Nehemi mi hulong ahlena teteng ata blangâziya
1 Kur biza ndata a ndum mbaktumba hi Moise-sa avok suma, a fe b’ira kä ala: Suma Amon-na ki suma Mowap-ma a kal kur toka hAlonid’a d’i. 2 Kayam azi d’ugol nga Israel-lâ ki tena ki mbina d’i, kayam azi kak djangûna ki sed’eziya, a wurak beged’a mi Baläm ala mi gazi vuna, wani Alo meina mi mbut vun ma ged’a b’e vuna mi. 3 Ata yima Israel-lâ a hum gatina, a wal tazi woi kangoyogeina.
4 Avok ahle ndazina ma ngat buzuna Eliyasip ma a tinim á ngom hur gong nga kud’ora hAlo meinid’ina, mam mi sumad’a ki Tobiya, 5 mi hum hur gong nga ngol la avok a nga tchuk he d’a hawad’a kuad’a, nala, ahle suma a pad’azi vunazi yam suma ngat buzunina, dubang ma his djivid’ina, ahle suma sun suma kur gong nga kud’ora hAlonid’ina, dim ma awuna, süm ma bei ned’a ki mbulâ. Azi nahle suma a he vuna kazi á hazi mi suma hi Levi-na ki suma hle sawala ki suma ngom vun gongîyonina.
6 Ata yima ahle ndazina a lena, an nga avo Jerusalem mbi. An hulong gen Artazerses amul ma Babilon-na, kur biza d’a dok hindi yam mbà d’a mam nga mi tamulid’a. Bugol biza ndata an djobom mi han mbaktumba, 7 an i Jerusalem, an wahle suma tcho suma Eliyasip mi lazina, nala, mi tin Tobiya kur gulumuna hi gong nga kud’ora hAlonid’ina. 8 An hurun zal ngola, an dur ahlena hi Tobiya-na woi abu pepet. 9 Bugola, an he vuna ala a mbut hur gonga yed’et, a hulong tchuk ahle suma a le ki sunda kur gong nga kud’ora hAlonid’ina ki he d’a hawad’a awuna ki dubang ma his djivid’ina kur gong ndata.
10 An hum kua ala a nga he te ma a ngam yam suma hi Levi-nina d’i. Kayam ndata, suma hi Levi-na ki suma hle sawal suma a tinizi a le sundina a ringâ, nge nge pî mi i ata asinem á zuma. 11 An ngop suma nglona, an dazi ala: Ni kayam me ba, agi noyôgi gong nga kud’ora hAlonid’a woi ge? An tok suma hi Levi-na ki suma hle sawala, an hulongôzi kur sun mazid’a. 12 Ata yi máma suma Juda-na a nde mba ki dim ma awuna ki dim ma süm ma bei ned’a ki dim ma mbul olifâ kur gong nga ngom ahlena. 13 An he sun nda ngom ahlena nabo ma ngat buzuna Selemiya, Sadok ma b’ir mbaktumba ki Pedaya ma aduk suma hi Levi-nina, zlapa ki ma nga mi le sunda ki sed’ezina Hanan Zakur gorom ma Mataniya gorom ngolonina, kayam azi ni suma iratna. Ni azi ba, an tinizi á b’rau ahlena mi b’oziyozina.
14 An tchen Alona ala: Alo mana, ang djib’er kan yam ahlena pet suma an lazina, ang mar yam sun nda an lat yam gong nga kud’ora hi ang Alo manid’a d’i, yam ahle suma ndak á ngombina d’uo mi.
