Ala to njégaŋ-rəwtaje gə́ dɔ naŋg nee
1 Pakɔs gə́ Dabid ar bao-pa mba karee ɔs sə dee lé. D’ɔs gə ndu pa gə́ pana: Ya̰ areeje tuji el.
2 Seḭ dəwje lé see ta sí gə́ ndèm kub lé ɓa
Seḭ a raje ne néra gə́ gə dɔ najee lé ɓəi wa.
Esé see togə́bè ɓa a gaŋgje ne rəwta gə goo rəbee lé ɓəi wa.
3 Bèe el ɓòo! Meḛ sí gə́ kəi lé
Seḭ wɔjije néra gə́ kori-korije keneŋ,
Mee ɓee’g lə sí lé
Néra gə́ kərm-kərm gə́ ji sí ra ɓa
Seḭ ɔrje ta rəw areeje.
4 Njémeeyèrje lé d’aw kori-kori
Un kudee mee ndəa gə́ deḛ to ne ta mbà ko̰ deeje’g,
Njétaŋgɔmje lé kara ndəm rəw
Un kudee mee ndəa gə́ deḛ teḛ ne mee ko̰ deeje’g pərəŋ lé ya ləm tɔ.
5 Deḛ lé mas dee to keneŋ asəna gə ka̰ li bèe ləm,
Deḛ to d’asəna gə li-meewai gə́ udu mbia jigi bèe ləm tɔ
6 Gə mba koo ne ndu njégoso sukəmlooje el ləm,
Esé ndu njegoso ra némbeḛ lé el ləm tɔ.
7 Ǝi Ala, maji kari guru ŋgaŋ dee ləm,
Njesigənea̰, maji kari tɔr ka ta dee
Gə́ to asəna gə ka̰ ŋgan toboḭje bèe lé ɓɔgədɔ-ɓɔgədɔ ləm tɔ.
8 Maji kar dee sané pá to gə́ mán gə́ ula aw bèe ləm,
Maji kar dee d’ur kandə ɓandaŋgje lə dee gə́ adə el ba ləm tɔ.
9 Maji kar dee léḛ to gə́ toro gə́ ŋgwɔiee godo bèe ləm,
Maji kar dee to d’asəna gə ŋgon gə́ dené ɔr gə́ oo kəm kàr el bèe ləm tɔ.
10 Ɓad ɓa kar ŋgoroje lə sí d’oo ŋgəw kag gə́ təb əsé yeḛ gə́ taa pər lé
Lel-mal a sa dee rəw.
11 Njemeekarabasur a si dan rɔlel’g
Loo gə́ yeḛ oo dal ba̰,
Yeḛ a togo gɔlee dan məs njémeeyèrje’g ya.
12 Ndá dəwje d’a pa pana:
Tɔgərɔ ya, majikojije d’iŋga nédɔji lə dee,
Tɔgərɔ ya, yeḛ lé to Ala gə́ njegaŋ-rəwta dɔ naŋg nee ya.
Ala to njégaŋ-rəwtaje gə́ dɔ naŋg nee
1 Pakɔs gə́ Dabid ar bao-pa mba karee ɔs sə dee lé. D’ɔs gə ndu pa gə́ pana: Ya̰ areeje tuji el.
2 Seḭ dəwje lé see ta sí gə́ ndèm kub lé ɓa
Seḭ a raje ne néra gə́ gə dɔ najee lé ɓəi wa.
Esé see togə́bè ɓa a gaŋgje ne rəwta gə goo rəbee lé ɓəi wa.
3 Bèe el ɓòo! Meḛ sí gə́ kəi lé
Seḭ wɔjije néra gə́ kori-korije keneŋ,
Mee ɓee’g lə sí lé
Néra gə́ kərm-kərm gə́ ji sí ra ɓa
Seḭ ɔrje ta rəw areeje.
4 Njémeeyèrje lé d’aw kori-kori
Un kudee mee ndəa gə́ deḛ to ne ta mbà ko̰ deeje’g,
Njétaŋgɔmje lé kara ndəm rəw
Un kudee mee ndəa gə́ deḛ teḛ ne mee ko̰ deeje’g pərəŋ lé ya ləm tɔ.
5 Deḛ lé mas dee to keneŋ asəna gə ka̰ li bèe ləm,
Deḛ to d’asəna gə li-meewai gə́ udu mbia jigi bèe ləm tɔ
6 Gə mba koo ne ndu njégoso sukəmlooje el ləm,
Esé ndu njegoso ra némbeḛ lé el ləm tɔ.
7 Ǝi Ala, maji kari guru ŋgaŋ dee ləm,
Njesigənea̰, maji kari tɔr ka ta dee
Gə́ to asəna gə ka̰ ŋgan toboḭje bèe lé ɓɔgədɔ-ɓɔgədɔ ləm tɔ.
8 Maji kar dee sané pá to gə́ mán gə́ ula aw bèe ləm,
Maji kar dee d’ur kandə ɓandaŋgje lə dee gə́ adə el ba ləm tɔ.
9 Maji kar dee léḛ to gə́ toro gə́ ŋgwɔiee godo bèe ləm,
Maji kar dee to d’asəna gə ŋgon gə́ dené ɔr gə́ oo kəm kàr el bèe ləm tɔ.
10 Ɓad ɓa kar ŋgoroje lə sí d’oo ŋgəw kag gə́ təb əsé yeḛ gə́ taa pər lé
Lel-mal a sa dee rəw.
11 Njemeekarabasur a si dan rɔlel’g
Loo gə́ yeḛ oo dal ba̰,
Yeḛ a togo gɔlee dan məs njémeeyèrje’g ya.
12 Ndá dəwje d’a pa pana:
Tɔgərɔ ya, majikojije d’iŋga nédɔji lə dee,
Tɔgərɔ ya, yeḛ lé to Ala gə́ njegaŋ-rəwta dɔ naŋg nee ya.
