1 Na ni Juif-fâ a kal suma dingâ ni ki me ge? Bayâ d’a ngata djivi mata ni me ge? 2 Vama ngol ma kal petna. Alona mi he zla mamba ni mi Juif-fâ adjewe. 3 Wani le suma dingâ adigazi ni suma d’engzengâ d’uo ni, Alona mba mi mbut ma bei d’engzengâ kazi zu? 4 Nga na d’i! Le suma pet ni suma ka zlad’a pî, Alona ni Ma gagazina. Kayam zlad’a hAlonid’a ti dala:
Suma a mba wang Ma d’ingêrâ nata zla mang nga ded’a.
Le azi mbang ata yima ka sariyad’a ni, ang mba kus kaziya.
5 Wani le ni tcho meid’a ba, nga d’i tak d’ingêra hAlonid’a woi abua ni, ei mba dei nana? Ei mba dei ala Alona ni ma bei d’ingêrâ ba, mi mba ka ayî mama keya zu? (An nga ni de ni d’igi suma a nga de na.) 6 Nga na d’i! Le Alona ni ma bei d’ingêrâ ni, ni nana ba, mba mi ka sariyad’a yam suma duniyad’a ge?
7 Wani le ni yam zla man nda kad’a ba, zla d’a gagazid’a hAlonid’a nga d’i zul avogovok kur subur mamba ni, ni kayam me ba, a nga kan sariyad’a kan d’igi sama le tchod’a na ge? 8 Ni kayam me ba, ami nga dami ala ar ei lei tchod’a, kayam djivid’a ti mba d’uo ge? Gagazi, suma dingâ a nga las zla mamid’a, a nga dala ami dami hina. Alona mba mi kazi sariyad’a kazi nata yad’u.
Sana mi nga d’ingêr ri
9 Na ni ei Juif-fâ, ei kalei suma dingâ zu? Nga na d’i! Kayam an tagagi woi ala Juif-fâ ki suma dingâ pet a nga ni ad’u ad’enga hi tchod’id’a. 10 Kayam mbaktumba hAlonid’a ti dala:
Sama d’ingêr nga d’i,
tu pî nga d’i.
11 Sama wad’u nga d’i,
sama hal Alona nga d’uo mi.
12 Azi pet a mbut azigazi mAlona,
azi pet a vit teyo.
Sama le djivid’a nga d’i,
tu pî nga d’i.
13 Horzlom delezi ni d’igi asu d’a vunat nga mala woid’a na.
A nga lop suma ki zla mazid’a,
zla d’a de d’a avunazid’a ni d’igi ayî mageid’a na,
14 zla d’a ndeï avunazid’a
nahle suma yid’a ki ngul la tchod’a.
15 A ring atogo zazak á tchi matna,
16 lovot mazi d’a azi nga kuad’a
ni b’laka ki yor tad’a,
17 a we nga lovot ta halasa d’i,
18 a nga le mandar Alona d’uo mi.
19 Ei wei ala ahlena pet suma gata ti dazina, ti de ni mi suma a nga ge yazi kä ad’utna, kayam suma a mal vunazi d’i, kayam suma kur duniyad’ina pet a wala azi nga nad’u sariyad’a hAlonid’a mi. 20 Kayam ndata, le sana mi ngom gata pî ni, mam mba mi mbut sama d’ingêrâ avok Alona d’i, kayam gata ti ta’î sana tcho mamba hol.
