Tǝgwĩi ma gban yǝk ɓǝ joŋne
1 Lǝŋ wee Kora.
2 Zana, awe daŋ we laa.
Awe za sǝr daŋ, we syii sokki,
3 Zaluu ne wee nyee ne za joŋ tǝkine za syak daŋ.
4 Me ga foo ɓǝ foo masãhe,
Me ga faa ɓǝ ma ne fatanne,
5 Me ga faa ɓǝ ne ɓǝ kikiŋ,
Me ga cuu mor ɓǝ kikiŋ ah gin lal ne cok me tǝ woŋ tǝnjuŋni.
6 Ne cok za syiŋ ɓe maɓea mo ryaŋra me laŋ, me ka ɗuu gal gaɓ ah ya,
7 Mor ara ye za ma gban yǝk ɓǝ joŋ ɓǝǝra,
A yiira suu tǝ ɓǝ fan lwaa ɓǝǝra.
8 Dǝɓ ka gak wǝǝ tǝtǝl suu ah ne suu ah ya,
Ka gak soo Masǝŋ mor cee ah ya ta.
9 Mor lee cee dǝfuu a pǝgaɓ pǝlli,
Fan mai moo ga leeko cee ne ko, ka gak kii nǝn lee ah ya,
10 Ka gak cak ko ne ga pǝ pal a,
Ka gak joŋ ko kaa wo sǝr ga lii ya ta.
11 Dǝɓ a kwan za fatan tǝkine tǝgwĩi a wukra gwa daŋ,
A soɓra joŋ ɓǝǝ daŋ nyi wee ɓǝǝ fahfalle.
12 Koo mo yeara ne 'wah wo sǝr pǝlli laŋ,
Zǝzǝ̃ǝ pal ɓǝǝ ciŋ yaŋ ɓǝǝ ɓo lii o,
A ga yeara gŋ ga lii.
13 Yǝk dǝɓ ka gak ǝ̃ǝ dǝɓ ah zah ma wul a,
A ga wǝ tǝgbana faɓalle.
14 We ẽe fan mai moo ga joŋ wo za mai mo gbǝra yǝk ɓǝ suu ɓǝǝ ɓo tǝkine fan jol ɓǝǝ ɗao,
15 A ga wukra tǝgbana pǝsǝ̃ǝre,
Wul ye ga yea pakǝpii ɓǝǝra.
Ne cok zah'nan ah mo cee ɓe, za matǝ njaŋ ah a ga kaara kacella tǝ ɓǝǝra.
Suu ɓǝǝ ga sõo pǝ cok mai za wul mo gŋ,
Cok ah woŋ ki ɓo ne yaŋ ɓǝǝ mai mo yea wo sǝr pǝɗǝkki .
16 Amma Masǝŋ a ga ǝ̃ǝ me gin zah ma wulli.
17 Ne cok dǝɓ mo ciŋ pa joŋ ɓo, fan ah mo tǝ ga pel pǝlli laŋ, mo foo ɓǝ ah ka.
18 Mor mo wǝ ɓe, ka gak woo fan ah mor jol ka ga pǝ pal ne ya.
19 Koo dǝɓ mo tǝ laa pǝ'nyah pǝ zah'nan cee ma tǝ'nahko,
Mo tǝ yiira ko mor tǝ lwaa fanne,
20 A ga lwaa pamlii ra pǝ wul pǝ cok mafuu tǝ piɓpiɓɓa ga lii,
21 Yǝk dǝɓ ka gak ǝ̃ǝ ko zah ma wul a,
A ga wǝ tǝgbana faɓalle.
Tǝgwĩi ma gban yǝk ɓǝ joŋne
1 Lǝŋ wee Kora.
2 Zana, awe daŋ we laa.
Awe za sǝr daŋ, we syii sokki,
3 Zaluu ne wee nyee ne za joŋ tǝkine za syak daŋ.
4 Me ga foo ɓǝ foo masãhe,
Me ga faa ɓǝ ma ne fatanne,
5 Me ga faa ɓǝ ne ɓǝ kikiŋ,
Me ga cuu mor ɓǝ kikiŋ ah gin lal ne cok me tǝ woŋ tǝnjuŋni.
6 Ne cok za syiŋ ɓe maɓea mo ryaŋra me laŋ, me ka ɗuu gal gaɓ ah ya,
7 Mor ara ye za ma gban yǝk ɓǝ joŋ ɓǝǝra,
A yiira suu tǝ ɓǝ fan lwaa ɓǝǝra.
8 Dǝɓ ka gak wǝǝ tǝtǝl suu ah ne suu ah ya,
Ka gak soo Masǝŋ mor cee ah ya ta.
9 Mor lee cee dǝfuu a pǝgaɓ pǝlli,
Fan mai moo ga leeko cee ne ko, ka gak kii nǝn lee ah ya,
10 Ka gak cak ko ne ga pǝ pal a,
Ka gak joŋ ko kaa wo sǝr ga lii ya ta.
11 Dǝɓ a kwan za fatan tǝkine tǝgwĩi a wukra gwa daŋ,
A soɓra joŋ ɓǝǝ daŋ nyi wee ɓǝǝ fahfalle.
12 Koo mo yeara ne 'wah wo sǝr pǝlli laŋ,
Zǝzǝ̃ǝ pal ɓǝǝ ciŋ yaŋ ɓǝǝ ɓo lii o,
A ga yeara gŋ ga lii.
13 Yǝk dǝɓ ka gak ǝ̃ǝ dǝɓ ah zah ma wul a,
A ga wǝ tǝgbana faɓalle.
14 We ẽe fan mai moo ga joŋ wo za mai mo gbǝra yǝk ɓǝ suu ɓǝǝ ɓo tǝkine fan jol ɓǝǝ ɗao,
15 A ga wukra tǝgbana pǝsǝ̃ǝre,
Wul ye ga yea pakǝpii ɓǝǝra.
Ne cok zah'nan ah mo cee ɓe, za matǝ njaŋ ah a ga kaara kacella tǝ ɓǝǝra.
Suu ɓǝǝ ga sõo pǝ cok mai za wul mo gŋ,
Cok ah woŋ ki ɓo ne yaŋ ɓǝǝ mai mo yea wo sǝr pǝɗǝkki .
16 Amma Masǝŋ a ga ǝ̃ǝ me gin zah ma wulli.
17 Ne cok dǝɓ mo ciŋ pa joŋ ɓo, fan ah mo tǝ ga pel pǝlli laŋ, mo foo ɓǝ ah ka.
18 Mor mo wǝ ɓe, ka gak woo fan ah mor jol ka ga pǝ pal ne ya.
19 Koo dǝɓ mo tǝ laa pǝ'nyah pǝ zah'nan cee ma tǝ'nahko,
Mo tǝ yiira ko mor tǝ lwaa fanne,
20 A ga lwaa pamlii ra pǝ wul pǝ cok mafuu tǝ piɓpiɓɓa ga lii,
21 Yǝk dǝɓ ka gak ǝ̃ǝ ko zah ma wul a,
A ga wǝ tǝgbana faɓalle.
