Ma didina nga mi ndjun suma burâ ki burâ
1 Sana nga mi nga hurum á le va,
wani ni Ma didina ba, mi ndak vun zla ndata.
2 Sama lara pî mi djib’er ala tit mamba pet ni djivid’a iramu,
wani Ma didina ni ma we hur sumina.
3 Ang he sun mang nga led’a abo Ma didina.
Hina wani, ang mba ndak vun nga hur mangâ.
4 Ma didina mi lahlena pet ni nga d’a yam va mbeî;
sama asa’atna pî, mi lumî yam bur ma ndaka.
5 Suma subur tazina pet ni vama ndjendjed’a ir Ma didina;
gagazi, ei wei woi tetet ala mam mba mi ngoboziya.
6 Ni yam djivid’a ki gagazid’a ba, a has tchod’a woyo,
ni yam led’a le mandara Ma didinid’a ba, sana mi wal lei ki tchod’a.
7 Le Ma didina hurum ve tita hi sanid’a ni,
mam suma djangûna pî, mba mi zlabam darigïd’a ki sed’eziya.
8 Hotei ang fakid’eid’a ki d’ingêra
kal la ang fe ngola ki mbut irid’a.
9 Sana nga mi nga hurum yam tit mamba,
wani ni Ma didina ba, nga mi tagam yima tita.
Zla d’a a dat yam amuleinid’a
10 Zla d’a amulâ mi data ti tcholï nata Alona,
ata yima nga mi ka sariyad’ina, mbeî mi de zla d’a irata.
11 Ma didina mi min ala kilona ki taza ma a nga ahlena kama a ka’î memet,
mi min ala anek ka kur sakid’a ti ka’î ata lovod’ot mi.
12 Sun nda asa’ata ni vama ndjendjed’a yam amuleina.
Ni yam d’ingêra ba, zlam mba amula nga d’i sira ad’enga.
13 Zla d’a ti ndavun suma d’ingêrîd’a nga d’i lamuleina tazi djivid’a,
a min ni sama mi de zla d’a iratina.
14 Ayîna hamulîna mi ni d’igi sama sunda hi matnina na,
wani sama ned’a mi ndak á b’lengêm hurumu.
15 Ata yima amulâ nga mi san ki furîd’ina narid’a,
djivi mamba ni d’igi alo ma hod’ogeid’a na.
Darigïd’a hi suma ki tit mazid’a
16 Hotei ang fe ned’a kal la ang fe lorid’a,
hotei ang fe wad’ud’a kal la ang fe beged’id’a.
17 Suma d’ingêrâ a nga wal tazi woi ki tchod’a kur tit mazid’a,
sama mi ngom tam kur tit mamba ped’etna mi nga mi ngomî ari mamba.
18 Yam mba ad’enga ti mba navok b’laka,
subur tad’a ti mba navok puka mi.
19 Hotei ang ge yang kä zlapa ki suma lulumana,
kal la ang b’rau ahle suma hurumba ki suma a subur tazinid’a.
20 Sama nga mi wal ir zlad’a woina mi fe djivid’a,
sama mi tin hurum yam Ma didinina mi le furîd’a.
21 Sama ned’a a nga yum ala sama wad’ud’a,
zla d’a djivi d’a nga d’i ndavun sanid’a nga d’i i ki wed’a avogovogo.
22 Ned’a ni sidei arid’a hi suma a nga ki sed’etna,
ngopa hi suma lilid’id’a ni lilid’a mi.
23 Sama ned’a nga mi djib’er djib’er tua ba, mi de zlad’a,
zla d’a ndavunamba nga d’i im avogovok mi.
24 Zla d’a de d’a djivid’a ti ni d’igi mbul ayuma na,
ti adjib’eta yam sana, ti ni kumana yam hliu tad’a mi.
25 Ata yima dingâ sana nga mi djib’er ala tit mamba ni djivid’a.
Wani dabid’a ti imî kur matna.
26 Mei d’a ti tchi sama le sundid’a nga d’i tinim á le sunda,
kayam ni vunam ba, nga mi zud’um á led’a.
27 Sama hawa ya’â mi min mba ni ki ndaka;
zla d’a avunamba ti ni d’igi aku d’a ti ngal yinid’a na.
28 Sama bateina nga mi mba ki huneîd’a aduk suma,
sama gigined’a mi but ni sana woi ki banama.
29 Sama murud’umba mi mbut ir ndrama,
mi tinim kur lovot ta tchod’a.
30 Sama mi duk iram mbeina mi djib’erî djib’er ra tchod’a,
sama nga mi tchurot vunam mbeina mi le wa tchod’a da’.
31 Abusa navaval la subura,
ni kur tit ta d’ingêra ba, sana mi fad’u.
32 Sama nga mi le lilinga á mbut ayînina, mi kal grang ma dur ayîna,
sama mi te yam hliu tama, mi kal sama mi hlazì ma ngolâ ki durîna.
33 Suma a nga le togina á we vama nga mi mbana,
wani ni Ma didina ba, mi ndak vun zla ndata.