15 Kur biza ndata an we suma yam ambas sa Juda-d’a a nga miret vud’a guguzlud’a ata yima mired’et kuana kur bur ma sabatna. Suma dingâ a nga yoï awuna ki süm guguzlud’a ki vud’a tuluma kandjaf ahlena teteng yam koro mazina, a kal ki sed’ezi kur Jerusalem kur bur ma sabatna. Ata yima azi nga guzuzi woina, an ngoboziya. 16 Suma Tir suma a nga kaka avo Jerusalem-ma a mba ki kulufâ kandjaf ahlena teteng á gusa woyo, a guzuzi woi kur bur ma sabatna abo suma Juda-na avo Jerusalem. 17 An ngop suma nglo suma Juda-na, an dazi ala: Agi lagi ni suna me d’a tcho d’a hina d’a á b’lagagi ki bur ma sabatna na ge? 18 Abuyogi ngolo a le ni hina ba, Alo meina mi mba ki ndak ka wanda kei kazì mei ma ngolâ mi d’uo zu? Agi nga b’lagagi bur ma sabatna á zalam hurum yam Israel-lâ d’ei zu?
19 Ata yi máma an he vuna ala le yina mi ar go á rumîd’a ni, a duk vun agrek ma Jerusalem-ma akulo avok ad’u tinda hi bur ma sabatna; bei bur ma sabatna dap ba ni, sa malam mbei d’i. An tin azungeî man suma dingâ á ngom vun agre’â tala ar suma a mba kahle suma gusa kur bur ma sabatna d’uo d’a. 20 Suma mbut abozina a mba kandjaf ahle suma gusa teteng, a bur kä avun agrek ma Jerusalem-ma yazi tu d’oze mbàna. 21 Ata yi máma an ngobozi ala: Ni kayam me ba, agi burugi kä avun azina abu ge? Le agi lagi kua d’eyu ni, an mba ni yogiya.
Tin ad’ud’a kur bur máma azi hulong mba nga kahlena kur bur ma sabatna d’uo d’a. 22 An he vuna mi suma hi Levi-na ala a mbut tazi yed’et, a i ngom vun azina, a tin bur ma sabatna iram vamu.
An tchen Alona kua ala: Alo mana, ang djib’er kanu; kayam we hohou manga, ang ngomonu.
23 Kur biza ndata tata an we Juif suma dingâ a vik gro arop suma Asdot-na, suma Amon-na ki suma Mowap-ma. 24 Grozi suma dingâ a de ni vun Asdot-na, a we nga de vun Juif-fâ d’i, a de ni vuna hi suma dingîna teteng. 25 An ngoboziya, an nguluziya, an to suma dingâ, an ndjud’uzi tumus sa kazid’a woyo, an gunuzi ki simiyê Alona ala: Ar agi hagi grogi suma aropma mi grozina d’i, ar agi vigizi grozi suma aropma mi grogina d’oze mi agi tagid’a d’uo mi. 26 Salomon amul ma Israel-lâ mi le ni hina ba, mi le ki tchod’a d’uo zu? Aduk andjafâ hi suma pet amul ma d’igi mam na na nga d’i. Alo mama hurum vum heî, mi tinim amula yam Israel-lâ pet. Wani andjaf arop suma dingâ a tanam kur tchod’a. 27 Agi min ala ami tit blogogi á le tcho d’a ngol la hina d’a avok Alo meina tala ami vigimi andjaf arop suma dingâ mi d’a zu?
28 Jojada gorom ma dingâ tu ni ma ngol ma ngat buzuna Eliyasip gorom ngolona, mam mi Sanbalat ma Horon-na akunoma. Kayam ndata, an digim mbei dei ki sed’en avo Jerusalem.
29 An tchen Alona kua ala: Alo mana, ang djib’er kaziya, kayam azi mbut sun nda ngat buzuna ki vun ma djin ma suma ngat buzuna ki suma hi Levi-na a djinim ki sed’engâ ndjendjed’a.
30 An mbud’uzi woi yed’et kur sun nda azi lat kandjaf suma dingîd’a, an tin gat ta ad’eng nga ndak ka suma ngat buzuna ki suma hi Levi-na a ngomota nge nge pî kur sun mamba, 31 an he vuna yam he d’a hawad’a hagu ma ngala ala a mbam ata yima a ngama kawu ma ne avo’â mi.
An tchen Alona kua ala: Alo mana, ang djib’er kanu, ang wan hohowon mi.
