Suma a i ad’u David Siklak avok kikidjina
1 Wana ni suma a i gen David avo Siklak ata yima mi ring mi ngei abo Saul Kis goromina. Azi ni suma aduk grang suma a min tazi á ndjunum ata yima durîna. 2 Azi ni suma a we yeûd’a yeta ki mbiud’a á durâ kabozi ma ndjufâ d’oze kabozi ma gulana mi na.
Azi nandjafâ hi Benjamin mala nandjafâ hi Saul-lâ tamba na mi. 3 Simiyêzi ba wana: Ahiyezer ma avorozina ki wiyema Jowas Sema ma Gibeya-na groma; Jeziyel ki Pelet Azimavet groma; Beraka; Jehu ma Anatot-na; 4 Jismaya ma Gabawon-na, ni ma aduk grang suma dok hindina, ni ma avorozina mi; Jeremi; Jahaziyel; Johanan; Jozabat ma Geder-râ; 5 Eluzai; Jerimot; Beyaliya; Semariya; Sefatiya ma Harof-fâ; 6 Elkana, Jisiya, Azarel, Jowezer ki Jasobeyam suma ad’u andjafâ hi Kore-nina; 7 Jowela ki Zebadiya Jeroham ma Gedor-râ groma.
8 Suma aduk andjafâ hi Gad suma a wal ki Saul á i ad’u David kur yima ad’eng ma abagei hur fulîna, azi ni grang suma a we durîna, ni suma a dur ki mbareid’a kasapina. A hle tazi ni d’igi azlona na, a ring afefeta ni d’igi duguyo suma yam ahuniyônina na mi. 9 Simiyêzi ba wana: Ezer ni ma avo’â, ma mbàna ni Obadiya, ma hindina ni Eliyap, 10 ma fid’ina ni Mismana, ma vahlâ ni Jeremi, 11 ma karagayana ni Atai, ma kid’iziyana ni Eliyel, 12 ma klavandina ni Johanan, ma zlengîna ni Elzabat, 13 ma dogona ni Jeremi, ma yam tuna ni Makbanai. 14 Wana nandjaf suma hi Gad suma avok azigarîna. Ma gor ma adigazina mi ndak á nde suma kisâ durâ, ma ngol ma adigazina mi ndak á nde suma dubuna durâ mi. 15 Wana ni suma a djak alum ma Jurdê-na kur til ma avo’â ata yima aluma nga mi kus seina, ni suma a dik suma a nga kaka kur hora abo ma yorogona kabo ma fladegenina.
16 Suma ding suma ad’u andjafâ hi Benjamin-na ki suma ad’u andjafâ hi Juda-na, a i ad’u David kur yi mam ma ad’eng máma. 17 David mi nde woi mi ngavaziya, mi dazi ala: Le agi mbagi geven ni ki halasa á ndjununu ni, hurun mba mi tchuk tu ki sed’egiya. Wani le agi mbagi ná mbud’un iran á han abo man suma djangûna ni, Alona habuyoi ngolona mi we, mi mba mi ngobogiya, kayam an le nga tcho d’i.
18 Muzu’â hAlonina mi surop yam Amasai ma mbut ma ngolâ hi suma dok hindi ndazinina, mi de ki delem akulo ala:
David, ami ni sum mangâ!
Ami imi nad’ung ang Jesse goroma!
Ar va mi lang ngi!
Suma a ndjunungâ, va mi lazi d’uo mi!
Kayam Alona mi ndjunung wa da’!
David mi vazi atamu, mi tinizi nglod’a yam sum mama.
19 Suma hi Manase-na a i ad’u David kid’a mi i ki suma Filistê-na á dur Saul-la. Hina pet pî, mi i nga ná ndjun suma Filistê-na d’i. Ata yima a tok tazina, amulei mazina a digim avo, a dala: David mba mi top ad’um ki salama, mi yoi mi imziya! 20 Ata yima mi hulongî avo Sikla’â, wana ni suma hi Manase suma a i ad’uma: Atna, Jozabat, Jediyael, Mikayel, Jozabat, Elihu ki Siltai. Azi pet ni suma avok ablaud’a dudubud’a hi Manase-d’ina. 21 A ndjun David á dur azigar suma Amalek suma a hurum ahlenina, kayam azi pet ni grang suma durâ. Azi ni suma avok azigarîna mi. 22 Burâ ki burâ a nga mba gen David á ndjunumu, gak azigar mama a mbut ablaud’a d’igi azigarâ hAlonina na.
Suma a mba ki David Hebron-na
23 Wana nablau suma dur ayî suma a ndumuzi suma a i ad’u David avo Hebron á tinim amula balum Saul d’igi Ma didina mi he vuna na na.
24 Azigar suma ad’u andjafâ hi Juda suma a dur ki mbareid’a kasapina a ni 6800.
25 Suma ad’u andjafâ hi Simeon-na a ni 7100.
26 Suma ad’u andjafâ hi Levi-na a ni 4600, 27 zlapa ki Jehojada ma avok andjafâ hi Aron-na, mi nga zlapa ki suma 3700. 28 Sadok azigar ma azong ma gangrangâ zlapa ki suma avok sum mamina dok mbà yam mbà.
