Mbai gə́ askəm kɔm mée dɔ Njesigənea̰’g
1 Pa lə Dabid gə́ ar bao-pa mba karee ɔs sə dee lé.
2 Njesigənea̰, mbai lé al rəa mbata lə siŋgamoŋ’g ləi.
Wai! La gə́ i la səa lé ar boo-rɔkal ləa al ne dɔ loo sula ya.
3 Né gə́ yeḛ ndiŋga lé i nja aree ləm,
Né gə́ təa teḛ dəjii lé kara i ɔgee el ləm tɔ.
4 Mbata i wa dɔ gɔl nojimeendaje tɔr ne ndui dəa’g ləm,
I ula dɔgugu larlɔr gə́ àr ŋgad-ŋgad dəa’g ya ləm tɔ.
5 Yeḛ dəjii kəmə mba si kəmba ndá
I aree ya ləm,
I aree si kəmba saar-saar gə no̰ ya ləm tɔ.
6 La gə́ i la səa lé ar rɔnduba ləa to ne yaa̰,
I dolè gə riɓar gə boo-ronduba tɔ.
7 I aree to né tɔr ndu dɔ’g saar gə no̰ ləm,
I dəaa gə rɔlel gə́ al dɔ loo sula nɔḭ’g ləm tɔ.
8 Mbai lé ɔm mée dɔ Njesigənea̰’g jəb-jəb,
Mbɔl dɔ meemaji lə Njekurdɔloo’g lé
Gɔlee unda ne ndolè nda̰ el.
9 Njéba̰je ləi lé i a kwa dee gə jii peb,
Jikɔli kara a kiŋga deḛ lai gə́ d’ḛjii bəḭ-bəḭ tɔ.
10 I a kar dee tel to gə́ loo-kula-bṵda gə́ nuŋga kəd-kəd
Mee ndəa gə́ i a teḛ kəm dee’g wai.
Njesigənea̰ a kar dee d’udu guduru dan oŋg’d ləa ndá
Pər a roo dee dula-dula.
11 I a kar ginkadɔg deeje sané pá dɔ naŋg nee ləm,
Ginkoji dee kara a kudu bo̰ mbuna dəwje’g ləm tɔ.
12 Deḛ lé d’wɔji-kwɔji ra səi majel,
Deḛ d’ə̰ji néje gə́ majel meḛ dee’g gə mba ra to
Nɛ siŋga dee a godo.
13 Mbata i a kar dee tel gir dee d’aḭ ləm,
I a rɔ dee gə ɓandaŋg ləi ləm tɔ.
14 Njesigənea̰, maji kari ḭta tɔji dee boo-siŋgamoŋ ləi!
Jeḛ ndigi kɔs pa kila ne riɓar dɔ siŋgamoŋ’g ləi ya.
وَصِيَّةْ لِكَبِيرْ الْغَنَّايِينْ: مَزْمُورْ لِدَاوُدْ
1 يَا اللّٰهْ! الْمَلِكْ يَفْرَحْ بِقُدُرْتَكْ
وَ بِنَجَاتَكْ، يِنْبَسِطْ زِيَادَةْ!
2 إِنْتَ تَمَّيْت لَيَّهْ مُنَى قَلْبَهْ
وَ وَكِتْ هُو طَلَبْ مِنَّكْ كُلَ،
إِنْتَ مَا أَبَيْت لَيَّهْ. وَقْفَةْ.
3 أَشَانْ إِنْتَ قَرَّبْت لَيَّهْ
وَ أَنْطَيْتَهْ بَرَكَةْ وَ خَيْر
وَ خَطَّيْت فِي رَاسَهْ تَاجْ هَنَا دَهَبْ صَافِي.
4 هُو دَوَّرْ مِنَّكْ الْحَيَاةْ
وَ إِنْتَ أَنْطَيْتهَا لَيَّهْ
وَ سَوَّيْت أَيَّامَهْ طُوَالْ إِلَى الْأَبَدْ.
5 شَرَفَهْ بِقِي كَبِيرْ بِسَبَبْ نَجَاتَكْ
وَ لَبَّسْتَهْ مَجْد وَ عَظَمَةْ.
6 أَشَانْ سَوَّيْتَهْ بَرَكَةْ إِلَى الْأَبَدْ
وَ فِي حَضَرَتَكْ، يَفْرَحْ فَرَحْ كَبِيرْ.
7 الْمَلِكْ يِتْوَكَّلْ عَلَيْ اللّٰهْ.
أَيْوَى، بِرَحْمَةْ الْعَالِي، أَبَداً مَا يِتَّرْتَعْ.
8 يَا رَبّ! إِيدَكْ تَلْحَقْ كُلَّ عُدْوَانَكْ
وَ إِيدَكْ الزَّيْنَةْ تَلْحَقْ الْيَكْرَهَوْك.
9 تِسَوِّيهُمْ يَبْقَوْا مِثِلْ نَارْ مُحْرِقَةْ
يَوْم تِبَيِّنْ وِجْهَكْ لَيْهُمْ.
وَ بِغَضَبَكْ، يَا اللّٰهْ، تِدَمِّرْهُمْ
وَ النَّارْ تَاكُلْهُمْ.
10 تُقُشّ عِيَالْهُمْ مِنْ الْأَرْض
وَ ذُرِّيِّتْهُمْ مِنْ بَيْن النَّاسْ.
11 وَ كَنْ يِدَوْرُوا يِسَوُّوا لَيْك شَيّءْ فَسِلْ
وَلَّا يِلآمَرَوْا ضِدَّكْ كُلَ،
مَا يَقْدَرَوْا.
12 أَشَانْ إِنْتَ تَطْرُدْهُمْ
وَ بِنَشَاشِيبَكْ، تَضْرُبْهُمْ.
13 يَا اللّٰهْ! قُمّ بِكُلَّ قُدُرْتَكْ!
أَنِحْنَ نِغَنُّوا قُوَّتَكْ بِشِعِرْ!
