Hulonga hi suma a yozi magombina
1 Ma didina mba mi we hohowa andjafâ hi Jakob-ma, mba mi man suma hi Israel-lâ kua, mba mi hulong tinizi kur andaga mazid’a. Andjaf ma dingâ mba mi zlap ki sed’eziya, mba mi zlap ki suma hi Jakob-ma.
2 Andjaf suma dingâ a mba yozi izi kur ambas mazid’a yam andagad’a hi Ma didinid’a. A mba tazi djona d’igi magumei suma andjofâ ki suma aropma na, a mba yo suma a yozi magomba adjeuna magomba, a mba te yam suma a te kazi adjeu kad’engina mi.
Dabid’a hamul ma Babilon-nid’a
3 Agi Israel-lâ, Ma didina mba mi hagi lovota á kak ki halasa bugol ndak magid’a ki tcha magi d’a tatad’a, bugol sun nda magom mba ad’eng nga a tinigizi kagid’a mi. 4 Ata yi máma agi mba hlagi sawal la lasa mamul ma Babilon-na ala:
Ni me na ge?
Ma djop vun suma mi nga d’uo d’ä?
Ma le suma kad’engina mi nga d’uo mï?
5 Ma didina mi kus wa tatagama hi ma asa’atnina woyo,
mi kus wa totogod’a hi ma te yamba kad’engina woi mi.
6 Kur ayî mama mi to suma to d’a bei ara ba d’a,
mi te yam andjaf suma kur ayî mama,
mi nga mi i avogovok bei sa mi d’elem ba mi.
7 Suma yam andagad’ina ki zla tazi pet,
a kak ki halasa,
a nga hle sawala ki hur ma hapma.
8 Agu siprena kagu sedre ma Liban-na pî,
a nga le furîd’a yam zla manga ala:
Dedei d’a a zud’ung kä d’a,
sama djak atami á kad’ina nga d’i.
9 Yima azuleina mi yir gak mi i kä
ata ad’um mba dabid’a á d’ugulong kur mba manga,
mi zlit suma azuleina avorong akulo
zlapa ki suma nglo suma yam andagad’a adjeuna,
mi tchol amuleina handjaf suma adjeuna akulo woi
yam zlumiyô mazi suma amula pet mi.
10 Azi ki zla tazi pet a mba dang ala:
Ang pî ni bei ad’enga d’igi ami na mi zu?
Ang mbut ni d’igi ami na mi zu?
11 Subur ta manga ti nde kä azulei
zlapa ki tchina hading mangîna;
yang ma burâ ni yam ndjuvulâ,
ndjuvulâ mi mbut ni borogo ma zlup kangâ mi!
12 Ang avevel ma fo yina,
ni nana ba, a gangî kä woi ge?
Ang ma kus yam andjaf sumina,
a gangî kä woi andaga!
13 Ang de kurung ala:
An mba ni djak akulo,
an mba ni tin zlam man nda amula akulo
kal tchitchiu d’a hAlonid’a,
an mba ni kak akulo yam ahina d’a abo ma norâ
d’a alona mi tok kuad’a.
14 An mba ni djak akulo yam d’ugula yat ta dabid’a,
an mba ni mbut d’igi Ma sä akulo ma kal teglesâ na.
15 Wani a zud’ung wa kä ata yima azuleina
ad’u zula ad’ut ta dabi d’a yiyika.
16 Suma azulei suma a wangâ nga so irazi kang á gola,
a nga golong baba, a dala:
Wana ni sama giget andagad’a
ma mbut leud’a mandara
17 ma mbut andagad’a fulâ
ma pleî azì mat ma nglona woi
ma nga mi tchuk mam suma dangeina akulo d’uo na d’uo zu?
18 Amuleina handjaf sumina pet, gagazi, azi pet,
nge nge pî mi i kä kur zul mamba ki subura.
19 Wani angû, a gang ngei dei ki zul manga
d’igi abo agu ma a golom isâ na,
d’igi suma a tchazi ki mbigeu d’a fiyaka
suma a zud’uzi kä kur zul ahinad’ina na,
d’igi mat ma suma a mired’em kä kasezina na mi.
20 A tozong nga kur zul manga
d’igi amulei suma dingâ na d’i,
kayam ang b’lak ambas manga woyo,
ang tchi sum mangâ woi mi.
Andjaf suma asa’atna,
a mba yazi simiyêzi avogovok ki.
21 Ar agi minigi tagi
á tchi grod’a yam tchod’a habuyozid’a.
Ar azi tchol hlandagad’a hle ba
á oî suma djangûna yam andagad’a d’i.
22 Ma didin ma ad’engêm kal petna mi dala: An mba ni tchol akulo, ni kak djangûna ki suma Babilon-na, an mba ni tchat simiyêt teyo, an mba ni blazat tei kandjaf suma kurutna pet. An Ma didina ni de na.
