Ɓǝ lai tǝ fan ma nyi mor joŋ syiŋrĩ
(Pǝ̃ǝ 29:38-46)1 Dǝɓlii faa nyi Mosus: 2 Mo faa nyi za Israel sye, mo joŋra yella, ka we nyi fan nyi ma farel mai fuŋ ah moo 'nyah suu Masǝŋ nyi ko ne cok ah mo kan ɓo.
3 Fan mai wee gak joŋ syiŋ suŋwii ne pel Dǝɓlii a naiko: We joŋ ne wee pǝsǝ̃ǝ ma joŋ syii tǝ vaŋno vaŋno mai suu ah mo ka pǝɓe' ya zah'nan daŋ gwa gwa. 4 We joŋ syiŋ ne we pǝsãhm ne zah'nan vaŋno, we joŋ ne patǝ gwa ah ne lilli. 5 We tǝ joŋ ɓe daŋ, mo yea ne sum mai mo suu ɓo ne nǝm tǝbaakãm ma ŋhǝŋhǝǝ ah liitǝr vaŋno ne raita. 6 Syiŋ suŋwii ma joŋ zah'nan Masǝŋ daŋ koiko, tǝgbana mai we joŋ kǝpel kah waa Sinai, Dǝɓlii laa fuŋ syiŋ ah pǝ'nyahre. 7 We nyi fan joŋ syiŋ ma sǝsǝǝ ah mor we pǝsãhm daŋ, we rǝk syiŋ fazwan ah liitǝr vaŋno ge tǝ cok joŋ syiŋrĩ. 8 We joŋ syiŋ ne we pǝsãhm patǝ gwa ah ne lilli, tǝgbana mai we joŋ ne we pǝsãhm ma ne zah'nan ne fan nyi ma farelle, ne syiŋ ma sǝsǝǝ daŋ, mo yea zahki zahki, mor fan nyi ma farel ye ta, Dǝɓlii laa fuŋ ah pǝ'nyahre.
Syiŋ ma joŋ ne zah'nan com 'yakke
9 Ne zah'nan com 'yak ɓe, we joŋ syiŋ ne wee pǝsǝ̃ǝ ma joŋ syii tǝ vaŋno vaŋno ma suu sãh ah gwa, tǝkine fan nyi ma farelle, sum ma suu ne nǝm mo yea tahsah gwa, so ne syiŋ ma sǝsǝǝ ah gŋ. 10 We joŋ syiŋ suŋwii mai ne zah'nanne pǝ com 'yak daŋ, we nyi fan joŋ syiŋ ma sǝsǝǝ ah mor ah zah'nan daŋ ta.
Syiŋ mai fĩi mo ciŋ ɓe, ka joŋ ne zah'nan vaŋno ahe
11 Fĩi mo ciŋ ɓe daŋ, ne zah'nan vaŋno ah sǝ, we joŋ syiŋ suŋwii pel Dǝɓlii. We joŋ ne ŋgǝǝri gwa, ne kǝbǝr vaŋno, ne wee pǝsǝ̃ǝ ma joŋ syii tǝ vaŋno vaŋno ma suu sãh ah rǝŋ, 12 tǝkine syiŋ ma farel sum ma suu ne nǝmmi, ne ŋgǝǝri gŋ vaŋno vaŋno ne sum tahsah sai sai, ne kǝbǝr vaŋno ne sum gŋ tahsah gwa gwa. 13 Tǝ wee pǝsǝ̃ǝ daŋ sum mo yea tahsah vaŋno vaŋno. Marai daŋ syiŋ suŋwii ye wo Dǝɓlii, a laa fuŋ ah ra pǝ'nyahre. 14 So fan joŋ syiŋ ma sǝsǝǝ ah mai ka we nyi ge gŋ a naiko: Tǝtǝl dǝǝ daŋ bii lee kpuu vin liitǝr sai sai, kǝbǝr vaŋno, liitǝr ne raita, tǝ we pǝsãhm vaŋno vaŋno daŋ, liitǝr liitǝr. Mai ɓǝ lai ma mor joŋ syiŋ suŋwii ka fĩi mafuu mo ciŋ ɓe, ne zah'nan vaŋno ah sǝ, mo joŋra syiŋ ne nai daŋ. 15 So ka mo joŋra syiŋ ma ɓaŋ faɓe' ga lal ne kǝdai ta, mo nyira ka tai fan joŋ syiŋ ma sǝsǝǝ ma zah'nan vaŋno vaŋno daŋ kŋ ne ko.