Nehemi mi hulong ahlena teteng ata blangâziya
1 Kur biza ndata a ndum mbaktumba hi Moise-sa avok suma, a fe b’ira kä ala: Suma Amon-na ki suma Mowap-ma a kal kur toka hAlonid’a d’i. 2 Kayam azi d’ugol nga Israel-lâ ki tena ki mbina d’i, kayam azi kak djangûna ki sed’eziya, a wurak beged’a mi Baläm ala mi gazi vuna, wani Alo meina mi mbut vun ma ged’a b’e vuna mi. 3 Ata yima Israel-lâ a hum gatina, a wal tazi woi kangoyogeina.
4 Avok ahle ndazina ma ngat buzuna Eliyasip ma a tinim á ngom hur gong nga kud’ora hAlo meinid’ina, mam mi sumad’a ki Tobiya, 5 mi hum hur gong nga ngol la avok a nga tchuk he d’a hawad’a kuad’a, nala, ahle suma a pad’azi vunazi yam suma ngat buzunina, dubang ma his djivid’ina, ahle suma sun suma kur gong nga kud’ora hAlonid’ina, dim ma awuna, süm ma bei ned’a ki mbulâ. Azi nahle suma a he vuna kazi á hazi mi suma hi Levi-na ki suma hle sawala ki suma ngom vun gongîyonina.
6 Ata yima ahle ndazina a lena, an nga avo Jerusalem mbi. An hulong gen Artazerses amul ma Babilon-na, kur biza d’a dok hindi yam mbà d’a mam nga mi tamulid’a. Bugol biza ndata an djobom mi han mbaktumba, 7 an i Jerusalem, an wahle suma tcho suma Eliyasip mi lazina, nala, mi tin Tobiya kur gulumuna hi gong nga kud’ora hAlonid’ina. 8 An hurun zal ngola, an dur ahlena hi Tobiya-na woi abu pepet. 9 Bugola, an he vuna ala a mbut hur gonga yed’et, a hulong tchuk ahle suma a le ki sunda kur gong nga kud’ora hAlonid’ina ki he d’a hawad’a awuna ki dubang ma his djivid’ina kur gong ndata.
10 An hum kua ala a nga he te ma a ngam yam suma hi Levi-nina d’i. Kayam ndata, suma hi Levi-na ki suma hle sawal suma a tinizi a le sundina a ringâ, nge nge pî mi i ata asinem á zuma. 11 An ngop suma nglona, an dazi ala: Ni kayam me ba, agi noyôgi gong nga kud’ora hAlonid’a woi ge? An tok suma hi Levi-na ki suma hle sawala, an hulongôzi kur sun mazid’a. 12 Ata yi máma suma Juda-na a nde mba ki dim ma awuna ki dim ma süm ma bei ned’a ki dim ma mbul olifâ kur gong nga ngom ahlena. 13 An he sun nda ngom ahlena nabo ma ngat buzuna Selemiya, Sadok ma b’ir mbaktumba ki Pedaya ma aduk suma hi Levi-nina, zlapa ki ma nga mi le sunda ki sed’ezina Hanan Zakur gorom ma Mataniya gorom ngolonina, kayam azi ni suma iratna. Ni azi ba, an tinizi á b’rau ahlena mi b’oziyozina.
14 An tchen Alona ala: Alo mana, ang djib’er kan yam ahlena pet suma an lazina, ang mar yam sun nda an lat yam gong nga kud’ora hi ang Alo manid’a d’i, yam ahle suma ndak á ngombina d’uo mi.
