Biza d’a sabat ta tuk ta d’a yam andagad’id’a
1 Ma didina mi de mi Moise yam ahina d’a Sinai-d’a ala: 2 Ang i de mi Israel-lâ ala:
Fata agi kalagi kur ambas sa an nga ni hagizid’a, agi aragi andagad’a ti gumur kä; biza ndata mba d’i mbut ni biza d’a sabat ta agi mba suburun kuad’a. 3 Ang zum asineng gak bizad’a karagaya. Kur biza d’a karagaya ndata, ang tchau abo guguzlu manga, ang dud’ut vud’ut mi. 4 Wani biza d’a kid’iziyad’a mba d’i mbut ni biza d’a sabat ta tuk tad’a yam andagad’a. Ni biza d’a sabat ta agi mba suburun an Ma didina kuad’a. Ang zum asineng ngi, ang tchau abo guguzlu manga woi d’uo mi. 5 Ang dut awu ma magor ma mi deî kur biza ndatina d’i, ang dut abo guguzlu d’a ang arat bei tchaud’a kur biza ndatid’a d’uo mi. Biza ndata ti arî biza d’a sabat ta tuk tad’a yam andagad’a. 6 Ni yam tuk tad’a handaga ndatid’a ba, agi mba fagi ki tena, nala, angû, azong mangâ ki wei manga, sama lang sunda yam beged’ina kangei ma nga kaka ki sed’engâ, 7 d’uwar mangâ kazureina kamburei suma yam ambas mangina mi. Ahle suma vut kur biza ndatina pet a mba mbut ni te magina, a mba mbut ni te mazina mi.
Biza d’a ngol la furîd’a
8 Ma didina mi de kua ala: Agi ndumugi biza d’a sabat ta tuk tad’a handagad’id’a ndundum kid’iziya, nala, bizad’a dok fid’i yam zlengâ. 9 Kur bur ma dogona hi til ma kid’iziya ma kur biza ndatina, agi mba bugi adif fa furîd’a. Ni bur ma ngol ma zlup yam tchod’a. Agi bugi adifa kur ambas magid’a pet. 10 Biza d’a dok vahla, agi tinit irat vad’u, agi tchagi wala kur ambasa á tchuk suma akulo. Biza ndata mba d’i mbut ni biza d’a ngol la furîd’a. Nge nge pî adigagi mba mi hulong hle va mama, mba mi hulong ad’u adezem mi. 11 Biza d’a dok vahl ndata, mba d’i mbut ni biza d’a ngol la furîd’a; agi zumugi awuna kur ri, agi dud’ugi awu ma magor ma deî kur asinenina d’i, agi dud’ugi guguzlu d’a agi tchawat nga abot tei d’uo d’a d’uo mi. 12 Kayam ni biza d’a ngol la furîd’a, agi tinit irat vad’u, agi tagi nawu ma magor ma deî kur asinenina.
13 Kur biza d’a ngol la furî ndata, ar nge nge pî adigagi mi hulong hle va mama. 14 Le agi guzugi va woi abo tagi d’oze agi guzugi va abo tagiya ni, ar agi lagi ir tagi d’i. 15 Le agi guzugi va abo tagiya ni, agi tinigi ad’u d’a ndumba ei ni kur biza d’a ngol la furîd’a, agi wuragamî kahle suma a mba vut kur biza d’a nga d’i mbad’ina. 16 Le bizad’a ar avok ngola á fe biza d’a ngol la furîd’a tua ni, agi tinigi gusa hi va mámid’a ngola. Le bizad’a ar akid’eid’a ni, agi tinigi gusa hi va mámid’a akid’eid’a mi. Kayam ni ndumba hawu ma dut ma kur asine mámina ba, agi mba guzum kiya. 17 Ar sa adigagi mi le ir ndrama d’i, ar agi lagi mandara an Alo magina, kayam an ni Ma didina Alo magina.
