Ra naḭ Pag
1 Mee naḭ Abib’g lé seḭ a raje naḭ Pag gə mba kwaje ne Njesigənea̰, Ala lə sí meḛ sí’g ɓó a karje meḛ sí wəi dɔ’g el, mbata to mee naḭ’g neelé ɓa Ala lə sí gə́ Njesigənea̰ ar sí undaje ne loo mee ɓee gə́ Ejiptə loondul’g teḛje lé . 2 Seḭ a kinjaje néməs gə́ wɔji dɔ Pag lé karje Ala lə sí gə́ Njesigənea̰, lé a to nékulje lə sí gə́ lam-lam əsé njé gə́ boi-boi kara a kinja deeje loo gə́ Njesigənea̰ a kɔr kunda gə kəmee mba kar ria ɓar dɔ’g lé. 3 Ndɔ ra naḭ lé seḭ a ko̰je muru gə́ əm-tiné to keneŋ el nɛ muru gə́ lal əm-tiné ɓa a ko̰je as ndɔ sí siri, muru gə́ lal əm-tiné lé to muru nékəmndoo lə sí mbata seḭ ḭje rad mee ndəa gə́ seḭ undaje ne loo mee ɓee gə́ Ejiptə teḛje lé: seḭ a raje togə́bè mba kar mee ndɔje lai gə́ seḭ síje ne kəmba lé meḛ sí a kolé ne dɔ ndɔ gə́ seḭ undaje ne loo mee ɓee gə́ Ejiptə teḛje ne lé ya. 4 As ndɔ siri lé dəw a koo né gə́ ar nduji ti lé rɔ sí’g mee ɓee’g lə sí el, tɔɓəi mbida da gə́ rara kara gə́ to gə́ nékinjaməs gə́ seḭ a kinjaje kàrkemetag mee ndɔ gə́ dɔtar’g lé a nai saar kar loo àr dɔ’g el tɔ. 5 Seḭ a kasjekəm kinjaje néməs gə́ wɔji dɔ Pag mee loo gə́ raŋg’d mbuna looje gə́ Ala lə sí gə́ Njesigənea̰ a kar sí síje keneŋ lé el, 6 nɛ mee loo gə́ Ala lə sí gə́ Njesigənea̰ a kɔr kunda gə kəmee gə mba kar ria ɓar dɔ’g lé ɓa seḭ a kinjaje néməs gə́ ka̰ Pag lé keneŋ kàrkemetag, loo gə́ kàr a gə kur naŋg mee naḭ gə́ wɔji dɔ kunda gə́ seḭ undaje loo mee ɓee gə́ Ejiptə teḛje lé. 7 Seḭ a kar deeje ndiri da nékinjaməs lé ndá seḭ a sɔje gə́ lé’d gə́ Ala lə sí gə́ Njesigənea̰ a kɔr kunda gə kəmee lé. Bèe ɓa bèlè teḛ gə ndɔ ndá seḭ a kasjekəm kḭje keneŋ telje kawje mee kəi-kubuje’g lə sí tɔ. 8 Mee ndɔje gə́ misa̰ lé seḭ a ko̰je muru gə́ əm-tiné godo keneŋ, ndá ndɔ gə́ njekɔm’g siri lé a to ndɔ mbo̰ dɔ na̰ gə́ to gə kəmee gə mba kwa ne Ala lə sí gə́ Njesigənea̰ meḛ sí’g, seḭ a raje kula kára kara keneŋ el.
Ra naḭ gə́ wɔji dɔ ndɔje gə́ siri-siri lé
9 Seḭ a turaje ndɔje siri-siri gɔl siri, loo gə́ d’a kun kudu kinja ne kó lé ya . 10 Tɔɓəi seḭ a raje naḭ gə́ wɔji dɔ ndɔje gə́ siri-siri lé ndá seḭ a kunje nékar gə́ ka̰ kḭ gə mee gə goo ndutɔrje gə́ Ala lə sí gə́ Njesigənea̰ tɔr ne ndia dɔ sí’g lé. 11 Seḭ a kalje rɔ sí no̰ Njesigənea̰ Ala’g lə sí, loo gə́ Ala lə sí gə́ Njesigənea̰ a kɔr kunda gə kəmee gə mba kar ria ɓar dɔ’g, seḭ ləm gə ŋgan síje gə́ diŋgam gə njé gə́ dené ləm, gə Ləbije gə́ d’isi mbuna sí’g ləma, gə dəw-dɔ-ɓeeje gə ŋganalje gə njékəisiŋgaje gə́ d’isi mbuna sí’g lé ləm tɔ. 12 Seḭ a karje meḛ sí olé dɔ’g to gə́ seḭ toje gə́ ɓərje mee ɓee gə́ Ejiptə kédé ndá seḭ a kaaje dɔ godnduje neelé kər-kər gə mba ra née ya.
