1 Moise mi de mi Israel-lâ ahlena pet suma Ma didina mi hum vuna kazina.
Gat ta yam vun ma hled’id’a
2 Moise mi de mi suma avok andjafâ hi Israel-lîna ala: Wana ni vun ma he ma Ma didina mi huma:
3 Le sana mi hle vunam yam va mi Ma didina d’oze mi he tam yam vama mam gun tam kama ni, ar mi b’lak zla mamba d’i, ar mi lahlena pet suma a ndavunama.
4 Le gor atcha d’a nga avo habut tua d’a ba, ti hle vunat yam va mi Ma didina, ti he tat yam vama ti gun tat kama, 5 le abut mi we vun ma hle ma ndat ti hluma ki vama ndat ti gun tat kama ba, mi dat nga va d’uo ni, vun mat ma hle máma ki vama ndat he tat kam ma ti gun tat kam máma, ti le sunda kaziya. 6 Wani le bur ma abut mi hum zla ndatina mi min nga kua d’uo ni, vun mat ma hled’a pet kahle suma ndat ti he tat kazi suma ti gun tat kazina pet, ti le sunda kazi d’i, wani Ma didina mba mi vat hurum mbei kad’u, kayam nabut ba, mi min nga kua d’i.
7 Le d’i nga ni kur vun mat ma hled’a djang tua d’oze zla d’a ded’a ndavunata vat ba, ti ve ndjufâ, 8 le ndjuvut mi hum zla ndata, mi dat nga zla kur bur ma mam hum zla ndatina d’uo ni, vun mat ma hled’a pet kahle suma ndat ti he tat kazi suma ti gun tat kazina pet, ti le sunda kaziya. 9 Wani le bur ma ndjuvut mi hum zla ndatina mi min nga kua d’uo ni, mi b’la’î vun ma hle ma ndat ti hluma ki zla d’a de d’a ndavunat yam vama ndat ti he tat kama woyo, Ma didina mba mi vat hurum mbei kat mi.
10 Le atcha d’a modonod’a d’oze d’a ndjuvut digit teid’a, ti hle vunat yam vama lara ma ndat ti he tat kama ni, ti le sunda kamu.
11 Le atcha d’a nga ki ndjufîd’a, ti hle vunat yam va d’oze ti he tat yam vama ti gun tat kama, 12 le ndjuvut mi huma, mi dat nga va d’uo, mi d’elet nga d’uo mi ni, vun mat ma hled’a pet kahle suma ndat ti he tat kazi suma ndat gun tat kazina pet, ti le sunda kaziya. 13 Wani le ndjuvut mi b’lagam mbei kur bur ma mam hum zla ndatina ni, vun ma hled’a ki vama ndat ti he tat kama kahle suma ndavunatna, ti le sunda kazi d’i, kayam ndjuvut mi b’lagazi woyo, Ma didina mba mi vat hurum mbei kat mi. 14 Ndjuvut mi ndak á min ndoze mi ndak á b’lak vun ma hled’a ki vama ndat ti gun tat kam ma ndat mbut tat hohoud’a kama mi. 15 Le burâ ki burâ ndjuvut mi dat nga zla d’uo ni, mi min ni yam vun ma hled’a d’oze vama ndat ti he tat kam ma ti gun tat kama, ti le sunda yam vama mi dat nga zla kam mbuo kur bur ma mam hum zla ndatina. 16 Wani le mi b’lagam mbei ni bugol bur ma mi hum zla ndatina ni, tcho ndata ti arî kamu.
17 Wana ni gat ta Ma didina mi hat mi Moise yam zlad’a hi mandjufâ kamambid’a, yam abud’a ki goromba ata yima ti nga weid’a avo hatam tua na.
1 Moise mi de mi Israel-lâ ahlena pet suma Ma didina mi hum vuna kazina.
Gat ta yam vun ma hled’id’a
2 Moise mi de mi suma avok andjafâ hi Israel-lîna ala: Wana ni vun ma he ma Ma didina mi huma:
3 Le sana mi hle vunam yam va mi Ma didina d’oze mi he tam yam vama mam gun tam kama ni, ar mi b’lak zla mamba d’i, ar mi lahlena pet suma a ndavunama.
4 Le gor atcha d’a nga avo habut tua d’a ba, ti hle vunat yam va mi Ma didina, ti he tat yam vama ti gun tat kama, 5 le abut mi we vun ma hle ma ndat ti hluma ki vama ndat ti gun tat kama ba, mi dat nga va d’uo ni, vun mat ma hle máma ki vama ndat he tat kam ma ti gun tat kam máma, ti le sunda kaziya. 6 Wani le bur ma abut mi hum zla ndatina mi min nga kua d’uo ni, vun mat ma hled’a pet kahle suma ndat ti he tat kazi suma ti gun tat kazina pet, ti le sunda kazi d’i, wani Ma didina mba mi vat hurum mbei kad’u, kayam nabut ba, mi min nga kua d’i.
7 Le d’i nga ni kur vun mat ma hled’a djang tua d’oze zla d’a ded’a ndavunata vat ba, ti ve ndjufâ, 8 le ndjuvut mi hum zla ndata, mi dat nga zla kur bur ma mam hum zla ndatina d’uo ni, vun mat ma hled’a pet kahle suma ndat ti he tat kazi suma ti gun tat kazina pet, ti le sunda kaziya. 9 Wani le bur ma ndjuvut mi hum zla ndatina mi min nga kua d’uo ni, mi b’la’î vun ma hle ma ndat ti hluma ki zla d’a de d’a ndavunat yam vama ndat ti he tat kama woyo, Ma didina mba mi vat hurum mbei kat mi.
10 Le atcha d’a modonod’a d’oze d’a ndjuvut digit teid’a, ti hle vunat yam vama lara ma ndat ti he tat kama ni, ti le sunda kamu.
11 Le atcha d’a nga ki ndjufîd’a, ti hle vunat yam va d’oze ti he tat yam vama ti gun tat kama, 12 le ndjuvut mi huma, mi dat nga va d’uo, mi d’elet nga d’uo mi ni, vun mat ma hled’a pet kahle suma ndat ti he tat kazi suma ndat gun tat kazina pet, ti le sunda kaziya. 13 Wani le ndjuvut mi b’lagam mbei kur bur ma mam hum zla ndatina ni, vun ma hled’a ki vama ndat ti he tat kama kahle suma ndavunatna, ti le sunda kazi d’i, kayam ndjuvut mi b’lagazi woyo, Ma didina mba mi vat hurum mbei kat mi. 14 Ndjuvut mi ndak á min ndoze mi ndak á b’lak vun ma hled’a ki vama ndat ti gun tat kam ma ndat mbut tat hohoud’a kama mi. 15 Le burâ ki burâ ndjuvut mi dat nga zla d’uo ni, mi min ni yam vun ma hled’a d’oze vama ndat ti he tat kam ma ti gun tat kama, ti le sunda yam vama mi dat nga zla kam mbuo kur bur ma mam hum zla ndatina. 16 Wani le mi b’lagam mbei ni bugol bur ma mi hum zla ndatina ni, tcho ndata ti arî kamu.
17 Wana ni gat ta Ma didina mi hat mi Moise yam zlad’a hi mandjufâ kamambid’a, yam abud’a ki goromba ata yima ti nga weid’a avo hatam tua na.
