Hle d’a a hle Aï-d’a
1 Ma didina mi de mi Josue ala: Ang le mandar ri, ar vunadigang pat tuo mi. Ang yo suma dur ayîna ad’ung pet, ang tchola, ang i dur Aï. Gola! An hang wa amul ma Aï-na ki sum mama, azì mam ma ngolâ kambas mamba pet abongû. 2 Ang mba le kazì ma Aï-na kamul mama ni d’igi ang le kazì ma Jeriko-na kamul mama na mi. Wani ahle suma agi mba hurumuzina, agi yoziya, ki d’uwarâ mi. Wani ang ka suma dingâ hiu á bur kä woi huyok azì ma ngolâ.
3 Josue mi tchol ki suma dur ayîna pet á i á dur Aï. Mi man azigar suma a we durîna 30.000, mi sunuzi kandjeged’a. 4 Mi hazi vuna ala: Agi gologi tagi djiviya! Ar agi burugi kä woi huyok azì ma ngolâ, agi walagi woi dei kazina d’uo mi, agi pet minigi tagiya. 5 Wani an ki suma ad’una ami mba hud’umi go kazì ma ngolâ. Ata yima azi mba buzugï atami á durîna, ami mba ringîmi avorozi d’igi avoka na. 6 Azi mba buzugï á digimiya, gak ami mba kazi ad’uzi woi kazì ma ngolâ. Azi mba djib’er ala ami ringîmi avorozi ni d’igi avoka na. 7 Agi tumugi akulo ata yi magi ma burâ, agi hlagi azì ma ngolâ, kayam Ma didina Alo magina mba mi hagizi abogiya. 8 Le agi hlagi azì ma ngolâ da ni, agi dom akud’a d’igi Ma didina mi de na. Agi tid’igi yam vun ma he ma an hagizina.
9 Josue mi sunuziya; a i a bur kä aduk Betel azi ki Aï abo ma fladegena hi Aï-na. Josue mi bur kä kur andjege ndata aduk suma.
10 Josue mi tchol ki yorogo tcholola, mi tok azigarâ, mi i ki suma nglo suma Israel-lâ avogozi á dur Aï. 11 Suma dur ayî suma ki Josue-na, a i a mbaza go kazì ma ngolâ. Kid’a a mbaza go kazì ma ngolîd’a, a ve kangâ abo ma norâ hi Aï-na. Hora nga adigazi ki Aï. 12 Josue mi yo suma go ki 5000, mi buruzi kä aduk Betel azi ki Aï abo ma fladegena hazì ma ngolîna. 13 Kid’a ablau suma a ve kangâ abo ma norâ hazì ma ngolîd’a, suma a gol bugol kangîna a nga abo ma fladegena hazì ma ngolîna mi d’a, Josue mi i kandjege ndata kur hora. 14 Ata yima amul ma Aï-na mi we hina na, mam ki sum mama pet a tchol atogo zak ki yorogo tcholola, a buzuk kei á dur Israel-lâ. Amulâ ki sum mama pet a nga irazi abo ma a nga huruzi kam avok abo ma Araba-nina. Mi we nga d’ala suma a nga burâ kä huyok azì ma ngolâ á durumu d’a d’i. 15 Josue ki Israel-lâ pet a wet ringâ avoroziya, a hle lovot ta i irat abagei hur fulîd’a. 16 Suma Aï-na a yi suma hur azì ma ngolîna pet ala a i dik Israel-lâ. Josue mi lobozi gak mi kazi ad’uzi woi kazina. 17 Sa ar nga avo Aï ki Betel bei nded’a woi á dik Israel-lâ d’i; a ar vun azì ma ngolâ woi hong mi.
18 Ma didina mi de mi Josue ala: Ang hle abong akulo kasap pa abonga yam azì ma ngol ma Aï-na, kayam an hangziya wa abongû. Josue mi hlabom akulo kasap pa abomba yam azì ma ngolâ.
