Vun til ma Pa’â
1 Moise mi de kua ala: Agi ngomogi til ma a yum ala Abip-ma, agi lagi vun til ma Pa’â á subur Ma didina Alo magina. Kayam ni kur til ma Abip-ma ba, Ma didina Alo magina mi buzugugï woi avo Ezipte andjege. 2 Agi ngad’agi d’uwar ma nglona ki ma gureina Pa’â mi Ma didina Alo magina ata yima mam mba mi manam á kak kuana. 3 Ata yima agi lagi vun tilîna, agi tagi avungô ma a lum kangufina d’i, wani agi tagi navungô ma a lum bei angufina gak burâ kid’iziya. Navungô ma djib’era, kayam agi buzugugï woi kur ambas sa Ezipte-d’a ni ki b’at tad’a. Agi mba djib’eregi yam bur ma agi buzugugï woi yam ambas sa Ezipte-d’ina burâ ki burâ ata yima agi nga ki iragi yam andagad’ina. 4 Ar sa mi wangufa avo hatagi d’oze yam ambas magid’a kur bur ma kid’iziya máma d’i. Hliuna hi vama agi mba ngad’am ki fladeged’a kur bur ma avo’îna, agi aram akulo gak tcha yorogo d’i. 5 Agi ndak nga á ngad’agi ahle suma Pa’â ata yima lara ma Ma didina mi manam nga á kak kua d’uo na d’i. 6 Wani nata yima Ma didina Alo magina mba mi manam á kak kuana ba, agi mba ngad’agi ahle suma Pa’â kua ki fladege d’a afata i nikid’a ata ler ra agi buzugugï woi avo Ezipte-d’a. 7 Agi mba yagi hliu va mama, agi mba tagizi ata yima Ma didina Alo magina mba mi manama. Yorogod’a agi hulongôgi igi kur zlub’u magid’a. 8 Agi tagi avungô ma a lum bei angufina gak burâ karagaya kur bur ma kid’iziyana, agi togogi tok ka ngola avok Ma didina Alo magina. Ar agi lagi sun kur bur máma d’i.
Vun til ma Pantekot-na
9 Moise mi de kua ala: Agi mba ndumugi dimasa ndundum kid’iziya, agi tinigi ad’ud’a ndumba ni kur bur ma agi mba tinigi ad’ud’a á ze geme maginina. 10 Bugola, agi lagi vun til ma Pantekot-na á he ngola mi Ma didina Alo magina. Agi mbagi ki he d’a hawa d’a kur min magid’id’a, ngad’a yam b’e vun ma Ma didina Alo magina mba mi b’agizi kagina. 11 Agi ki grogi suma andjofâ ki grogi suma aropma kazungeî magina ki yugunei magina ki ma hi Levi ma mba mi kak avo hatagina zlapa kangeina ki ma hokuyod’a katcha d’a modonod’a suma a mba kak adigagina, agi lagi furîd’a avok Ma didina Alo magina ata yima mam mi manam á kak kuana. 12 Ata yi máma agi djib’eregi ala adjeu agi ei ni magomba Ezipte, agi ngomogi gat ndata, agi tid’igi kat mi.
Vun til ma zlub’ud’a
13 Moise mi de kua ala: Le agi togiya wa awu magina, le agi mired’egiya wa guguzlu magid’a da ni, agi lagi vun til ma zlub’ud’a gak burâ kid’iziya. 14 Agi ki grogi suma andjofâ ki grogi suma aropma kazungeî magina ki yugunei magina ki ma hi Levi-na kangeina ki ma hokuyod’a katcha d’a modonod’a suma a mba kak avo hatagina, agi lagi furîd’a kur vun til máma. 15 Agi lagi vun til ma he ngola mi Ma didina Alo magina máma gak burâ kid’iziya ata yima mam mba mi manama. Agi lagi furî d’a ngola, kayam Ma didina Alo magina mba mi b’e vunam kawu magina mba mi nde duta, mba mi b’e vunam kagi kur sun nda lara ge pet ta agi mba lata mi.
16 Kur bizad’a tu andjuvei magina pet a i avok Ma didina Alo magina yazi hindi ata yima mam mba mi manam á le vun til ma a lum kavungô ma a lum bei angufina, á le vun til ma Pantekot-na, á le vun til ma zlub’ud’a mi. Ar sa mi i avok Ma didina Alo magina abom hawa d’i. 17 Ar nge nge pî mi he ni vama ndak yam b’e vun ma Alo magina mba mi b’amzi kama.
Gat ta yam suma ka sariyad’id’a
18 Moise mi de kua ala: Agi tinigi suma ka sariyad’a ki suma nglo suma kazina hur azì ma lara ge pet ma Alo magina mba mi hagizina ad’u andjavagiya. Azi ka sariyad’a hi sumid’a ni ki d’ingêra. 19 Ar agi b’lagagi sariya d’a d’ingêra d’i, ar agi managi sana yam iram go d’i. Ar agi vagi he d’a hawa d’a mbut ira abo sa d’i, kayam he d’a hawa d’a mbut ira nga d’i duk ir suma ned’a woi á b’lak zlad’a hi suma d’ingêrîd’a. 20 Agi kagi sariya d’a d’ingêra, agi tid’igi kad’u, kayambala agi kagagi yam ambas sa Ma didina Alo magina mba mi hagizi á tat djona wanda d’a.
Alona mi d’el suma á tuwal fileina
21 Moise mi de kua ala: Ar agi pagi agu ma fileina gen yima ngal ahle suma ngat buzu ma agi mba minim mi Ma didina Alo maginina d’i. 22 Agi pagi ahina d’a fileina gevem mbuo mi, kayam ni vama Ma didina Alo magina nga mi minim mbuo na.
