Jakob groma a tozomu
1 Josef mi ge tam kä yam abumu, nga mi tchi kam ngola, nga mi sobom vunam mi. 2 Bugola, mi he vuna mi dokdor suma avo hatama ala azi le kumana ata abum kayam mi bu d’i. Azi lumzi mi. 3 Azi lum kumana ndak burâ dok fid’i d’igi azi nga ladjeu dei na. Ezipte-na a tchi Israel burâ dok kid’iziya.
4 Kid’a bur ma tchina dapa, Josef mi de mi suma avo hi Faron-na ala: Le agi hurugi vanu ni, agi i dagi mi Faron ala: 5 Ata yima abun ar go á matnina, mi gunun ala mi mit ni mid’a; an i tozomî kur zul la mi djugud’ot sä kur ambas sa Kanan-ndid’a. Ki tchetchemba, an min ala an i ni tos abun tos ba, an hulongî tua.
6 Faron mi hulong dum ala: Ang i tos abung d’igi ang gun tang avorom na.
7 Josef mi i Kanan á tos abumu. Azungeîna hi Faron-na pet ki nglo suma avo hatama ki nglo suma Ezipte-na pet a i ki sed’emu. 8 Suma avo hi Josef-fâ pet ki b’oziyoma ki suma avo habuma a i ki sed’em mi. Azi arî grozina kaho’â kamuzleina avo Gosen hol. 9 Pusâ ki suma djang akulumeina a i ki sed’emu. Tok ndata ablaud’a heî.
10 Kid’a azi mbaza ata yima to awuna hi Atat ma sä abo alum ma Jurdê-na woi hinid’a, azi tchim tchi ma hat hurâ kua ngola. Josef mi tchi abum kua burâ kid’iziya. 11 Suma a nga avo Kanan-na a we tchi ma kur yi mámina, a dala: Ni tchi ma hat hurâ hi Ezipte-na. Kayam ndata, a yi yima abo alum ma Jurdê-na woi hî máma ala Abel-Misrayim .
12 Jakob groma a le d’igi mam hazi vuna na. 13 Azi hlum a im yam ambas sa Kanan-nda, a tozom kur zul ahina d’a kur asine ma Makpela ma go ki Mamre-na. Nasine ma Abraham mi guzum adjeu abo Efron ma Het-nina, mi mbud’um yima tos mat mamina. 14 Kid’a Josef mi tos abum tosa, mi hulong Ezipte zlapa ki b’oziyoma ki suma a i á tos abuma pet mi.
Josef mi b’leng hur b’oziyoma
15 Kid’a Josef b’oziyoma a wala abuzi mit dad’a, a de tazi ala: Dam Josef mba mi noyôya, mba mi lei tcho d’a ei lumzi adjeud’a zu? 16 Azi sun gen Josef, a dum ala: Kid’a Iba bei matnid’a, mi hami vuna ala: 17 Agi i dagi zla manda mi Josef ala: An nga ni tchenengû, ar ang vat hurung ngei yam tchilad’a ki tchod’a hi b’oziyongîd’a. Ki tchetchemba, ami nga tchenengû, ang vat hurung ngei yam tchod’a hi ami azungeîna hAlona habungîd’a. Kid’a ma sunda mi de zla ndata mi Josef-fa, Josef mi tchiya.
18 Ata yi máma b’oziyoma tazid’a a mba gevemu, a grif kä avoromu, a dum ala: Ami azungeî mangâ wana.
19 Wani Josef mi hulong dazi ala: Agi lagi mandar ri; an mbut nAlona zu? 20 Agi min á lan tchod’a, wani Alona mi mbud’ut tei djivid’a, gak mi sut ini andjaf suma ablaud’a d’igi agi wagi ini na. 21 Kayam ndata, agi lagi mandar ri. An mba ni hagi ahle suma kid’agagina, an mba ni hazi mi grogina mi. Mi b’lengêzi huruziya, mi dazi zla d’a djivid’a mi.
Josef mi mid’a
22 Josef mi kak kur ambas sa Ezipte-d’a ki suma avo habuma pet, mi le bizad’a kis kam dogo. 23 Josef mi we Efraim groma ki iram gak andjavam ma hindina. Makir ma Manase goromina, groma a vud’uzi ni ir Josef.
24 Josef mi de mi b’oziyoma ala: An nga ni mit ni mid’a; wani gagazi, Alona mba mi mba á ndjunugiya, mba mi yogi woi ka hî á hulongôgi kur ambas sa mam hle vunam kat ki gun tad’a mi Abraham, mi Isak ki Jakob-pa. 25 Josef mi gun Israel groma ala: Gagazi, Alona mba mi mba á ndjunugiya; agi yon ndi asogon igi ki sed’em mbei dei ki yima ka hina.
26 Josef mi le bizad’a kis kam dogo, mi mid’a. Azi lum kumana, kayam mi bu d’i, a gum kur kes ma tos matna kur ambas sa Ezipte-d’a.