19 Ata yima mi hlabom akulona, suma a nga burâ kä na a tum akulo atogo zak ata yima azi nga burâ kuana, a ring gak a mbaza avun azì ma ngolâ, a tchuk avo, a hlazina, a dom akud’a atogo zak mi. 20 Suma Aï-na a mbut irazi blogoziya, a we aziyazi ma ngolâ nga mi d’us andosâ dudurup, mi i akulo hur alona. A fe nga yima azi ring kuana d’i. Israel suma a ring irazi abagei hur fulîna, a mbut irazi á dur suma a nga digizina. 21 Ata yima Josue ki suma ad’uma pet a we d’ala suma a bur kä na a hle wa azì ma ngolâ, azina nga mi ngal da’ mi d’a, a mbut irazi a nga dur suma Aï-na. 22 Israel suma hiuna a buzugï woi avo kur azì ma ngolâ á dur suma Aï-na, a hebezi akulo aduk ped’et, a tchazi woi kakaf. Sa ring nga tu d’uo mi na, sa sut nga tu d’uo mi, 23 wani amul ma Aï-na, azi vumî ki arid’a, a mbamï mi Josue. 24 Israel-lâ a tchi mazi suma djangû suma a digizina woi abagei hur fulâ. Kid’a a tchazi woi peta, a mba avo hur azì ma ngolâ, a dap suma a ar avona woi pet mi. 25 Suma a tchazi kur bur mámina andjofâ karopma pet ni 12.000, nala, suma Aï-na pet.
26 Azi dap suma hur azinina kahle suma kurâ pet woi pepet tua ba, Josue mi gabom ma zid’a akulo kasapa zina kä tua. 27 Wani Israel-lâ a yo ahle suma azi hurumuzina, nala, d’uwar ma nglona ki ma gureina d’igi Ma didina mi he vuna mi Josue na. 28 Josue mi ngal azì ma Aï-na woyo, mi mbud’umî azì ma b’laka ki iram fafat, mi mbut ni d’igi hur fulâ na gak ini.
29 Wani amul ma Aï-na, a tchugum ziyona kelem a djinim akulo ata aguna gak tcha fladege. Kid’a afata i nikid’a, Josue mi he vuna ala a fogomî mad’am kä ata aguna. A gum kä avun azì ma ngolâ, a mol ahinad’a kam gindiu; ahina ndata nga gak ini.
A ndum gata akulo yam ahina d’a Ebal-la
30 Josue mi min yima ngal ahle suma ngat buzuna mi Ma didina Alona hi Israel-lîna akulo yam ahina d’a Ebal-la 31 d’igi Moise azongâ hi Ma didinina mi he vuna mi Israel-lâ na, d’igi a b’ir kur gat mamba na ala a minimî kahina d’a hawa d’a bei tched’et tei ba d’a. A hahle suma ngat buzu suma ngala kahle suma ngat buzu suma zlap darigïd’a kam mi. 32 Ata yi máma Josue mi djok gata hi Moise-sa woi b’ira ata ahinad’a avok Israel-lâ. 33 Israel-lâ ki mazi suma nglona ki mazi suma avorozina ki mazi suma ka sariyad’a zlapa kangoyogeina pet, a nga tchola gen zandu’â hi Ma didinina, abo hî abo hî avok suma ngat buzu suma hi Levi suma a nga zi zandu’â hi Ma didinina mi. Suma hiuna a nga tchola gen ahina d’a Garizim-mba, suma hiuna a nga tchola gen ahina d’a Ebal-la, d’igi Moise azongâ hi Ma didinina mi he vuna adjeu dei á b’e vuna yam Israel-lâ na. 34 Bugola, Josue mi ndum zla d’a a b’irit kur gatid’a pet zlapa ki zla d’a b’e vuna ki zla d’a ge vuna ki delem akulo d’igi a b’irit kä kur gata na mi. 35 Josue mi ndum zla d’a Moise mi he vuna kata woi avok ablaud’a hi Israel-lîd’a, aropma ki kemba kangoyogei suma a nga kaka adigazina pet bei mi ar zla kä tu ba.