LOVOT TA SUTA HALONID’A
Ni nana ba, Alona mi sut sana ge
21 Wani ki tchetchemba, Alona mi tagei woi ala ni nana ba, mi mbud’i suma d’ingêrâ avorom ge. Ni yam gata hi Moise-sa d’i, wani ni yam d’ingêr ra gata azi ki suma djok vun Alona a le glangâsâ kata. 22 Alona mi mbut suma d’ingêr ni yam he gagazi mazi d’a yam Jesus Christ-sa. Alona mi le hina yam suma pet suma a he gagazid’a yam Christ-sâ, kayam sama kal ndrama nga d’i. 23 Suma pet a le tchod’a, a kid’ak kei ata subura hAlonid’a mi. 24 Alona mi mbud’uzi suma d’ingêrâ ni hawana yam suma mamba, yam wurak ka Jesus Christ mi wurak kazid’a. 25 Ma mi ma Alona mi mbud’um vama ngat buzuna kayambala mi vat hurum mbei yam tchod’a hi suma a he gagazid’a kama d’a. Alona mi le hina á tak kei ala mam mi Ma d’ingêrâ, kayam mi ve tam bei ka sariyad’a yam tchod’a hi suma d’a a lat avoka. 26 Wani ki tchetchemba, Alona mi tak kei ala mam mi Ma d’ingêrâ, kayam mam min ala mi mbut suma pet suma a he gagazid’a yam Jesus-na d’ingêr mi.
27 Le ni na ni, sana mi ndak á subur tam zu? Mi ndak á subur tam mbi. Ni kayam me ge? Ni kayamba mi ge yam kä ad’u gatid’a zu? Hawa, wani ni yam he gagazi d’a yam Christ-sa. 28 Ei wei ala sana mi mbut sama d’ingêrâ avok Alona ni yam he gagazi mamba, wani nga ni yam ge yam mba kä ad’u gatid’a d’i. 29 Nani Alona nAlona hi Juif-fîna hol zu? Mam mAlona handjaf suma dingîna mi d’uo zu? Gagazi, mam mAlona handjaf suma dingîna mi. 30 Kayam Alona ni tu, ni ma nga mi mbut Juif-fâ d’ingêr yam he gagazi mazid’ina, nga mi mbut andjaf suma dingâ d’ingêr yam he gagazi mazid’a mi. 31 Na ni he gagazi meid’a ti mbut gata vama hawana zu? Nga na d’i! Wani he gagazid’a ti hei nad’enga á sira gata memet.
1 Na ni Juif-fâ a kal suma dingâ ni ki me ge? Bayâ d’a ngata djivi mata ni me ge? 2 Vama ngol ma kal petna. Alona mi he zla mamba ni mi Juif-fâ adjewe. 3 Wani le suma dingâ adigazi ni suma d’engzengâ d’uo ni, Alona mba mi mbut ma bei d’engzengâ kazi zu? 4 Nga na d’i! Le suma pet ni suma ka zlad’a pî, Alona ni Ma gagazina. Kayam zlad’a hAlonid’a ti dala:
Suma a mba wang Ma d’ingêrâ nata zla mang nga ded’a.
Le azi mbang ata yima ka sariyad’a ni, ang mba kus kaziya.
5 Wani le ni tcho meid’a ba, nga d’i tak d’ingêra hAlonid’a woi abua ni, ei mba dei nana? Ei mba dei ala Alona ni ma bei d’ingêrâ ba, mi mba ka ayî mama keya zu? (An nga ni de ni d’igi suma a nga de na.) 6 Nga na d’i! Le Alona ni ma bei d’ingêrâ ni, ni nana ba, mba mi ka sariyad’a yam suma duniyad’a ge?
7 Wani le ni yam zla man nda kad’a ba, zla d’a gagazid’a hAlonid’a nga d’i zul avogovok kur subur mamba ni, ni kayam me ba, a nga kan sariyad’a kan d’igi sama le tchod’a na ge? 8 Ni kayam me ba, ami nga dami ala ar ei lei tchod’a, kayam djivid’a ti mba d’uo ge? Gagazi, suma dingâ a nga las zla mamid’a, a nga dala ami dami hina. Alona mba mi kazi sariyad’a kazi nata yad’u.
Sana mi nga d’ingêr ri
9 Na ni ei Juif-fâ, ei kalei suma dingâ zu? Nga na d’i! Kayam an tagagi woi ala Juif-fâ ki suma dingâ pet a nga ni ad’u ad’enga hi tchod’id’a. 10 Kayam mbaktumba hAlonid’a ti dala:
Sama d’ingêr nga d’i,
tu pî nga d’i.
