Gat ta yam magumei suma Hebre-nid’a
1 Ma didina mi de kua ala: Wana ni vun ma he ma ang mba tinizizi avorozina:
2 Le ang gus magom ma Hebre-na ni, mba mi le sunda bizad’a karagaya, wani kur biza d’a kid’iziyad’a mba mi nde woi hawa bei wuraka. 3 Le mi mbut magom mangâ ni kazonga ni, mba mi nde woi ni vam tu; le mi ni katchad’a ni, mba mi nde woi ni kamamba mi. 4 Le salama mi vum atchad’a ni mamu, ti vud’um gro andjof foze gro aropma ni, amamba ki grotna a mba arî hi salamina; mam tamba mba mi nde woi ni vam tu. 5 Le magoma mi de wa ala: An hurun ve salana amanda ki grona, an min nde woi hawa d’uo ni, 6 ata yi máma salama mi i ki sed’em avogon an Alona, mi im ata bap ma avun gongina d’oze ata agu ma avun gongina, mi tchom humam ki leleuna; magom máma mi arî kur sunda hi salamid’a ki iram fafat.
7 Le sana mi gus goromba woi á mbut magomba ni, ndat mba d’i nde woi kur magomba d’igi magumei suma andjofâ na d’i. 8 Le salat ma guzut á vat atchad’ina hurum vat nga d’uo ni, mi ar abut mi hulong mbud’ud’u. Wani ar salat máma mi guzut tei abo angeina d’i. Le mi le hina ni, mi lat ni tchod’a. 9 Le mi hat ni mi goroma ni, mi tinit avo d’igi sana mi tin goromba azì ndjufâ na. 10 Le mi vatcha d’a ding kad’u ni, ar mi ka va mat tei d’i, nala, tena, d’oze baruna, d’oze bur ma ki sed’et á atchad’ina. 11 Le mi lat nga ahle suma hindi ndazina d’uo ni, ti ndak á nde woi avo hatam hawa bei wurak beged’a ba.
Tcho d’a ndak á tchi sana kata
12 Ma didina mi de kua ala: Le sana mi tum sana mi tchumu ni, mbeî a tchi sa máma woi mi. 13 Le mi tin nga hurum kam á tchid’a d’uo ba, mad’am mba ni mam dei ba, mi mit abomu ni, mi ndak á ngei tam kur azì ma an mba ni tinigizi á ngeid’ina. 14 Wani le sana mi tchi ndrama ni kur min mamba ki lemba ni, le mi ngei tam nata yi man ma ngal ahle suma ngat buzuna pî, agi vum tchumu.
15 Le sana mi to abum mboze asumu ni, mbeî agi tchum mbeyo.
16 Le sana mi kul sana mi guzum mbei d’oze a vum ki sed’em abomu ni, mbeî agi tchum mbeyo.
17 Le sana mi ngul abum mboze asumu ni, mbeî agi tchum mbei mi.
Gat ta yam tum sana d’oze kam mbilîd’a
18 Ma didina mi de kua ala: Le suma a le tazi huneîd’a, le ma dingâ mi tum ndrama kahinad’a d’oze kabomu, le mi mit nga d’uo ba, mi ve tugud’eid’a, 19 bugola, mi ndabu tubala kaguna abomu ni, sama tumuma zla nga kam mbi. Wani mi wuragam yam bur ma mi lum kur tugud’eid’ina, mi lum dokdorâ gak mi tchilim mbei tetet mi.
20 Le sana mi to magom mamba d’oze magom mama kaguna, le mi mit abomu ni, a kam sariyad’a kamu. 21 Wani le mi le bur tu d’oze mbà mi mit tua ni, a kam sariyad’a kam mbi, kayam ni bege mamba.
22 Le suma a nga le tazi huneîd’a, a dap atcha d’a wirâ, hurut mi nde woi bei va lat ndad’u ni, ar ndjuvut mi nga wuraka; wani a wuragamzi ni avok suma ka sariyad’a. 23 Wani le ndak ka ngola mba yam atcha ndata ni, sariyad’a mba d’i vumu. Le d’i mid’a ni, a mba tchum mam mi. 24 Le mi tchot irad’u ni, a mba tchom mamba mi; le mi kuzut siyad’u ni, a mba kuzum mama mi; le mi kuzut abod’u ni, a mba kuzum mama mi; le mi kuzut ased’u ni, a mba kuzum mama mi; 25 le mi ngalat ni kakud’a ni, a mba ngalam mam mi; le mi kat mbilâ ni, a mba kam mam mbilâ mi; le mi tumut d’ibu ni, a mba tumum mam d’ip mi.