Jakob groma a tozomu
1 Josef mi ge tam kä yam abumu, nga mi tchi kam ngola, nga mi sobom vunam mi. 2 Bugola, mi he vuna mi dokdor suma avo hatama ala azi le kumana ata abum kayam mi bu d’i. Azi lumzi mi. 3 Azi lum kumana ndak burâ dok fid’i d’igi azi nga ladjeu dei na. Ezipte-na a tchi Israel burâ dok kid’iziya.
4 Kid’a bur ma tchina dapa, Josef mi de mi suma avo hi Faron-na ala: Le agi hurugi vanu ni, agi i dagi mi Faron ala: 5 Ata yima abun ar go á matnina, mi gunun ala mi mit ni mid’a; an i tozomî kur zul la mi djugud’ot sä kur ambas sa Kanan-ndid’a. Ki tchetchemba, an min ala an i ni tos abun tos ba, an hulongî tua.
6 Faron mi hulong dum ala: Ang i tos abung d’igi ang gun tang avorom na.
7 Josef mi i Kanan á tos abumu. Azungeîna hi Faron-na pet ki nglo suma avo hatama ki nglo suma Ezipte-na pet a i ki sed’emu. 8 Suma avo hi Josef-fâ pet ki b’oziyoma ki suma avo habuma a i ki sed’em mi. Azi arî grozina kaho’â kamuzleina avo Gosen hol. 9 Pusâ ki suma djang akulumeina a i ki sed’emu. Tok ndata ablaud’a heî.
10 Kid’a azi mbaza ata yima to awuna hi Atat ma sä abo alum ma Jurdê-na woi hinid’a, azi tchim tchi ma hat hurâ kua ngola. Josef mi tchi abum kua burâ kid’iziya. 11 Suma a nga avo Kanan-na a we tchi ma kur yi mámina, a dala: Ni tchi ma hat hurâ hi Ezipte-na. Kayam ndata, a yi yima abo alum ma Jurdê-na woi hî máma ala Abel-Misrayim .
12 Jakob groma a le d’igi mam hazi vuna na. 13 Azi hlum a im yam ambas sa Kanan-nda, a tozom kur zul ahina d’a kur asine ma Makpela ma go ki Mamre-na. Nasine ma Abraham mi guzum adjeu abo Efron ma Het-nina, mi mbud’um yima tos mat mamina. 14 Kid’a Josef mi tos abum tosa, mi hulong Ezipte zlapa ki b’oziyoma ki suma a i á tos abuma pet mi.
Josef mi b’leng hur b’oziyoma
15 Kid’a Josef b’oziyoma a wala abuzi mit dad’a, a de tazi ala: Dam Josef mba mi noyôya, mba mi lei tcho d’a ei lumzi adjeud’a zu? 16 Azi sun gen Josef, a dum ala: Kid’a Iba bei matnid’a, mi hami vuna ala: 17 Agi i dagi zla manda mi Josef ala: An nga ni tchenengû, ar ang vat hurung ngei yam tchilad’a ki tchod’a hi b’oziyongîd’a. Ki tchetchemba, ami nga tchenengû, ang vat hurung ngei yam tchod’a hi ami azungeîna hAlona habungîd’a. Kid’a ma sunda mi de zla ndata mi Josef-fa, Josef mi tchiya.
18 Ata yi máma b’oziyoma tazid’a a mba gevemu, a grif kä avoromu, a dum ala: Ami azungeî mangâ wana.
19 Wani Josef mi hulong dazi ala: Agi lagi mandar ri; an mbut nAlona zu? 20 Agi min á lan tchod’a, wani Alona mi mbud’ut tei djivid’a, gak mi sut ini andjaf suma ablaud’a d’igi agi wagi ini na. 21 Kayam ndata, agi lagi mandar ri. An mba ni hagi ahle suma kid’agagina, an mba ni hazi mi grogina mi. Mi b’lengêzi huruziya, mi dazi zla d’a djivid’a mi.
Josef mi mid’a
22 Josef mi kak kur ambas sa Ezipte-d’a ki suma avo habuma pet, mi le bizad’a kis kam dogo. 23 Josef mi we Efraim groma ki iram gak andjavam ma hindina. Makir ma Manase goromina, groma a vud’uzi ni ir Josef.
24 Josef mi de mi b’oziyoma ala: An nga ni mit ni mid’a; wani gagazi, Alona mba mi mba á ndjunugiya, mba mi yogi woi ka hî á hulongôgi kur ambas sa mam hle vunam kat ki gun tad’a mi Abraham, mi Isak ki Jakob-pa. 25 Josef mi gun Israel groma ala: Gagazi, Alona mba mi mba á ndjunugiya; agi yon ndi asogon igi ki sed’em mbei dei ki yima ka hina.
26 Josef mi le bizad’a kis kam dogo, mi mid’a. Azi lum kumana, kayam mi bu d’i, a gum kur kes ma tos matna kur ambas sa Ezipte-d’a.
