Elihu mi de kua ala: Job mi nga ki zla d’a irat ti
1 Elihu mi de mi Job ala:
2-3 Ata yima ang nga dala: An fe ni me,
d’oze an fe ni djiviya me
ata yima an ar tchod’a bei led’a ge na,
ang djib’er ala zla manga ni zla d’a irata,
d’oze ang mbut ni sama d’ingêrâ avok Alona zu?
4 Ni an ba, nga ni hulongông zla d’a ded’a,
mi ang zlapa ki buniyôngâ mi.
5 Ang gol akulod’a, ang wad’u,
ang gol d’ugula ti sä ni kang akulo dei mi.
6 Le ang le tchod’a ni,
ni tcho me ba, ang mba lat ata Alona ge?
Le ang nga i avogovok kur tcho d’a led’a ni,
ang mba lumî me mi ge?
7 Le angî ma d’ingêrâ ni, ang mba humî me ge?
Mba mi fe ni me abong mi ge?
8 Asa’at manga ti b’la’î sama d’igi ang na na,
d’ingêr manga ti le ni sana goroma tam djivid’a hol.
*
9 Suma a nga tchi abo djop vun ma
suma nga djobozizi ngolâ heîna,
a nga yi sama ndjunda abo murud’um
mba suma ablaud’a a nga lazizid’a.
10 Wani sa tu pî mi de nga ala:
Alo ma mi lan ma nga mi mba ki sawal la furîd’a andjegena
mi ni lara ge d’i.
11 Mam ma nga mi had’ei kal amburei suma yam andagad’ina
ma nga mi hei ned’a kal aluwei suma akulona mi na,
mi nga ni lara ge d’i.
12 Suma a nga tchi ngola,
wani Alona nga mi hulongôzi humba
abo yam mba ad’enga hi suma asa’atnid’a d’i.
13 A er ad’uzi ni hawana, wani Alona nga mi hum mbi.
Ma ad’engêm kal petna va ndolom nga tu d’i.
*
14 D’igi ang nga de ki vunang ala ang wum nga d’uo na,
wani zla manga ni woi abu pid’ak iramu. Ang djubumu!
15 Wani ayî mama mi mba nga d’uo tua,
nga ni d’ala mi we nga ni tcho mazid’a d’uo d’a d’i.
16 Ni kayam ndata ba, Job nga mi mal vunam mi de zla d’a hawa yayaka,
nga mi zul zla d’a bei wat ad’ut ba d’a ni na mi.
Elihu mi de kua ala: Job mi nga ki zla d’a irat ti
1 Elihu mi de mi Job ala:
2-3 Ata yima ang nga dala: An fe ni me,
d’oze an fe ni djiviya me
ata yima an ar tchod’a bei led’a ge na,
ang djib’er ala zla manga ni zla d’a irata,
d’oze ang mbut ni sama d’ingêrâ avok Alona zu?
4 Ni an ba, nga ni hulongông zla d’a ded’a,
mi ang zlapa ki buniyôngâ mi.
5 Ang gol akulod’a, ang wad’u,
ang gol d’ugula ti sä ni kang akulo dei mi.
6 Le ang le tchod’a ni,
ni tcho me ba, ang mba lat ata Alona ge?
Le ang nga i avogovok kur tcho d’a led’a ni,
ang mba lumî me mi ge?
7 Le angî ma d’ingêrâ ni, ang mba humî me ge?
Mba mi fe ni me abong mi ge?
8 Asa’at manga ti b’la’î sama d’igi ang na na,
d’ingêr manga ti le ni sana goroma tam djivid’a hol.
*
9 Suma a nga tchi abo djop vun ma
suma nga djobozizi ngolâ heîna,
a nga yi sama ndjunda abo murud’um
mba suma ablaud’a a nga lazizid’a.
10 Wani sa tu pî mi de nga ala:
Alo ma mi lan ma nga mi mba ki sawal la furîd’a andjegena
mi ni lara ge d’i.
11 Mam ma nga mi had’ei kal amburei suma yam andagad’ina
ma nga mi hei ned’a kal aluwei suma akulona mi na,
mi nga ni lara ge d’i.
12 Suma a nga tchi ngola,
wani Alona nga mi hulongôzi humba
abo yam mba ad’enga hi suma asa’atnid’a d’i.
13 A er ad’uzi ni hawana, wani Alona nga mi hum mbi.
Ma ad’engêm kal petna va ndolom nga tu d’i.
*
14 D’igi ang nga de ki vunang ala ang wum nga d’uo na,
wani zla manga ni woi abu pid’ak iramu. Ang djubumu!
15 Wani ayî mama mi mba nga d’uo tua,
nga ni d’ala mi we nga ni tcho mazid’a d’uo d’a d’i.
16 Ni kayam ndata ba, Job nga mi mal vunam mi de zla d’a hawa yayaka,
nga mi zul zla d’a bei wat ad’ut ba d’a ni na mi.