15 Kur biza ndata an we suma yam ambas sa Juda-d’a a nga miret vud’a guguzlud’a ata yima mired’et kuana kur bur ma sabatna. Suma dingâ a nga yoï awuna ki süm guguzlud’a ki vud’a tuluma kandjaf ahlena teteng yam koro mazina, a kal ki sed’ezi kur Jerusalem kur bur ma sabatna. Ata yima azi nga guzuzi woina, an ngoboziya. 16 Suma Tir suma a nga kaka avo Jerusalem-ma a mba ki kulufâ kandjaf ahlena teteng á gusa woyo, a guzuzi woi kur bur ma sabatna abo suma Juda-na avo Jerusalem. 17 An ngop suma nglo suma Juda-na, an dazi ala: Agi lagi ni suna me d’a tcho d’a hina d’a á b’lagagi ki bur ma sabatna na ge? 18 Abuyogi ngolo a le ni hina ba, Alo meina mi mba ki ndak ka wanda kei kazì mei ma ngolâ mi d’uo zu? Agi nga b’lagagi bur ma sabatna á zalam hurum yam Israel-lâ d’ei zu?
19 Ata yi máma an he vuna ala le yina mi ar go á rumîd’a ni, a duk vun agrek ma Jerusalem-ma akulo avok ad’u tinda hi bur ma sabatna; bei bur ma sabatna dap ba ni, sa malam mbei d’i. An tin azungeî man suma dingâ á ngom vun agre’â tala ar suma a mba kahle suma gusa kur bur ma sabatna d’uo d’a. 20 Suma mbut abozina a mba kandjaf ahle suma gusa teteng, a bur kä avun agrek ma Jerusalem-ma yazi tu d’oze mbàna. 21 Ata yi máma an ngobozi ala: Ni kayam me ba, agi burugi kä avun azina abu ge? Le agi lagi kua d’eyu ni, an mba ni yogiya.
Tin ad’ud’a kur bur máma azi hulong mba nga kahlena kur bur ma sabatna d’uo d’a. 22 An he vuna mi suma hi Levi-na ala a mbut tazi yed’et, a i ngom vun azina, a tin bur ma sabatna iram vamu.
An tchen Alona kua ala: Alo mana, ang djib’er kanu; kayam we hohou manga, ang ngomonu.
23 Kur biza ndata tata an we Juif suma dingâ a vik gro arop suma Asdot-na, suma Amon-na ki suma Mowap-ma. 24 Grozi suma dingâ a de ni vun Asdot-na, a we nga de vun Juif-fâ d’i, a de ni vuna hi suma dingîna teteng. 25 An ngoboziya, an nguluziya, an to suma dingâ, an ndjud’uzi tumus sa kazid’a woyo, an gunuzi ki simiyê Alona ala: Ar agi hagi grogi suma aropma mi grozina d’i, ar agi vigizi grozi suma aropma mi grogina d’oze mi agi tagid’a d’uo mi. 26 Salomon amul ma Israel-lâ mi le ni hina ba, mi le ki tchod’a d’uo zu? Aduk andjafâ hi suma pet amul ma d’igi mam na na nga d’i. Alo mama hurum vum heî, mi tinim amula yam Israel-lâ pet. Wani andjaf arop suma dingâ a tanam kur tchod’a. 27 Agi min ala ami tit blogogi á le tcho d’a ngol la hina d’a avok Alo meina tala ami vigimi andjaf arop suma dingâ mi d’a zu?
28 Jojada gorom ma dingâ tu ni ma ngol ma ngat buzuna Eliyasip gorom ngolona, mam mi Sanbalat ma Horon-na akunoma. Kayam ndata, an digim mbei dei ki sed’en avo Jerusalem.
29 An tchen Alona kua ala: Alo mana, ang djib’er kaziya, kayam azi mbut sun nda ngat buzuna ki vun ma djin ma suma ngat buzuna ki suma hi Levi-na a djinim ki sed’engâ ndjendjed’a.
30 An mbud’uzi woi yed’et kur sun nda azi lat kandjaf suma dingîd’a, an tin gat ta ad’eng nga ndak ka suma ngat buzuna ki suma hi Levi-na a ngomota nge nge pî kur sun mamba, 31 an he vuna yam he d’a hawad’a hagu ma ngala ala a mbam ata yima a ngama kawu ma ne avo’â mi.
An tchen Alona kua ala: Alo mana, ang djib’er kanu, ang wan hohowon mi.
