Sa̰duk-manrɔ lə Ala to ɓee lə Pilistije
1 Pilistije d’un sa̰duk-manrɔ lə Ala d’ḭ ne Eben-Ejer d’aw ne Asdod. 2 Loo gə́ Pilistije taa sa̰duk-manrɔ lə Ala ndá d’aw ne kəi magə-Dago̰’g, d’aw d’unda mbɔr magə-Dago̰’g tɔ. 3 Bèlè loo kàree lé, loo gə́ dəwje gə́ Asdod teḛ gə ndɔ rad d’aw ndá, deḛ d’oo magə-Dago̰ gə́ oso dəb kəmee naŋg no̰ sa̰duk-manrɔ’g lə Njesigənea̰. Ndá deḛ tel d’un magə-Dago̰ lé d’uree tar toree’g gogo. 4 Nuna ndá deḛ teḛ gə ndɔ rad d’iŋga magə-Dago̰ gə́ oso dəb kəmee naŋg no̰ sa̰duk-manrɔ’g lə Njesigənea̰ lé ya ɓəi. Dɔ magə-Dago̰ gə jiaje gə́ joo tɔr ɔm no̰ tarəwkəi’g nɛ dɔdumee ɓa nai. 5 Gelee gə́ bèe ɓa saar ɓogənè lé njékinjanéməsje lə magə-Dago̰ gə deḛ lai gə́ d’andə mee kəi’g lə magə-Dago̰ gə́ to Asdod lé d’ila gɔl dee kag tarəwkəi’d gə́ naŋg lé el.
6 Ji Njesigənea̰ wɔi ndiŋ-ndiŋ dɔ njé gə́ Asdod’g ndá yeḛ ila tuji dɔ dee’g tɔ. Yeḛ ar gab tal kudu njé gə́ Asdod’g gə goo looje’g lai gə́ wɔji dəa lé ləm tɔ. 7 Loo gə́ deḛ d’oo né gə́ to togə́bè ndá dəwje gə́ Asdod pana: Maji kar sa̰duk-manrɔ lə Ala lə Israɛlje lé to ɓee lə sí nee el mbata jia wɔi dɔ sí’g ndiŋ-ndiŋ ləm, gə dɔ magə-Dago̰ gə́ to magə lə sí lé ləm tɔ.
8 Deḛ d’ula kula ɓar mbaije lə Pilistije d’ar dee ree mbo̰ dɔ na̰ rɔ dee’g ndá deḛ dəji dee pana: See ɗi ɓa j’a ra gə sa̰duk-manrɔ lə Ala lə Israɛlje lé wa.
Mbaije lé tel d’ila dee keneŋ pana: Maji kar dee d’un sa̰duk-manrɔ lé d’aw ne Gat.
Deḛ d’un sa̰duk-manrɔ lə Ala lə Israɛlje lé d’aw ne keneŋ ya tɔ. 9 Nɛ gée gə́ gogo loo gə́ d’un d’aw ne ndá ji Njesigənea̰ wɔi dɔ ɓee-boo’g neelé ndiŋ-ndiŋ ar dee d’aw dɔ na̰’d wur-wur. Yeḛ ar gab tal kudu dee’g rus-rus un kudee dɔ ŋganje’g saar teḛ ne dɔ njé gə́ tɔg’d tɔ. 10 Yen ŋga deḛ d’ula gə sa̰duk-manrɔ lə Ala ɓee-boo gə́ Ekro̰. Loo gə́ sa̰duk-manrɔ lə Ala teḛ Ekro̰ ndá njé gə́ Ekro̰ d’ila ndu dee naŋg wəl pana: Deḛ ree gə sa̰duk-manrɔ lə Ala lə Israɛlje mba kar sí j’wəije ne, jeḛ ləm gə dəwje lə sí ləm tɔ.
11 Deḛ d’ula kula ɓar mbai dɔ Pilistije d’ar dee ree mbo̰ dɔ na̰ rɔ dee’g ndá deḛ pana: Ulaje gə sa̰duk-manrɔ lə Ala lə Israɛlje lé gə mba karee tel aw loo toree’g gogo mba karee ar síjeḛ gə dəwje lə sí j’wəije ne na̰’d el. Mbata mee ɓee-boo’g bura lé néɓəl gə́ as yoo to keneŋ. Ji Ala wɔi ndiŋ-ndiŋ dɔ dee’g ya. 12 Dəwje gə́ d’wəi el lé gab uba dee ndá ndu no̰ lə ɓee-boo neelé aw njal teḛ dan dara’g.
