1 Robowam mi mba avo Jerusalem, mi tok suma hi Juda-na ki suma hi Benjamin suma a we durîna 180.000 á i dur Israel suma abo ma norâ á hulongôzi ad’umu. 2 Wani Ma didina mi de mi ma djogom vunama Semaya ala: 3 Ang i de mi Robowam Salomon goroma amul ma Juda-na ki Israel suma a nga kaka aduk suma Juda-na aduk suma Benjamin-nina ala: 4 Wana ni zla d’a Ma didina mi data: Agi i durugi ayîna ki b’oziyogina d’i. Ar nge nge pî adigagi mi hulong avo hatamu, kayam ahle suma a le ndazina a tcholï natanu.
Ata yima azi hum zlad’a hi Ma didinid’ina, a ge yazi kä ad’u zla ndata, a hulong avo bei i dur ayîna ki Jerobowam ba.
Robowam mi min azì ma nglona teteng
5 Robowam mi kak avo Jerusalem, mi min azì ma nglo ma ad’eng ma ngunguna avo Juda. 6 Mi min Betelehem, Etam, Tekowa, 7 Bet-Sur, Soko, Adulam, 8 Gat, Maresa, Zif, 9 Adorayim, Lakis, Azeka, 10 Sora, Ajalon ki Hebron. Azì máma pet nazì ma nglo ma ad’eng ma ngungu ma yam andaga d’a Juda-d’a ki d’a Benjamin-ndina. 11 Robowam mi ngui azì ma nglo máma ki gulumun ma ad’engâ, mi tin suma te yamba kua, mi ngom ahle suma tena ki mbulâ ki süm guguzlud’a kua mi. 12 Kur azì ma nglo máma, ma lara pî mi nga ki mboriyo suma nglona kasubiyona kua. Ni kayam azì ma ad’eng máma ba, mam fad’enga á te yam suma hi Juda-na ki suma hi Benjamin-na mi.
Suma ngat buzuna ki Levi-na a djin vunazi ki Robowam
13 Suma ngat buzuna ki suma hi Levi suma a nga yam andaga d’a Israel-lina pet, a mba a djin zla mazid’a ki Robowam. 14 Suma hi Levi-na a ar yazi ma kaka kahle mazina woyo, a i yam andaga d’a Juda-d’a avo Jerusalem, kayam Jerobowam ki groma a d’elezi á le sun mazi d’a ngat buzuna mi Ma didina. 15 Jerobowam mi man suma ngat buzuna á kud’or alo ma hawa yak ma hle tam d’igi mbekmberena d’oze amuhlâ na ma mam tinim iram vam ata yima ndingîna. 16 Suma ad’u andjafâ hi Israel-lâ pet suma a tin huruzi á kud’or Ma didina Alona hi Israel-lîna a i ad’u suma hi Levi-na avo Jerusalem á hahle suma ngat buzuna mi Ma didina Alona hi abuyozi ngolona. 17 Azi had’enga mi leu d’a Juda-d’a, a sira Robowam Salomon goroma gak bizad’a hindi, kayam a tit bizad’a hindi kur lovota hi David-ta ki d’a hi Salomon-nda.
Suma hi Robowam-ma
18 Robowam mi ve Mahalat Jerimot ma David goromina goromba. Asut a yat ala Abisayil, ti ni Eliyap goromba, ti ni Jesse gorom ngolod’a. 19 Mahalat ti vud’um grona hindi, nala, Jeus, Semariya ki Zaham. 20 Bugola, Robowam mi ve Mäka Apsalom goromba, ti vud’um grona fid’i, nala, Abiya, Atai, Ziza ki Selomit. 21 Robowam mi le yam Mäka Apsalom goromba kal amiyôm suma ding suma d’umba kamiyôm suma gurei suma mi vigizi akulo hawana pet. Amiyôm suma d’umba a ni dogo yam klavandi, suma gurei suma mam vigizi akulo hawana ni dok karagaya mi. Grom suma andjofâ a ni dok mbà yam klavandi, suma aropma a ni dok karagaya mi. 22 Robowam mi tin goroma Abiya ma Mäka gorotnina ngola avok sum mama, mi tinim amula yam b’oziyoma, kayam mi nga hurum ala mi tinim amula. 23 Mi nga ki d’alâ á b’rau grom suma dingâ woi kur azì ma nglo ma ad’eng ma ngungu ma yam andaga d’a hi Juda-d’a ki d’a hi Benjamin-ndina pet, mi hazi tena ngola, mi vigizi aropma ablaud’a mi.