18 Agi tid’igi yam gat manda, agi ngomogi vun man ma hed’a, agi lagi sunda kazi mi. Hina wani, agi mba kagagi ki halasa kur ambas magid’a. 19 Ambas ndata mba d’i wulugi awuna, agi mba tagiya, agi mba hobogiya, agi mba kagagi kua ki halasa mi.
20 Dam agi mba dagi ala: Ei mba tei ni me kur biza d’a kid’iziyad’a, kayam me ei mba zumi kur ri, ei mba dud’i awu kur ruo mi ge ni, 21 gola! An mba ni b’e vunan kagi kur biza d’a karagayad’a, mba d’i wulugi awuna ndak ir bizad’a hindi. 22 Agi mba zumugi ni kur biza d’a klavandid’a, agi mba tagi nawu ma adjeuna gak mba kur biza d’a zlengîd’a. Agi mba tagi nawu ma adjeuna gak agi mba dud’ugi kawu ma awili ma kur biza d’a zlengîd’ina.
Gat ta yam andaga d’a a guzut tei ki irat tuo d’a
23 Ma didina mi de kua ala: Agi ndak á guzugi andagad’a woi ki irat fafat ti, kayam andagad’a ni manda. Agi avo hatan ni d’igi angoyogeina ki suma kak ki sed’en ndjöna na. 24 Kur ambas sa agi mba tagi kata pet, agi tinigi gata á mbut andagad’a.
25 Le wiyengâ mbut houd’a mi gus abo siliu mamba woi nde ni, wiyem ma nga go ki sed’em ma nga ki lovota á mbud’utna, mi hulong mbut vama wiyema mi guzum mbeina. 26 Le sa máma mi nga ki sama mbut va máma d’uo, le mam tamba mi hal lovota á mbut yam vama mam guzum mbeina ni, 27 mi tinï ad’ud’a ndumba ni kur biza d’a mi guzum mbei kuad’a dei gak mi mba kur biza d’a mam min mbud’umba, mi wura’î yam biza d’a ar avok gak mba kur biza d’a ngol la furîd’id’a, tua ba mi hle va mama. 28 Le mi fe nga vama mi wurak kam mbuo ni, vama mi guzum mbeina, mi arî hi sama mi guzum aboma gak biza d’a ngol la furîd’a. Sama mam hum vanina, mba mi nde woi kur biza ndata; sala vana mi hulong hle va mama mi.
29 Le sana mi gus aziyam ma nga kur azì ma ngol ma a nguyum ki gulumunina woyo ni, lovota nga kam á mbud’um kur biza d’a tud’a. 30 Wani le sala azì máma mi mbud’um nga kur biza d’a tud’a d’uo ni, azì ma nga kur azì ma ngol ma a nguyum ki gulumuna máma, mi arî hi sama mi guzuma kandjavam ki iram fafat, mba mi nde woi kurum kur biza d’a ngol la furîd’a d’uo mi. 31 Wani azì ma abagei ma a nguyum nga ki gulumuna d’uo na, mba ndumumî d’igi andaga d’a kä hawad’a na. A mba guzum mbeyo, wani salam ma guzuma, mba mi nde woi kurum kur biza d’a ngol la furîd’a.
32 Wani yam azì ma nglona hi suma hi Levi-nina kazì ma azi nga ki sed’ema, a ndak á mbud’um yam kur atchogoi d’a lara ge pet. 33 Le sana mi gus azina abo suma hi Levi-na ni, mba mi nde woi kur azì ma sama hi Levi-nina mi guzum mbei máma, d’oze azì ma ngol ma mam nga kaka kuana, kur biza d’a ngol la furîd’a. Kayam azì ma nglona hi suma hi Levi-nina nazì mazina ki irazi fafat aduk Israel-lâ. 34 Asine ma huyok azì mazi ma nglonina, sa ndak á guzum mbei d’i, kayam azi arî suliyoma ki irazi fafat.
