Pa kɔr sor néraje lə Ala
1 Pakɔs lə Dabid gə́ ar bao-pa mba karee ɔs sə dee lé.
2 Ǝi Ala, d’a pidii
Kɔm ne meḛ dee dɔi’g mee ɓee gə́ Sio̰’g,
Ndukunje gə́ d’un d’ari lé kara
D’a ra tɔl bém ya tɔ.
3 I gə́ njekoo tamaji lə dəwje lé
Dəwje lai d’a ree rɔi’g ya.
4 Néra gə́ kori-korije lé al dɔm sula ya,
I a kar məəi ti mbidi dɔ kaltaje’g lə sí.
5 Dəw gə́ i ɔr kəmee aree rəm pər gə́ rɔi’g
Mba si mee gadlooje’g ləi lé
Débee neelé rɔlel nai səa ya.
Rɔlel lə kəi ləi gə kàr ŋgad-ŋgad lə kəi ləi gə́ to gə kəmee
A kas sí nag-nag ya.
6 Néraije gə́ dum koo lé
I ila sí ne keneŋ gə goo meemaji ləi,
I Ala gə́ njekaji sí lé
Dəwje lai gə́ d’isi əw rudu naŋg’d ləm,
Gə deḛ gə́ d’isi dɔgoré-looje’g dan baa-boo-kad’g lé ləm tɔ
D’unda meḛ dee yel gə́ dɔi’g ya.
7 Siŋgamoŋ ləa ɓa ar mbalje lé ndər ne dɔ na̰’g tim-tim ləm,
Siŋgamoŋ lé ɓa yeḛ tɔ rḛgee’g ləm tɔ.
8 Kaa kula lə baa-boo-kad gə́ ɓar ujuju-ujuju ləm,
Gə kaa paŋgəm manee gə́ turu tuma̰-tuma̰ ləma,
Gə ndu koso-dəwje gə́ ɓar u-u-u ləm tɔ lé
Yeḛ ɔg ar loo to ndiŋ.
9 Deḛ gə́ d’isi gwɔi naŋg’d lé néraije gə́ dumkoo
Ar ɓəl unda dee ne badə gaŋg dee,
Boo-rɔkal ləi lé taa loo pəl-pəl par gə́ bər ləm, gə dɔ-gó ləm tɔ.
10 I nja ila kəmi dɔ naŋg’d
Aree kinja ne gə néje bula ləm,
Ar nébaoje taa ne rəa pəl-pəl ləm tɔ.
Kəm-rəw-mán lə Ala mán rusu télélé-télélé,
I wa dɔ gɔl kó néje loo gə́ i wa ne dɔ gɔl loo-dubu-né.
11 I tər mán dɔ ɓaiyeje’g ləm,
I gɔl ne dɔ kɔr na̰geeje ləm tɔ,
Ma̰-ndi ɓa i yɔlé ne naŋg ləm,
I tɔr ne ndui dɔ kandə néje’g ar dee d’uba ləm tɔ.
12 I ula rɔnduba dɔ ləb némeemajije’g ləi,
Loo gə́ i njaa keneŋ lé naŋg kinja gə néje gə́ gə ria-ria,
13 Ndag-looje gə́ dɔdilaloo’g lé d’iŋga mán d’ai ləm,
Dɔ diŋgri looje d’al ne rɔ dee ləm tɔ,
14 Loo-ko̰-muje lə nékulje lé badje taa loo keneŋ pəl-pəl ləm,
Kəm wəlje lé kara kó to keneŋ dai-dai ləm tɔ,
Yee ɓa ndu rɔlelje gə pakɔsje ɓar ne wəl-wəl.
Pa kɔr sor néraje lə Ala
1 Pakɔs lə Dabid gə́ ar bao-pa mba karee ɔs sə dee lé.
2 Ǝi Ala, d’a pidii
Kɔm ne meḛ dee dɔi’g mee ɓee gə́ Sio̰’g,
Ndukunje gə́ d’un d’ari lé kara
D’a ra tɔl bém ya tɔ.
3 I gə́ njekoo tamaji lə dəwje lé
Dəwje lai d’a ree rɔi’g ya.
4 Néra gə́ kori-korije lé al dɔm sula ya,
I a kar məəi ti mbidi dɔ kaltaje’g lə sí.
5 Dəw gə́ i ɔr kəmee aree rəm pər gə́ rɔi’g
Mba si mee gadlooje’g ləi lé
Débee neelé rɔlel nai səa ya.
Rɔlel lə kəi ləi gə kàr ŋgad-ŋgad lə kəi ləi gə́ to gə kəmee
A kas sí nag-nag ya.
6 Néraije gə́ dum koo lé
I ila sí ne keneŋ gə goo meemaji ləi,
I Ala gə́ njekaji sí lé
Dəwje lai gə́ d’isi əw rudu naŋg’d ləm,
Gə deḛ gə́ d’isi dɔgoré-looje’g dan baa-boo-kad’g lé ləm tɔ
D’unda meḛ dee yel gə́ dɔi’g ya.
7 Siŋgamoŋ ləa ɓa ar mbalje lé ndər ne dɔ na̰’g tim-tim ləm,
Siŋgamoŋ lé ɓa yeḛ tɔ rḛgee’g ləm tɔ.
8 Kaa kula lə baa-boo-kad gə́ ɓar ujuju-ujuju ləm,
Gə kaa paŋgəm manee gə́ turu tuma̰-tuma̰ ləma,
Gə ndu koso-dəwje gə́ ɓar u-u-u ləm tɔ lé
Yeḛ ɔg ar loo to ndiŋ.
9 Deḛ gə́ d’isi gwɔi naŋg’d lé néraije gə́ dumkoo
Ar ɓəl unda dee ne badə gaŋg dee,
Boo-rɔkal ləi lé taa loo pəl-pəl par gə́ bər ləm, gə dɔ-gó ləm tɔ.
10 I nja ila kəmi dɔ naŋg’d
Aree kinja ne gə néje bula ləm,
Ar nébaoje taa ne rəa pəl-pəl ləm tɔ.
Kəm-rəw-mán lə Ala mán rusu télélé-télélé,
I wa dɔ gɔl kó néje loo gə́ i wa ne dɔ gɔl loo-dubu-né.
11 I tər mán dɔ ɓaiyeje’g ləm,
I gɔl ne dɔ kɔr na̰geeje ləm tɔ,
Ma̰-ndi ɓa i yɔlé ne naŋg ləm,
I tɔr ne ndui dɔ kandə néje’g ar dee d’uba ləm tɔ.
12 I ula rɔnduba dɔ ləb némeemajije’g ləi,
Loo gə́ i njaa keneŋ lé naŋg kinja gə néje gə́ gə ria-ria,
13 Ndag-looje gə́ dɔdilaloo’g lé d’iŋga mán d’ai ləm,
Dɔ diŋgri looje d’al ne rɔ dee ləm tɔ,
14 Loo-ko̰-muje lə nékulje lé badje taa loo keneŋ pəl-pəl ləm,
Kəm wəlje lé kara kó to keneŋ dai-dai ləm tɔ,
Yee ɓa ndu rɔlelje gə pakɔsje ɓar ne wəl-wəl.
