1 We ɓe, mo foo ɓǝ mai me faa ɓo nyi mo, mo yaŋ ɓǝ mai me faa ɓo nyi mo ka joŋ ka. 2 Mo joŋ fan mai me faa ɓǝ ah ɓo nyi mo, ka mo nǝn wo sǝrri. Mo byak ɓǝ cuu ɓe tǝgbana moo byak pãa nahnǝn ɓo ra. 3 Ne cok daŋ mo gbǝ ɓǝ cuu ɓe syee ne ko, mo ŋwǝǝ ge pǝ zahzyil ɓo. 4 Mo gbǝ fatan wo ɓo, mo yea wo ɓo na naa ma ɓo mawinni, mo gbǝ yella tǝgbana bai 'yah ɓo masãh ahe. 5 A ga byakra mo wo ŋwǝǝ za ki mai moo kǝǝra za ne ɓǝ faa zah 'nyahre.
Mawin ma 'yah za wǝǝ lii
6 Comki me uu ɓǝr yaŋ ɓe ẽe cok zahtǝwoo ge lalle, 7 me kwo wee tǝbanna ma tǝgwĩi ah ra ge pǝpãare. 8 Amma me so kwo we tǝbanna ma bai tǝtǝl ah tǝ syee ga syak ah tǝ fahlii tǝgǝǝ yaŋ gwari ne cok mai mawin ki mo kaa ɓo gŋ, ge syee kah yaŋ ah gwari, 9 ne cok ah ka com dan ɓe. 10 Mawin ur ge zyaŋ ne ki, ɓoo mbǝro matǝkoi ɓo, mawin ah pǝ yella. 11 A pǝrol no cam, ka kaa ga sǝŋ kpee ya, sai a yea ma ne kyãh tǝ fahlii, 12 ka gak uu pǝ cok tǝ vaŋno byak ya. Zah vaŋno ta, ka kal ge tǝ fahlii tǝgǝǝ yaŋ ɓe, zah vaŋno laŋ, ka kal ge pǝ cok luma ɓe. 13 Ɓaŋ jol ah gbǝ haŋ nyi we tǝbanna ne ko, zwǝ ne zahe, so ẽe ko ge cok nǝn ŋgelŋgel faa: 14 Me yea tǝ joŋ syiŋ tǝ'nahko, me no ne tǝcoŋ nǝǝ ah yaŋ ɓe. 15 Mor ah me pǝ̃ǝ ge ka kyeɓ mo, me tǝ 'yah ka me lwaa mo, ko me so lwaa ɗah mo sye ɓe. 16 Ame ɓoo faswul ɓe ɓe, me pah zyim sǝr Egiɓ marwãh mai mo ŋwǝǝ ɓo weɗɗeɗee ge gŋ ɓe. 17 Me sah ɓǝrdi ma'nyah ah ra ge tǝl ah ɓe ta. 18 Mo ge na ge joŋ 'yah wo ki ne suŋ maiko, ka na kan tǝtǝl tǝ jol ki na laa pǝ'nyahre. 19 Mor wor ɓe kǝka yaŋ ya, kal ge ɓo gwǝǝ pǝɗǝkki. 20 Ɓaŋ lak kal ɓo ne pǝ'manne, ka pii soo ge yaŋ ya, a joŋ com 'yak gŋ gwa ɗǝ. 21 Mawin kǝǝ ko ne ɓǝ camcam pǝlli, so we tǝbanna nyiŋ ɓǝ faa zah 'nyah ahe. 22 So ne pel sǝ, we tǝbanna ur kal ge mor mawin tǝgbana ŋgǝǝri mai moo syee mor dǝɓ ga pǝ cok ŋgoŋ ahe, a tǝgbana bǝṽao mai moo ga pǝ cok mai za mo yilra guu tǝ kpuu ɓo gŋ. 23 So guu moo ga swan gin tǝsahe. A tǝgbana juu mai moo ga zah mǝmmǝǝ mo ka tan sõone ma wul 'min gŋ ne ya.
24 Zǝzǝ̃ǝko wee ɓe, we laa ɓǝ faa ɓe, we ɓaŋ syiŋ ɓǝ mai me faa ɓo nyi we. 25 We soɓ ŋwǝǝ ma morãi kǝǝ we ka, we zyii syee ge mor ah ka ta. 26 Mor ɓeɓ za ɓo pǝlli, ŋhaa dǝfuu mai mo wuk ɓo mor ah pãa ah ka gak kee ya. 27 We tǝ ga yaŋ ah ɓe, ka we ɓaŋ fahlii wul ɓe ta, we ga pǝ cok mai za wul mo gŋ.