29 Suma ad’u andjafâ hi Benjamin sumala nandjafâ hi Saul tamba na a ni 3000. Ablawazi d’a ara a nga le sunda ki suma hi Saul-lâ gak ini.
30 Suma ad’u andjafâ hi Efraim-ma a ni 20.800 azi pet, ni suma simiyêzi nga mi yi aduk sum mazinina.
31 Suma ad’u abo andjafâ hi Manase suma abo ma fladegenina a ni 18.000, ni suma a manazi á tin David amulina.
32 Suma ad’u andjafâ hi Isakar-râ a ni 200, ni suma wahle suma Israel-lâ a ndak á lazina, ni nglo suma avok b’oziyozinina, ni suma b’oziyozina a nga ge yazi kä ad’uzina mi.
33 Suma ad’u andjafâ hi Zabulon-na a ni 50.000, ni suma a min tazi á i durâ kahle suma sï suma lara ge petna, ni suma a min tazi á i durâ ki hur ma tunina mi.
34 Nglo suma avok andjafâ hi Neftali-na a ni 1000, zlapa ki azigar suma a we durâ ki mbareid’a kasapina a ni 37.000.
35 Suma ad’u andjafâ hi Dan-na a ni 28.600, ni suma a min tazi á durîna.
36 Suma ad’u andjafâ hi Aser-râ a ni 40.000, ni suma a min tazi á durîna mi.
37 Suma ad’u andjafâ hi Ruben-na, suma ad’u andjafâ hi Gad-na kabo andjafâ hi Manase suma sä abo alum ma Jurdê-na woi hî abo ma yorogonina, a ni 120.000, ni suma a nga dur kahle suma sï suma lara ge petna.
38 Azi pet ni suma min tazi á dur ayînina, a mba Hebron ki hur ma tuna á tin David amula yam Israel-lâ pet. Israel suma hiuna a ndjak vunazi ki sed’ezi tu tala David mi tamula kaziya d’a. 39 Azi le burâ sä kua hindi gen David, a te, a tche, kayam b’oziyozina a lazi tena. 40 Ndrozi sumazi suma hi Isakar-râ ki suma hi Zabulon-na ki suma hi Neftali-na, a mba kahle suma tena ki korona ki djambala ki koro ma akulumei akulumeina kamuzleina mi. A mba kafuta, ades tulum ma sod’a, ades guguzlu d’a sod’a, mbulâ, amuzleina kaho’â ablaud’a, kayam Israel-lâ a nga ki furîd’a ngola heî.
Suma a i ad’u David Siklak avok kikidjina
1 Wana ni suma a i gen David avo Siklak ata yima mi ring mi ngei abo Saul Kis goromina. Azi ni suma aduk grang suma a min tazi á ndjunum ata yima durîna. 2 Azi ni suma a we yeûd’a yeta ki mbiud’a á durâ kabozi ma ndjufâ d’oze kabozi ma gulana mi na.
Azi nandjafâ hi Benjamin mala nandjafâ hi Saul-lâ tamba na mi. 3 Simiyêzi ba wana: Ahiyezer ma avorozina ki wiyema Jowas Sema ma Gibeya-na groma; Jeziyel ki Pelet Azimavet groma; Beraka; Jehu ma Anatot-na; 4 Jismaya ma Gabawon-na, ni ma aduk grang suma dok hindina, ni ma avorozina mi; Jeremi; Jahaziyel; Johanan; Jozabat ma Geder-râ; 5 Eluzai; Jerimot; Beyaliya; Semariya; Sefatiya ma Harof-fâ; 6 Elkana, Jisiya, Azarel, Jowezer ki Jasobeyam suma ad’u andjafâ hi Kore-nina; 7 Jowela ki Zebadiya Jeroham ma Gedor-râ groma.
8 Suma aduk andjafâ hi Gad suma a wal ki Saul á i ad’u David kur yima ad’eng ma abagei hur fulîna, azi ni grang suma a we durîna, ni suma a dur ki mbareid’a kasapina. A hle tazi ni d’igi azlona na, a ring afefeta ni d’igi duguyo suma yam ahuniyônina na mi. 9 Simiyêzi ba wana: Ezer ni ma avo’â, ma mbàna ni Obadiya, ma hindina ni Eliyap, 10 ma fid’ina ni Mismana, ma vahlâ ni Jeremi, 11 ma karagayana ni Atai, ma kid’iziyana ni Eliyel, 12 ma klavandina ni Johanan, ma zlengîna ni Elzabat, 13 ma dogona ni Jeremi, ma yam tuna ni Makbanai. 14 Wana nandjaf suma hi Gad suma avok azigarîna. Ma gor ma adigazina mi ndak á nde suma kisâ durâ, ma ngol ma adigazina mi ndak á nde suma dubuna durâ mi. 15 Wana ni suma a djak alum ma Jurdê-na kur til ma avo’â ata yima aluma nga mi kus seina, ni suma a dik suma a nga kaka kur hora abo ma yorogona kabo ma fladegenina.
