Masǝŋ pa kiita
1 Lǝŋ Asaf.
2 Ru tǝ yii mo Masǝŋ, ru tǝ yii mo.
Ru tǝ cuu yǝk ɓo nyi zana,
Ru tǝ faa ɓǝ fan matǝ gǝriŋ ah mai mo joŋ ɓo.
3 Masǝŋ faa: Me kan zah'nan ɓo mor ka ŋgoŋ kiita,
Me ga ŋgoŋ kiita ne fahlii ahe.
4 Koo sǝr ne dǝfuu mai mo kaa ɓo gŋ daŋ mo tǝ laŋ laŋ,
Me ga gbǝ wǝǝdǝǝ ah uu pǝswahe.
5 Me faa nyi za ma yii suu mo yiira suu ɓǝǝ ka.
Me faa nyi za maɓea mo ɓaŋra tǝtǝl ɓǝǝ ge sǝŋ ka,
6 Mo soɓra cuu suu ɓǝǝra,
Mo faara ɓǝ yii suu ne ka.
7 Kiita gee fah morcomzah'nan ne morcomlil ne fahsǝŋ tǝkine morkǝsǝŋ ge ya,
8 Amma Masǝŋ ako ye pa kiita,
A ɓaa za ki ga sǝŋ,
A woo za ki ur sǝŋ.
9 Dǝɓlii ɓaŋ tahsah ɓo jolle,
Suu yim mazwak ɓo gŋ cyõ,
So nyi nyi zana,
Za maɓea ah zwahra vǝr tǝɗe' .
10 Amma me ka soɓ faa ɓǝ tǝ Masǝŋ Yakuɓ tǝkine ɗǝǝ lǝŋ yii ko ne ya syaŋsyaŋ.
11 A ga vǝr swah za maɓea ahe,
Amma a ga joŋ swah za matǝ njaŋ ah ga pelle.
Masǝŋ pa kiita
1 Lǝŋ Asaf.
2 Ru tǝ yii mo Masǝŋ, ru tǝ yii mo.
Ru tǝ cuu yǝk ɓo nyi zana,
Ru tǝ faa ɓǝ fan matǝ gǝriŋ ah mai mo joŋ ɓo.
3 Masǝŋ faa: Me kan zah'nan ɓo mor ka ŋgoŋ kiita,
Me ga ŋgoŋ kiita ne fahlii ahe.
4 Koo sǝr ne dǝfuu mai mo kaa ɓo gŋ daŋ mo tǝ laŋ laŋ,
Me ga gbǝ wǝǝdǝǝ ah uu pǝswahe.
5 Me faa nyi za ma yii suu mo yiira suu ɓǝǝ ka.
Me faa nyi za maɓea mo ɓaŋra tǝtǝl ɓǝǝ ge sǝŋ ka,
6 Mo soɓra cuu suu ɓǝǝra,
Mo faara ɓǝ yii suu ne ka.
7 Kiita gee fah morcomzah'nan ne morcomlil ne fahsǝŋ tǝkine morkǝsǝŋ ge ya,
8 Amma Masǝŋ ako ye pa kiita,
A ɓaa za ki ga sǝŋ,
A woo za ki ur sǝŋ.
9 Dǝɓlii ɓaŋ tahsah ɓo jolle,
Suu yim mazwak ɓo gŋ cyõ,
So nyi nyi zana,
Za maɓea ah zwahra vǝr tǝɗe' .
10 Amma me ka soɓ faa ɓǝ tǝ Masǝŋ Yakuɓ tǝkine ɗǝǝ lǝŋ yii ko ne ya syaŋsyaŋ.
11 A ga vǝr swah za maɓea ahe,
Amma a ga joŋ swah za matǝ njaŋ ah ga pelle.
