Jesus ni guguzlu d’a gagazid’a
1 Jesus mi dazi ala: An ni guguzlu d’a gagazid’a, Abun ni sama ngomotna. 2 Abo ma lara pî ma nga atana, le nga mi vut tuo ni, mam mba mi kam mbeyo. Abo ma nga mi vutna, mam nga mi tchawam abom mbeyo, kayam mi hulong mi vut vut ta kala. 3 Kayam hat ta an had’agid’a, agi mbud’ugi wa suma memetna. 4 Kagagi zlapa tu ki sed’enu, an mba kak kurugi mi. Abo guguzlud’a ndak á vut yam tat ti, mbeî nata abuwad’u. Hina mi, agi le kagagi zlapa tu ki sed’en nduo ni, agi ndak á vud’ugi d’uo mi.
5 An ni guguzlud’a, agi nabona. Sama nga kaka zlapa tu ki sed’ena, an nga kurum mi. Hina wani, mba mi vut ngola, kayam bei an ba ni, agi ndak á lagi va yam tagi d’i. 6 Le sama nga kaka zlapa tu ki sed’en nduo ni, Abun mba mi gum mbei d’igi a gabo guguzlud’a woi na, mba mi so woi mi. Bugola, a togomu, a tchugum aduk akud’a, a ngalam mbeyo. 7 Le agi nga kaka zlapa tu ki sed’enu, le zla manda nga kaka kurugi mi ni, agi tchenegi ni me pî ma agi minigizi abo Abuna, agi mba fagiziya. 8 Le agi nga vud’ugi ngola ni, agi mba suburugi Abunu. Hina, agi mba tagagi woi ala agi ni man suma hata. 9 D’igi Abun mi le kan na, an nga ni le kagi na mi. Ar agi kagagi kur o manda. 10 Le agi nga ngomogi vun man ma hed’a ni, agi mba kagagi kur o manda, d’igi an ngom vun ma hed’a hAbuna na, an nga kaka kur o mamba na mi.
11 An dagi ahle ndazina kayam agi lagi furîd’a kanu, kayam furî magid’a ndak memet mi. 12 Wana ni vun man ma hed’a: Ar agi lagi yam tagi d’igi an le kagi na mi. 13 Le sana mi he tam mbei yam buniyôma ni, o d’a ngol la kal ndata nga d’i. 14 Le agi nga lagi ahle suma an hagi vuna kazina ni, agi ni buniyôn suma kokodjona. 15 An dok yagi azungeîna d’uo d’a, kayam azongâ nga mi we vama salama mi luma d’i. Wani an yagi buniyôn suma kokodjona, kayam ahlena pet suma an humuzï avun Abuna, an tagagiziya wa. 16 Ni agi ba, manan ndi, wani ni an ba ni managi ni tinigiya, kayam agi i vud’ugiya, vut magid’a ti i avogovok mi. Hina wani, vama lara pî ma agi tchenegi Abun kam ki simiyêna, mam mba hagiziya. 17 Wana ni vama an hagi vuna kama: Agi lagi yam tagiya.
Suma kur duniyad’ina a nga noî Christ ki sum mama woyo
18 Jesus mi dazi kua ala: Le suma kur duniyad’ina a noyôgiya ni, agi wagi ala a noyôn an adjewe. 19 Ladjï agi ni suma hi duniyad’ina ni, suma kur duniyad’ina a mba le kagi d’igi sum matna na. Wani agi ni suma hi duniyad’ina d’i, kayam an managi woi aduk sum matna. Kayam ndata, suma kur duniyad’ina a nga noyôgiya. 20 Agi djib’eregi yam zla d’a an dagizid’a ala: Azongâ nga mi kal salama d’uo d’a. Le azi djobon vunanu ni, a mba djobogi vunagi hina mi. Le azi ngom zla manda ni, a mba ngom zla magid’a mi. 21 Wani a mba lagi ahle ndazina pet kayam anu, kayam azi we nga mam ma sununïna d’i. 22 Ladjï an mba á dazi zlad’a d’uo ni, azi nga ki tchod’a d’i, wani ki tchetchemba, azi nga ki vun ma tinda yam tcho mazid’a d’uo d’a. 23 Sama noyôna, mi noî nAbun mi. 24 Ladjï an le sun nda sama ding mi ndak á lat tuo d’a adigazi d’uo ni, azi nga ki tchod’a d’i, wani ki tchetchemba, azi wad’u, azi noyôn ndei kAbun djak. 25 Azi le hina kayam zla d’a a b’irit kur mbaktum mazi d’a gata ala: A noyôn ni hawa d’aru d’a ndak memet.
26 Ma ndjun ma an mba ni sunugizï gen Abuna, nala, Muzuk ma tak gagazid’a hAlonid’a woina, mba mi mba. Mba mi tcholï gen Abunu, mba mi le glangâsâ kanu. 27 Agi mba lagi glangâsâ kan mi, kayam agi nga ki sed’en ni kad’u tinda dei.