Vun til ma Pa’â
1 Moise mi de kua ala: Agi ngomogi til ma a yum ala Abip-ma, agi lagi vun til ma Pa’â á subur Ma didina Alo magina. Kayam ni kur til ma Abip-ma ba, Ma didina Alo magina mi buzugugï woi avo Ezipte andjege. 2 Agi ngad’agi d’uwar ma nglona ki ma gureina Pa’â mi Ma didina Alo magina ata yima mam mba mi manam á kak kuana. 3 Ata yima agi lagi vun tilîna, agi tagi avungô ma a lum kangufina d’i, wani agi tagi navungô ma a lum bei angufina gak burâ kid’iziya. Navungô ma djib’era, kayam agi buzugugï woi kur ambas sa Ezipte-d’a ni ki b’at tad’a. Agi mba djib’eregi yam bur ma agi buzugugï woi yam ambas sa Ezipte-d’ina burâ ki burâ ata yima agi nga ki iragi yam andagad’ina. 4 Ar sa mi wangufa avo hatagi d’oze yam ambas magid’a kur bur ma kid’iziya máma d’i. Hliuna hi vama agi mba ngad’am ki fladeged’a kur bur ma avo’îna, agi aram akulo gak tcha yorogo d’i. 5 Agi ndak nga á ngad’agi ahle suma Pa’â ata yima lara ma Ma didina mi manam nga á kak kua d’uo na d’i. 6 Wani nata yima Ma didina Alo magina mba mi manam á kak kuana ba, agi mba ngad’agi ahle suma Pa’â kua ki fladege d’a afata i nikid’a ata ler ra agi buzugugï woi avo Ezipte-d’a. 7 Agi mba yagi hliu va mama, agi mba tagizi ata yima Ma didina Alo magina mba mi manama. Yorogod’a agi hulongôgi igi kur zlub’u magid’a. 8 Agi tagi avungô ma a lum bei angufina gak burâ karagaya kur bur ma kid’iziyana, agi togogi tok ka ngola avok Ma didina Alo magina. Ar agi lagi sun kur bur máma d’i.
Vun til ma Pantekot-na
9 Moise mi de kua ala: Agi mba ndumugi dimasa ndundum kid’iziya, agi tinigi ad’ud’a ndumba ni kur bur ma agi mba tinigi ad’ud’a á ze geme maginina. 10 Bugola, agi lagi vun til ma Pantekot-na á he ngola mi Ma didina Alo magina. Agi mbagi ki he d’a hawa d’a kur min magid’id’a, ngad’a yam b’e vun ma Ma didina Alo magina mba mi b’agizi kagina. 11 Agi ki grogi suma andjofâ ki grogi suma aropma kazungeî magina ki yugunei magina ki ma hi Levi ma mba mi kak avo hatagina zlapa kangeina ki ma hokuyod’a katcha d’a modonod’a suma a mba kak adigagina, agi lagi furîd’a avok Ma didina Alo magina ata yima mam mi manam á kak kuana. 12 Ata yi máma agi djib’eregi ala adjeu agi ei ni magomba Ezipte, agi ngomogi gat ndata, agi tid’igi kat mi.
Vun til ma zlub’ud’a
13 Moise mi de kua ala: Le agi togiya wa awu magina, le agi mired’egiya wa guguzlu magid’a da ni, agi lagi vun til ma zlub’ud’a gak burâ kid’iziya. 14 Agi ki grogi suma andjofâ ki grogi suma aropma kazungeî magina ki yugunei magina ki ma hi Levi-na kangeina ki ma hokuyod’a katcha d’a modonod’a suma a mba kak avo hatagina, agi lagi furîd’a kur vun til máma. 15 Agi lagi vun til ma he ngola mi Ma didina Alo magina máma gak burâ kid’iziya ata yima mam mba mi manama. Agi lagi furî d’a ngola, kayam Ma didina Alo magina mba mi b’e vunam kawu magina mba mi nde duta, mba mi b’e vunam kagi kur sun nda lara ge pet ta agi mba lata mi.
16 Kur bizad’a tu andjuvei magina pet a i avok Ma didina Alo magina yazi hindi ata yima mam mba mi manam á le vun til ma a lum kavungô ma a lum bei angufina, á le vun til ma Pantekot-na, á le vun til ma zlub’ud’a mi. Ar sa mi i avok Ma didina Alo magina abom hawa d’i. 17 Ar nge nge pî mi he ni vama ndak yam b’e vun ma Alo magina mba mi b’amzi kama.
Gat ta yam suma ka sariyad’id’a
18 Moise mi de kua ala: Agi tinigi suma ka sariyad’a ki suma nglo suma kazina hur azì ma lara ge pet ma Alo magina mba mi hagizina ad’u andjavagiya. Azi ka sariyad’a hi sumid’a ni ki d’ingêra. 19 Ar agi b’lagagi sariya d’a d’ingêra d’i, ar agi managi sana yam iram go d’i. Ar agi vagi he d’a hawa d’a mbut ira abo sa d’i, kayam he d’a hawa d’a mbut ira nga d’i duk ir suma ned’a woi á b’lak zlad’a hi suma d’ingêrîd’a. 20 Agi kagi sariya d’a d’ingêra, agi tid’igi kad’u, kayambala agi kagagi yam ambas sa Ma didina Alo magina mba mi hagizi á tat djona wanda d’a.
Alona mi d’el suma á tuwal fileina
21 Moise mi de kua ala: Ar agi pagi agu ma fileina gen yima ngal ahle suma ngat buzu ma agi mba minim mi Ma didina Alo maginina d’i. 22 Agi pagi ahina d’a fileina gevem mbuo mi, kayam ni vama Ma didina Alo magina nga mi minim mbuo na.