11 Sama wad’u nga d’i,
sama hal Alona nga d’uo mi.
12 Azi pet a mbut azigazi mAlona,
azi pet a vit teyo.
Sama le djivid’a nga d’i,
tu pî nga d’i.
13 Horzlom delezi ni d’igi asu d’a vunat nga mala woid’a na.
A nga lop suma ki zla mazid’a,
zla d’a de d’a avunazid’a ni d’igi ayî mageid’a na,
14 zla d’a ndeï avunazid’a
nahle suma yid’a ki ngul la tchod’a.
15 A ring atogo zazak á tchi matna,
16 lovot mazi d’a azi nga kuad’a
ni b’laka ki yor tad’a,
17 a we nga lovot ta halasa d’i,
18 a nga le mandar Alona d’uo mi.
19 Ei wei ala ahlena pet suma gata ti dazina, ti de ni mi suma a nga ge yazi kä ad’utna, kayam suma a mal vunazi d’i, kayam suma kur duniyad’ina pet a wala azi nga nad’u sariyad’a hAlonid’a mi. 20 Kayam ndata, le sana mi ngom gata pî ni, mam mba mi mbut sama d’ingêrâ avok Alona d’i, kayam gata ti ta’î sana tcho mamba hol.
LOVOT TA SUTA HALONID’A
Ni nana ba, Alona mi sut sana ge
21 Wani ki tchetchemba, Alona mi tagei woi ala ni nana ba, mi mbud’i suma d’ingêrâ avorom ge. Ni yam gata hi Moise-sa d’i, wani ni yam d’ingêr ra gata azi ki suma djok vun Alona a le glangâsâ kata. 22 Alona mi mbut suma d’ingêr ni yam he gagazi mazi d’a yam Jesus Christ-sa. Alona mi le hina yam suma pet suma a he gagazid’a yam Christ-sâ, kayam sama kal ndrama nga d’i. 23 Suma pet a le tchod’a, a kid’ak kei ata subura hAlonid’a mi. 24 Alona mi mbud’uzi suma d’ingêrâ ni hawana yam suma mamba, yam wurak ka Jesus Christ mi wurak kazid’a. 25 Ma mi ma Alona mi mbud’um vama ngat buzuna kayambala mi vat hurum mbei yam tchod’a hi suma a he gagazid’a kama d’a. Alona mi le hina á tak kei ala mam mi Ma d’ingêrâ, kayam mi ve tam bei ka sariyad’a yam tchod’a hi suma d’a a lat avoka. 26 Wani ki tchetchemba, Alona mi tak kei ala mam mi Ma d’ingêrâ, kayam mam min ala mi mbut suma pet suma a he gagazid’a yam Jesus-na d’ingêr mi.
27 Le ni na ni, sana mi ndak á subur tam zu? Mi ndak á subur tam mbi. Ni kayam me ge? Ni kayamba mi ge yam kä ad’u gatid’a zu? Hawa, wani ni yam he gagazi d’a yam Christ-sa. 28 Ei wei ala sana mi mbut sama d’ingêrâ avok Alona ni yam he gagazi mamba, wani nga ni yam ge yam mba kä ad’u gatid’a d’i. 29 Nani Alona nAlona hi Juif-fîna hol zu? Mam mAlona handjaf suma dingîna mi d’uo zu? Gagazi, mam mAlona handjaf suma dingîna mi. 30 Kayam Alona ni tu, ni ma nga mi mbut Juif-fâ d’ingêr yam he gagazi mazid’ina, nga mi mbut andjaf suma dingâ d’ingêr yam he gagazi mazid’a mi. 31 Na ni he gagazi meid’a ti mbut gata vama hawana zu? Nga na d’i! Wani he gagazid’a ti hei nad’enga á sira gata memet.
