Cee ne Tǝ'yak Masǝŋ
1 Amma zǝzǝ̃ǝko kiita kǝka tǝ za mai ara mo ne Yesu Kristu ya. 2 Mor ɓǝ lai Tǝ'yak mai moo nyi cee matǝ goŋga ne Yesu Kristu wǝǝ me jol ɓǝ lai faɓe' tǝkine wulli. 3 Masǝŋ joŋ fan mai ɓǝ lai Mosus mo ka gak joŋ ya, mor kpak dǝfuu ka pǝswah ya. Amma Masǝŋ ŋgoŋ kiita tǝ faɓe' mai mo pǝ kpak dǝfuu ne pee Wel ah mai mo ɓaŋ suu tǝgbana kpak suu dǝfuu ma joŋ faɓe' ka joŋ syiŋ ne mor faɓe'. 4 Masǝŋ joŋ mai nai mor ka fan mai ɓǝ lai mo fii ɓo mo joŋ pǝzyil man za mai na ka tǝ syee mor kpak dǝfuu ya, amma na tǝ syee tǝgbana Tǝ'yak Matǝdaŋdaŋ moo 'yahe. 5 Mor za mai mo tǝ syeera tǝgbana kpak dǝfuu moo 'yahe, a foora ɓǝ fan mai kpak dǝfuu mo 'yahe. Amma za mai mo tǝ syeera tǝgbana Tǝ'yak Matǝdaŋdaŋ moo 'yahe, a foora ɓǝ fan mai Tǝ'yak mo 'yah ta. 6 Dǝɓ mo tǝ foo ɓǝ fan mai kpak dǝfuu mo 'yah ɓe, a zaŋ dǝɓ ga pǝ wul ne ko. Amma dǝɓ mo tǝ foo ɓǝ fan mai Tǝ'yak Matǝdaŋdaŋ moo 'yahe, a zaŋ dǝɓ ga wo cee ma ga lii ne tǝkine jam. 7 Mor za ma syeera mor kpak dǝfuu syiŋra Masǝŋ ɓo, ka zyii syeera mor ɓǝ lai Masǝŋ ya, ka gakra ya ta. 8 Za ma syeera mor kpak dǝfuu ɓǝǝ to Masǝŋ ka laa pǝ'nyah ne ra ya.
9 Amma awe, we ka tǝ syee mor kpak dǝfuu ya, we tǝ syee mor Tǝ'yakke, mor Tǝ'yak Masǝŋ kaa ɓo pǝ zahzyil ɓiiri. Mor dǝɓ mo ka ne Tǝ'yak Kristu ya ɓe, ka mǝ ah ye ka ta. 10 Amma Kristu mo pǝ zahzyil ɓii ɓe, suu ɓii yea na wul mor faɓe', tǝ'yak ɓii no ne cee pǝzyil ɓiiri, mor awe pel Masǝŋ njaŋ o. 11 Tǝ'yak Masǝŋ mai mo ur Yesu gin pǝ wul kǝsyil za ma wul mo pǝzyil ɓii ɓe, so Dǝɓ mai mo ur Yesu Kristu gin kǝsyil za ma wul a ga nyi cee nyi suu ɓii ma wul mai ne Tǝ'yak ah mai mo kaa ɓo pǝ zahzyil ɓiiri.
12 Mor ahe, wee pa ɓe, na no ne val tǝ mana, amma val kpak suu dǝfuu ye ka, ka na so syee tǝgbana mai mo tǝ fiiko na ya. 13 Mor we tǝ syee na kpak dǝfuu ɓii mo 'yah ɓe, we ga wukki, amma we ik yeɓ 'yah dǝfuu ɓii pǝ wul ne Tǝ'yak Masǝŋ ɓe, we ga yea ne cee. 14 Za mai Tǝ'yak Masǝŋ ye mo tǝ zaŋ ra daŋ ara ye wee Masǝŋ. 15 Mor Tǝ'yak mai Masǝŋ mo nyi ɓo we, tǝ'yak ma joŋ we ciŋ byak ka we so yea ne ɗuu gal ye ka, amma Tǝ'yak ma joŋ we na wee Masǝŋ yo, mai mo nyi fahlii nyi na ka na ɗii Masǝŋ ne Daddǝ yo. 16 Mor Tǝ'yak Masǝŋ ne suu ah tai ki ne tǝ'yak man faa ana ye wee Masǝŋ. 17 Ana ye wee ah ɓe, ka ana ye za ren fan mai Masǝŋ mo faa ɓǝ ah ɓo ka nyi zan ah ta, na ga re fan Masǝŋ tǝki vaŋno ne Kristu. Mor na tǝ laa bone ne ki ɓe, na ga kaa pǝ yǝk ah ne ki ta.