Gat ta yam sama hou ma mi nde vana abongâ
35 Ma didina mi de kua ala: Le wiyengâ mi nde houd’a, va nga abom mbuo ni, le nangeina d’oze le ni ma mba kak ki sed’eng yam ambas manga ndjöna pî, ang ndjunumu, kayam mi fe lovota á kak ki sed’engû. 36 Ar ang ve va abom ki mbina d’oze ang mbud’um iram kur fe mamba d’uo mi. Ang le ni mandara an Alo mangâ, ar wiyengâ mi kak ki sed’engû. 37 Ar ang hum bege d’a mbina d’i, ar ang hum awuna godjined’a d’uo mi, 38 kayam an ni Ma didina Alo magi ma pad’agï woi kur ambas sa Ezipte-d’a á hagi ambas sa Kanan-ndina, kayam ni kak Alo magina.
Gat ta a hat á mbut yam sanid’a
39 Ma didina mi de kua ala: Le wiyengâ mi nde houd’a, mi gus tam mbei abongû ni, ang tinim sun nda magomba kam mbi. 40 Ar mi kak avo hatang d’igi sama le sun nda yam beged’ina na, d’oze sama mba á kak yam ambas manga ndjöna na. Mam mba mi kak kur sun manga gagak biza d’a ngol la furîd’a. 41 Kur biza ndata, mba mi nde woi avo hatang ki groma, mba mi hulong ad’u adezem yam andagad’a hi simiyêmba. 42 Kayam azi ni magumei man suma an buzuguzï woi kur ambas sa Ezipte-d’ina, ar ang guzuzi woi d’igi a gus magumeina woi na d’i. 43 Ar ang te kam kad’enga d’i, wani ang lan mandaran an Alo mangâ.
44 Naduk andjaf ma mi nguyugina ba, ang mba fe magumei suma andjuveina ki suma aropma. Ni adigazi azi ba, ang mba gus magumeina. 45 Agi ndak á guzugi angoyogeina ki suma a nga kaka adigagina kandjavazi ma a mba vud’um yam ambas magid’ina. Azi mba arî sum magina. 46 Agi mba arazi djona mi grogi suma blogogina d’igi ahle mazina na, agi mba ngomoziya; azi mba arî magumei magina ki irazi fafat. Wani b’oziyogi suma Israel-lâ ar sa adigagi mi te yam wiyema kad’enga d’i.
47 Le angeina d’oze ma mba á kaka yam ambas manga ndjöna ni ma ndjondjoîna ba, le wiyengâ mi nde houd’a, mi gus tam mbei abo angei máma d’oze abo ma mi nga kaka yam ambas manga ndjöna d’oze abo andjaf angei máma ni, 48 lovota nga á mbud’um bugol la mi gus tam mbei dad’a. Wiyem ma dingâ mi ndak á mbud’umu. 49 Abum wiyema d’oze abum goroma d’oze wiyem ma nga go ki sed’ema, mi ndak á mbud’umu. Le mam tam nga ki va ni, mi ndak á mbut yam tamu. 50 Mam ki sama mam gus tam mbei aboma, a ndum bizad’a, a tinï ad’ud’a nata biza d’a mam gus tam mbei kura dei gak mba ata biza d’a ngol la furîd’a, a le gusa ni yam ablaud’a hi bizad’id’a, a mba ndumut ni d’igi sama mi le sunda yam beged’ina na. 51 Le bizad’a ar avok ngola tua ni, mi hulong beged’a yam mbut mamba ndak yam beged’a hi salama d’a ar kam kur biza d’a ar avokid’a. 52 Le bizad’a ar akid’eid’a á tcha ata biza d’a ngol la furîd’a ni, mi ndum bege d’a mbut tamba ndak yam biza d’a ar avogom ndata. 53 Mam mba mi kak avo hi salama kur biza d’a ara, ni d’igi sama le sunda yam beged’ina na. Salama mba mi te kam kad’enga avorogi d’i. 54 Le mi mbut nga tam hina d’uo ni, mba mi nde woi ki groma ni kur biza d’a ngol la furîd’a mbeî.