Fan ma nyi mor joŋ fĩi ma ne tǝwaa ma bai fan mbǝ̃ǝre
(Lew 23:5-14)16 Ne zah'nan jemma tǝtǝl nai pǝzyil fĩi patǝ vaŋno ah we joŋ fĩi Paska ne pel Dǝɓlii. 17 So ne zah'nan jemma tǝtǝl dappe ah ɓe, ka fĩi ɓǝ iŋ ɓii maki ah mo tǝŋ joŋ ne ko, zah'nan rǝŋ ka we re tǝwaa ma joŋ bai fan mbǝ̃ǝ ne to. 18 Ne zah'nan patǝ vaŋno ah we tai juupel ne ko, we joŋ yeɓ ne ka. 19 We joŋ syiŋ suŋwii ne wo Dǝɓlii: ŋgǝǝri gwa, kǝbǝr vaŋno, ne wee pǝsǝ̃ǝ ma joŋ syii tǝ vaŋno vaŋno ma suu sãh ah rǝŋ. 20 We nyi fan nyi ma farel na fahlii ah mo cuu ɓo: sum ma suu ne nǝmmi, ŋgǝǝri vaŋno daŋ, sum tahsah sai sai, kǝbǝr vaŋno, sum tahsah gwa. 21 Wee pǝsǝ̃ǝ daŋ sum mo yea tǝ ɓǝǝ tahsah vaŋno vaŋno. 22 So ka we joŋ syiŋ ma ɓaŋ faɓe' ga lal ne kǝdai ta. 23 Mo nyira ka tai fan joŋ syiŋ suŋwii ma zah'nan vaŋno vaŋno daŋ ne ko. 24 Zah'nan matǝ rǝŋ daŋ we joŋ syiŋ ma farel ne pel Dǝɓlii cẽecẽe, a laa fuŋ ah pǝ'nyahre. Mo nyira mor ka tai fan joŋ syiŋ suŋwii ne tǝkine fan joŋ syiŋ ma sǝsǝǝ ah ma zah'nan vaŋno vaŋno daŋ ne ko. 25 Ne zah'nan rǝŋ ah we tai juupel ne ko, we joŋ yeɓ ne ka.
Syiŋ ma joŋ ne cok joŋ fĩi ma tai fagwahlle
(Lew 23:15-22)26 Ne cok we tǝ joŋ fĩi ma tai fagwahlle , ne zah'nan patǝ vaŋno ah we tǝ nyi fakpãhpǝǝ ɓii ma joŋ kǝpel nyi Dǝɓlii ɓe, we tai juupel ne ko, we joŋ yeɓ ne ka. 27 We joŋ syiŋ suŋwii wo Dǝɓlii, ka fuŋ ah mo 'nyah suu ahe. We joŋ ne ŋgǝǝri gwa, ne kǝbǝr vaŋno, ne wee pǝsǝ̃ǝ ma joŋ syii tǝ vaŋno vaŋno ma suu sãh ah rǝŋ, 28 tǝkine syiŋ ma farel sum ma suu ne nǝmmi, ne ŋgǝǝri gwa, ŋgǝǝri vaŋno daŋ, sum tahsah sai, ne kǝbǝr vaŋno, sum gŋ tahsah gwa. 29 Sum mo yea tǝ wee pǝsǝ̃ǝ daŋ tahsah vaŋno vaŋno. 30 So ka we joŋ syiŋ ma ɓaŋ faɓe' ga lal ne kǝdai ta. 31 We nyi fan marai ka tai fan joŋ syiŋ suŋwii, ne fan nyi ma farel tǝkine ma sǝsǝǝ ma zah'nan vaŋno vaŋno daŋ ne ko.