Yǝk ma pelle
18 Wo ɓe me kwo ɓo, koo na tǝ laa bone ne cok matǝ zǝzǝ̃ǝ laŋ, kii nǝn pǝkoŋ ka lii ne yǝk mai Masǝŋ mo tǝ ga cuu nyi na pel a. 19 Mor fan mai Masǝŋ mo joŋ ɓo daŋ tǝ byakra com mai Masǝŋ moo ga cuu wee ahe. 20 Mor fan mai Masǝŋ mo joŋ ɓo daŋ so danra ɓo pǝ kiita, ciŋra fan mai mo ka ne yeɓ ya ɓo, ara ye ka 'yah ɓo ne suu ɓǝǝr a, amma Masǝŋ ye dan ra gŋ. 21 So zah'nan daŋ tǝ byakra com mai Masǝŋ mo ga wǝǝ ra gin pǝ byak ma muŋ ra, ka yea pǝ yǝk Masǝŋ ne wee ah mai mo wǝǝra ɓo. 22 Mor na tǝ ɓe, fan mai Masǝŋ mo joŋ ɓo daŋ, ŋhaa tǝ'nah tǝ 'meera ne bone tǝgbana mawin mai moo laa bone ne byaŋne. 23 Amma fan mai Masǝŋ mo joŋ ra ɓo ye ka tǝ 'mee to ya, amma ana za mai na lwaa Tǝ'yak ɓo tǝgbana fan ɗǝǝ Masǝŋ ma kǝpel ah wo man daŋ laŋ, na tǝ 'mee pǝ cii ɓǝr ne lii ah daŋ, na tǝ byak ka Masǝŋ mo ge wǝǝ suu man mai daŋ ka ga joŋ na na wee ahe. 24 Mor ana ǝ̃ǝ ɓe, amma na kaa ɓo tǝ byakke. Dǝɓ mo kwo fan mai mo tǝ byakko ge nǝn ɓe, ka fan byak ye kao, azu ye kaa byak fan mai mo kwoko ɓe sye ne? 25 Amma na tǝ byak fan mai na ɓah kwan a ba ɓe, na rõm kaa ne byak ahe.
26 Nai ta, ana za mai na pǝtǝtǝ̃ǝre, Tǝ'yak a gbah jol mana. Mor na tǝ juupel ne fahlii ah ya, amma Tǝ'yak ne suu ah a juupel wo Masǝŋ mor man ne 'mee mai tǝkpuuzah mo ka gak faa ya. 27 Amma Masǝŋ mai moo kwan zahzyil dǝfuu a tan fan mai Tǝ'yak mo tǝ 'yahe, mor Tǝ'yak a juupel mor za mai ara ye mo mǝ Masǝŋ, tǝgbana Masǝŋ mo 'yahe.
28 Na tǝ ɓe, Masǝŋ a joŋ fan pǝsãh daŋ mor za ma 'yahra ko, za mai mo ɗii ra ɓo tǝgbana zahzyil ah mo 'yahe. 29 Mor Masǝŋ syen ra ɓo na zan ah daga ɓaaɓe, so faa ne ɓǝr ah daga ɓaa sǝ ka ga joŋ ra tǝgbana Wel ahe, mor ka Wel ah mo yeako welii kǝsyil wee pah ah daŋ. 30 Za mai Masǝŋ mo faa ɓǝ ɓǝǝ ne ɓǝr ahe, ɗii ra ta, za mai mo ɗiiko ra, so a joŋ ra pel ah njaŋ, za mai Masǝŋ mo joŋ ra njaŋ, so nyi faren ah ɓo ra pǝ yǝk ah ta.