1 Robowam mi mba avo Jerusalem, mi tok suma hi Juda-na ki suma hi Benjamin suma a we durîna 180.000 á i dur Israel suma abo ma norâ á hulongôzi ad’umu. 2 Wani Ma didina mi de mi ma djogom vunama Semaya ala: 3 Ang i de mi Robowam Salomon goroma amul ma Juda-na ki Israel suma a nga kaka aduk suma Juda-na aduk suma Benjamin-nina ala: 4 Wana ni zla d’a Ma didina mi data: Agi i durugi ayîna ki b’oziyogina d’i. Ar nge nge pî adigagi mi hulong avo hatamu, kayam ahle suma a le ndazina a tcholï natanu.
Ata yima azi hum zlad’a hi Ma didinid’ina, a ge yazi kä ad’u zla ndata, a hulong avo bei i dur ayîna ki Jerobowam ba.
Robowam mi min azì ma nglona teteng
5 Robowam mi kak avo Jerusalem, mi min azì ma nglo ma ad’eng ma ngunguna avo Juda. 6 Mi min Betelehem, Etam, Tekowa, 7 Bet-Sur, Soko, Adulam, 8 Gat, Maresa, Zif, 9 Adorayim, Lakis, Azeka, 10 Sora, Ajalon ki Hebron. Azì máma pet nazì ma nglo ma ad’eng ma ngungu ma yam andaga d’a Juda-d’a ki d’a Benjamin-ndina. 11 Robowam mi ngui azì ma nglo máma ki gulumun ma ad’engâ, mi tin suma te yamba kua, mi ngom ahle suma tena ki mbulâ ki süm guguzlud’a kua mi. 12 Kur azì ma nglo máma, ma lara pî mi nga ki mboriyo suma nglona kasubiyona kua. Ni kayam azì ma ad’eng máma ba, mam fad’enga á te yam suma hi Juda-na ki suma hi Benjamin-na mi.
Suma ngat buzuna ki Levi-na a djin vunazi ki Robowam
13 Suma ngat buzuna ki suma hi Levi suma a nga yam andaga d’a Israel-lina pet, a mba a djin zla mazid’a ki Robowam. 14 Suma hi Levi-na a ar yazi ma kaka kahle mazina woyo, a i yam andaga d’a Juda-d’a avo Jerusalem, kayam Jerobowam ki groma a d’elezi á le sun mazi d’a ngat buzuna mi Ma didina. 15 Jerobowam mi man suma ngat buzuna á kud’or alo ma hawa yak ma hle tam d’igi mbekmberena d’oze amuhlâ na ma mam tinim iram vam ata yima ndingîna. 16 Suma ad’u andjafâ hi Israel-lâ pet suma a tin huruzi á kud’or Ma didina Alona hi Israel-lîna a i ad’u suma hi Levi-na avo Jerusalem á hahle suma ngat buzuna mi Ma didina Alona hi abuyozi ngolona. 17 Azi had’enga mi leu d’a Juda-d’a, a sira Robowam Salomon goroma gak bizad’a hindi, kayam a tit bizad’a hindi kur lovota hi David-ta ki d’a hi Salomon-nda.
Suma hi Robowam-ma
18 Robowam mi ve Mahalat Jerimot ma David goromina goromba. Asut a yat ala Abisayil, ti ni Eliyap goromba, ti ni Jesse gorom ngolod’a. 19 Mahalat ti vud’um grona hindi, nala, Jeus, Semariya ki Zaham. 20 Bugola, Robowam mi ve Mäka Apsalom goromba, ti vud’um grona fid’i, nala, Abiya, Atai, Ziza ki Selomit. 21 Robowam mi le yam Mäka Apsalom goromba kal amiyôm suma ding suma d’umba kamiyôm suma gurei suma mi vigizi akulo hawana pet. Amiyôm suma d’umba a ni dogo yam klavandi, suma gurei suma mam vigizi akulo hawana ni dok karagaya mi. Grom suma andjofâ a ni dok mbà yam klavandi, suma aropma a ni dok karagaya mi. 22 Robowam mi tin goroma Abiya ma Mäka gorotnina ngola avok sum mama, mi tinim amula yam b’oziyoma, kayam mi nga hurum ala mi tinim amula. 23 Mi nga ki d’alâ á b’rau grom suma dingâ woi kur azì ma nglo ma ad’eng ma ngungu ma yam andaga d’a hi Juda-d’a ki d’a hi Benjamin-ndina pet, mi hazi tena ngola, mi vigizi aropma ablaud’a mi.
