Sio̰ to loo-si Njesigənea̰
1 Pakɔs kḭ kaw tuga ne loo ɗao-ɗao gə́ tar.
Njesigənea̰, maji kari ar məəi olé teḛ dɔ Dabid’g ləm,
Gə dɔ néje gə́ too lai gə́ rəa ləm tɔ.
2 Yeḛ ubu rəa ar Njesigənea̰ ləm,
Yeḛ man rəa ar Njesiŋgamoŋ lə Jakob ləm tɔ pana:
3 N’a kandə mee kəi-kubu’g
Gə́ to loo-si neḛ lé el ləm,
N’a to naŋg dɔ tira kwa rɔ neḛ’g lé el ləm,
4 N’a kya̰ loo kar ɓi wa kəm neḛ el ləma,
N’a kɔm kəm neḛ dɔ na̰’d el ləm tɔ
5 Saar gə mba kar neḛ n’iŋga ne loo
Kar Njesigənea̰ si keneŋ ləm,
Gə n’iŋga ne kəi-si Njesiŋgamoŋ lə Jakob lé ləm tɔ.
6 Aa oo, jeḛ j’ooje ta sa̰duk-manrɔ mee ɓee gə́ Eprata’g
Ndá jeḛ j’ḭgáje mee ndɔ gə́ to mbɔr Jaar’g.
7 Ar sí j’awje loo-siée’g
Ar j’undaje barmba no̰ loo-nétura-gɔl-kɔm’g ləa lé.
8 Ǝi Njesigənea̰, maji kari uba naŋg ḭ tar ree loo-kwa-rɔ’g ləi,
I gə sa̰duk-manrɔ gə́ wɔji dɔ boo-ronduba ləi.
9 Maji kar njékinjanéməsje ləi lé
Dolè rɔ dee gə meekarabasur ləm,
Maji kar majikojije ləi lé
Ra né wəl gə rɔlel ya ləm tɔ.
10 Gə goo ndigi gə́ i ndigi Dabid gə́ to kura ləi lé
Yeḛ gə́ i wa dəa gə ubu lé maji kari ɔsee rəw el.
11 Njesigənea̰ lé man rəa gə kankəmta ar Dabid
Ndá yeḛ a pəl ta el, yeḛ pana:
N’a kar ŋgonee gə́ to ŋgon mée
Si dɔ kalimbai’g ləa gao ya.
12 Ɓó lé ŋganeeje lé d’aa dɔ manrɔ lə neḛ gə dɔ tornduje lə neḛ
Gə́ neḛ ndoo dee lé ndá
Ŋgan meḛ dee-deḛje kara d’a si dɔ kalimbai’g ləa saar gə no̰ ya tɔ.
13 Bèe ya, Njesigənea̰ lé mbər Sio̰ ləm,
Yeḛ ndiŋga rəa gə mba karee to loo-siée ləm tɔ pana:
14 To loo-kwa-rɔ lə neḛ gə́ a to saar-saar gə no̰ ləm,
N’a si keneŋ ləm tɔ
Mbata neḛ nja neḛ ndigi togə́bè.
15 N’a tɔr ndu neḛ dɔ nésɔ dee’g ləm,
Njéndooje gə́ keneŋ lé n’a kar nésɔ as dee nag-nag ləm tɔ.
16 N’a kula kaji rɔ njékinjanéməsje’g ləa asəna gə kubu bèe ləm,
Majikojije ləa lé d’a ra né wəl-wəl gə rɔlel ya ləm tɔ.
17 Lée neelé n’a kar siŋgamoŋ lə Dabid ḭ dɔ maree’d gə́ kédé-kédé ləm,
N’a kwa dɔ gɔl pərndɔ kar yeḛ gə́ n’wa dəa gə ubu lé ləma,
18 N’a kar rɔkul dəb dɔ njéba̰je’g ləa rigim ləm tɔ,
Nɛ dəa-yeḛ lé dɔgugu ləa a ndogó keneŋ kɔr jol-jol.