Hle d’a a hle Aï-d’a
1 Ma didina mi de mi Josue ala: Ang le mandar ri, ar vunadigang pat tuo mi. Ang yo suma dur ayîna ad’ung pet, ang tchola, ang i dur Aï. Gola! An hang wa amul ma Aï-na ki sum mama, azì mam ma ngolâ kambas mamba pet abongû. 2 Ang mba le kazì ma Aï-na kamul mama ni d’igi ang le kazì ma Jeriko-na kamul mama na mi. Wani ahle suma agi mba hurumuzina, agi yoziya, ki d’uwarâ mi. Wani ang ka suma dingâ hiu á bur kä woi huyok azì ma ngolâ.
3 Josue mi tchol ki suma dur ayîna pet á i á dur Aï. Mi man azigar suma a we durîna 30.000, mi sunuzi kandjeged’a. 4 Mi hazi vuna ala: Agi gologi tagi djiviya! Ar agi burugi kä woi huyok azì ma ngolâ, agi walagi woi dei kazina d’uo mi, agi pet minigi tagiya. 5 Wani an ki suma ad’una ami mba hud’umi go kazì ma ngolâ. Ata yima azi mba buzugï atami á durîna, ami mba ringîmi avorozi d’igi avoka na. 6 Azi mba buzugï á digimiya, gak ami mba kazi ad’uzi woi kazì ma ngolâ. Azi mba djib’er ala ami ringîmi avorozi ni d’igi avoka na. 7 Agi tumugi akulo ata yi magi ma burâ, agi hlagi azì ma ngolâ, kayam Ma didina Alo magina mba mi hagizi abogiya. 8 Le agi hlagi azì ma ngolâ da ni, agi dom akud’a d’igi Ma didina mi de na. Agi tid’igi yam vun ma he ma an hagizina.
9 Josue mi sunuziya; a i a bur kä aduk Betel azi ki Aï abo ma fladegena hi Aï-na. Josue mi bur kä kur andjege ndata aduk suma.
10 Josue mi tchol ki yorogo tcholola, mi tok azigarâ, mi i ki suma nglo suma Israel-lâ avogozi á dur Aï. 11 Suma dur ayî suma ki Josue-na, a i a mbaza go kazì ma ngolâ. Kid’a a mbaza go kazì ma ngolîd’a, a ve kangâ abo ma norâ hi Aï-na. Hora nga adigazi ki Aï. 12 Josue mi yo suma go ki 5000, mi buruzi kä aduk Betel azi ki Aï abo ma fladegena hazì ma ngolîna. 13 Kid’a ablau suma a ve kangâ abo ma norâ hazì ma ngolîd’a, suma a gol bugol kangîna a nga abo ma fladegena hazì ma ngolîna mi d’a, Josue mi i kandjege ndata kur hora. 14 Ata yima amul ma Aï-na mi we hina na, mam ki sum mama pet a tchol atogo zak ki yorogo tcholola, a buzuk kei á dur Israel-lâ. Amulâ ki sum mama pet a nga irazi abo ma a nga huruzi kam avok abo ma Araba-nina. Mi we nga d’ala suma a nga burâ kä huyok azì ma ngolâ á durumu d’a d’i. 15 Josue ki Israel-lâ pet a wet ringâ avoroziya, a hle lovot ta i irat abagei hur fulîd’a. 16 Suma Aï-na a yi suma hur azì ma ngolîna pet ala a i dik Israel-lâ. Josue mi lobozi gak mi kazi ad’uzi woi kazina. 17 Sa ar nga avo Aï ki Betel bei nded’a woi á dik Israel-lâ d’i; a ar vun azì ma ngolâ woi hong mi.
18 Ma didina mi de mi Josue ala: Ang hle abong akulo kasap pa abonga yam azì ma ngol ma Aï-na, kayam an hangziya wa abongû. Josue mi hlabom akulo kasap pa abomba yam azì ma ngolâ.