16 Suma ding suma ad’u andjafâ hi Benjamin-na ki suma ad’u andjafâ hi Juda-na, a i ad’u David kur yi mam ma ad’eng máma. 17 David mi nde woi mi ngavaziya, mi dazi ala: Le agi mbagi geven ni ki halasa á ndjununu ni, hurun mba mi tchuk tu ki sed’egiya. Wani le agi mbagi ná mbud’un iran á han abo man suma djangûna ni, Alona habuyoi ngolona mi we, mi mba mi ngobogiya, kayam an le nga tcho d’i.
18 Muzu’â hAlonina mi surop yam Amasai ma mbut ma ngolâ hi suma dok hindi ndazinina, mi de ki delem akulo ala:
David, ami ni sum mangâ!
Ami imi nad’ung ang Jesse goroma!
Ar va mi lang ngi!
Suma a ndjunungâ, va mi lazi d’uo mi!
Kayam Alona mi ndjunung wa da’!
David mi vazi atamu, mi tinizi nglod’a yam sum mama.
19 Suma hi Manase-na a i ad’u David kid’a mi i ki suma Filistê-na á dur Saul-la. Hina pet pî, mi i nga ná ndjun suma Filistê-na d’i. Ata yima a tok tazina, amulei mazina a digim avo, a dala: David mba mi top ad’um ki salama, mi yoi mi imziya! 20 Ata yima mi hulongî avo Sikla’â, wana ni suma hi Manase suma a i ad’uma: Atna, Jozabat, Jediyael, Mikayel, Jozabat, Elihu ki Siltai. Azi pet ni suma avok ablaud’a dudubud’a hi Manase-d’ina. 21 A ndjun David á dur azigar suma Amalek suma a hurum ahlenina, kayam azi pet ni grang suma durâ. Azi ni suma avok azigarîna mi. 22 Burâ ki burâ a nga mba gen David á ndjunumu, gak azigar mama a mbut ablaud’a d’igi azigarâ hAlonina na.
Suma a mba ki David Hebron-na
23 Wana nablau suma dur ayî suma a ndumuzi suma a i ad’u David avo Hebron á tinim amula balum Saul d’igi Ma didina mi he vuna na na.
24 Azigar suma ad’u andjafâ hi Juda suma a dur ki mbareid’a kasapina a ni 6800.
25 Suma ad’u andjafâ hi Simeon-na a ni 7100.
26 Suma ad’u andjafâ hi Levi-na a ni 4600, 27 zlapa ki Jehojada ma avok andjafâ hi Aron-na, mi nga zlapa ki suma 3700. 28 Sadok azigar ma azong ma gangrangâ zlapa ki suma avok sum mamina dok mbà yam mbà.
29 Suma ad’u andjafâ hi Benjamin sumala nandjafâ hi Saul tamba na a ni 3000. Ablawazi d’a ara a nga le sunda ki suma hi Saul-lâ gak ini.
30 Suma ad’u andjafâ hi Efraim-ma a ni 20.800 azi pet, ni suma simiyêzi nga mi yi aduk sum mazinina.
31 Suma ad’u abo andjafâ hi Manase suma abo ma fladegenina a ni 18.000, ni suma a manazi á tin David amulina.
32 Suma ad’u andjafâ hi Isakar-râ a ni 200, ni suma wahle suma Israel-lâ a ndak á lazina, ni nglo suma avok b’oziyozinina, ni suma b’oziyozina a nga ge yazi kä ad’uzina mi.
33 Suma ad’u andjafâ hi Zabulon-na a ni 50.000, ni suma a min tazi á i durâ kahle suma sï suma lara ge petna, ni suma a min tazi á i durâ ki hur ma tunina mi.
34 Nglo suma avok andjafâ hi Neftali-na a ni 1000, zlapa ki azigar suma a we durâ ki mbareid’a kasapina a ni 37.000.
35 Suma ad’u andjafâ hi Dan-na a ni 28.600, ni suma a min tazi á durîna.
36 Suma ad’u andjafâ hi Aser-râ a ni 40.000, ni suma a min tazi á durîna mi.
37 Suma ad’u andjafâ hi Ruben-na, suma ad’u andjafâ hi Gad-na kabo andjafâ hi Manase suma sä abo alum ma Jurdê-na woi hî abo ma yorogonina, a ni 120.000, ni suma a nga dur kahle suma sï suma lara ge petna.
38 Azi pet ni suma min tazi á dur ayînina, a mba Hebron ki hur ma tuna á tin David amula yam Israel-lâ pet. Israel suma hiuna a ndjak vunazi ki sed’ezi tu tala David mi tamula kaziya d’a. 39 Azi le burâ sä kua hindi gen David, a te, a tche, kayam b’oziyozina a lazi tena. 40 Ndrozi sumazi suma hi Isakar-râ ki suma hi Zabulon-na ki suma hi Neftali-na, a mba kahle suma tena ki korona ki djambala ki koro ma akulumei akulumeina kamuzleina mi. A mba kafuta, ades tulum ma sod’a, ades guguzlu d’a sod’a, mbulâ, amuzleina kaho’â ablaud’a, kayam Israel-lâ a nga ki furîd’a ngola heî.