26 Le sana mi tum ir magom mamba d’oze ir magom mama ti tcho woyo ni, mi aram mi iya, kayam bege d’a a guzum ki d’a nda’î yam iram mba tcho woid’a. 27 Le mi kus sï magom mamba d’oze sï magom mama ni, aram mi iya, kayam siyam ma mi kuzumzina mi nda’î yam bege d’a a guzum ki d’a.
28 Le amuhlâ mi tchok atchad’a d’oze mandjufâ kadivim mi mid’a ni, a dur amuhl máma kahinad’a, ar sa mi mud’um hliwim mbuo mi. Sala amuhlâ zla nga kam mbuo mi. 29 Wani le amuhl máma mi tcho’î suma avok dei ba, a de mi salama ko ba, le mi ngomom nga d’uo ni, ata yima mi tchi mandjufâ d’oze atchad’ina, a dur amuhl máma kahinad’a, salama pî a tchum mbei mi. 30 Le a nga wuraka yam sala amuhlâ ni, mi wurak vama a ngamzi kam yam mad’ama pet. 31 Le amuhlâ mi tchok gor mandjuf foze gor atchad’a ni, a lum d’igi gat ndata ti de na mi. 32 Le amuhlâ mi tchok magoma d’oze magomba ni, ar sala amuhlâ mi wurak bege d’a hapa dok hindi mi sala magoma, a dur amuhl máma kahinad’a mi.
33 Le sana mi mal vun golong mamba woyo, d’oze mi djugot zula mi dugut nga vunat tuo, le amuhl hloze koro mi nde kuru ni, 34 sala golonga mi wurak beged’a mi sala va máma, vama mi mit máma mi arî hi sama mi wurak salamina mi.
35 Le amuhlâ hi sanina mi tchok amuhlâ hi ndramina mi tchumu ni, a gus amuhl ma mi tchi ndramina woyo, a b’rau beged’a aduk taziya, a b’rau hliu amuhl ma ndrama mi tchuma aduk tazi mi. 36 Wani le amuhl máma mi tcho’î ndroma avok dei ba, salama nga mi ngomom mbuo ni, salama mi wurak amuhlâ balum ma mi tchuma, amuhl ma ndrama mi tchuma mi arî hi sama mi wurak amuhlîna mi.
Gat ta yam magumei suma Hebre-nid’a
1 Ma didina mi de kua ala: Wana ni vun ma he ma ang mba tinizizi avorozina:
2 Le ang gus magom ma Hebre-na ni, mba mi le sunda bizad’a karagaya, wani kur biza d’a kid’iziyad’a mba mi nde woi hawa bei wuraka. 3 Le mi mbut magom mangâ ni kazonga ni, mba mi nde woi ni vam tu; le mi ni katchad’a ni, mba mi nde woi ni kamamba mi. 4 Le salama mi vum atchad’a ni mamu, ti vud’um gro andjof foze gro aropma ni, amamba ki grotna a mba arî hi salamina; mam tamba mba mi nde woi ni vam tu. 5 Le magoma mi de wa ala: An hurun ve salana amanda ki grona, an min nde woi hawa d’uo ni, 6 ata yi máma salama mi i ki sed’em avogon an Alona, mi im ata bap ma avun gongina d’oze ata agu ma avun gongina, mi tchom humam ki leleuna; magom máma mi arî kur sunda hi salamid’a ki iram fafat.
7 Le sana mi gus goromba woi á mbut magomba ni, ndat mba d’i nde woi kur magomba d’igi magumei suma andjofâ na d’i. 8 Le salat ma guzut á vat atchad’ina hurum vat nga d’uo ni, mi ar abut mi hulong mbud’ud’u. Wani ar salat máma mi guzut tei abo angeina d’i. Le mi le hina ni, mi lat ni tchod’a. 9 Le mi hat ni mi goroma ni, mi tinit avo d’igi sana mi tin goromba azì ndjufâ na. 10 Le mi vatcha d’a ding kad’u ni, ar mi ka va mat tei d’i, nala, tena, d’oze baruna, d’oze bur ma ki sed’et á atchad’ina. 11 Le mi lat nga ahle suma hindi ndazina d’uo ni, ti ndak á nde woi avo hatam hawa bei wurak beged’a ba.
Tcho d’a ndak á tchi sana kata
12 Ma didina mi de kua ala: Le sana mi tum sana mi tchumu ni, mbeî a tchi sa máma woi mi. 13 Le mi tin nga hurum kam á tchid’a d’uo ba, mad’am mba ni mam dei ba, mi mit abomu ni, mi ndak á ngei tam kur azì ma an mba ni tinigizi á ngeid’ina. 14 Wani le sana mi tchi ndrama ni kur min mamba ki lemba ni, le mi ngei tam nata yi man ma ngal ahle suma ngat buzuna pî, agi vum tchumu.
