Mat ma a we nga sama tchuma d’uo na
1 Moise mi de kua ala: Fata agi le kalagiya wa kur ambas sa Ma didina Alo magina mba mi hagizi agi hlata, le agi fagi sana mad’am ged’a kä abagei bei agi wagi sama tchuma ni, 2 ar magi suma nglona ki magi suma ka sariyad’a a i a nga yima aduk mad’a sa máma kazì ma nglo ma nguyuma 3 á we azì ma go ki mat mámina. Suma nglo suma kur azì mámina a vamuhl hla wei d’a a le nga sunda ki sed’et tuo d’a a gat nga dju’â kelet tuo mi d’a. 4 Suma nglo suma hur azì mámina, a i ki sed’et kur hor ra djang mbina ata yima sa zumum nga d’uo ma zar nga awu kua d’uo na. Go ki hor ra djang mbina ndata, a kuzut mogonod’u.
5 Ata yi máma suma ngat buzu suma andjafâ hi Levi-na a hud’ïya. Ni azi ba, Ma didina Alo magina mi manazi á le sun mamba, á b’e vuna ki simiyêmu. Ni azi ba, a min zla d’a tugiyo ndata ki zla d’a tchi mat ndata pet mi.
6 Suma nglo suma kur azì ma nglo ma go ki mad’a sa mámina, a mbus abozi yam amuhl hla a kuzut mogonot kur hor ndatid’a, 7 azi de woi ala: Abomi do nga ata sa máma d’i, irami we nga sama mi tchuma d’uo mi. 8 A de kua ala: Ma didina, ang vat hurung ngei yam mang Israel suma ang tchuguzi akulona, ang ndum matna hi sama bei zlad’a kam máma kazi d’i. Ata yi máma Alona mba mi vat hurum mbei kaziya.
9 Le agi lagi sun nda d’ingêra avok Ma didina hina ni, agi mba pad’agi zla matna hi sama bei zlad’a kama woi kagiya.
Ved’a hatcha d’a a vad’ï ata yima hurumbid’a
10 Moise mi de kua ala: Fata agi igi á dur ayîna ki magi suma djangûnid’a, le Ma didina mi hagiziya wa abogiya, agi yozi wa magomba ni, 11 dam sama ding adigagi mba mi watcha d’a djifâ aduk magumei ndazina, mba mi le d’od’oka kat á vat atchad’a kla ni, 12 ata yi máma mi i ki sed’et avo hatamu, ti wel yat teyo, ti tal lilivat tei mi, 13 ti tchuk baru mat ma a vad’ï ki magombina woyo, ti tchuk ta dinga atad’u, ti kak avo hatamu, ti tchi hor ra abut kasut gak tilâ sop. Bugola, mi kal ad’ut mi vat atchad’a. 14 Wani le tam mbi lum nga djivi kat tuo ni, mi arat ti i yima ndat hurut minima. Ar mi guzut tei beged’a d’oze mi lat magomba d’uo mi, kayam mam vat atchad’a da’.
B’raud’a hi gor ma ngolîd’a
15 Moise mi de kua ala: Le sana mi nga karopma mbà , le hurum ve d’a dinga kal la hid’a, le azi djak a vud’um grona, wani le d’a mam le kat ngol luo d’a ti vud’um gor mandjufâ avogo ni, 16 ata yima mam b’rawazi djonina, ar mi he b’raud’a hi gor ma ngolîd’a mi gorom ma hamam mba mam nga mi le kata balum gorom ma hamam mba mam nga mi le kat tuo d’a d’i. 17 Wani mi he b’raud’a hi gor ma ngolîd’a mi gorom ma hamam mba mam nga mi le kat tuo d’a yam mbà , kayam gor máma nad’eng mam mba avoka, b’raud’a hi gor ma ngolîd’a ni mamba mi. Gor ma bei hum vuna
18 Moise mi de kua ala: Le sana mi nga ki gorom ma yam mba ad’eng ma bei hum vuna, nga mi hum vun abum mboze asum mbuo, le azi gad’am pî nga mi humuzi d’uo mi ni, 19 a vum a i ki sed’em gen suma nglo suma hur azì mámina, avun agre’â hazì ma mam nga kaka kuana. 20 Azi de mi suma nglo suma kur azì mámina ala: Gola! Goromina ni gor ma yam mba ad’enga ma bei hum vuna, nga mi humumi d’i, ni gor ma batrangâ, ni gor ma gurut ki sümina mi. 21 Ata yi máma suma kur azì mam ma ngolîna pet a durum kahinad’a, a tchum mbeyo. Hina wani, agi mba d’elegi tcho d’a led’a woi adigagi kayambala Israel-lîna pet a huma, a le mandarâ d’a.
Mat ma a gabam akulona
22 Moise mi de kua ala: Le sama le tcho d’a ndak á matnid’a, le agi tchum agi tchugum ziyona kelem agi gabam akulo ata aguna ni, 23 agi aram mad’am mi bur akulo ata aguna d’i, agi tozomî kur bur máma baba, kayam sama a gabam akulo ata agunina ni sama Alona mi gum vunina. Agi mbud’ugi ambas sa Ma didina Alo magina mba mi hagizi á te kata ndjendjed’a d’i.