23 Ma didin ma ad’engêm kal petna mi de kua ala: An mba ni mbud’ut ni yima domina hi tchetchembina ki yima ve mbina mi, an mba ni torot tei kasumat ma b’lak yina.
Dabid’a hi djop vunid’a
24 Ma didin ma ad’engêm kal petna mi gun tam ala:
Gagazi, vama an djib’erem kuruna mba mi le hina,
vama an nga hurun kama mba mi le hina mi.
25 An mba ni b’lak suma Asiri-na woi yam ambas manda,
an mba ni mired’ezi kä kasen yam ahuniyô mana,
an mba ni hle djuk mazina woi kel sum mana,
an mba ni hlanek mazid’a kä woi yam sum mana mi.
26 Wana ni nga hur ma Ma didina mi ngam
yam suma yam andagad’a petna,
wana nabom ma mi zim akulo
yam andjaf suma petna mi.
27 Ma didin ma ad’engêm kal petna,
le mi nga hurum á le va ni,
ni nge mba mi d’elem ge?
Le mi zi abom kam akulo ni,
ni nge mba mi hlum mbei ge?
A ngop suma Filistê-na
28 Wana ni zla d’a a dat kur biza d’a amulâ Ahas mi mit kuad’a:
29 Agi Filistê-na pet, agi lagi furîd’a ala
totogo d’a a togi ki d’a ti kus seyo d’i.
Kayam ata har ra guguina mageid’a mba d’i vud’ï kua,
andjavam mba mi vut ni dragon ma pira mi.
30 Kayam ndata, suma houd’a a mba kak ki halasa,
wani an mba ni tchagi andjavagi woi ki meid’a,
sum magina ad’uzi d’a mba d’i ara a mba tchazi woi mi.
31 Ang vun agre’â, ang tchi tchi ma hohoud’a,
ang azì ma ngolâ, ang tchi wulula.
Agi suma Filistê-na zla tagi pet, agi mbud’ugi heheb’ek,
kayam andosâ nga mi djï abo ma norâ,
aduk mazi djangûna,
sama d’es sei ata yam ma tcholina nga d’i.
32 A hulong zla d’a ded’a mi suma Filistê
suma a sunuzina nana ge?
Kayam Ma didina mi gäd’u Siyon ni mamu,
ni kua ba, mam suma hohoud’a
a mba fe yima ngei tazina gagazi.
Hulonga hi suma a yozi magombina
1 Ma didina mba mi we hohowa andjafâ hi Jakob-ma, mba mi man suma hi Israel-lâ kua, mba mi hulong tinizi kur andaga mazid’a. Andjaf ma dingâ mba mi zlap ki sed’eziya, mba mi zlap ki suma hi Jakob-ma.
2 Andjaf suma dingâ a mba yozi izi kur ambas mazid’a yam andagad’a hi Ma didinid’a. A mba tazi djona d’igi magumei suma andjofâ ki suma aropma na, a mba yo suma a yozi magomba adjeuna magomba, a mba te yam suma a te kazi adjeu kad’engina mi.
Dabid’a hamul ma Babilon-nid’a
3 Agi Israel-lâ, Ma didina mba mi hagi lovota á kak ki halasa bugol ndak magid’a ki tcha magi d’a tatad’a, bugol sun nda magom mba ad’eng nga a tinigizi kagid’a mi. 4 Ata yi máma agi mba hlagi sawal la lasa mamul ma Babilon-na ala:
Ni me na ge?
Ma djop vun suma mi nga d’uo d’ä?
Ma le suma kad’engina mi nga d’uo mï?
5 Ma didina mi kus wa tatagama hi ma asa’atnina woyo,
mi kus wa totogod’a hi ma te yamba kad’engina woi mi.
6 Kur ayî mama mi to suma to d’a bei ara ba d’a,
mi te yam andjaf suma kur ayî mama,
mi nga mi i avogovok bei sa mi d’elem ba mi.
7 Suma yam andagad’ina ki zla tazi pet,
a kak ki halasa,
a nga hle sawala ki hur ma hapma.
8 Agu siprena kagu sedre ma Liban-na pî,
a nga le furîd’a yam zla manga ala:
Dedei d’a a zud’ung kä d’a,
sama djak atami á kad’ina nga d’i.
9 Yima azuleina mi yir gak mi i kä
ata ad’um mba dabid’a á d’ugulong kur mba manga,
mi zlit suma azuleina avorong akulo
zlapa ki suma nglo suma yam andagad’a adjeuna,
mi tchol amuleina handjaf suma adjeuna akulo woi
yam zlumiyô mazi suma amula pet mi.
10 Azi ki zla tazi pet a mba dang ala:
Ang pî ni bei ad’enga d’igi ami na mi zu?
Ang mbut ni d’igi ami na mi zu?