Ra naḭ gə́ wɔji dɔ kəi-kubuje
13 Seḭ a raje naḭ gə́ wɔji dɔ kəi-kubuje as ndɔ sí siri, loo gə́ seḭ a mbo̰je kandə néje gə́ loo-kunda-kó’g lə sí ləm, gə loo-mbula-Kandə-nduú’g lə sí ləm tɔ . 14 Seḭ a kalje rɔ sí loo ra naḭ’g neelé, seḭ ləm, gə ŋgan síje gə́ diŋgam gə njé gə́ dené ləm, gə kuraje lə sí gə́ diŋgam gə njé gə́ dené ləm, gə Ləbije ləma, gə dəw-dɔ-ɓeeje, gə ŋganalje, gə njékəisiŋgaje gə́ d’isi mbuna sí’g ləm tɔ. 15 Seḭ a raje naḭ lé ndɔ sí siri kwaje ne Ala lə sí gə́ Njesigənea̰ meḛ sí’g mee loo gə́ Njesigənea̰ a kɔr kunda gə kəmee’g, mbata Ala lə sí gə́ Njesigənea̰ a tɔr ndia dɔ kandə néje’g lə sí lai ləm, gə dɔ kulaje lai gə́ seḭ raje lé ləm tɔ ndá seḭ a kya̰je ne rɔ sí bura dan rɔlel’g. 16 Mee ləbje kára-kára lé diŋgamje lai mbuna sí’g d’a teḛ as gɔl munda kaar no̰ Njesigənea̰ Ala’g lə sí loo gə́ yeḛ a kɔr kunda gə kəmee lé: ndɔ ra naḭ gə́ muru gə́ lal əm-tiné ləm, gə naḭ gə́ wɔji dɔ ndɔje gə́ siri-siri lé ləma, gə naḭ gə́ wɔji dɔ kəi-kubuje lé ləm tɔ. D’a ree kaar no̰ Njesigənea̰’g gə ji dee kari ba el. 17 Nana kara a kar né gə goo ndutɔrje gə́ Ala lə sí gə́ Njesigənea̰ tɔr dəa’g ya.
Godndu gə́ wɔji dɔ njégaŋ-rəwtaje
18 Seḭ a kundaje njégaŋ-rəwtaje gə njékoogootaje mee ɓee-booje’g lai gə́ Ala lə sí gə́ Njesigənea̰ ar sí gə goo ginkoji dəwje lə sí ndá deḛ d’a gaŋg-rəwta dɔ koso-dəwje’g gə goo rəbee. 19 Né gə́ to ka̰ dəw lé seḭ a bugureje dɔ’g el ləm, seḭ a kɔrje kəm dəwje gə goo maji lə darɔ dee gə́ raga ba el ləma, seḭ a taaje néndogo gel el ləm tɔ mbata néndogo gel lé tɔ kəm njékəmkàrje ləm, tuji taje gə́ gə goo rəbee ləm tɔ . 20 Seḭ a kundaje siŋga sí dɔ maree’g gə mba ndolèje ne goo néra gə́ gə dɔ najee gə mba kar sí síje ne kəmba mee ɓee gə́ Ala lə sí gə́ Njesigənea̰ ar sí lé.
21 Seḭ a kundaje magə gə́ to kag kára kara mbɔr loo-nékinjaməs gə́ seḭ a raje karje Ala lə sí gə́ Njesigənea̰ lé el . 22 Magə-ərje gə́ ndur dee dɔ na̰’d gə́ Ala lə sí gə́ Njesigənea̰ ə̰ji dee bəḭ-bəḭ lé seḭ a kunda deeje tar nda̰ el tɔ .