Jesus ni guguzlu d’a gagazid’a
1 Jesus mi dazi ala: An ni guguzlu d’a gagazid’a, Abun ni sama ngomotna. 2 Abo ma lara pî ma nga atana, le nga mi vut tuo ni, mam mba mi kam mbeyo. Abo ma nga mi vutna, mam nga mi tchawam abom mbeyo, kayam mi hulong mi vut vut ta kala. 3 Kayam hat ta an had’agid’a, agi mbud’ugi wa suma memetna. 4 Kagagi zlapa tu ki sed’enu, an mba kak kurugi mi. Abo guguzlud’a ndak á vut yam tat ti, mbeî nata abuwad’u. Hina mi, agi le kagagi zlapa tu ki sed’en nduo ni, agi ndak á vud’ugi d’uo mi.
5 An ni guguzlud’a, agi nabona. Sama nga kaka zlapa tu ki sed’ena, an nga kurum mi. Hina wani, mba mi vut ngola, kayam bei an ba ni, agi ndak á lagi va yam tagi d’i. 6 Le sama nga kaka zlapa tu ki sed’en nduo ni, Abun mba mi gum mbei d’igi a gabo guguzlud’a woi na, mba mi so woi mi. Bugola, a togomu, a tchugum aduk akud’a, a ngalam mbeyo. 7 Le agi nga kaka zlapa tu ki sed’enu, le zla manda nga kaka kurugi mi ni, agi tchenegi ni me pî ma agi minigizi abo Abuna, agi mba fagiziya. 8 Le agi nga vud’ugi ngola ni, agi mba suburugi Abunu. Hina, agi mba tagagi woi ala agi ni man suma hata. 9 D’igi Abun mi le kan na, an nga ni le kagi na mi. Ar agi kagagi kur o manda. 10 Le agi nga ngomogi vun man ma hed’a ni, agi mba kagagi kur o manda, d’igi an ngom vun ma hed’a hAbuna na, an nga kaka kur o mamba na mi.
11 An dagi ahle ndazina kayam agi lagi furîd’a kanu, kayam furî magid’a ndak memet mi. 12 Wana ni vun man ma hed’a: Ar agi lagi yam tagi d’igi an le kagi na mi. 13 Le sana mi he tam mbei yam buniyôma ni, o d’a ngol la kal ndata nga d’i. 14 Le agi nga lagi ahle suma an hagi vuna kazina ni, agi ni buniyôn suma kokodjona. 15 An dok yagi azungeîna d’uo d’a, kayam azongâ nga mi we vama salama mi luma d’i. Wani an yagi buniyôn suma kokodjona, kayam ahlena pet suma an humuzï avun Abuna, an tagagiziya wa. 16 Ni agi ba, manan ndi, wani ni an ba ni managi ni tinigiya, kayam agi i vud’ugiya, vut magid’a ti i avogovok mi. Hina wani, vama lara pî ma agi tchenegi Abun kam ki simiyêna, mam mba hagiziya. 17 Wana ni vama an hagi vuna kama: Agi lagi yam tagiya.
Suma kur duniyad’ina a nga noî Christ ki sum mama woyo
18 Jesus mi dazi kua ala: Le suma kur duniyad’ina a noyôgiya ni, agi wagi ala a noyôn an adjewe. 19 Ladjï agi ni suma hi duniyad’ina ni, suma kur duniyad’ina a mba le kagi d’igi sum matna na. Wani agi ni suma hi duniyad’ina d’i, kayam an managi woi aduk sum matna. Kayam ndata, suma kur duniyad’ina a nga noyôgiya. 20 Agi djib’eregi yam zla d’a an dagizid’a ala: Azongâ nga mi kal salama d’uo d’a. Le azi djobon vunanu ni, a mba djobogi vunagi hina mi. Le azi ngom zla manda ni, a mba ngom zla magid’a mi. 21 Wani a mba lagi ahle ndazina pet kayam anu, kayam azi we nga mam ma sununïna d’i. 22 Ladjï an mba á dazi zlad’a d’uo ni, azi nga ki tchod’a d’i, wani ki tchetchemba, azi nga ki vun ma tinda yam tcho mazid’a d’uo d’a. 23 Sama noyôna, mi noî nAbun mi. 24 Ladjï an le sun nda sama ding mi ndak á lat tuo d’a adigazi d’uo ni, azi nga ki tchod’a d’i, wani ki tchetchemba, azi wad’u, azi noyôn ndei kAbun djak. 25 Azi le hina kayam zla d’a a b’irit kur mbaktum mazi d’a gata ala: A noyôn ni hawa d’aru d’a ndak memet.
26 Ma ndjun ma an mba ni sunugizï gen Abuna, nala, Muzuk ma tak gagazid’a hAlonid’a woina, mba mi mba. Mba mi tcholï gen Abunu, mba mi le glangâsâ kanu. 27 Agi mba lagi glangâsâ kan mi, kayam agi nga ki sed’en ni kad’u tinda dei.