Sio̰ to loo-si Njesigənea̰
1 Pakɔs kḭ kaw tuga ne loo ɗao-ɗao gə́ tar.
Njesigənea̰, maji kari ar məəi olé teḛ dɔ Dabid’g ləm,
Gə dɔ néje gə́ too lai gə́ rəa ləm tɔ.
2 Yeḛ ubu rəa ar Njesigənea̰ ləm,
Yeḛ man rəa ar Njesiŋgamoŋ lə Jakob ləm tɔ pana:
3 N’a kandə mee kəi-kubu’g
Gə́ to loo-si neḛ lé el ləm,
N’a to naŋg dɔ tira kwa rɔ neḛ’g lé el ləm,
4 N’a kya̰ loo kar ɓi wa kəm neḛ el ləma,
N’a kɔm kəm neḛ dɔ na̰’d el ləm tɔ
5 Saar gə mba kar neḛ n’iŋga ne loo
Kar Njesigənea̰ si keneŋ ləm,
Gə n’iŋga ne kəi-si Njesiŋgamoŋ lə Jakob lé ləm tɔ.
6 Aa oo, jeḛ j’ooje ta sa̰duk-manrɔ mee ɓee gə́ Eprata’g
Ndá jeḛ j’ḭgáje mee ndɔ gə́ to mbɔr Jaar’g.
7 Ar sí j’awje loo-siée’g
Ar j’undaje barmba no̰ loo-nétura-gɔl-kɔm’g ləa lé.
8 Ǝi Njesigənea̰, maji kari uba naŋg ḭ tar ree loo-kwa-rɔ’g ləi,
I gə sa̰duk-manrɔ gə́ wɔji dɔ boo-ronduba ləi.
9 Maji kar njékinjanéməsje ləi lé
Dolè rɔ dee gə meekarabasur ləm,
Maji kar majikojije ləi lé
Ra né wəl gə rɔlel ya ləm tɔ.
10 Gə goo ndigi gə́ i ndigi Dabid gə́ to kura ləi lé
Yeḛ gə́ i wa dəa gə ubu lé maji kari ɔsee rəw el.
11 Njesigənea̰ lé man rəa gə kankəmta ar Dabid
Ndá yeḛ a pəl ta el, yeḛ pana:
N’a kar ŋgonee gə́ to ŋgon mée
Si dɔ kalimbai’g ləa gao ya.
12 Ɓó lé ŋganeeje lé d’aa dɔ manrɔ lə neḛ gə dɔ tornduje lə neḛ
Gə́ neḛ ndoo dee lé ndá
Ŋgan meḛ dee-deḛje kara d’a si dɔ kalimbai’g ləa saar gə no̰ ya tɔ.
13 Bèe ya, Njesigənea̰ lé mbər Sio̰ ləm,
Yeḛ ndiŋga rəa gə mba karee to loo-siée ləm tɔ pana:
14 To loo-kwa-rɔ lə neḛ gə́ a to saar-saar gə no̰ ləm,
N’a si keneŋ ləm tɔ
Mbata neḛ nja neḛ ndigi togə́bè.
15 N’a tɔr ndu neḛ dɔ nésɔ dee’g ləm,
Njéndooje gə́ keneŋ lé n’a kar nésɔ as dee nag-nag ləm tɔ.
16 N’a kula kaji rɔ njékinjanéməsje’g ləa asəna gə kubu bèe ləm,
Majikojije ləa lé d’a ra né wəl-wəl gə rɔlel ya ləm tɔ.
17 Lée neelé n’a kar siŋgamoŋ lə Dabid ḭ dɔ maree’d gə́ kédé-kédé ləm,
N’a kwa dɔ gɔl pərndɔ kar yeḛ gə́ n’wa dəa gə ubu lé ləma,
18 N’a kar rɔkul dəb dɔ njéba̰je’g ləa rigim ləm tɔ,
Nɛ dəa-yeḛ lé dɔgugu ləa a ndogó keneŋ kɔr jol-jol.
