Ang halan hurunu, ang wanu
1 Ni sawal la gile d’a David mi hlat mi hat mi ma ngolâ hi suma hle sawalîna.
Ma didina, ang halan hurunu,
ang wanu.
2 Ata yima an kaka kä na,
ang nga wanu;
ata yima an nga ni tchol akulona,
ang nga wan mi.
Ang nga we djib’er manda ei akulo dei.
3 Ata yima an nga ni titna,
ang nga wanu;
ata yima an nga ni bur kä na,
ang nga wan mi.
Ang nga we lovot manda pet mi.
4 Ata yima zlad’a nde nga avunan nduo tua na,
Ma didina, ang wat wa pet da’.
5 Ang nga avoronu, ang nga blogon mi;
abong nga tinda kan mi.
6 We ndata ni we d’a ndandal la kal kanda;
ti sä nakulo dei; an ndak á wat ad’ut ti.
7 An mba ni i ni lara woi dei ki Muzuk mangâ ge?
An mba ni ringî lara woi dei avorong nge?
8 Le an dja’î akulo ko, ang nga;
le ni i ni kazulei ko, ang nga mi!
9 Le an mbut ki gigingâ
ni pir gak ni i ata yima afata ti deî kua na,
le an i gak ni kak sä ata avun dabid’a
halum ma nglonid’a sä abo hî pî,
10 sä kua pî abong mba mi tagan lovota,
ang mba van ni kabong ma ndjufâ.
11 Le an dala: Nduvunda ti dugunu pî,
andjeged’a ti mbut ni faleid’a gevenu.
12 Nduvunda pî ti nga nduvunda irang ngi,
andjeged’a nga d’i b’o ni d’igi faleid’a na,
nduvunda ti ni d’igi b’od’a na irangû.
13 Ni ang ba, gan sana;
ni ang ba, djaganï kur azì grona hasuna.
14 An nga ni gileng kayam an ni vama ge ma ndandalâ;
sun manga ni sun nda atchapa,
an wat tei tetet mi.
15 Ata yima ang lan ata yima ngeid’a
ang djaganï kä kur yima yiyik ma kä ad’u andagad’ina,
hliwin mi nga ngeid’a avorong ngi.
16 Ang wan ni kid’a an nga kola kur asun tua d’a dei.
Ang ngan bur mana, ang b’irim kä kur mbaktum manga pet
avok bei ang tinim ba.
17 Alo mana, ad’enga heî ki sed’en
á wäd’u djib’er manga;
ablau mata ti kal ngola heî.
18 Le an ndumud’u ni,
ti nablaud’a kal lesâ.
Ata yima an zlit akulona,
an nga zlapa ki ang tua.
19 Alo mana, an min ala
ang tchi suma asa’atna woi mbeî!
Agi suma tchi matna, agi hud’ugi sä woi dei gevenu!
20 Mang suma djangûna
a nga de zla d’a tcho d’a tchi matna kangû,
a nga hlang simiyêng á mbut ki ir suma.
21 Ma didina, an noî suma a noyôngâ woi d’uo zu?
An gol suma a kak djangûna ki sed’engâ is mi d’uo zu?
22 An noyôzi ni noî d’a tchod’a;
azi mbut ni man suma djangûna mi.
23 Alo mana, ang halan hurunu, ang wumu;
ang kugunu, ang we djib’er man nda teteud’a.
24 Ang golonu, na ni an nga ni kur lovot ta tchod’a zu?
Le an nga ni kur lovot ta tchod’a ni,
ang tinin kur lovot ta didinda.
Ang halan hurunu, ang wanu
1 Ni sawal la gile d’a David mi hlat mi hat mi ma ngolâ hi suma hle sawalîna.
Ma didina, ang halan hurunu,
ang wanu.
2 Ata yima an kaka kä na,
ang nga wanu;
ata yima an nga ni tchol akulona,
ang nga wan mi.
Ang nga we djib’er manda ei akulo dei.
3 Ata yima an nga ni titna,
ang nga wanu;
ata yima an nga ni bur kä na,
ang nga wan mi.
Ang nga we lovot manda pet mi.
4 Ata yima zlad’a nde nga avunan nduo tua na,
Ma didina, ang wat wa pet da’.
5 Ang nga avoronu, ang nga blogon mi;
abong nga tinda kan mi.
6 We ndata ni we d’a ndandal la kal kanda;
ti sä nakulo dei; an ndak á wat ad’ut ti.
7 An mba ni i ni lara woi dei ki Muzuk mangâ ge?
An mba ni ringî lara woi dei avorong nge?
8 Le an dja’î akulo ko, ang nga;
le ni i ni kazulei ko, ang nga mi!
9 Le an mbut ki gigingâ
ni pir gak ni i ata yima afata ti deî kua na,
le an i gak ni kak sä ata avun dabid’a
halum ma nglonid’a sä abo hî pî,
10 sä kua pî abong mba mi tagan lovota,
ang mba van ni kabong ma ndjufâ.
11 Le an dala: Nduvunda ti dugunu pî,
andjeged’a ti mbut ni faleid’a gevenu.
12 Nduvunda pî ti nga nduvunda irang ngi,
andjeged’a nga d’i b’o ni d’igi faleid’a na,
nduvunda ti ni d’igi b’od’a na irangû.
13 Ni ang ba, gan sana;
ni ang ba, djaganï kur azì grona hasuna.
14 An nga ni gileng kayam an ni vama ge ma ndandalâ;
sun manga ni sun nda atchapa,
an wat tei tetet mi.
15 Ata yima ang lan ata yima ngeid’a
ang djaganï kä kur yima yiyik ma kä ad’u andagad’ina,
hliwin mi nga ngeid’a avorong ngi.
16 Ang wan ni kid’a an nga kola kur asun tua d’a dei.
Ang ngan bur mana, ang b’irim kä kur mbaktum manga pet
avok bei ang tinim ba.
17 Alo mana, ad’enga heî ki sed’en
á wäd’u djib’er manga;
ablau mata ti kal ngola heî.
18 Le an ndumud’u ni,
ti nablaud’a kal lesâ.
Ata yima an zlit akulona,
an nga zlapa ki ang tua.
19 Alo mana, an min ala
ang tchi suma asa’atna woi mbeî!
Agi suma tchi matna, agi hud’ugi sä woi dei gevenu!
20 Mang suma djangûna
a nga de zla d’a tcho d’a tchi matna kangû,
a nga hlang simiyêng á mbut ki ir suma.
21 Ma didina, an noî suma a noyôngâ woi d’uo zu?
An gol suma a kak djangûna ki sed’engâ is mi d’uo zu?
22 An noyôzi ni noî d’a tchod’a;
azi mbut ni man suma djangûna mi.
23 Alo mana, ang halan hurunu, ang wumu;
ang kugunu, ang we djib’er man nda teteud’a.
24 Ang golonu, na ni an nga ni kur lovot ta tchod’a zu?
Le an nga ni kur lovot ta tchod’a ni,
ang tinin kur lovot ta didinda.
