Juupel ma mor fii gbah jolle
1 Lǝŋ David.
Dǝɓlii, mo laa juupel ɓe, mo zyii zah ɓe.
Mor me no pǝ cok pǝgaɓɓe, me ka gak fan ki ya.
2 Mo ǝ̃ǝ me zah wulli,
Mor ame dǝɓ matǝ njaŋ wo ɓo.
Mo ǝ̃ǝ me,
Mor ame ye dǝɓ yeɓ ɓo,
Me soɓ suu ɓe ɓo wo ɓo.
3 Dǝɓlii, amo ye Masǝŋ ɓe.
Me juupel wo ɓo zah'nan daŋ,
Mo kwo syak tǝ ɓe.
4 Dǝɓlii, ame ye dǝɓ yeɓ ɓo,
Mo joŋ me laa pǝ'nyahre,
Mor me tǝ fii mo ne juupelle.
5 Dǝɓlii, amo pǝsãhe,
Mo rõm dǝɓɓi,
Amo 'yah za mai moo juura pel wo ɓo.
6 Dǝɓlii, mo laa juupel ɓe,
Mo laa ɓer zah ɓe me tǝ ɓer wo ɓo fii gbah jolle.
7 Me ɗii mo ne zah'nan gaɓ ɓe ɓe, mo zyii zah ɓe.
8 Dǝɓlii, dǝɓ ma jur mo kǝsyil masǝŋ ki ra kǝka,
Dǝɓ ma gak joŋ fan na mo kǝka.
9 Za mai mo joŋ ra ɓo daŋ ga keara sǝŋ pel ɓo ka yii yǝk ɓo.
10 Mor amo ye Masǝŋ ma joŋ fan matǝ gǝriŋ ahe,
Amo ye pǝyǝk syak ɓo to.
11 Dǝɓlii, mo cuu fan mai mo 'yah ka me joŋ nyi me,
Ka me laa zah ɓo, me syee mor ɓo ne goŋga.
Mo zyeɓ zahzyil ɓe ka me joŋ mor ɓo ne zahzyil vaŋno.
12 Dǝɓlii, Masǝŋ ɓe, me ga yii mo ne zahzyil ɓe daŋ.
Me ga yii tǝɗii ɓo ga lii ga lii.
13 Amo 'yah me ɓo pǝlli,
Mo ǝ̃ǝ me ɓo zah wulli.
14 Masǝŋ, za yii suu urra ɓo ne me,
Za ɓea tǝ kyeɓra wul ɓe, ka foora ɓǝ ɓo ya.
15 Dǝɓlii, amo ye Masǝŋ ma ne 'yahe,
Amo ye pa kwan syakke,
Mo ka ɓaŋ kpãh gwari ya,
Mo ne 'yah cẽecẽe,
Mo pǝ goŋga.
16 Mo jin nahnǝn ɓo ge tǝ ɓe,
Mo kwo syak tǝ ɓe,
Mo nyi swah nyi me,
Mo ǝ̃ǝ me, mor me tǝ syee mor ɓo tǝgbana ma ɓe mo syee ta.
17 Dǝɓlii, mo joŋ fan ma cuu mo 'yah me wo ɓe,
Ka za syiŋ ɓe mo kwora, ka swãa mo re ra.
Mor amo ye pa gbah jol ɓe,
Mo swaa zahzyil nyi me.
Juupel ma mor fii gbah jolle
1 Lǝŋ David.
Dǝɓlii, mo laa juupel ɓe, mo zyii zah ɓe.
Mor me no pǝ cok pǝgaɓɓe, me ka gak fan ki ya.
2 Mo ǝ̃ǝ me zah wulli,
Mor ame dǝɓ matǝ njaŋ wo ɓo.
Mo ǝ̃ǝ me,
Mor ame ye dǝɓ yeɓ ɓo,
Me soɓ suu ɓe ɓo wo ɓo.
3 Dǝɓlii, amo ye Masǝŋ ɓe.
Me juupel wo ɓo zah'nan daŋ,
Mo kwo syak tǝ ɓe.
4 Dǝɓlii, ame ye dǝɓ yeɓ ɓo,
Mo joŋ me laa pǝ'nyahre,
Mor me tǝ fii mo ne juupelle.
5 Dǝɓlii, amo pǝsãhe,
Mo rõm dǝɓɓi,
Amo 'yah za mai moo juura pel wo ɓo.
6 Dǝɓlii, mo laa juupel ɓe,
Mo laa ɓer zah ɓe me tǝ ɓer wo ɓo fii gbah jolle.
7 Me ɗii mo ne zah'nan gaɓ ɓe ɓe, mo zyii zah ɓe.
8 Dǝɓlii, dǝɓ ma jur mo kǝsyil masǝŋ ki ra kǝka,
Dǝɓ ma gak joŋ fan na mo kǝka.
9 Za mai mo joŋ ra ɓo daŋ ga keara sǝŋ pel ɓo ka yii yǝk ɓo.
10 Mor amo ye Masǝŋ ma joŋ fan matǝ gǝriŋ ahe,
Amo ye pǝyǝk syak ɓo to.
11 Dǝɓlii, mo cuu fan mai mo 'yah ka me joŋ nyi me,
Ka me laa zah ɓo, me syee mor ɓo ne goŋga.
Mo zyeɓ zahzyil ɓe ka me joŋ mor ɓo ne zahzyil vaŋno.
12 Dǝɓlii, Masǝŋ ɓe, me ga yii mo ne zahzyil ɓe daŋ.
Me ga yii tǝɗii ɓo ga lii ga lii.
13 Amo 'yah me ɓo pǝlli,
Mo ǝ̃ǝ me ɓo zah wulli.
14 Masǝŋ, za yii suu urra ɓo ne me,
Za ɓea tǝ kyeɓra wul ɓe, ka foora ɓǝ ɓo ya.
15 Dǝɓlii, amo ye Masǝŋ ma ne 'yahe,
Amo ye pa kwan syakke,
Mo ka ɓaŋ kpãh gwari ya,
Mo ne 'yah cẽecẽe,
Mo pǝ goŋga.
16 Mo jin nahnǝn ɓo ge tǝ ɓe,
Mo kwo syak tǝ ɓe,
Mo nyi swah nyi me,
Mo ǝ̃ǝ me, mor me tǝ syee mor ɓo tǝgbana ma ɓe mo syee ta.
17 Dǝɓlii, mo joŋ fan ma cuu mo 'yah me wo ɓe,
Ka za syiŋ ɓe mo kwora, ka swãa mo re ra.
Mor amo ye pa gbah jol ɓe,
Mo swaa zahzyil nyi me.
