Lee za ma cuura bone nyi zana
1 Sǝr Liban, mo gbǝr zahfah ɓo ra, ka wii mo sye kpuu bah ɓo ra. 2 Kpuu cilli, we yeyee, we dahgorre, mor kpuu bah lee ɓe, kpuu mayǝk ra kŋ ɓeɓ ɓe. Awe kpuu Basan maswah ahe, we yeyee, we dahgorre, mor gǝ̃ǝ matǝ mbaŋmbaŋ kŋ ɓeɓ ɓe. 3 Zaluu tǝ yera yee, tǝkine 'meere, mor yǝk ɓǝǝ vǝr ɓe. We laa ɓol mo tǝ yera yee ɗǝ, mor gǝ̃ǝ mai moo kaara gŋ ɓeɓ ɓe.
Za kǝpii fan matǝ gwa
4 Dǝɓlii Masǝŋ ɓe faa nyi me: Mo pii ŋgaɓ pǝsǝ̃ǝ mai mo tǝ yah ŋgomra. 5 Zan ah ra a ŋgomra, so ka kwanra ɓǝ ah na ɓǝɓe' ya. A leera fan ne nǝǝ ahe, a faara: Osoko Dǝɓlii, aru kǝ̃ǝ ɓe. Koo za mai pǝsǝ̃ǝ mo pǝsǝ̃ǝ ɓǝǝ ye laŋ, ka kwanra syak tǝ ɓǝǝr a.
6 Dǝɓlii faa: Me ka ga kwo syak tǝ za mai mo kaara ɓo wo sǝr yao. Me ga soɓ zune daŋ ga jol dǝɓ mai mo kaa swah ɓo tǝl ah tǝkine jol goŋ ahe. Zaluu ah ra ga ɓeɓra sǝr ahe, so me ka ga ǝ̃ǝ sǝr ah gin mor jol ɓǝǝr a.
7 Za mai moo leara pǝsǝ̃ǝ moo ŋgomra lea fan ne ko, ɓaŋra me ɓo ka me pii pǝsǝ̃ǝ mai mo tǝ yah ga ŋgomra. Ame woo kǝndaŋ mor jol gwa, me ɗii mai ne Gboŋgboŋ, me ɗii maki ah ne Taiki. Me so pii ŋgaɓ fan ahe. 8 Me nĩi za kǝpii fan matǝ sai mai mo syiŋra me ɓo myah pǝzyil fĩi vaŋno, me rõm ra yao. 9 Me so faa nyi ŋgaɓ fan ahe: Me ka pii we yao. Mai mo tǝ ga wukki, mo wukra o, mai mo tǝ ga mokki, mo mok o, tǝcoŋ ah mai mo coŋ ɓo a ga ɓeɓra ki. 10 Me so ɓaŋ kǝndaŋ ma ɗii ne Gboŋgboŋ me hao ge lalle, mor ka syel ɓǝ gbanzah ɓe mai me gbǝ ɓo ne za sǝr daŋ. 11 So ɓǝ gbanzah ah syel com ahe. Za mai moo leara pǝsǝ̃ǝ moo ŋgomra lea fan ne ko, mo ɓaŋra me ɓo, so tǝra o, Dǝɓlii ye faa ɓǝ ɓo nyi ra, ne fan mai me joŋ. 12 Me so faa nyi ra: Ɓǝ ah mo pǝsãh wo ɓii ɓe, we nyi fan soo ɓe nyi me o, amma mo ka pǝsãh ya ɓe, ka we kaa ne ko o. So liira vãm solai jemma sai nyi me zahwaa fan soo ɓe.
13 Dǝɓlii so faa nyi me: Mo ge rǝk pǝ cok rǝk lak yaŋ ɓe. Me so woo vãm solai matǝ jemma sai, lak mayǝk ah mai mo soora me ɓo ne mor yeɓ ɓe yo, so me ge rǝk pǝ cok rǝk lak yaŋ Masǝŋ. 14 Me so hao patǝ gwa kǝndaŋ mai moo ɗii ne Taiki kŋ, mor ka wahl tai ki ma kǝsyil za sǝr Yuda ne za Israel.
15 Dǝɓlii faa nyi me: Mo so woo fan yeɓ pakǝpii ma tǝgwĩi ɗao faɗa. 16 Me ga kan pakǝpii maki ah wo sǝrri, amma ka ga ɓaŋ syiŋ gwii mai mo muŋ ɓo ya, ka ga kyeɓ mai mo myah ɓo ya, ka ga ẽe mai mo ne syem ya, so ka ga pii mai ara mo no jam ya ta. Amma a ga re nǝǝ pǝsǝ̃ǝ mai mo ŋwaa ɓo, a ga nǝǝ fyãh ɓal ɓǝǝ ga lalle. 17 Tǝkẽawãk tǝtǝl pakǝpii ma tǝgwĩi ahe, mor soɓ ŋgaɓ fan ah myahe, sal ga ɓeɓ ko tǝɗe', jol ah ra ga wukki, nahnǝn ah ra ga rǝ̃ǝ.