11 Subur ta manga ti nde kä azulei
zlapa ki tchina hading mangîna;
yang ma burâ ni yam ndjuvulâ,
ndjuvulâ mi mbut ni borogo ma zlup kangâ mi!
12 Ang avevel ma fo yina,
ni nana ba, a gangî kä woi ge?
Ang ma kus yam andjaf sumina,
a gangî kä woi andaga!
13 Ang de kurung ala:
An mba ni djak akulo,
an mba ni tin zlam man nda amula akulo
kal tchitchiu d’a hAlonid’a,
an mba ni kak akulo yam ahina d’a abo ma norâ
d’a alona mi tok kuad’a.
14 An mba ni djak akulo yam d’ugula yat ta dabid’a,
an mba ni mbut d’igi Ma sä akulo ma kal teglesâ na.
15 Wani a zud’ung wa kä ata yima azuleina
ad’u zula ad’ut ta dabi d’a yiyika.
16 Suma azulei suma a wangâ nga so irazi kang á gola,
a nga golong baba, a dala:
Wana ni sama giget andagad’a
ma mbut leud’a mandara
17 ma mbut andagad’a fulâ
ma pleî azì mat ma nglona woi
ma nga mi tchuk mam suma dangeina akulo d’uo na d’uo zu?
18 Amuleina handjaf sumina pet, gagazi, azi pet,
nge nge pî mi i kä kur zul mamba ki subura.
19 Wani angû, a gang ngei dei ki zul manga
d’igi abo agu ma a golom isâ na,
d’igi suma a tchazi ki mbigeu d’a fiyaka
suma a zud’uzi kä kur zul ahinad’ina na,
d’igi mat ma suma a mired’em kä kasezina na mi.
20 A tozong nga kur zul manga
d’igi amulei suma dingâ na d’i,
kayam ang b’lak ambas manga woyo,
ang tchi sum mangâ woi mi.
Andjaf suma asa’atna,
a mba yazi simiyêzi avogovok ki.
21 Ar agi minigi tagi
á tchi grod’a yam tchod’a habuyozid’a.
Ar azi tchol hlandagad’a hle ba
á oî suma djangûna yam andagad’a d’i.
22 Ma didin ma ad’engêm kal petna mi dala: An mba ni tchol akulo, ni kak djangûna ki suma Babilon-na, an mba ni tchat simiyêt teyo, an mba ni blazat tei kandjaf suma kurutna pet. An Ma didina ni de na.
23 Ma didin ma ad’engêm kal petna mi de kua ala: An mba ni mbud’ut ni yima domina hi tchetchembina ki yima ve mbina mi, an mba ni torot tei kasumat ma b’lak yina.
Dabid’a hi djop vunid’a
24 Ma didin ma ad’engêm kal petna mi gun tam ala:
Gagazi, vama an djib’erem kuruna mba mi le hina,
vama an nga hurun kama mba mi le hina mi.
25 An mba ni b’lak suma Asiri-na woi yam ambas manda,
an mba ni mired’ezi kä kasen yam ahuniyô mana,
an mba ni hle djuk mazina woi kel sum mana,
an mba ni hlanek mazid’a kä woi yam sum mana mi.
26 Wana ni nga hur ma Ma didina mi ngam
yam suma yam andagad’a petna,
wana nabom ma mi zim akulo
yam andjaf suma petna mi.
27 Ma didin ma ad’engêm kal petna,
le mi nga hurum á le va ni,
ni nge mba mi d’elem ge?
Le mi zi abom kam akulo ni,
ni nge mba mi hlum mbei ge?
A ngop suma Filistê-na
28 Wana ni zla d’a a dat kur biza d’a amulâ Ahas mi mit kuad’a:
29 Agi Filistê-na pet, agi lagi furîd’a ala
totogo d’a a togi ki d’a ti kus seyo d’i.
Kayam ata har ra guguina mageid’a mba d’i vud’ï kua,
andjavam mba mi vut ni dragon ma pira mi.
30 Kayam ndata, suma houd’a a mba kak ki halasa,
wani an mba ni tchagi andjavagi woi ki meid’a,
sum magina ad’uzi d’a mba d’i ara a mba tchazi woi mi.
31 Ang vun agre’â, ang tchi tchi ma hohoud’a,
ang azì ma ngolâ, ang tchi wulula.
Agi suma Filistê-na zla tagi pet, agi mbud’ugi heheb’ek,
kayam andosâ nga mi djï abo ma norâ,
aduk mazi djangûna,
sama d’es sei ata yam ma tcholina nga d’i.
32 A hulong zla d’a ded’a mi suma Filistê
suma a sunuzina nana ge?
Kayam Ma didina mi gäd’u Siyon ni mamu,
ni kua ba, mam suma hohoud’a
a mba fe yima ngei tazina gagazi.
