ALONA MBA MI KA SARIYAD’A
YAM ANDJAF SUMA A NGUI ISRAEL-LÎNA
1 Wana ni zlad’a hi Amos ma aduk suma pol d’uwarâ avo Tekowa-nid’a. Ahlena a nde tazi woi iram yam Israel-lâ kur atchogoid’a hi Oziyas amul ma Juda-nid’a katchogoid’a hi Jerobowam Jowas goroma amul ma Israel-lîd’a mi. Ahle suma a nde tazi irama a le ni bizad’a mbà tua ba, andagad’a ti giged’a. 2 Amos mi dala:
Ma didina nga mi to breîd’a kur Siyon,
delem nga d’i nde woi avo Jerusalem.
Yima te hatna hi suma polina mi lugod’a,
hat ma yam ahina d’a Karmel-lina mi so woi mi.
Ma didina mi ngop andjaf suma tetengâ (a) Mi ngop Asiri-na
3 Ma didina mi dala:
Suma Damas-sâ a nga i avogovok
kur tchod’a wan pî,
an mba ni djok vunan yam zla d’a an data d’i.
Kayam a miret suma Galät-na kä kasezi
d’igi suma a to awuna ki toto d’a kaweina na.
4 An mba ni do akud’a ata azì ma amula hi Hazayel-lâ,
ti mba d’i ngal azì ma ad’eng ma ngunguna hi Ben-Hadat-na woi mi.
5 An mba ni kus kawei ma murguli
ma avun azì ma ngol ma Damas-sîna woyo,
an mba ni dap suma a nga kaka kä
kur hor ra Bikat-Aven-nda
ki ma nga mi tamula yam suma hi Bet-Eden-na woi mi.
Suma Siri-na a mba yozi magomba izi Kir.
An Ma didina ni de na.
(b) Mi ngop Filistê-na
6 Ma didina mi dala:
Suma Gaza-na a nga i avogovok
kur tchod’a wan pî,
an mba ni djok vunan yam zla d’a an data d’i.
kayam azi yo suma magomba, a hazi mi suma Edom-ma,
7 an mba ni do akud’a ata gulumun ma Gaza-na,
ti mba d’i ngal azì ma ad’eng ma ngunguna woi mi.
8 An mba ni tchi suma a nga kaka Asdot-na woi pet
ki ma nga mi tamula Askalon-na woi mi.
An mba ni hulong abon ni tum suma Ekron-na,
suma Filistê suma a arâ a mba dap pei mi.
An Salad’a Ma didina ni de na.
(c) Mi ngop Fenis-sâ
9 Ma didina mi dala:
Suma Tir-râ a nga i avogovok
kur tchod’a wan pî,
an mba ni djok vunan yam zla d’a an data d’i.
Kayam a yo suma magomba pet,
a hazi mi suma Edom-ma
bei djib’er yam bana d’a azi vata ba,
10 an mba ni do akud’a ata gulumun ma Tir-râ,
ti mba d’i ngal azì ma ad’eng ma ngunguna woi mi.
(d) Mi ngop Edom-ma
11 Ma didina mi dala:
Suma Edom-ma a nga i avogovok
kur tchod’a wan pî,
an mba ni djok vunan yam zla d’a an data d’i.
Kayam azi dik b’oziyozina ki mbigeu d’a fiyaka,
a we nga hohowa sa d’i,
a djulul kayî mazina,
a i avogovok ki hur mazi ma zala bei ara ba mi,
12 an mba ni do akud’a ata azì ma Teman-na,
ti mba d’i ngal azì ma ad’eng ma ngungu ma Bosra-na woi mi.
(e) Mi ngop Amon-na
13 Ma didina mi dala:
Suma Amon-na a nga i avogovok
kur tchod’a wan pî,
an mba ni djok vunan yam zla d’a an data d’i.
Kayam azi ze hur arop suma Galät-na woi
á wul andaga mazid’a avogovogo,
14 an mba ni do akud’a ata gulumun ma Raba-na,
ti mba d’i ngal azì ma ad’eng ma ngunguna woi
kur bur ma ayîna ki siwela
d’igi babarâ ki mbirlimba a siwela na.
15 Amul mazina, a mba im magomba
ki mam suma nglona.
An Ma didina ni de na.