'Yah Masǝŋ a pǝyǝkki
31 Na ga faa ɓǝ fẽe tǝ ɓǝ mai ne? Masǝŋ mo no ne na ɓe, azu ye gak cak na ne? 32 Jiŋ Wel ah nyi na ya, amma nyi ko mor man daŋ, a joŋ ɗii ka gak nyi tǝcoŋ fan maki ah ra nyi na ne Wel ah ya ne? 33 Azu ye ga ce za mai Masǝŋ ye mo syen ra ɓo ne? Pah ah kǝka. Mor Masǝŋ ye tǝ faa ara njaŋ. 34 Azu ye ga ŋgoŋ kiita tǝ ɓǝǝ ne? Pah ah kǝka. Yesu Kristu mai mo wuu, so ur gin pǝ wul ɓe ta, ge kaa ɓo jokǝsãh Masǝŋ tǝ juupel gŋ mor mana. 35 Azu ye gak woŋ na ne 'yah Kristu ne? Bone yee gak ne? Ɓǝ foo ye ne? Wala mo tǝ foora mor man ɓe, a woŋ na ne ki ne? Koŋ ye ne? Syak yee woŋ na ne ki ne? Gaɓ ye ne? Wala wul ye ne? 36 Tǝgbana Ɗerewol mo faa:
A zokra com wõi ne ik ru pǝ wul mor ɓo,
A joŋra ru tǝgbana pǝsǝ̃ǝ mai za moo ga cok ŋgoŋ ne ra.
37 Amma pǝzyil fan mai daŋ na kaa kacella ne Dǝɓ mai mo 'yah na ɓo. 38 Mor me tǝ belbel fan ki ka gak woŋ na ne 'yah ah ya, koo wulli, koo cee, koo zapee ma coksǝŋ, koo swah ma no coksǝŋ, wala cok matǝ zǝzǝ̃ǝko, koo cok mai mo tǝ gin pelle, 39 koo swah ma sǝŋ, koo swah matǝ sǝr sǝŋ nyeeko, koo fan mai mo joŋ ɓo daŋ, fan ki ka gak woŋ na ne 'yah mai Masǝŋ mo cuu ɓo nyi na ne Yesu Kristu Dǝɓlii man a syaŋsyaŋ.
Cee ne Tǝ'yak Masǝŋ
1 Amma zǝzǝ̃ǝko kiita kǝka tǝ za mai ara mo ne Yesu Kristu ya. 2 Mor ɓǝ lai Tǝ'yak mai moo nyi cee matǝ goŋga ne Yesu Kristu wǝǝ me jol ɓǝ lai faɓe' tǝkine wulli. 3 Masǝŋ joŋ fan mai ɓǝ lai Mosus mo ka gak joŋ ya, mor kpak dǝfuu ka pǝswah ya. Amma Masǝŋ ŋgoŋ kiita tǝ faɓe' mai mo pǝ kpak dǝfuu ne pee Wel ah mai mo ɓaŋ suu tǝgbana kpak suu dǝfuu ma joŋ faɓe' ka joŋ syiŋ ne mor faɓe'. 4 Masǝŋ joŋ mai nai mor ka fan mai ɓǝ lai mo fii ɓo mo joŋ pǝzyil man za mai na ka tǝ syee mor kpak dǝfuu ya, amma na tǝ syee tǝgbana Tǝ'yak Matǝdaŋdaŋ moo 'yahe. 5 Mor za mai mo tǝ syeera tǝgbana kpak dǝfuu moo 'yahe, a foora ɓǝ fan mai kpak dǝfuu mo 'yahe. Amma za mai mo tǝ syeera tǝgbana Tǝ'yak Matǝdaŋdaŋ moo 'yahe, a foora ɓǝ fan mai Tǝ'yak mo 'yah ta. 6 Dǝɓ mo tǝ foo ɓǝ fan mai kpak dǝfuu mo 'yah ɓe, a zaŋ dǝɓ ga pǝ wul ne ko. Amma dǝɓ mo tǝ foo ɓǝ fan mai Tǝ'yak Matǝdaŋdaŋ moo 'yahe, a zaŋ dǝɓ ga wo cee ma ga lii ne tǝkine jam. 7 Mor za ma syeera mor kpak dǝfuu syiŋra Masǝŋ ɓo, ka zyii syeera mor ɓǝ lai Masǝŋ ya, ka gakra ya ta. 8 Za ma syeera mor kpak dǝfuu ɓǝǝ to Masǝŋ ka laa pǝ'nyah ne ra ya.
