Saul dur ayîna ki Filistê-na
1 2 Saul mi man suma aduk Israel-lâ 3000. Suma 2000 a kak ki sed’em Mikmas, a kak yam ahina d’a Betel-la mi; suma 1000 a kak ki Jonatan avo Gibeya d’a Benjamin-nda. Saul mi tchuk Israel suma a arâ a i avo hataziya.
3 Bur tu Jonatan mi tchi ma ngolâ hi azigar suma Filistê suma a nga kaka avo Geba-na ; suma Filistê-na pet a huma. Ata yi máma Saul mi sun suma sunda á bu adifa kur andagad’a pet, mi dala: Ar suma Hebre-na a huma! 4 Israel-lâ pet a hum ala Saul mi tchi ma ngolâ hi azigar suma Filistê-na, mi djiu wa ayîna hi Filistê-na akulo kaziya. Ata yi máma azigar suma Israel-lâ pet a tok gen Saul avo Gilgal.
5 Suma Filistê-na a tok tazi á dur ayîna ki Israel-lâ. Pus mazi ma hakulumeina ni 30.000; sum mazi suma djang akulumeina ni 6000; azigarâ ablawazi ni d’igi les ma avun alum ma ngolîna na. Azi mba a lak Mikmas abo ma yorogona hi Bet-Aven-na. 6 Israel-lâ a wala azi navun bad’a, kayam suma Filistê-na a hebezi ped’et. Kayam ndata, nge nge pî mi hal yi mam ma ngei tama, suma dingâ aduk ahuniyôna, suma dingâ aduk azlupa, suma dingâ kur golongeî suma adjeuna, suma dingâ kur yima ngeid’a teteng mi. 7 Hebre suma dingâ a djak alum ma Jurdê-na, a ngei tazi yam andaga d’a Gat-ta ki d’a Galät-ta.
Wani Saul mi nga Gilgal tua; azigar mama pet a nga zlak abo mandarâ. 8 Saul mi djup burâ kid’iziya yam bur ma Samuel mi ngamzina. Wani Samuel mi mba nga Gilgal li; azigarâ a ar Saul, a nde b’raud’a. 9 Ata yi máma Saul mi dazi ala a humï ahle suma ngat buzuna á he he d’a hawa d’a ngala ki he d’a hawa d’a ngat buzu d’a zlap darigïd’a kAlonid’a; mam tamba mi he he d’a hawa d’a ngala. 10 Ata yima abom dap he he d’a hawad’ina, Samuel mi mba; Saul mi d’ugulom á gum depa.
11 Samuel mi dum ala: Ang le ni me ge?
Saul mi hulong dum ala: An we azigarâ a aran a nde b’raud’a, ang pî mba nga kur bur ma ang ngama d’i, an we Filistê-na a nga toka avo Mikmas mi. 12 Ata yi máma an djib’er ala Filistê-na a mba ndami durâ avo Gilgal bei an le vama le Ma didina tam djivid’ina. Ni kayam ndata ba, an tan hle zla ndata kan á he he d’a hawa d’a ngala.
13 Samuel mi dum ala: Ang le ni sun nda lilid’a; ang ngom nga vun ma he ma Ma didina Alo mangâ hangzina d’i. Le ang ngomom á djïya ni, Ma didina mba mi he lovota mandjavang á te yam Israel-lâ didin. 14 Wani ki tchetchemba, leu manga mba d’i kak didin ndi; Ma didina mi man wa sama mam hurum minima, mi tinim wa amula yam sum mama. Ni kayamba ang ngom nga vun mam ma hed’a d’uo d’a.
15 Samuel mi tchol Gilgal, mi i Gibeya d’a Benjamin-nda. Saul mi ndum azigar suma a nga ki sed’ema; azi ni go ki kikis karagaya. 16 Saul ki goroma Jonatan ki azigar suma ar ki sed’ezina, a ar kaka Geba d’a Benjamin-nda, wani Filistê-na a nga laka Mikmas. 17 Bur tu azigar suma Filistê-na a buzugï woi kur kang mazina adesâ hindi á b’lak yina. Ma avo’â mi hle lovot ta abo ma Ofra-na d’a yam andaga d’a Suwal-la. 18 Ma mbàna mi hle lovot ta Bet Horon-nda, ma hindina mi hle lovot ta ir haga d’a i kur lovot ta i kur hor ra Seboyim-mba abo ma hur fulîna.
19 Kur biza ndata kur ambas sa Israel-la pet, sama tchaf nga kua d’i, kayam Filistê-na a min ala Hebre-na a zle mbigeu d’a fiyak koze asapa d’i. 20 Israel ma lara ge pî nga mi i ad’u tchafa hi Filistê-na á tchi si kawei mamba, diga mama, andjet mama, d’oze djiga mama woyo. 21 Gura hi si kaweid’id’a, ki d’a hi diganid’a, ki d’a hi kawei ma siyam hindinid’a, ki d’a handjetnid’a, d’oze d’op si leleuna, gurzu mazid’a ni bege d’a hapa mbàmbà. 22 Kayam ndata, kur bur ma dur ayîna, azigar suma a nga ki Saul azi ki Jonatan-na a nga ki mbigeud’a kasap pi; a nabo amulâ Saul azi ki goroma Jonatan hol.