55 Agi Israel-lâ, agi ni magumei man suma an buzugugï woi kur ambas sa Ezipte-d’ina, kayam an nAlo magina.
Biza d’a sabat ta tuk ta d’a yam andagad’id’a
1 Ma didina mi de mi Moise yam ahina d’a Sinai-d’a ala: 2 Ang i de mi Israel-lâ ala:
Fata agi kalagi kur ambas sa an nga ni hagizid’a, agi aragi andagad’a ti gumur kä; biza ndata mba d’i mbut ni biza d’a sabat ta agi mba suburun kuad’a. 3 Ang zum asineng gak bizad’a karagaya. Kur biza d’a karagaya ndata, ang tchau abo guguzlu manga, ang dud’ut vud’ut mi. 4 Wani biza d’a kid’iziyad’a mba d’i mbut ni biza d’a sabat ta tuk tad’a yam andagad’a. Ni biza d’a sabat ta agi mba suburun an Ma didina kuad’a. Ang zum asineng ngi, ang tchau abo guguzlu manga woi d’uo mi. 5 Ang dut awu ma magor ma mi deî kur biza ndatina d’i, ang dut abo guguzlu d’a ang arat bei tchaud’a kur biza ndatid’a d’uo mi. Biza ndata ti arî biza d’a sabat ta tuk tad’a yam andagad’a. 6 Ni yam tuk tad’a handaga ndatid’a ba, agi mba fagi ki tena, nala, angû, azong mangâ ki wei manga, sama lang sunda yam beged’ina kangei ma nga kaka ki sed’engâ, 7 d’uwar mangâ kazureina kamburei suma yam ambas mangina mi. Ahle suma vut kur biza ndatina pet a mba mbut ni te magina, a mba mbut ni te mazina mi.
Biza d’a ngol la furîd’a
8 Ma didina mi de kua ala: Agi ndumugi biza d’a sabat ta tuk tad’a handagad’id’a ndundum kid’iziya, nala, bizad’a dok fid’i yam zlengâ. 9 Kur bur ma dogona hi til ma kid’iziya ma kur biza ndatina, agi mba bugi adif fa furîd’a. Ni bur ma ngol ma zlup yam tchod’a. Agi bugi adifa kur ambas magid’a pet. 10 Biza d’a dok vahla, agi tinit irat vad’u, agi tchagi wala kur ambasa á tchuk suma akulo. Biza ndata mba d’i mbut ni biza d’a ngol la furîd’a. Nge nge pî adigagi mba mi hulong hle va mama, mba mi hulong ad’u adezem mi. 11 Biza d’a dok vahl ndata, mba d’i mbut ni biza d’a ngol la furîd’a; agi zumugi awuna kur ri, agi dud’ugi awu ma magor ma deî kur asinenina d’i, agi dud’ugi guguzlu d’a agi tchawat nga abot tei d’uo d’a d’uo mi. 12 Kayam ni biza d’a ngol la furîd’a, agi tinit irat vad’u, agi tagi nawu ma magor ma deî kur asinenina.
13 Kur biza d’a ngol la furî ndata, ar nge nge pî adigagi mi hulong hle va mama. 14 Le agi guzugi va woi abo tagi d’oze agi guzugi va abo tagiya ni, ar agi lagi ir tagi d’i. 15 Le agi guzugi va abo tagiya ni, agi tinigi ad’u d’a ndumba ei ni kur biza d’a ngol la furîd’a, agi wuragamî kahle suma a mba vut kur biza d’a nga d’i mbad’ina. 16 Le bizad’a ar avok ngola á fe biza d’a ngol la furîd’a tua ni, agi tinigi gusa hi va mámid’a ngola. Le bizad’a ar akid’eid’a ni, agi tinigi gusa hi va mámid’a akid’eid’a mi. Kayam ni ndumba hawu ma dut ma kur asine mámina ba, agi mba guzum kiya. 17 Ar sa adigagi mi le ir ndrama d’i, ar agi lagi mandara an Alo magina, kayam an ni Ma didina Alo magina.