9 Amma awe, we ka tǝ syee mor kpak dǝfuu ya, we tǝ syee mor Tǝ'yakke, mor Tǝ'yak Masǝŋ kaa ɓo pǝ zahzyil ɓiiri. Mor dǝɓ mo ka ne Tǝ'yak Kristu ya ɓe, ka mǝ ah ye ka ta. 10 Amma Kristu mo pǝ zahzyil ɓii ɓe, suu ɓii yea na wul mor faɓe', tǝ'yak ɓii no ne cee pǝzyil ɓiiri, mor awe pel Masǝŋ njaŋ o. 11 Tǝ'yak Masǝŋ mai mo ur Yesu gin pǝ wul kǝsyil za ma wul mo pǝzyil ɓii ɓe, so Dǝɓ mai mo ur Yesu Kristu gin kǝsyil za ma wul a ga nyi cee nyi suu ɓii ma wul mai ne Tǝ'yak ah mai mo kaa ɓo pǝ zahzyil ɓiiri.
12 Mor ahe, wee pa ɓe, na no ne val tǝ mana, amma val kpak suu dǝfuu ye ka, ka na so syee tǝgbana mai mo tǝ fiiko na ya. 13 Mor we tǝ syee na kpak dǝfuu ɓii mo 'yah ɓe, we ga wukki, amma we ik yeɓ 'yah dǝfuu ɓii pǝ wul ne Tǝ'yak Masǝŋ ɓe, we ga yea ne cee. 14 Za mai Tǝ'yak Masǝŋ ye mo tǝ zaŋ ra daŋ ara ye wee Masǝŋ. 15 Mor Tǝ'yak mai Masǝŋ mo nyi ɓo we, tǝ'yak ma joŋ we ciŋ byak ka we so yea ne ɗuu gal ye ka, amma Tǝ'yak ma joŋ we na wee Masǝŋ yo, mai mo nyi fahlii nyi na ka na ɗii Masǝŋ ne Daddǝ yo. 16 Mor Tǝ'yak Masǝŋ ne suu ah tai ki ne tǝ'yak man faa ana ye wee Masǝŋ. 17 Ana ye wee ah ɓe, ka ana ye za ren fan mai Masǝŋ mo faa ɓǝ ah ɓo ka nyi zan ah ta, na ga re fan Masǝŋ tǝki vaŋno ne Kristu. Mor na tǝ laa bone ne ki ɓe, na ga kaa pǝ yǝk ah ne ki ta.
Yǝk ma pelle
18 Wo ɓe me kwo ɓo, koo na tǝ laa bone ne cok matǝ zǝzǝ̃ǝ laŋ, kii nǝn pǝkoŋ ka lii ne yǝk mai Masǝŋ mo tǝ ga cuu nyi na pel a. 19 Mor fan mai Masǝŋ mo joŋ ɓo daŋ tǝ byakra com mai Masǝŋ moo ga cuu wee ahe. 20 Mor fan mai Masǝŋ mo joŋ ɓo daŋ so danra ɓo pǝ kiita, ciŋra fan mai mo ka ne yeɓ ya ɓo, ara ye ka 'yah ɓo ne suu ɓǝǝr a, amma Masǝŋ ye dan ra gŋ. 21 So zah'nan daŋ tǝ byakra com mai Masǝŋ mo ga wǝǝ ra gin pǝ byak ma muŋ ra, ka yea pǝ yǝk Masǝŋ ne wee ah mai mo wǝǝra ɓo. 22 Mor na tǝ ɓe, fan mai Masǝŋ mo joŋ ɓo daŋ, ŋhaa tǝ'nah tǝ 'meera ne bone tǝgbana mawin mai moo laa bone ne byaŋne. 23 Amma fan mai Masǝŋ mo joŋ ra ɓo ye ka tǝ 'mee to ya, amma ana za mai na lwaa Tǝ'yak ɓo tǝgbana fan ɗǝǝ Masǝŋ ma kǝpel ah wo man daŋ laŋ, na tǝ 'mee pǝ cii ɓǝr ne lii ah daŋ, na tǝ byak ka Masǝŋ mo ge wǝǝ suu man mai daŋ ka ga joŋ na na wee ahe. 24 Mor ana ǝ̃ǝ ɓe, amma na kaa ɓo tǝ byakke. Dǝɓ mo kwo fan mai mo tǝ byakko ge nǝn ɓe, ka fan byak ye kao, azu ye kaa byak fan mai mo kwoko ɓe sye ne? 25 Amma na tǝ byak fan mai na ɓah kwan a ba ɓe, na rõm kaa ne byak ahe.