15 Le sana mi to abum mboze asumu ni, mbeî agi tchum mbeyo.
16 Le sana mi kul sana mi guzum mbei d’oze a vum ki sed’em abomu ni, mbeî agi tchum mbeyo.
17 Le sana mi ngul abum mboze asumu ni, mbeî agi tchum mbei mi.
Gat ta yam tum sana d’oze kam mbilîd’a
18 Ma didina mi de kua ala: Le suma a le tazi huneîd’a, le ma dingâ mi tum ndrama kahinad’a d’oze kabomu, le mi mit nga d’uo ba, mi ve tugud’eid’a, 19 bugola, mi ndabu tubala kaguna abomu ni, sama tumuma zla nga kam mbi. Wani mi wuragam yam bur ma mi lum kur tugud’eid’ina, mi lum dokdorâ gak mi tchilim mbei tetet mi.
20 Le sana mi to magom mamba d’oze magom mama kaguna, le mi mit abomu ni, a kam sariyad’a kamu. 21 Wani le mi le bur tu d’oze mbà mi mit tua ni, a kam sariyad’a kam mbi, kayam ni bege mamba.
22 Le suma a nga le tazi huneîd’a, a dap atcha d’a wirâ, hurut mi nde woi bei va lat ndad’u ni, ar ndjuvut mi nga wuraka; wani a wuragamzi ni avok suma ka sariyad’a. 23 Wani le ndak ka ngola mba yam atcha ndata ni, sariyad’a mba d’i vumu. Le d’i mid’a ni, a mba tchum mam mi. 24 Le mi tchot irad’u ni, a mba tchom mamba mi; le mi kuzut siyad’u ni, a mba kuzum mama mi; le mi kuzut abod’u ni, a mba kuzum mama mi; le mi kuzut ased’u ni, a mba kuzum mama mi; 25 le mi ngalat ni kakud’a ni, a mba ngalam mam mi; le mi kat mbilâ ni, a mba kam mam mbilâ mi; le mi tumut d’ibu ni, a mba tumum mam d’ip mi.
26 Le sana mi tum ir magom mamba d’oze ir magom mama ti tcho woyo ni, mi aram mi iya, kayam bege d’a a guzum ki d’a nda’î yam iram mba tcho woid’a. 27 Le mi kus sï magom mamba d’oze sï magom mama ni, aram mi iya, kayam siyam ma mi kuzumzina mi nda’î yam bege d’a a guzum ki d’a.
28 Le amuhlâ mi tchok atchad’a d’oze mandjufâ kadivim mi mid’a ni, a dur amuhl máma kahinad’a, ar sa mi mud’um hliwim mbuo mi. Sala amuhlâ zla nga kam mbuo mi. 29 Wani le amuhl máma mi tcho’î suma avok dei ba, a de mi salama ko ba, le mi ngomom nga d’uo ni, ata yima mi tchi mandjufâ d’oze atchad’ina, a dur amuhl máma kahinad’a, salama pî a tchum mbei mi. 30 Le a nga wuraka yam sala amuhlâ ni, mi wurak vama a ngamzi kam yam mad’ama pet. 31 Le amuhlâ mi tchok gor mandjuf foze gor atchad’a ni, a lum d’igi gat ndata ti de na mi. 32 Le amuhlâ mi tchok magoma d’oze magomba ni, ar sala amuhlâ mi wurak bege d’a hapa dok hindi mi sala magoma, a dur amuhl máma kahinad’a mi.
33 Le sana mi mal vun golong mamba woyo, d’oze mi djugot zula mi dugut nga vunat tuo, le amuhl hloze koro mi nde kuru ni, 34 sala golonga mi wurak beged’a mi sala va máma, vama mi mit máma mi arî hi sama mi wurak salamina mi.
35 Le amuhlâ hi sanina mi tchok amuhlâ hi ndramina mi tchumu ni, a gus amuhl ma mi tchi ndramina woyo, a b’rau beged’a aduk taziya, a b’rau hliu amuhl ma ndrama mi tchuma aduk tazi mi. 36 Wani le amuhl máma mi tcho’î ndroma avok dei ba, salama nga mi ngomom mbuo ni, salama mi wurak amuhlâ balum ma mi tchuma, amuhl ma ndrama mi tchuma mi arî hi sama mi wurak amuhlîna mi.
