Ɓǝ muŋta sal nai
1 Ame so kwo fakwan maki ahe. Ne cok ah me ɓaŋ nahnǝn me kwo muŋta sal nai pǝ̃ǝra gin kǝsyil waa matǝ gwa ma ne vãm syẽ. 2 Muŋta patǝ vaŋno ah pǝr masyẽa ye wol ahe, patǝ gwa ah pǝr mafuu ah ra ye gŋ, 3 patǝ sai ah pǝr mafãi ah ra ye gŋ, patǝ nai ah pǝr maŋgahɓ ah ra ye gŋ. 4 Me so fii angelos me faa: Dǝɓlii, muŋta sal marai ɓǝ ah 'yah cuu ɓǝ fẽene? 5 Zyii zah ɓe faa: Ɓǝ ah a cuu zyak matǝ nai, gera gin pel Dǝɓlii sǝr daŋ ge ɓo.
6 Muŋta mai pǝr mafuu mo tǝ kwakke, a ga fahǝsǝŋ pǝ sǝr Babilon, pǝr mafãi ah a ga nǝfah kǝmorcomlilli, pǝr maŋgahɓ ah a ga fah morkǝsǝŋ. 7 Pǝr maswah rai pǝ̃ǝra ɓo ka ga kyãh wo sǝrri, angelos faa: We gyo, we ge kyãh wo sǝrri. So kalra ge kyãhra. 8 So angelos ɗii me faa: Mai mo tǝ gara fahsǝŋ sǝr Babilon a ga wuura kpãh Dǝɓlii gŋ.
Ɓaŋra Joswa kan dǝɓlii ne ko
9 Dǝɓlii faa nyi me: 10 Mo nyiŋ fan nyi mai Heldai, Tobiija ne Jedaja, za mai mo pii soora gin pǝ byak ge mo nyira, ka com moo sǝ ta, mo ge yaŋ Josias we Zefanias. Za mai daŋ pii soora gin pǝ byak sǝr Babilon ge ɓo. 11 Mo woo vãm solai ne vãm kaŋnyeeri mai mo nyira, ka mo coo njok vãm ne ko, mo maa ge nyi Joswa pa joŋzahsyiŋ malii we Jehosadak tǝtǝlli. 12 Ka mo so faa nyi ko Dǝɓlii ma ne swah daŋ faa: Dǝɓ maki ah no a ɗii ne Juu Ahe. Mor pǝ cok mai ako mo gŋ daŋ a ga juu gŋ, so a ga vuu yaŋ Dǝɓlii. 13 A ga vuu yaŋ ahe, a ga yea pǝyǝk tǝgbana goŋe, a ga kaa swah tǝ zan ahe, pa joŋzahsyiŋ ga yea jokǝsãh ahe, a ga kaara wo ki jam. 14 Njok vãm ah a ga yea pǝ yaŋ Dǝɓlii na fan ma foo ɓǝ ah ka yii Heldai, Tobiija, Jedaja, ne Josias we Zefanias ne ko.
15 Za mai mo kaara ɓo pǝɗǝkki, a ga gera ka vuu yaŋ Dǝɓlii. Ne cok yaŋ ah mo vuu ɓe, we ga tǝ, Dǝɓlii ma ne swah daŋ ye pee me wo ɓiiri. Fan mai daŋ a ga joŋ, we syee mor ɓǝ faa Dǝɓlii Masǝŋ ɓii ne goŋga ɓe ko.
Ɓǝ muŋta sal nai
1 Ame so kwo fakwan maki ahe. Ne cok ah me ɓaŋ nahnǝn me kwo muŋta sal nai pǝ̃ǝra gin kǝsyil waa matǝ gwa ma ne vãm syẽ. 2 Muŋta patǝ vaŋno ah pǝr masyẽa ye wol ahe, patǝ gwa ah pǝr mafuu ah ra ye gŋ, 3 patǝ sai ah pǝr mafãi ah ra ye gŋ, patǝ nai ah pǝr maŋgahɓ ah ra ye gŋ. 4 Me so fii angelos me faa: Dǝɓlii, muŋta sal marai ɓǝ ah 'yah cuu ɓǝ fẽene? 5 Zyii zah ɓe faa: Ɓǝ ah a cuu zyak matǝ nai, gera gin pel Dǝɓlii sǝr daŋ ge ɓo.
6 Muŋta mai pǝr mafuu mo tǝ kwakke, a ga fahǝsǝŋ pǝ sǝr Babilon, pǝr mafãi ah a ga nǝfah kǝmorcomlilli, pǝr maŋgahɓ ah a ga fah morkǝsǝŋ. 7 Pǝr maswah rai pǝ̃ǝra ɓo ka ga kyãh wo sǝrri, angelos faa: We gyo, we ge kyãh wo sǝrri. So kalra ge kyãhra. 8 So angelos ɗii me faa: Mai mo tǝ gara fahsǝŋ sǝr Babilon a ga wuura kpãh Dǝɓlii gŋ.
Ɓaŋra Joswa kan dǝɓlii ne ko
9 Dǝɓlii faa nyi me: 10 Mo nyiŋ fan nyi mai Heldai, Tobiija ne Jedaja, za mai mo pii soora gin pǝ byak ge mo nyira, ka com moo sǝ ta, mo ge yaŋ Josias we Zefanias. Za mai daŋ pii soora gin pǝ byak sǝr Babilon ge ɓo. 11 Mo woo vãm solai ne vãm kaŋnyeeri mai mo nyira, ka mo coo njok vãm ne ko, mo maa ge nyi Joswa pa joŋzahsyiŋ malii we Jehosadak tǝtǝlli. 12 Ka mo so faa nyi ko Dǝɓlii ma ne swah daŋ faa: Dǝɓ maki ah no a ɗii ne Juu Ahe. Mor pǝ cok mai ako mo gŋ daŋ a ga juu gŋ, so a ga vuu yaŋ Dǝɓlii. 13 A ga vuu yaŋ ahe, a ga yea pǝyǝk tǝgbana goŋe, a ga kaa swah tǝ zan ahe, pa joŋzahsyiŋ ga yea jokǝsãh ahe, a ga kaara wo ki jam. 14 Njok vãm ah a ga yea pǝ yaŋ Dǝɓlii na fan ma foo ɓǝ ah ka yii Heldai, Tobiija, Jedaja, ne Josias we Zefanias ne ko.
15 Za mai mo kaara ɓo pǝɗǝkki, a ga gera ka vuu yaŋ Dǝɓlii. Ne cok yaŋ ah mo vuu ɓe, we ga tǝ, Dǝɓlii ma ne swah daŋ ye pee me wo ɓiiri. Fan mai daŋ a ga joŋ, we syee mor ɓǝ faa Dǝɓlii Masǝŋ ɓii ne goŋga ɓe ko.