Lee za ma cuura bone nyi zana
1 Sǝr Liban, mo gbǝr zahfah ɓo ra, ka wii mo sye kpuu bah ɓo ra. 2 Kpuu cilli, we yeyee, we dahgorre, mor kpuu bah lee ɓe, kpuu mayǝk ra kŋ ɓeɓ ɓe. Awe kpuu Basan maswah ahe, we yeyee, we dahgorre, mor gǝ̃ǝ matǝ mbaŋmbaŋ kŋ ɓeɓ ɓe. 3 Zaluu tǝ yera yee, tǝkine 'meere, mor yǝk ɓǝǝ vǝr ɓe. We laa ɓol mo tǝ yera yee ɗǝ, mor gǝ̃ǝ mai moo kaara gŋ ɓeɓ ɓe.
Za kǝpii fan matǝ gwa
4 Dǝɓlii Masǝŋ ɓe faa nyi me: Mo pii ŋgaɓ pǝsǝ̃ǝ mai mo tǝ yah ŋgomra. 5 Zan ah ra a ŋgomra, so ka kwanra ɓǝ ah na ɓǝɓe' ya. A leera fan ne nǝǝ ahe, a faara: Osoko Dǝɓlii, aru kǝ̃ǝ ɓe. Koo za mai pǝsǝ̃ǝ mo pǝsǝ̃ǝ ɓǝǝ ye laŋ, ka kwanra syak tǝ ɓǝǝr a.
6 Dǝɓlii faa: Me ka ga kwo syak tǝ za mai mo kaara ɓo wo sǝr yao. Me ga soɓ zune daŋ ga jol dǝɓ mai mo kaa swah ɓo tǝl ah tǝkine jol goŋ ahe. Zaluu ah ra ga ɓeɓra sǝr ahe, so me ka ga ǝ̃ǝ sǝr ah gin mor jol ɓǝǝr a.
7 Za mai moo leara pǝsǝ̃ǝ moo ŋgomra lea fan ne ko, ɓaŋra me ɓo ka me pii pǝsǝ̃ǝ mai mo tǝ yah ga ŋgomra. Ame woo kǝndaŋ mor jol gwa, me ɗii mai ne Gboŋgboŋ, me ɗii maki ah ne Taiki. Me so pii ŋgaɓ fan ahe. 8 Me nĩi za kǝpii fan matǝ sai mai mo syiŋra me ɓo myah pǝzyil fĩi vaŋno, me rõm ra yao. 9 Me so faa nyi ŋgaɓ fan ahe: Me ka pii we yao. Mai mo tǝ ga wukki, mo wukra o, mai mo tǝ ga mokki, mo mok o, tǝcoŋ ah mai mo coŋ ɓo a ga ɓeɓra ki. 10 Me so ɓaŋ kǝndaŋ ma ɗii ne Gboŋgboŋ me hao ge lalle, mor ka syel ɓǝ gbanzah ɓe mai me gbǝ ɓo ne za sǝr daŋ. 11 So ɓǝ gbanzah ah syel com ahe. Za mai moo leara pǝsǝ̃ǝ moo ŋgomra lea fan ne ko, mo ɓaŋra me ɓo, so tǝra o, Dǝɓlii ye faa ɓǝ ɓo nyi ra, ne fan mai me joŋ. 12 Me so faa nyi ra: Ɓǝ ah mo pǝsãh wo ɓii ɓe, we nyi fan soo ɓe nyi me o, amma mo ka pǝsãh ya ɓe, ka we kaa ne ko o. So liira vãm solai jemma sai nyi me zahwaa fan soo ɓe.
13 Dǝɓlii so faa nyi me: Mo ge rǝk pǝ cok rǝk lak yaŋ ɓe. Me so woo vãm solai matǝ jemma sai, lak mayǝk ah mai mo soora me ɓo ne mor yeɓ ɓe yo, so me ge rǝk pǝ cok rǝk lak yaŋ Masǝŋ. 14 Me so hao patǝ gwa kǝndaŋ mai moo ɗii ne Taiki kŋ, mor ka wahl tai ki ma kǝsyil za sǝr Yuda ne za Israel.
15 Dǝɓlii faa nyi me: Mo so woo fan yeɓ pakǝpii ma tǝgwĩi ɗao faɗa. 16 Me ga kan pakǝpii maki ah wo sǝrri, amma ka ga ɓaŋ syiŋ gwii mai mo muŋ ɓo ya, ka ga kyeɓ mai mo myah ɓo ya, ka ga ẽe mai mo ne syem ya, so ka ga pii mai ara mo no jam ya ta. Amma a ga re nǝǝ pǝsǝ̃ǝ mai mo ŋwaa ɓo, a ga nǝǝ fyãh ɓal ɓǝǝ ga lalle. 17 Tǝkẽawãk tǝtǝl pakǝpii ma tǝgwĩi ahe, mor soɓ ŋgaɓ fan ah myahe, sal ga ɓeɓ ko tǝɗe', jol ah ra ga wukki, nahnǝn ah ra ga rǝ̃ǝ.