Ma didina nga mi ndjun suma burâ ki burâ
1 Sana nga mi nga hurum á le va,
wani ni Ma didina ba, mi ndak vun zla ndata.
2 Sama lara pî mi djib’er ala tit mamba pet ni djivid’a iramu,
wani Ma didina ni ma we hur sumina.
3 Ang he sun mang nga led’a abo Ma didina.
Hina wani, ang mba ndak vun nga hur mangâ.
4 Ma didina mi lahlena pet ni nga d’a yam va mbeî;
sama asa’atna pî, mi lumî yam bur ma ndaka.
5 Suma subur tazina pet ni vama ndjendjed’a ir Ma didina;
gagazi, ei wei woi tetet ala mam mba mi ngoboziya.
6 Ni yam djivid’a ki gagazid’a ba, a has tchod’a woyo,
ni yam led’a le mandara Ma didinid’a ba, sana mi wal lei ki tchod’a.
7 Le Ma didina hurum ve tita hi sanid’a ni,
mam suma djangûna pî, mba mi zlabam darigïd’a ki sed’eziya.
8 Hotei ang fakid’eid’a ki d’ingêra
kal la ang fe ngola ki mbut irid’a.
9 Sana nga mi nga hurum yam tit mamba,
wani ni Ma didina ba, nga mi tagam yima tita.
Zla d’a a dat yam amuleinid’a
10 Zla d’a amulâ mi data ti tcholï nata Alona,
ata yima nga mi ka sariyad’ina, mbeî mi de zla d’a irata.
11 Ma didina mi min ala kilona ki taza ma a nga ahlena kama a ka’î memet,
mi min ala anek ka kur sakid’a ti ka’î ata lovod’ot mi.
12 Sun nda asa’ata ni vama ndjendjed’a yam amuleina.
Ni yam d’ingêra ba, zlam mba amula nga d’i sira ad’enga.
13 Zla d’a ti ndavun suma d’ingêrîd’a nga d’i lamuleina tazi djivid’a,
a min ni sama mi de zla d’a iratina.
14 Ayîna hamulîna mi ni d’igi sama sunda hi matnina na,
wani sama ned’a mi ndak á b’lengêm hurumu.
15 Ata yima amulâ nga mi san ki furîd’ina narid’a,
djivi mamba ni d’igi alo ma hod’ogeid’a na.
Darigïd’a hi suma ki tit mazid’a
16 Hotei ang fe ned’a kal la ang fe lorid’a,
hotei ang fe wad’ud’a kal la ang fe beged’id’a.
17 Suma d’ingêrâ a nga wal tazi woi ki tchod’a kur tit mazid’a,
sama mi ngom tam kur tit mamba ped’etna mi nga mi ngomî ari mamba.
18 Yam mba ad’enga ti mba navok b’laka,
subur tad’a ti mba navok puka mi.
19 Hotei ang ge yang kä zlapa ki suma lulumana,
kal la ang b’rau ahle suma hurumba ki suma a subur tazinid’a.
20 Sama nga mi wal ir zlad’a woina mi fe djivid’a,
sama mi tin hurum yam Ma didinina mi le furîd’a.
21 Sama ned’a a nga yum ala sama wad’ud’a,
zla d’a djivi d’a nga d’i ndavun sanid’a nga d’i i ki wed’a avogovogo.
22 Ned’a ni sidei arid’a hi suma a nga ki sed’etna,
ngopa hi suma lilid’id’a ni lilid’a mi.
23 Sama ned’a nga mi djib’er djib’er tua ba, mi de zlad’a,
zla d’a ndavunamba nga d’i im avogovok mi.
24 Zla d’a de d’a djivid’a ti ni d’igi mbul ayuma na,
ti adjib’eta yam sana, ti ni kumana yam hliu tad’a mi.
25 Ata yima dingâ sana nga mi djib’er ala tit mamba ni djivid’a.
Wani dabid’a ti imî kur matna.
26 Mei d’a ti tchi sama le sundid’a nga d’i tinim á le sunda,
kayam ni vunam ba, nga mi zud’um á led’a.
27 Sama hawa ya’â mi min mba ni ki ndaka;
zla d’a avunamba ti ni d’igi aku d’a ti ngal yinid’a na.
28 Sama bateina nga mi mba ki huneîd’a aduk suma,
sama gigined’a mi but ni sana woi ki banama.
29 Sama murud’umba mi mbut ir ndrama,
mi tinim kur lovot ta tchod’a.
30 Sama mi duk iram mbeina mi djib’erî djib’er ra tchod’a,
sama nga mi tchurot vunam mbeina mi le wa tchod’a da’.
31 Abusa navaval la subura,
ni kur tit ta d’ingêra ba, sana mi fad’u.
32 Sama nga mi le lilinga á mbut ayînina, mi kal grang ma dur ayîna,
sama mi te yam hliu tama, mi kal sama mi hlazì ma ngolâ ki durîna.
33 Suma a nga le togina á we vama nga mi mbana,
wani ni Ma didina ba, mi ndak vun zla ndata.