Mat ma a we nga sama tchuma d’uo na
1 Moise mi de kua ala: Fata agi le kalagiya wa kur ambas sa Ma didina Alo magina mba mi hagizi agi hlata, le agi fagi sana mad’am ged’a kä abagei bei agi wagi sama tchuma ni, 2 ar magi suma nglona ki magi suma ka sariyad’a a i a nga yima aduk mad’a sa máma kazì ma nglo ma nguyuma 3 á we azì ma go ki mat mámina. Suma nglo suma kur azì mámina a vamuhl hla wei d’a a le nga sunda ki sed’et tuo d’a a gat nga dju’â kelet tuo mi d’a. 4 Suma nglo suma hur azì mámina, a i ki sed’et kur hor ra djang mbina ata yima sa zumum nga d’uo ma zar nga awu kua d’uo na. Go ki hor ra djang mbina ndata, a kuzut mogonod’u.
5 Ata yi máma suma ngat buzu suma andjafâ hi Levi-na a hud’ïya. Ni azi ba, Ma didina Alo magina mi manazi á le sun mamba, á b’e vuna ki simiyêmu. Ni azi ba, a min zla d’a tugiyo ndata ki zla d’a tchi mat ndata pet mi.
6 Suma nglo suma kur azì ma nglo ma go ki mad’a sa mámina, a mbus abozi yam amuhl hla a kuzut mogonot kur hor ndatid’a, 7 azi de woi ala: Abomi do nga ata sa máma d’i, irami we nga sama mi tchuma d’uo mi. 8 A de kua ala: Ma didina, ang vat hurung ngei yam mang Israel suma ang tchuguzi akulona, ang ndum matna hi sama bei zlad’a kam máma kazi d’i. Ata yi máma Alona mba mi vat hurum mbei kaziya.
9 Le agi lagi sun nda d’ingêra avok Ma didina hina ni, agi mba pad’agi zla matna hi sama bei zlad’a kama woi kagiya.
Ved’a hatcha d’a a vad’ï ata yima hurumbid’a
10 Moise mi de kua ala: Fata agi igi á dur ayîna ki magi suma djangûnid’a, le Ma didina mi hagiziya wa abogiya, agi yozi wa magomba ni, 11 dam sama ding adigagi mba mi watcha d’a djifâ aduk magumei ndazina, mba mi le d’od’oka kat á vat atchad’a kla ni, 12 ata yi máma mi i ki sed’et avo hatamu, ti wel yat teyo, ti tal lilivat tei mi, 13 ti tchuk baru mat ma a vad’ï ki magombina woyo, ti tchuk ta dinga atad’u, ti kak avo hatamu, ti tchi hor ra abut kasut gak tilâ sop. Bugola, mi kal ad’ut mi vat atchad’a. 14 Wani le tam mbi lum nga djivi kat tuo ni, mi arat ti i yima ndat hurut minima. Ar mi guzut tei beged’a d’oze mi lat magomba d’uo mi, kayam mam vat atchad’a da’.
B’raud’a hi gor ma ngolîd’a
15 Moise mi de kua ala: Le sana mi nga karopma mbà , le hurum ve d’a dinga kal la hid’a, le azi djak a vud’um grona, wani le d’a mam le kat ngol luo d’a ti vud’um gor mandjufâ avogo ni, 16 ata yima mam b’rawazi djonina, ar mi he b’raud’a hi gor ma ngolîd’a mi gorom ma hamam mba mam nga mi le kata balum gorom ma hamam mba mam nga mi le kat tuo d’a d’i. 17 Wani mi he b’raud’a hi gor ma ngolîd’a mi gorom ma hamam mba mam nga mi le kat tuo d’a yam mbà , kayam gor máma nad’eng mam mba avoka, b’raud’a hi gor ma ngolîd’a ni mamba mi. Gor ma bei hum vuna
18 Moise mi de kua ala: Le sana mi nga ki gorom ma yam mba ad’eng ma bei hum vuna, nga mi hum vun abum mboze asum mbuo, le azi gad’am pî nga mi humuzi d’uo mi ni, 19 a vum a i ki sed’em gen suma nglo suma hur azì mámina, avun agre’â hazì ma mam nga kaka kuana. 20 Azi de mi suma nglo suma kur azì mámina ala: Gola! Goromina ni gor ma yam mba ad’enga ma bei hum vuna, nga mi humumi d’i, ni gor ma batrangâ, ni gor ma gurut ki sümina mi. 21 Ata yi máma suma kur azì mam ma ngolîna pet a durum kahinad’a, a tchum mbeyo. Hina wani, agi mba d’elegi tcho d’a led’a woi adigagi kayambala Israel-lîna pet a huma, a le mandarâ d’a.
Mat ma a gabam akulona
22 Moise mi de kua ala: Le sama le tcho d’a ndak á matnid’a, le agi tchum agi tchugum ziyona kelem agi gabam akulo ata aguna ni, 23 agi aram mad’am mi bur akulo ata aguna d’i, agi tozomî kur bur máma baba, kayam sama a gabam akulo ata agunina ni sama Alona mi gum vunina. Agi mbud’ugi ambas sa Ma didina Alo magina mba mi hagizi á te kata ndjendjed’a d’i.
