Alona hulong mi nde tam mbei ir Ezekiyel kua
(Gol 1.1-28)1 An gol yina akulo hur alona yam tcherebêna. Vana nga kua d’igi ahina safira na, mi hle tam d’igi zlam mba amula na. 2 Ma didina mi de mi sama mi nga ki baru d’a hap pa luluîd’a atama ala: Ang i aduk abo pus ma nga kä ad’u tcherebênina, ang i yo gordjo ma nga kä ad’u tcherebênina, ang oî abong zla tam djak, ang i yagam akulo yam azì ma ngol máma. Mi ge tam mi i kua kä iran na wat.
3 Ata yima sa máma mi mbaza kuana, tcherebêna a nga tchola ata gonga abot ma ndjufâ, d’ugula ti oî atrang nga krovod’a hurut mi. 4 Subura hi Ma didinid’a ti ndeï woi akulo yam tcherebêna, ti i irat avun yima kala hi gong nga kud’ora hAlonid’ina. Gonga ti oî ki d’ugula, subura hi Ma didinid’a wile mata ti oî hur atranga mi. 5 Tcherebêna gigingâzi ma nga mi tchina, mi i gak a humum sä woi hur atrang nga abud’a d’igi dela hAlo ma ad’engêm kal petnid’a ata yima nga mi de zlad’ina na. 6 Ma didina mi he vuna mi sama mi nga ki baru d’a hap pa luluîd’a atama ala: Ang i yoï akud’a aduk abo pusâ aduk tcherebêna. Sa máma mi i tchol go kabo pusâ mi. 7 Ata yi máma tcherebêna tu mi mat abom aduk tcherebêna abo yima akud’a nga aduk tcherebênina, mi yoï akud’a, mi hat abo sama mi nga ki baru d’a hap pa luluîd’a atama. Sa máma mi vad’u, mi nde woi abua.
8 An we vana nga ad’u giging tcherebêna kä d’igi abo sana na. 9 An nga ni gol yina. Gol wani, abo pusâ fid’i mi nga go ki tcherebêna, abo pusâ tutu yam tcherebêna gagang, abo pus máma mi wile ni d’igi ahina krisolita na. 10 Azi ki zla tazi d’a fid’id’a pet a nabo tazi tu. Abo pus ma lara pî mi ni kala kur tam kakal. 11 Ata yima a nga ina, irazi ni ngad’a yam abo mazi ma fid’ina, a nga pret tazi d’i. Wani a i ni irazi abo ma avorozina d’ingêr bei pret tazi ba. 12 Tcherebêna hliwizi pet, nala, huyogoziya, aboziya, ki gigingâziya, a ni oîd’a ki ira. Pusâ abom ma fid’ina pî mi ni oîd’a ki ira nguid’a woi d’uhl mi. 13 An hum a nga yi abo pusâ ala Mbirlimba. 14 Tcherebê ma lara pî iramî fifid’i. Ma avo’â iram hle tat ni d’igi ir tcherebêna na, ma mbàna iram hle tat ni d’igi ir sana na, ma hindina iram hle tat ni d’igi ir azlona na, ma fid’ina iram hle tat ni d’igi ir b’aruna na mi. 15 Tcherebêna a nga pir akulo. Azi nahle suma ari suma an wazi avun alum ma Kebar-rîna. 16 Ata yima tcherebêna a nga gigingâzi á pir akulo woi yam andagad’ina, abo pusâ nga mi pret tam mbei yima ding nguo mi. 17 Ata yima tcherebêna a nga tcholâ, abo pusâ mi tchol mi. Ata yima azi nga pir akulona, mi nga mi pir akulo ki sed’ezi mi, kayam muzu’â hahle suma arinina mi nga kurum mi.
Subura hi Ma didinid’a ti nde woi kur gong mamba
18 Subura hi Ma didinid’a ti ndeï woi avun yima kala hi gong nga kud’orina, ti i d’i kak yam tcherebêna. 19 Tcherebêna a nga gigingâzi á pir rei akulo yam andagad’a, an wazi a nga i zlapa kabo pusâ. A tchol avun yima kala hi vun agre’â hi gong nga kud’ora hi Ma didinid’ina abo ma yorogona, subura hAlona hi Israel-lîd’a ti nga kazi akulo mi. 20 Azi nahle suma ari suma an wazi kä ad’u Alona hi Israel-lâ avun alum ma Kebar-rîna. An wazi ala azi ni tcherebêna. 21 Ma lara pî, iramî fifid’i, ma lara pî, gigingâmî fifid’i mi. Vana nga ad’u gigingâzi kä d’igi abo sana na. 22 Irazi ti hle tat ni d’igi d’a an wad’ï avun alum ma Kebar-rîd’a na. Ma lara pî, mi i iram nabo ma avoroma.