Ra naḭ Pag
1 Mee naḭ Abib’g lé seḭ a raje naḭ Pag gə mba kwaje ne Njesigənea̰, Ala lə sí meḛ sí’g ɓó a karje meḛ sí wəi dɔ’g el, mbata to mee naḭ’g neelé ɓa Ala lə sí gə́ Njesigənea̰ ar sí undaje ne loo mee ɓee gə́ Ejiptə loondul’g teḛje lé . 2 Seḭ a kinjaje néməs gə́ wɔji dɔ Pag lé karje Ala lə sí gə́ Njesigənea̰, lé a to nékulje lə sí gə́ lam-lam əsé njé gə́ boi-boi kara a kinja deeje loo gə́ Njesigənea̰ a kɔr kunda gə kəmee mba kar ria ɓar dɔ’g lé. 3 Ndɔ ra naḭ lé seḭ a ko̰je muru gə́ əm-tiné to keneŋ el nɛ muru gə́ lal əm-tiné ɓa a ko̰je as ndɔ sí siri, muru gə́ lal əm-tiné lé to muru nékəmndoo lə sí mbata seḭ ḭje rad mee ndəa gə́ seḭ undaje ne loo mee ɓee gə́ Ejiptə teḛje lé: seḭ a raje togə́bè mba kar mee ndɔje lai gə́ seḭ síje ne kəmba lé meḛ sí a kolé ne dɔ ndɔ gə́ seḭ undaje ne loo mee ɓee gə́ Ejiptə teḛje ne lé ya. 4 As ndɔ siri lé dəw a koo né gə́ ar nduji ti lé rɔ sí’g mee ɓee’g lə sí el, tɔɓəi mbida da gə́ rara kara gə́ to gə́ nékinjaməs gə́ seḭ a kinjaje kàrkemetag mee ndɔ gə́ dɔtar’g lé a nai saar kar loo àr dɔ’g el tɔ. 5 Seḭ a kasjekəm kinjaje néməs gə́ wɔji dɔ Pag mee loo gə́ raŋg’d mbuna looje gə́ Ala lə sí gə́ Njesigənea̰ a kar sí síje keneŋ lé el, 6 nɛ mee loo gə́ Ala lə sí gə́ Njesigənea̰ a kɔr kunda gə kəmee gə mba kar ria ɓar dɔ’g lé ɓa seḭ a kinjaje néməs gə́ ka̰ Pag lé keneŋ kàrkemetag, loo gə́ kàr a gə kur naŋg mee naḭ gə́ wɔji dɔ kunda gə́ seḭ undaje loo mee ɓee gə́ Ejiptə teḛje lé. 7 Seḭ a kar deeje ndiri da nékinjaməs lé ndá seḭ a sɔje gə́ lé’d gə́ Ala lə sí gə́ Njesigənea̰ a kɔr kunda gə kəmee lé. Bèe ɓa bèlè teḛ gə ndɔ ndá seḭ a kasjekəm kḭje keneŋ telje kawje mee kəi-kubuje’g lə sí tɔ. 8 Mee ndɔje gə́ misa̰ lé seḭ a ko̰je muru gə́ əm-tiné godo keneŋ, ndá ndɔ gə́ njekɔm’g siri lé a to ndɔ mbo̰ dɔ na̰ gə́ to gə kəmee gə mba kwa ne Ala lə sí gə́ Njesigənea̰ meḛ sí’g, seḭ a raje kula kára kara keneŋ el.
Ra naḭ gə́ wɔji dɔ ndɔje gə́ siri-siri lé
9 Seḭ a turaje ndɔje siri-siri gɔl siri, loo gə́ d’a kun kudu kinja ne kó lé ya . 10 Tɔɓəi seḭ a raje naḭ gə́ wɔji dɔ ndɔje gə́ siri-siri lé ndá seḭ a kunje nékar gə́ ka̰ kḭ gə mee gə goo ndutɔrje gə́ Ala lə sí gə́ Njesigənea̰ tɔr ne ndia dɔ sí’g lé. 11 Seḭ a kalje rɔ sí no̰ Njesigənea̰ Ala’g lə sí, loo gə́ Ala lə sí gə́ Njesigənea̰ a kɔr kunda gə kəmee gə mba kar ria ɓar dɔ’g, seḭ ləm gə ŋgan síje gə́ diŋgam gə njé gə́ dené ləm, gə Ləbije gə́ d’isi mbuna sí’g ləma, gə dəw-dɔ-ɓeeje gə ŋganalje gə njékəisiŋgaje gə́ d’isi mbuna sí’g lé ləm tɔ. 12 Seḭ a karje meḛ sí olé dɔ’g to gə́ seḭ toje gə́ ɓərje mee ɓee gə́ Ejiptə kédé ndá seḭ a kaaje dɔ godnduje neelé kər-kər gə mba ra née ya.