18 Agi tid’igi yam gat manda, agi ngomogi vun man ma hed’a, agi lagi sunda kazi mi. Hina wani, agi mba kagagi ki halasa kur ambas magid’a. 19 Ambas ndata mba d’i wulugi awuna, agi mba tagiya, agi mba hobogiya, agi mba kagagi kua ki halasa mi.
20 Dam agi mba dagi ala: Ei mba tei ni me kur biza d’a kid’iziyad’a, kayam me ei mba zumi kur ri, ei mba dud’i awu kur ruo mi ge ni, 21 gola! An mba ni b’e vunan kagi kur biza d’a karagayad’a, mba d’i wulugi awuna ndak ir bizad’a hindi. 22 Agi mba zumugi ni kur biza d’a klavandid’a, agi mba tagi nawu ma adjeuna gak mba kur biza d’a zlengîd’a. Agi mba tagi nawu ma adjeuna gak agi mba dud’ugi kawu ma awili ma kur biza d’a zlengîd’ina.
Gat ta yam andaga d’a a guzut tei ki irat tuo d’a
23 Ma didina mi de kua ala: Agi ndak á guzugi andagad’a woi ki irat fafat ti, kayam andagad’a ni manda. Agi avo hatan ni d’igi angoyogeina ki suma kak ki sed’en ndjöna na. 24 Kur ambas sa agi mba tagi kata pet, agi tinigi gata á mbut andagad’a.
25 Le wiyengâ mbut houd’a mi gus abo siliu mamba woi nde ni, wiyem ma nga go ki sed’em ma nga ki lovota á mbud’utna, mi hulong mbut vama wiyema mi guzum mbeina. 26 Le sa máma mi nga ki sama mbut va máma d’uo, le mam tamba mi hal lovota á mbut yam vama mam guzum mbeina ni, 27 mi tinï ad’ud’a ndumba ni kur biza d’a mi guzum mbei kuad’a dei gak mi mba kur biza d’a mam min mbud’umba, mi wura’î yam biza d’a ar avok gak mba kur biza d’a ngol la furîd’id’a, tua ba mi hle va mama. 28 Le mi fe nga vama mi wurak kam mbuo ni, vama mi guzum mbeina, mi arî hi sama mi guzum aboma gak biza d’a ngol la furîd’a. Sama mam hum vanina, mba mi nde woi kur biza ndata; sala vana mi hulong hle va mama mi.
29 Le sana mi gus aziyam ma nga kur azì ma ngol ma a nguyum ki gulumunina woyo ni, lovota nga kam á mbud’um kur biza d’a tud’a. 30 Wani le sala azì máma mi mbud’um nga kur biza d’a tud’a d’uo ni, azì ma nga kur azì ma ngol ma a nguyum ki gulumuna máma, mi arî hi sama mi guzuma kandjavam ki iram fafat, mba mi nde woi kurum kur biza d’a ngol la furîd’a d’uo mi. 31 Wani azì ma abagei ma a nguyum nga ki gulumuna d’uo na, mba ndumumî d’igi andaga d’a kä hawad’a na. A mba guzum mbeyo, wani salam ma guzuma, mba mi nde woi kurum kur biza d’a ngol la furîd’a.
32 Wani yam azì ma nglona hi suma hi Levi-nina kazì ma azi nga ki sed’ema, a ndak á mbud’um yam kur atchogoi d’a lara ge pet. 33 Le sana mi gus azina abo suma hi Levi-na ni, mba mi nde woi kur azì ma sama hi Levi-nina mi guzum mbei máma, d’oze azì ma ngol ma mam nga kaka kuana, kur biza d’a ngol la furîd’a. Kayam azì ma nglona hi suma hi Levi-nina nazì mazina ki irazi fafat aduk Israel-lâ. 34 Asine ma huyok azì mazi ma nglonina, sa ndak á guzum mbei d’i, kayam azi arî suliyoma ki irazi fafat.