1 We ɓe, mo foo ɓǝ mai me faa ɓo nyi mo, mo yaŋ ɓǝ mai me faa ɓo nyi mo ka joŋ ka. 2 Mo joŋ fan mai me faa ɓǝ ah ɓo nyi mo, ka mo nǝn wo sǝrri. Mo byak ɓǝ cuu ɓe tǝgbana moo byak pãa nahnǝn ɓo ra. 3 Ne cok daŋ mo gbǝ ɓǝ cuu ɓe syee ne ko, mo ŋwǝǝ ge pǝ zahzyil ɓo. 4 Mo gbǝ fatan wo ɓo, mo yea wo ɓo na naa ma ɓo mawinni, mo gbǝ yella tǝgbana bai 'yah ɓo masãh ahe. 5 A ga byakra mo wo ŋwǝǝ za ki mai moo kǝǝra za ne ɓǝ faa zah 'nyahre.
Mawin ma 'yah za wǝǝ lii
6 Comki me uu ɓǝr yaŋ ɓe ẽe cok zahtǝwoo ge lalle, 7 me kwo wee tǝbanna ma tǝgwĩi ah ra ge pǝpãare. 8 Amma me so kwo we tǝbanna ma bai tǝtǝl ah tǝ syee ga syak ah tǝ fahlii tǝgǝǝ yaŋ gwari ne cok mai mawin ki mo kaa ɓo gŋ, ge syee kah yaŋ ah gwari, 9 ne cok ah ka com dan ɓe. 10 Mawin ur ge zyaŋ ne ki, ɓoo mbǝro matǝkoi ɓo, mawin ah pǝ yella. 11 A pǝrol no cam, ka kaa ga sǝŋ kpee ya, sai a yea ma ne kyãh tǝ fahlii, 12 ka gak uu pǝ cok tǝ vaŋno byak ya. Zah vaŋno ta, ka kal ge tǝ fahlii tǝgǝǝ yaŋ ɓe, zah vaŋno laŋ, ka kal ge pǝ cok luma ɓe. 13 Ɓaŋ jol ah gbǝ haŋ nyi we tǝbanna ne ko, zwǝ ne zahe, so ẽe ko ge cok nǝn ŋgelŋgel faa: 14 Me yea tǝ joŋ syiŋ tǝ'nahko, me no ne tǝcoŋ nǝǝ ah yaŋ ɓe. 15 Mor ah me pǝ̃ǝ ge ka kyeɓ mo, me tǝ 'yah ka me lwaa mo, ko me so lwaa ɗah mo sye ɓe. 16 Ame ɓoo faswul ɓe ɓe, me pah zyim sǝr Egiɓ marwãh mai mo ŋwǝǝ ɓo weɗɗeɗee ge gŋ ɓe. 17 Me sah ɓǝrdi ma'nyah ah ra ge tǝl ah ɓe ta. 18 Mo ge na ge joŋ 'yah wo ki ne suŋ maiko, ka na kan tǝtǝl tǝ jol ki na laa pǝ'nyahre. 19 Mor wor ɓe kǝka yaŋ ya, kal ge ɓo gwǝǝ pǝɗǝkki. 20 Ɓaŋ lak kal ɓo ne pǝ'manne, ka pii soo ge yaŋ ya, a joŋ com 'yak gŋ gwa ɗǝ. 21 Mawin kǝǝ ko ne ɓǝ camcam pǝlli, so we tǝbanna nyiŋ ɓǝ faa zah 'nyah ahe. 22 So ne pel sǝ, we tǝbanna ur kal ge mor mawin tǝgbana ŋgǝǝri mai moo syee mor dǝɓ ga pǝ cok ŋgoŋ ahe, a tǝgbana bǝṽao mai moo ga pǝ cok mai za mo yilra guu tǝ kpuu ɓo gŋ. 23 So guu moo ga swan gin tǝsahe. A tǝgbana juu mai moo ga zah mǝmmǝǝ mo ka tan sõone ma wul 'min gŋ ne ya.
24 Zǝzǝ̃ǝko wee ɓe, we laa ɓǝ faa ɓe, we ɓaŋ syiŋ ɓǝ mai me faa ɓo nyi we. 25 We soɓ ŋwǝǝ ma morãi kǝǝ we ka, we zyii syee ge mor ah ka ta. 26 Mor ɓeɓ za ɓo pǝlli, ŋhaa dǝfuu mai mo wuk ɓo mor ah pãa ah ka gak kee ya. 27 We tǝ ga yaŋ ah ɓe, ka we ɓaŋ fahlii wul ɓe ta, we ga pǝ cok mai za wul mo gŋ.