Ra naḭ gə́ wɔji dɔ kəi-kubuje
13 Seḭ a raje naḭ gə́ wɔji dɔ kəi-kubuje as ndɔ sí siri, loo gə́ seḭ a mbo̰je kandə néje gə́ loo-kunda-kó’g lə sí ləm, gə loo-mbula-Kandə-nduú’g lə sí ləm tɔ . 14 Seḭ a kalje rɔ sí loo ra naḭ’g neelé, seḭ ləm, gə ŋgan síje gə́ diŋgam gə njé gə́ dené ləm, gə kuraje lə sí gə́ diŋgam gə njé gə́ dené ləm, gə Ləbije ləma, gə dəw-dɔ-ɓeeje, gə ŋganalje, gə njékəisiŋgaje gə́ d’isi mbuna sí’g ləm tɔ. 15 Seḭ a raje naḭ lé ndɔ sí siri kwaje ne Ala lə sí gə́ Njesigənea̰ meḛ sí’g mee loo gə́ Njesigənea̰ a kɔr kunda gə kəmee’g, mbata Ala lə sí gə́ Njesigənea̰ a tɔr ndia dɔ kandə néje’g lə sí lai ləm, gə dɔ kulaje lai gə́ seḭ raje lé ləm tɔ ndá seḭ a kya̰je ne rɔ sí bura dan rɔlel’g. 16 Mee ləbje kára-kára lé diŋgamje lai mbuna sí’g d’a teḛ as gɔl munda kaar no̰ Njesigənea̰ Ala’g lə sí loo gə́ yeḛ a kɔr kunda gə kəmee lé: ndɔ ra naḭ gə́ muru gə́ lal əm-tiné ləm, gə naḭ gə́ wɔji dɔ ndɔje gə́ siri-siri lé ləma, gə naḭ gə́ wɔji dɔ kəi-kubuje lé ləm tɔ. D’a ree kaar no̰ Njesigənea̰’g gə ji dee kari ba el. 17 Nana kara a kar né gə goo ndutɔrje gə́ Ala lə sí gə́ Njesigənea̰ tɔr dəa’g ya.
Godndu gə́ wɔji dɔ njégaŋ-rəwtaje
18 Seḭ a kundaje njégaŋ-rəwtaje gə njékoogootaje mee ɓee-booje’g lai gə́ Ala lə sí gə́ Njesigənea̰ ar sí gə goo ginkoji dəwje lə sí ndá deḛ d’a gaŋg-rəwta dɔ koso-dəwje’g gə goo rəbee. 19 Né gə́ to ka̰ dəw lé seḭ a bugureje dɔ’g el ləm, seḭ a kɔrje kəm dəwje gə goo maji lə darɔ dee gə́ raga ba el ləma, seḭ a taaje néndogo gel el ləm tɔ mbata néndogo gel lé tɔ kəm njékəmkàrje ləm, tuji taje gə́ gə goo rəbee ləm tɔ . 20 Seḭ a kundaje siŋga sí dɔ maree’g gə mba ndolèje ne goo néra gə́ gə dɔ najee gə mba kar sí síje ne kəmba mee ɓee gə́ Ala lə sí gə́ Njesigənea̰ ar sí lé.
21 Seḭ a kundaje magə gə́ to kag kára kara mbɔr loo-nékinjaməs gə́ seḭ a raje karje Ala lə sí gə́ Njesigənea̰ lé el . 22 Magə-ərje gə́ ndur dee dɔ na̰’d gə́ Ala lə sí gə́ Njesigənea̰ ə̰ji dee bəḭ-bəḭ lé seḭ a kunda deeje tar nda̰ el tɔ .