Ɓǝ lai tǝ fan ma nyi mor joŋ syiŋrĩ
(Pǝ̃ǝ 29:38-46)1 Dǝɓlii faa nyi Mosus: 2 Mo faa nyi za Israel sye, mo joŋra yella, ka we nyi fan nyi ma farel mai fuŋ ah moo 'nyah suu Masǝŋ nyi ko ne cok ah mo kan ɓo.
3 Fan mai wee gak joŋ syiŋ suŋwii ne pel Dǝɓlii a naiko: We joŋ ne wee pǝsǝ̃ǝ ma joŋ syii tǝ vaŋno vaŋno mai suu ah mo ka pǝɓe' ya zah'nan daŋ gwa gwa. 4 We joŋ syiŋ ne we pǝsãhm ne zah'nan vaŋno, we joŋ ne patǝ gwa ah ne lilli. 5 We tǝ joŋ ɓe daŋ, mo yea ne sum mai mo suu ɓo ne nǝm tǝbaakãm ma ŋhǝŋhǝǝ ah liitǝr vaŋno ne raita. 6 Syiŋ suŋwii ma joŋ zah'nan Masǝŋ daŋ koiko, tǝgbana mai we joŋ kǝpel kah waa Sinai, Dǝɓlii laa fuŋ syiŋ ah pǝ'nyahre. 7 We nyi fan joŋ syiŋ ma sǝsǝǝ ah mor we pǝsãhm daŋ, we rǝk syiŋ fazwan ah liitǝr vaŋno ge tǝ cok joŋ syiŋrĩ. 8 We joŋ syiŋ ne we pǝsãhm patǝ gwa ah ne lilli, tǝgbana mai we joŋ ne we pǝsãhm ma ne zah'nan ne fan nyi ma farelle, ne syiŋ ma sǝsǝǝ daŋ, mo yea zahki zahki, mor fan nyi ma farel ye ta, Dǝɓlii laa fuŋ ah pǝ'nyahre.
Syiŋ ma joŋ ne zah'nan com 'yakke
9 Ne zah'nan com 'yak ɓe, we joŋ syiŋ ne wee pǝsǝ̃ǝ ma joŋ syii tǝ vaŋno vaŋno ma suu sãh ah gwa, tǝkine fan nyi ma farelle, sum ma suu ne nǝm mo yea tahsah gwa, so ne syiŋ ma sǝsǝǝ ah gŋ. 10 We joŋ syiŋ suŋwii mai ne zah'nanne pǝ com 'yak daŋ, we nyi fan joŋ syiŋ ma sǝsǝǝ ah mor ah zah'nan daŋ ta.
Syiŋ mai fĩi mo ciŋ ɓe, ka joŋ ne zah'nan vaŋno ahe
11 Fĩi mo ciŋ ɓe daŋ, ne zah'nan vaŋno ah sǝ, we joŋ syiŋ suŋwii pel Dǝɓlii. We joŋ ne ŋgǝǝri gwa, ne kǝbǝr vaŋno, ne wee pǝsǝ̃ǝ ma joŋ syii tǝ vaŋno vaŋno ma suu sãh ah rǝŋ, 12 tǝkine syiŋ ma farel sum ma suu ne nǝmmi, ne ŋgǝǝri gŋ vaŋno vaŋno ne sum tahsah sai sai, ne kǝbǝr vaŋno ne sum gŋ tahsah gwa gwa. 13 Tǝ wee pǝsǝ̃ǝ daŋ sum mo yea tahsah vaŋno vaŋno. Marai daŋ syiŋ suŋwii ye wo Dǝɓlii, a laa fuŋ ah ra pǝ'nyahre. 14 So fan joŋ syiŋ ma sǝsǝǝ ah mai ka we nyi ge gŋ a naiko: Tǝtǝl dǝǝ daŋ bii lee kpuu vin liitǝr sai sai, kǝbǝr vaŋno, liitǝr ne raita, tǝ we pǝsãhm vaŋno vaŋno daŋ, liitǝr liitǝr. Mai ɓǝ lai ma mor joŋ syiŋ suŋwii ka fĩi mafuu mo ciŋ ɓe, ne zah'nan vaŋno ah sǝ, mo joŋra syiŋ ne nai daŋ. 15 So ka mo joŋra syiŋ ma ɓaŋ faɓe' ga lal ne kǝdai ta, mo nyira ka tai fan joŋ syiŋ ma sǝsǝǝ ma zah'nan vaŋno vaŋno daŋ kŋ ne ko.