Gat ta yam sama hou ma mi nde vana abongâ
35 Ma didina mi de kua ala: Le wiyengâ mi nde houd’a, va nga abom mbuo ni, le nangeina d’oze le ni ma mba kak ki sed’eng yam ambas manga ndjöna pî, ang ndjunumu, kayam mi fe lovota á kak ki sed’engû. 36 Ar ang ve va abom ki mbina d’oze ang mbud’um iram kur fe mamba d’uo mi. Ang le ni mandara an Alo mangâ, ar wiyengâ mi kak ki sed’engû. 37 Ar ang hum bege d’a mbina d’i, ar ang hum awuna godjined’a d’uo mi, 38 kayam an ni Ma didina Alo magi ma pad’agï woi kur ambas sa Ezipte-d’a á hagi ambas sa Kanan-ndina, kayam ni kak Alo magina.
Gat ta a hat á mbut yam sanid’a
39 Ma didina mi de kua ala: Le wiyengâ mi nde houd’a, mi gus tam mbei abongû ni, ang tinim sun nda magomba kam mbi. 40 Ar mi kak avo hatang d’igi sama le sun nda yam beged’ina na, d’oze sama mba á kak yam ambas manga ndjöna na. Mam mba mi kak kur sun manga gagak biza d’a ngol la furîd’a. 41 Kur biza ndata, mba mi nde woi avo hatang ki groma, mba mi hulong ad’u adezem yam andagad’a hi simiyêmba. 42 Kayam azi ni magumei man suma an buzuguzï woi kur ambas sa Ezipte-d’ina, ar ang guzuzi woi d’igi a gus magumeina woi na d’i. 43 Ar ang te kam kad’enga d’i, wani ang lan mandaran an Alo mangâ.
44 Naduk andjaf ma mi nguyugina ba, ang mba fe magumei suma andjuveina ki suma aropma. Ni adigazi azi ba, ang mba gus magumeina. 45 Agi ndak á guzugi angoyogeina ki suma a nga kaka adigagina kandjavazi ma a mba vud’um yam ambas magid’ina. Azi mba arî sum magina. 46 Agi mba arazi djona mi grogi suma blogogina d’igi ahle mazina na, agi mba ngomoziya; azi mba arî magumei magina ki irazi fafat. Wani b’oziyogi suma Israel-lâ ar sa adigagi mi te yam wiyema kad’enga d’i.
47 Le angeina d’oze ma mba á kaka yam ambas manga ndjöna ni ma ndjondjoîna ba, le wiyengâ mi nde houd’a, mi gus tam mbei abo angei máma d’oze abo ma mi nga kaka yam ambas manga ndjöna d’oze abo andjaf angei máma ni, 48 lovota nga á mbud’um bugol la mi gus tam mbei dad’a. Wiyem ma dingâ mi ndak á mbud’umu. 49 Abum wiyema d’oze abum goroma d’oze wiyem ma nga go ki sed’ema, mi ndak á mbud’umu. Le mam tam nga ki va ni, mi ndak á mbut yam tamu. 50 Mam ki sama mam gus tam mbei aboma, a ndum bizad’a, a tinï ad’ud’a nata biza d’a mam gus tam mbei kura dei gak mba ata biza d’a ngol la furîd’a, a le gusa ni yam ablaud’a hi bizad’id’a, a mba ndumut ni d’igi sama mi le sunda yam beged’ina na. 51 Le bizad’a ar avok ngola tua ni, mi hulong beged’a yam mbut mamba ndak yam beged’a hi salama d’a ar kam kur biza d’a ar avokid’a. 52 Le bizad’a ar akid’eid’a á tcha ata biza d’a ngol la furîd’a ni, mi ndum bege d’a mbut tamba ndak yam biza d’a ar avogom ndata. 53 Mam mba mi kak avo hi salama kur biza d’a ara, ni d’igi sama le sunda yam beged’ina na. Salama mba mi te kam kad’enga avorogi d’i. 54 Le mi mbut nga tam hina d’uo ni, mba mi nde woi ki groma ni kur biza d’a ngol la furîd’a mbeî.
55 Agi Israel-lâ, agi ni magumei man suma an buzugugï woi kur ambas sa Ezipte-d’ina, kayam an nAlo magina.
