Mo kwa iyal naa laar to
Ayuba
1 Ayuba gwan ne na janna go:
2 Ne jo̰ mo kwa mbar ndu ge be pool to gḛ,
ne jo̰ mo kwa sya ndu ge taŋgay ko̰r gḛ,
3 ne jo̰ mo kwa yuwale ndu ge be zwama to gḛ,
mo ŋgay tene mo fare kwarra ma zi pet.
4 Mo jan fare mbe hon wuɗi ɗaa?
A wuɗi ho̰ mo dwatɗa ge jan fare mbe go ne ɗaa?
5 Naa kḭḭm ma, ne kaŋ ge ne maŋgaɗam ga̰l yuwam pul se ma mwaɗak a ndat ndat
6 Táál ge siya ma ne a suli baŋ na ndwara se,
kaŋ a̰me ge lar tuul wak se na ndwara se to.
7 A na fyaɗe swaga mbo kuu ya viŋ ne,
a na gabe suwar ne saam zi be ge kaŋ a̰me mbyale na digi to ne.
8 A na kote mam ma ne pḭr zi,
be ge nama dṵṵl zut pḭr ya se to bat.
9 A na la na swaga katɗa zi ne,
kulbi na zi ne pḭr ne.
10 A na e warbe koŋleya se ge maŋgaɗam ga̰l yuwam pul go ne,
Kwaya̰l ma ne tṵ varse ta swaga mbe go.
11 Swaga ge Dok ne ba̰y, pḭr koo ma abe saaseya, a gá ke ajab
12 Pool ge na ne zi, ka caɗe maŋgaɗam ga̰l yuwam se,
Zwama ge na ne zi me, ka hal Rahab .
13 Ne na o̰yom, ka pisi pḭr uzi kwaya̰l,
na tok ka gyabe bom ge ne so má tene .
14 No a kaŋ ma ŋgeɗo baŋ ge na sḛ ne ke nama,
fare ge nee ne za̰ na ma na pal a ŋgeɗo baŋ.
Amma pool ge na ba̰yya ne, a wuɗi wan na pe ne ɗaa?
© La Bible en langue Kim © Alliance Biblique du Tchad, 2013.
