Kaŋ mballa ma 8

Hormo ge Dok ne, ne pool ge ndu dasana ne
1 Ne naa ge mbal kaŋ ma ga̰l pe. Kaŋ mballa ge Dawda ne. A ka mbal na biliŋ ge Gat ne wak go.
2 Bage ɗiŋnedin, i Bageyal,
mo dḭl mbya uwareya suwar pal pet,
Serra cicim ge mo ne waɗe serra ge pḭr ne waɗe!
3 Ne naa jabso ma ne naa ge kaare ma wak zi ,
mo mḛ piliya mo naa ge ho̰l ma ndwara zi.
Go mbe no, mo ka dibi mo naa ge ho̰l
ge ne ɓyare gele ta ne mo ma wak.
4 Swaga ge mbi ne ndil pḭr ge mo ne ke na ne mo tok zi,
ne saba ma ne guwa̰r ma ge mo ne é nama,
5 ndu dasana da ne ɗo, mo ba ka dwat ne na ɗaa?
Ndu dasana da ne ɗo, mo ba ka dol mo ndwara na pal ɗaa?
6 Mo ke na gwa mbyatɗa ne Dok,
amma mo ho̰ na pateya ne hormo gḛ ge be to.
7 Mo ho̰ na pool na ka kaŋ dolla ge mo ne ma pal pet,
mo gwa̰ ne kaŋ ma pala na pe se mwaɗak .
8 Gii ma, ne nday ma pet, ne kavaar ge ful zi ma mwaɗak,
9 ne njoole ma, ne sii ma,
ne kaŋ ge ne an ne maŋgaɗam pul se ma mwaɗak.
10 Bage ɗiŋnedin, i Bageyal,
mo dḭl mbya uwareya suwar pal pet!
© La Bible en langue Kim © Alliance Biblique du Tchad, 2013.
Abonnement au lettre de nouvelles
Abonnement au lettre de nouvelles

 

Abonnement au lettre de nouvelles
Alliance Biblique du Tchad
© Alliance Biblique du Tchad 2025