19 Ata yima mi hlabom akulona, suma a nga burâ kä na a tum akulo atogo zak ata yima azi nga burâ kuana, a ring gak a mbaza avun azì ma ngolâ, a tchuk avo, a hlazina, a dom akud’a atogo zak mi. 20 Suma Aï-na a mbut irazi blogoziya, a we aziyazi ma ngolâ nga mi d’us andosâ dudurup, mi i akulo hur alona. A fe nga yima azi ring kuana d’i. Israel suma a ring irazi abagei hur fulîna, a mbut irazi á dur suma a nga digizina. 21 Ata yima Josue ki suma ad’uma pet a we d’ala suma a bur kä na a hle wa azì ma ngolâ, azina nga mi ngal da’ mi d’a, a mbut irazi a nga dur suma Aï-na. 22 Israel suma hiuna a buzugï woi avo kur azì ma ngolâ á dur suma Aï-na, a hebezi akulo aduk ped’et, a tchazi woi kakaf. Sa ring nga tu d’uo mi na, sa sut nga tu d’uo mi, 23 wani amul ma Aï-na, azi vumî ki arid’a, a mbamï mi Josue. 24 Israel-lâ a tchi mazi suma djangû suma a digizina woi abagei hur fulâ. Kid’a a tchazi woi peta, a mba avo hur azì ma ngolâ, a dap suma a ar avona woi pet mi. 25 Suma a tchazi kur bur mámina andjofâ karopma pet ni 12.000, nala, suma Aï-na pet.
26 Azi dap suma hur azinina kahle suma kurâ pet woi pepet tua ba, Josue mi gabom ma zid’a akulo kasapa zina kä tua. 27 Wani Israel-lâ a yo ahle suma azi hurumuzina, nala, d’uwar ma nglona ki ma gureina d’igi Ma didina mi he vuna mi Josue na. 28 Josue mi ngal azì ma Aï-na woyo, mi mbud’umî azì ma b’laka ki iram fafat, mi mbut ni d’igi hur fulâ na gak ini.
29 Wani amul ma Aï-na, a tchugum ziyona kelem a djinim akulo ata aguna gak tcha fladege. Kid’a afata i nikid’a, Josue mi he vuna ala a fogomî mad’am kä ata aguna. A gum kä avun azì ma ngolâ, a mol ahinad’a kam gindiu; ahina ndata nga gak ini.
A ndum gata akulo yam ahina d’a Ebal-la
30 Josue mi min yima ngal ahle suma ngat buzuna mi Ma didina Alona hi Israel-lîna akulo yam ahina d’a Ebal-la 31 d’igi Moise azongâ hi Ma didinina mi he vuna mi Israel-lâ na, d’igi a b’ir kur gat mamba na ala a minimî kahina d’a hawa d’a bei tched’et tei ba d’a. A hahle suma ngat buzu suma ngala kahle suma ngat buzu suma zlap darigïd’a kam mi. 32 Ata yi máma Josue mi djok gata hi Moise-sa woi b’ira ata ahinad’a avok Israel-lâ. 33 Israel-lâ ki mazi suma nglona ki mazi suma avorozina ki mazi suma ka sariyad’a zlapa kangoyogeina pet, a nga tchola gen zandu’â hi Ma didinina, abo hî abo hî avok suma ngat buzu suma hi Levi suma a nga zi zandu’â hi Ma didinina mi. Suma hiuna a nga tchola gen ahina d’a Garizim-mba, suma hiuna a nga tchola gen ahina d’a Ebal-la, d’igi Moise azongâ hi Ma didinina mi he vuna adjeu dei á b’e vuna yam Israel-lâ na. 34 Bugola, Josue mi ndum zla d’a a b’irit kur gatid’a pet zlapa ki zla d’a b’e vuna ki zla d’a ge vuna ki delem akulo d’igi a b’irit kä kur gata na mi. 35 Josue mi ndum zla d’a Moise mi he vuna kata woi avok ablaud’a hi Israel-lîd’a, aropma ki kemba kangoyogei suma a nga kaka adigazina pet bei mi ar zla kä tu ba.