ALONA MBA MI KA SARIYAD’A
YAM ANDJAF SUMA A NGUI ISRAEL-LÎNA
1 Wana ni zlad’a hi Amos ma aduk suma pol d’uwarâ avo Tekowa-nid’a. Ahlena a nde tazi woi iram yam Israel-lâ kur atchogoid’a hi Oziyas amul ma Juda-nid’a katchogoid’a hi Jerobowam Jowas goroma amul ma Israel-lîd’a mi. Ahle suma a nde tazi irama a le ni bizad’a mbà tua ba, andagad’a ti giged’a. 2 Amos mi dala:
Ma didina nga mi to breîd’a kur Siyon,
delem nga d’i nde woi avo Jerusalem.
Yima te hatna hi suma polina mi lugod’a,
hat ma yam ahina d’a Karmel-lina mi so woi mi.
Ma didina mi ngop andjaf suma tetengâ (a) Mi ngop Asiri-na
3 Ma didina mi dala:
Suma Damas-sâ a nga i avogovok
kur tchod’a wan pî,
an mba ni djok vunan yam zla d’a an data d’i.
Kayam a miret suma Galät-na kä kasezi
d’igi suma a to awuna ki toto d’a kaweina na.
4 An mba ni do akud’a ata azì ma amula hi Hazayel-lâ,
ti mba d’i ngal azì ma ad’eng ma ngunguna hi Ben-Hadat-na woi mi.
5 An mba ni kus kawei ma murguli
ma avun azì ma ngol ma Damas-sîna woyo,
an mba ni dap suma a nga kaka kä
kur hor ra Bikat-Aven-nda
ki ma nga mi tamula yam suma hi Bet-Eden-na woi mi.
Suma Siri-na a mba yozi magomba izi Kir.
An Ma didina ni de na.
(b) Mi ngop Filistê-na
6 Ma didina mi dala:
Suma Gaza-na a nga i avogovok
kur tchod’a wan pî,
an mba ni djok vunan yam zla d’a an data d’i.
kayam azi yo suma magomba, a hazi mi suma Edom-ma,
7 an mba ni do akud’a ata gulumun ma Gaza-na,
ti mba d’i ngal azì ma ad’eng ma ngunguna woi mi.
8 An mba ni tchi suma a nga kaka Asdot-na woi pet
ki ma nga mi tamula Askalon-na woi mi.
An mba ni hulong abon ni tum suma Ekron-na,
suma Filistê suma a arâ a mba dap pei mi.
An Salad’a Ma didina ni de na.
(c) Mi ngop Fenis-sâ
9 Ma didina mi dala:
Suma Tir-râ a nga i avogovok
kur tchod’a wan pî,
an mba ni djok vunan yam zla d’a an data d’i.
Kayam a yo suma magomba pet,
a hazi mi suma Edom-ma
bei djib’er yam bana d’a azi vata ba,
10 an mba ni do akud’a ata gulumun ma Tir-râ,
ti mba d’i ngal azì ma ad’eng ma ngunguna woi mi.
(d) Mi ngop Edom-ma
11 Ma didina mi dala:
Suma Edom-ma a nga i avogovok
kur tchod’a wan pî,
an mba ni djok vunan yam zla d’a an data d’i.
Kayam azi dik b’oziyozina ki mbigeu d’a fiyaka,
a we nga hohowa sa d’i,
a djulul kayî mazina,
a i avogovok ki hur mazi ma zala bei ara ba mi,
12 an mba ni do akud’a ata azì ma Teman-na,
ti mba d’i ngal azì ma ad’eng ma ngungu ma Bosra-na woi mi.
(e) Mi ngop Amon-na
13 Ma didina mi dala:
Suma Amon-na a nga i avogovok
kur tchod’a wan pî,
an mba ni djok vunan yam zla d’a an data d’i.
Kayam azi ze hur arop suma Galät-na woi
á wul andaga mazid’a avogovogo,
14 an mba ni do akud’a ata gulumun ma Raba-na,
ti mba d’i ngal azì ma ad’eng ma ngunguna woi
kur bur ma ayîna ki siwela
d’igi babarâ ki mbirlimba a siwela na.
15 Amul mazina, a mba im magomba
ki mam suma nglona.
An Ma didina ni de na.