26 Nai ta, ana za mai na pǝtǝtǝ̃ǝre, Tǝ'yak a gbah jol mana. Mor na tǝ juupel ne fahlii ah ya, amma Tǝ'yak ne suu ah a juupel wo Masǝŋ mor man ne 'mee mai tǝkpuuzah mo ka gak faa ya. 27 Amma Masǝŋ mai moo kwan zahzyil dǝfuu a tan fan mai Tǝ'yak mo tǝ 'yahe, mor Tǝ'yak a juupel mor za mai ara ye mo mǝ Masǝŋ, tǝgbana Masǝŋ mo 'yahe.
28 Na tǝ ɓe, Masǝŋ a joŋ fan pǝsãh daŋ mor za ma 'yahra ko, za mai mo ɗii ra ɓo tǝgbana zahzyil ah mo 'yahe. 29 Mor Masǝŋ syen ra ɓo na zan ah daga ɓaaɓe, so faa ne ɓǝr ah daga ɓaa sǝ ka ga joŋ ra tǝgbana Wel ahe, mor ka Wel ah mo yeako welii kǝsyil wee pah ah daŋ. 30 Za mai Masǝŋ mo faa ɓǝ ɓǝǝ ne ɓǝr ahe, ɗii ra ta, za mai mo ɗiiko ra, so a joŋ ra pel ah njaŋ, za mai Masǝŋ mo joŋ ra njaŋ, so nyi faren ah ɓo ra pǝ yǝk ah ta.
'Yah Masǝŋ a pǝyǝkki
31 Na ga faa ɓǝ fẽe tǝ ɓǝ mai ne? Masǝŋ mo no ne na ɓe, azu ye gak cak na ne? 32 Jiŋ Wel ah nyi na ya, amma nyi ko mor man daŋ, a joŋ ɗii ka gak nyi tǝcoŋ fan maki ah ra nyi na ne Wel ah ya ne? 33 Azu ye ga ce za mai Masǝŋ ye mo syen ra ɓo ne? Pah ah kǝka. Mor Masǝŋ ye tǝ faa ara njaŋ. 34 Azu ye ga ŋgoŋ kiita tǝ ɓǝǝ ne? Pah ah kǝka. Yesu Kristu mai mo wuu, so ur gin pǝ wul ɓe ta, ge kaa ɓo jokǝsãh Masǝŋ tǝ juupel gŋ mor mana. 35 Azu ye gak woŋ na ne 'yah Kristu ne? Bone yee gak ne? Ɓǝ foo ye ne? Wala mo tǝ foora mor man ɓe, a woŋ na ne ki ne? Koŋ ye ne? Syak yee woŋ na ne ki ne? Gaɓ ye ne? Wala wul ye ne? 36 Tǝgbana Ɗerewol mo faa:
A zokra com wõi ne ik ru pǝ wul mor ɓo,
A joŋra ru tǝgbana pǝsǝ̃ǝ mai za moo ga cok ŋgoŋ ne ra.
37 Amma pǝzyil fan mai daŋ na kaa kacella ne Dǝɓ mai mo 'yah na ɓo. 38 Mor me tǝ belbel fan ki ka gak woŋ na ne 'yah ah ya, koo wulli, koo cee, koo zapee ma coksǝŋ, koo swah ma no coksǝŋ, wala cok matǝ zǝzǝ̃ǝko, koo cok mai mo tǝ gin pelle, 39 koo swah ma sǝŋ, koo swah matǝ sǝr sǝŋ nyeeko, koo fan mai mo joŋ ɓo daŋ, fan ki ka gak woŋ na ne 'yah mai Masǝŋ mo cuu ɓo nyi na ne Yesu Kristu Dǝɓlii man a syaŋsyaŋ.