Alona hulong mi nde tam mbei ir Ezekiyel kua
(Gol 1.1-28)1 An gol yina akulo hur alona yam tcherebêna. Vana nga kua d’igi ahina safira na, mi hle tam d’igi zlam mba amula na. 2 Ma didina mi de mi sama mi nga ki baru d’a hap pa luluîd’a atama ala: Ang i aduk abo pus ma nga kä ad’u tcherebênina, ang i yo gordjo ma nga kä ad’u tcherebênina, ang oî abong zla tam djak, ang i yagam akulo yam azì ma ngol máma. Mi ge tam mi i kua kä iran na wat.
3 Ata yima sa máma mi mbaza kuana, tcherebêna a nga tchola ata gonga abot ma ndjufâ, d’ugula ti oî atrang nga krovod’a hurut mi. 4 Subura hi Ma didinid’a ti ndeï woi akulo yam tcherebêna, ti i irat avun yima kala hi gong nga kud’ora hAlonid’ina. Gonga ti oî ki d’ugula, subura hi Ma didinid’a wile mata ti oî hur atranga mi. 5 Tcherebêna gigingâzi ma nga mi tchina, mi i gak a humum sä woi hur atrang nga abud’a d’igi dela hAlo ma ad’engêm kal petnid’a ata yima nga mi de zlad’ina na. 6 Ma didina mi he vuna mi sama mi nga ki baru d’a hap pa luluîd’a atama ala: Ang i yoï akud’a aduk abo pusâ aduk tcherebêna. Sa máma mi i tchol go kabo pusâ mi. 7 Ata yi máma tcherebêna tu mi mat abom aduk tcherebêna abo yima akud’a nga aduk tcherebênina, mi yoï akud’a, mi hat abo sama mi nga ki baru d’a hap pa luluîd’a atama. Sa máma mi vad’u, mi nde woi abua.
8 An we vana nga ad’u giging tcherebêna kä d’igi abo sana na. 9 An nga ni gol yina. Gol wani, abo pusâ fid’i mi nga go ki tcherebêna, abo pusâ tutu yam tcherebêna gagang, abo pus máma mi wile ni d’igi ahina krisolita na. 10 Azi ki zla tazi d’a fid’id’a pet a nabo tazi tu. Abo pus ma lara pî mi ni kala kur tam kakal. 11 Ata yima a nga ina, irazi ni ngad’a yam abo mazi ma fid’ina, a nga pret tazi d’i. Wani a i ni irazi abo ma avorozina d’ingêr bei pret tazi ba. 12 Tcherebêna hliwizi pet, nala, huyogoziya, aboziya, ki gigingâziya, a ni oîd’a ki ira. Pusâ abom ma fid’ina pî mi ni oîd’a ki ira nguid’a woi d’uhl mi. 13 An hum a nga yi abo pusâ ala Mbirlimba. 14 Tcherebê ma lara pî iramî fifid’i. Ma avo’â iram hle tat ni d’igi ir tcherebêna na, ma mbàna iram hle tat ni d’igi ir sana na, ma hindina iram hle tat ni d’igi ir azlona na, ma fid’ina iram hle tat ni d’igi ir b’aruna na mi. 15 Tcherebêna a nga pir akulo. Azi nahle suma ari suma an wazi avun alum ma Kebar-rîna. 16 Ata yima tcherebêna a nga gigingâzi á pir akulo woi yam andagad’ina, abo pusâ nga mi pret tam mbei yima ding nguo mi. 17 Ata yima tcherebêna a nga tcholâ, abo pusâ mi tchol mi. Ata yima azi nga pir akulona, mi nga mi pir akulo ki sed’ezi mi, kayam muzu’â hahle suma arinina mi nga kurum mi.
Subura hi Ma didinid’a ti nde woi kur gong mamba
18 Subura hi Ma didinid’a ti ndeï woi avun yima kala hi gong nga kud’orina, ti i d’i kak yam tcherebêna. 19 Tcherebêna a nga gigingâzi á pir rei akulo yam andagad’a, an wazi a nga i zlapa kabo pusâ. A tchol avun yima kala hi vun agre’â hi gong nga kud’ora hi Ma didinid’ina abo ma yorogona, subura hAlona hi Israel-lîd’a ti nga kazi akulo mi. 20 Azi nahle suma ari suma an wazi kä ad’u Alona hi Israel-lâ avun alum ma Kebar-rîna. An wazi ala azi ni tcherebêna. 21 Ma lara pî, iramî fifid’i, ma lara pî, gigingâmî fifid’i mi. Vana nga ad’u gigingâzi kä d’igi abo sana na. 22 Irazi ti hle tat ni d’igi d’a an wad’ï avun alum ma Kebar-rîd’a na. Ma lara pî, mi i iram nabo ma avoroma.