23 Azigarâ hi Filistê-nina adesâ tu mi nde mi i kak ndjola avun lovot ta kal yam ahina d’a go ki Mikmas-sa.
Saul dur ayîna ki Filistê-na
1 2 Saul mi man suma aduk Israel-lâ 3000. Suma 2000 a kak ki sed’em Mikmas, a kak yam ahina d’a Betel-la mi; suma 1000 a kak ki Jonatan avo Gibeya d’a Benjamin-nda. Saul mi tchuk Israel suma a arâ a i avo hataziya.
3 Bur tu Jonatan mi tchi ma ngolâ hi azigar suma Filistê suma a nga kaka avo Geba-na ; suma Filistê-na pet a huma. Ata yi máma Saul mi sun suma sunda á bu adifa kur andagad’a pet, mi dala: Ar suma Hebre-na a huma! 4 Israel-lâ pet a hum ala Saul mi tchi ma ngolâ hi azigar suma Filistê-na, mi djiu wa ayîna hi Filistê-na akulo kaziya. Ata yi máma azigar suma Israel-lâ pet a tok gen Saul avo Gilgal.
5 Suma Filistê-na a tok tazi á dur ayîna ki Israel-lâ. Pus mazi ma hakulumeina ni 30.000; sum mazi suma djang akulumeina ni 6000; azigarâ ablawazi ni d’igi les ma avun alum ma ngolîna na. Azi mba a lak Mikmas abo ma yorogona hi Bet-Aven-na. 6 Israel-lâ a wala azi navun bad’a, kayam suma Filistê-na a hebezi ped’et. Kayam ndata, nge nge pî mi hal yi mam ma ngei tama, suma dingâ aduk ahuniyôna, suma dingâ aduk azlupa, suma dingâ kur golongeî suma adjeuna, suma dingâ kur yima ngeid’a teteng mi. 7 Hebre suma dingâ a djak alum ma Jurdê-na, a ngei tazi yam andaga d’a Gat-ta ki d’a Galät-ta.
Wani Saul mi nga Gilgal tua; azigar mama pet a nga zlak abo mandarâ. 8 Saul mi djup burâ kid’iziya yam bur ma Samuel mi ngamzina. Wani Samuel mi mba nga Gilgal li; azigarâ a ar Saul, a nde b’raud’a. 9 Ata yi máma Saul mi dazi ala a humï ahle suma ngat buzuna á he he d’a hawa d’a ngala ki he d’a hawa d’a ngat buzu d’a zlap darigïd’a kAlonid’a; mam tamba mi he he d’a hawa d’a ngala. 10 Ata yima abom dap he he d’a hawad’ina, Samuel mi mba; Saul mi d’ugulom á gum depa.
11 Samuel mi dum ala: Ang le ni me ge?
Saul mi hulong dum ala: An we azigarâ a aran a nde b’raud’a, ang pî mba nga kur bur ma ang ngama d’i, an we Filistê-na a nga toka avo Mikmas mi. 12 Ata yi máma an djib’er ala Filistê-na a mba ndami durâ avo Gilgal bei an le vama le Ma didina tam djivid’ina. Ni kayam ndata ba, an tan hle zla ndata kan á he he d’a hawa d’a ngala.
13 Samuel mi dum ala: Ang le ni sun nda lilid’a; ang ngom nga vun ma he ma Ma didina Alo mangâ hangzina d’i. Le ang ngomom á djïya ni, Ma didina mba mi he lovota mandjavang á te yam Israel-lâ didin. 14 Wani ki tchetchemba, leu manga mba d’i kak didin ndi; Ma didina mi man wa sama mam hurum minima, mi tinim wa amula yam sum mama. Ni kayamba ang ngom nga vun mam ma hed’a d’uo d’a.
15 Samuel mi tchol Gilgal, mi i Gibeya d’a Benjamin-nda. Saul mi ndum azigar suma a nga ki sed’ema; azi ni go ki kikis karagaya. 16 Saul ki goroma Jonatan ki azigar suma ar ki sed’ezina, a ar kaka Geba d’a Benjamin-nda, wani Filistê-na a nga laka Mikmas. 17 Bur tu azigar suma Filistê-na a buzugï woi kur kang mazina adesâ hindi á b’lak yina. Ma avo’â mi hle lovot ta abo ma Ofra-na d’a yam andaga d’a Suwal-la. 18 Ma mbàna mi hle lovot ta Bet Horon-nda, ma hindina mi hle lovot ta ir haga d’a i kur lovot ta i kur hor ra Seboyim-mba abo ma hur fulîna.
19 Kur biza ndata kur ambas sa Israel-la pet, sama tchaf nga kua d’i, kayam Filistê-na a min ala Hebre-na a zle mbigeu d’a fiyak koze asapa d’i. 20 Israel ma lara ge pî nga mi i ad’u tchafa hi Filistê-na á tchi si kawei mamba, diga mama, andjet mama, d’oze djiga mama woyo. 21 Gura hi si kaweid’id’a, ki d’a hi diganid’a, ki d’a hi kawei ma siyam hindinid’a, ki d’a handjetnid’a, d’oze d’op si leleuna, gurzu mazid’a ni bege d’a hapa mbàmbà. 22 Kayam ndata, kur bur ma dur ayîna, azigar suma a nga ki Saul azi ki Jonatan-na a nga ki mbigeud’a kasap pi; a nabo amulâ Saul azi ki goroma Jonatan hol.
23 Azigarâ hi Filistê-nina adesâ tu mi nde mi i kak ndjola avun lovot ta kal yam ahina d’a go ki Mikmas-sa.
