Meemaji ləi maji unda si kəmba
1 Pakɔs lə Dabid. Taree wɔji dɔ loo gə́ yeḛ si ne dɔdilaloo gə́ Juda lé .
2 Ǝi Ala, i to Ala ləm gə́ m’aw m’sa̰gi lé
Mali ram ŋgwɔd-ŋgwɔd asəna gə kṵdaman gə́ tɔl dəw bèe,
Darɔm kara ila kəmə ərm-ərm gooi’g
Dɔ naŋg gə́ tudu kurum-kurum gə́ lal mán gə́ tḛ́ bèe keneŋ.
3 Togə́bè ɓa m’oré ne kəm sḭ dɔi’g
Mee kəi-sii gə́ to gə kəmee lé
Gə mba koo ne siŋgamoŋ ləi ləm, gə rɔnduba ləi lé ləm tɔ.
4 Mbata meemaji ləi lé maji yaa̰ unda kisi gə́ m’isi ne kəmba lé,
Tam ɓa ma m’pidii ne ya.
5 Gelee gə́ nee ɓa m’a kunda no̰ dɔkaisəgərə ləi
Loo gə́ m’isi ne kəmba ləm,
M’a kula ne jim ndiŋ gə́ tar ɓar ne rii ləm tɔ.
6 I nja a taa məəm pəl-pəl kar rɔm lelm ne yaa̰
Asəna gə́ nésɔ gə́ lel tam’g jula-jula.
Ndu rɔlel a ɓar tam’g njiriri-njiriri
Kam m’pidii ne gə tam ya.
7 Loo gə́ m’ə̰ji m’teḛ dɔi’g loo-toom’g lé
Ndá m’la̰ji dɔi’g loondul’g ya,
8 Mbata i lé to njelasəm,
M’isi ne dan boo-rɔkal’g ndil bagije’g ya tɔ.
9 Ŋgaw məəm ɔm səi na̰’d yəg,
Jikɔli gədm tɔ.
10 Nɛ deḛ gə́ saŋg loo gə mba tujim lé
D’a kaw gwɔi naŋg’d bər ya.
11 D’a kwəi ta kiambas gə́ adə làm-làm’g
Tel ne nésɔ lə tàlje ya.
12 Mbai lé a kal rəa gə ri Ala,
Nana ɓa gə́ ubu rəa gə ria-yeḛ lé
A ndá ne mée kaḭ dəa’g,
Mbata njéŋgɔmje lé d’a kwa ta dee sud ya tɔ.
Meemaji ləi maji unda si kəmba
1 Pakɔs lə Dabid. Taree wɔji dɔ loo gə́ yeḛ si ne dɔdilaloo gə́ Juda lé .
2 Ǝi Ala, i to Ala ləm gə́ m’aw m’sa̰gi lé
Mali ram ŋgwɔd-ŋgwɔd asəna gə kṵdaman gə́ tɔl dəw bèe,
Darɔm kara ila kəmə ərm-ərm gooi’g
Dɔ naŋg gə́ tudu kurum-kurum gə́ lal mán gə́ tḛ́ bèe keneŋ.
3 Togə́bè ɓa m’oré ne kəm sḭ dɔi’g
Mee kəi-sii gə́ to gə kəmee lé
Gə mba koo ne siŋgamoŋ ləi ləm, gə rɔnduba ləi lé ləm tɔ.
4 Mbata meemaji ləi lé maji yaa̰ unda kisi gə́ m’isi ne kəmba lé,
Tam ɓa ma m’pidii ne ya.
5 Gelee gə́ nee ɓa m’a kunda no̰ dɔkaisəgərə ləi
Loo gə́ m’isi ne kəmba ləm,
M’a kula ne jim ndiŋ gə́ tar ɓar ne rii ləm tɔ.
6 I nja a taa məəm pəl-pəl kar rɔm lelm ne yaa̰
Asəna gə́ nésɔ gə́ lel tam’g jula-jula.
Ndu rɔlel a ɓar tam’g njiriri-njiriri
Kam m’pidii ne gə tam ya.
7 Loo gə́ m’ə̰ji m’teḛ dɔi’g loo-toom’g lé
Ndá m’la̰ji dɔi’g loondul’g ya,
8 Mbata i lé to njelasəm,
M’isi ne dan boo-rɔkal’g ndil bagije’g ya tɔ.
9 Ŋgaw məəm ɔm səi na̰’d yəg,
Jikɔli gədm tɔ.
10 Nɛ deḛ gə́ saŋg loo gə mba tujim lé
D’a kaw gwɔi naŋg’d bər ya.
11 D’a kwəi ta kiambas gə́ adə làm-làm’g
Tel ne nésɔ lə tàlje ya.
12 Mbai lé a kal rəa gə ri Ala,
Nana ɓa gə́ ubu rəa gə ria-yeḛ lé
A ndá ne mée kaḭ dəa’g,
Mbata njéŋgɔmje lé d’a kwa ta dee sud ya tɔ.