Fan ma nyi mor joŋ fĩi ma ne tǝwaa ma bai fan mbǝ̃ǝre
(Lew 23:5-14)16 Ne zah'nan jemma tǝtǝl nai pǝzyil fĩi patǝ vaŋno ah we joŋ fĩi Paska ne pel Dǝɓlii. 17 So ne zah'nan jemma tǝtǝl dappe ah ɓe, ka fĩi ɓǝ iŋ ɓii maki ah mo tǝŋ joŋ ne ko, zah'nan rǝŋ ka we re tǝwaa ma joŋ bai fan mbǝ̃ǝ ne to. 18 Ne zah'nan patǝ vaŋno ah we tai juupel ne ko, we joŋ yeɓ ne ka. 19 We joŋ syiŋ suŋwii ne wo Dǝɓlii: ŋgǝǝri gwa, kǝbǝr vaŋno, ne wee pǝsǝ̃ǝ ma joŋ syii tǝ vaŋno vaŋno ma suu sãh ah rǝŋ. 20 We nyi fan nyi ma farel na fahlii ah mo cuu ɓo: sum ma suu ne nǝmmi, ŋgǝǝri vaŋno daŋ, sum tahsah sai sai, kǝbǝr vaŋno, sum tahsah gwa. 21 Wee pǝsǝ̃ǝ daŋ sum mo yea tǝ ɓǝǝ tahsah vaŋno vaŋno. 22 So ka we joŋ syiŋ ma ɓaŋ faɓe' ga lal ne kǝdai ta. 23 Mo nyira ka tai fan joŋ syiŋ suŋwii ma zah'nan vaŋno vaŋno daŋ ne ko. 24 Zah'nan matǝ rǝŋ daŋ we joŋ syiŋ ma farel ne pel Dǝɓlii cẽecẽe, a laa fuŋ ah pǝ'nyahre. Mo nyira mor ka tai fan joŋ syiŋ suŋwii ne tǝkine fan joŋ syiŋ ma sǝsǝǝ ah ma zah'nan vaŋno vaŋno daŋ ne ko. 25 Ne zah'nan rǝŋ ah we tai juupel ne ko, we joŋ yeɓ ne ka.
Syiŋ ma joŋ ne cok joŋ fĩi ma tai fagwahlle
(Lew 23:15-22)26 Ne cok we tǝ joŋ fĩi ma tai fagwahlle , ne zah'nan patǝ vaŋno ah we tǝ nyi fakpãhpǝǝ ɓii ma joŋ kǝpel nyi Dǝɓlii ɓe, we tai juupel ne ko, we joŋ yeɓ ne ka. 27 We joŋ syiŋ suŋwii wo Dǝɓlii, ka fuŋ ah mo 'nyah suu ahe. We joŋ ne ŋgǝǝri gwa, ne kǝbǝr vaŋno, ne wee pǝsǝ̃ǝ ma joŋ syii tǝ vaŋno vaŋno ma suu sãh ah rǝŋ, 28 tǝkine syiŋ ma farel sum ma suu ne nǝmmi, ne ŋgǝǝri gwa, ŋgǝǝri vaŋno daŋ, sum tahsah sai, ne kǝbǝr vaŋno, sum gŋ tahsah gwa. 29 Sum mo yea tǝ wee pǝsǝ̃ǝ daŋ tahsah vaŋno vaŋno. 30 So ka we joŋ syiŋ ma ɓaŋ faɓe' ga lal ne kǝdai ta. 31 We nyi fan marai ka tai fan joŋ syiŋ suŋwii, ne fan nyi ma farel tǝkine ma sǝsǝǝ ma zah'nan vaŋno vaŋno daŋ ne ko.
