dǝɓlii Masǝŋ ma coksǝŋ ɓe, me ɓaŋ fẽe ga nyi ne ne? Me woo wee dǝǝ masãh ah ra ga ŋgom cwah joŋ syiŋ wol ah ne ne? 7 Me woo pǝsǝ̃ǝ ujenere ge nyi Dǝɓlii ne ɓe, wala me woo nǝm tǝbaakãm tǝgul maluu pǝpãa ge nyi ne ɓe, a ga 'nyah suu ah no ne? Me ga nyi welii ɓe nyi ka soo tǝ faɓe' ɓe ra ne ne? 8 Ka nai ya. Amma Dǝɓlii cuu fan masãh ah ɓo nyi na. Fan mai mo tǝ 'yahko a naiko: Na joŋ fan masãh ahe, na yea ne 'yahe, na wonsuu, na laa zah Masǝŋ mana.
9 Dǝɓ mo tǝ ɗuu Dǝɓlii ɓe, ka a ne tǝtǝlli. Dǝɓlii ɗii yaŋ malii ah faa: Awe za mai we tai ɓo pǝ yaŋ malii, we laa. 10 Ame ka yaŋ ɓǝ joŋ mai za maɓea ah mo taira ɓo yaŋ ɓǝǝ ne fahlii tǝ vǝrvǝr ya. A liira fan ne fahlii tǝ vǝrvǝr, me syiŋ ɓǝ lii fan ma morãi ɓo syiŋ. 11 Me gak rõm za mai moo liira fan ne in fan ne vǝrvǝr ko suu ɗǝne? 12 Za joŋ ma pǝ yaŋ malii a renra za syak ne vǝrvǝr so za pãa daŋ a gwahra berre. 13 Amma zǝzǝ̃ǝko me ga soɓ bone ge tǝ ɓiiri, me ga muŋ we mor faɓe' ɓiiri. 14 We ga re farelle, amma we ka ga kǝ̃ǝ ya, we ga yea ne koŋne. Ne cok we woo fan rǝk pǝ cok masãh ah ɓe, za ga woora jol ɓiiri. Koo we so lwaa kan ɓo laŋ, me ga soɓ za sal woo. 15 We ga ruu nah sor ga sǝŋ, amma we ka ga ce tǝbyaŋ ah ya, we ga zuu nǝm tǝbaakãmme, amma we ka lwaa joŋ yeɓ ne ya, we ga ŋhǝǝ bii lee kpuu vin, amma we ka lwaa zwǝ ya. 16 Mor we tǝ syee mor ɓǝɓe' mai goŋ Omri ne wel ah goŋ Akaɓ mo joŋra. Awe tǝ syee mor ɓǝ faa ɓǝǝra. Mor ah me ga ɓeɓ yaŋ nyẽeko, zune daŋ a ga syẽa we, za kẽne daŋ a ga tǝǝra we tǝǝre.