Sa̰duk-manrɔ lə Ala to ɓee lə Pilistije
1 Pilistije d’un sa̰duk-manrɔ lə Ala d’ḭ ne Eben-Ejer d’aw ne Asdod. 2 Loo gə́ Pilistije taa sa̰duk-manrɔ lə Ala ndá d’aw ne kəi magə-Dago̰’g, d’aw d’unda mbɔr magə-Dago̰’g tɔ. 3 Bèlè loo kàree lé, loo gə́ dəwje gə́ Asdod teḛ gə ndɔ rad d’aw ndá, deḛ d’oo magə-Dago̰ gə́ oso dəb kəmee naŋg no̰ sa̰duk-manrɔ’g lə Njesigənea̰. Ndá deḛ tel d’un magə-Dago̰ lé d’uree tar toree’g gogo. 4 Nuna ndá deḛ teḛ gə ndɔ rad d’iŋga magə-Dago̰ gə́ oso dəb kəmee naŋg no̰ sa̰duk-manrɔ’g lə Njesigənea̰ lé ya ɓəi. Dɔ magə-Dago̰ gə jiaje gə́ joo tɔr ɔm no̰ tarəwkəi’g nɛ dɔdumee ɓa nai. 5 Gelee gə́ bèe ɓa saar ɓogənè lé njékinjanéməsje lə magə-Dago̰ gə deḛ lai gə́ d’andə mee kəi’g lə magə-Dago̰ gə́ to Asdod lé d’ila gɔl dee kag tarəwkəi’d gə́ naŋg lé el.
6 Ji Njesigənea̰ wɔi ndiŋ-ndiŋ dɔ njé gə́ Asdod’g ndá yeḛ ila tuji dɔ dee’g tɔ. Yeḛ ar gab tal kudu njé gə́ Asdod’g gə goo looje’g lai gə́ wɔji dəa lé ləm tɔ. 7 Loo gə́ deḛ d’oo né gə́ to togə́bè ndá dəwje gə́ Asdod pana: Maji kar sa̰duk-manrɔ lə Ala lə Israɛlje lé to ɓee lə sí nee el mbata jia wɔi dɔ sí’g ndiŋ-ndiŋ ləm, gə dɔ magə-Dago̰ gə́ to magə lə sí lé ləm tɔ.
8 Deḛ d’ula kula ɓar mbaije lə Pilistije d’ar dee ree mbo̰ dɔ na̰ rɔ dee’g ndá deḛ dəji dee pana: See ɗi ɓa j’a ra gə sa̰duk-manrɔ lə Ala lə Israɛlje lé wa.
Mbaije lé tel d’ila dee keneŋ pana: Maji kar dee d’un sa̰duk-manrɔ lé d’aw ne Gat.
Deḛ d’un sa̰duk-manrɔ lə Ala lə Israɛlje lé d’aw ne keneŋ ya tɔ. 9 Nɛ gée gə́ gogo loo gə́ d’un d’aw ne ndá ji Njesigənea̰ wɔi dɔ ɓee-boo’g neelé ndiŋ-ndiŋ ar dee d’aw dɔ na̰’d wur-wur. Yeḛ ar gab tal kudu dee’g rus-rus un kudee dɔ ŋganje’g saar teḛ ne dɔ njé gə́ tɔg’d tɔ. 10 Yen ŋga deḛ d’ula gə sa̰duk-manrɔ lə Ala ɓee-boo gə́ Ekro̰. Loo gə́ sa̰duk-manrɔ lə Ala teḛ Ekro̰ ndá njé gə́ Ekro̰ d’ila ndu dee naŋg wəl pana: Deḛ ree gə sa̰duk-manrɔ lə Ala lə Israɛlje mba kar sí j’wəije ne, jeḛ ləm gə dəwje lə sí ləm tɔ.
11 Deḛ d’ula kula ɓar mbai dɔ Pilistije d’ar dee ree mbo̰ dɔ na̰ rɔ dee’g ndá deḛ pana: Ulaje gə sa̰duk-manrɔ lə Ala lə Israɛlje lé gə mba karee tel aw loo toree’g gogo mba karee ar síjeḛ gə dəwje lə sí j’wəije ne na̰’d el. Mbata mee ɓee-boo’g bura lé néɓəl gə́ as yoo to keneŋ. Ji Ala wɔi ndiŋ-ndiŋ dɔ dee’g ya. 12 Dəwje gə́ d’wəi el lé gab uba dee ndá ndu no̰ lə ɓee-boo neelé aw njal teḛ dan dara’g.
